Sawou d' aiwe
Li sawou d' aiwe [1] (on dit eto : rodje suzon [2], bwès d' leu [3]), c' est on bouxhon avou des belès rodjès petches, mins ki les oujheas n' aduzèt nén.
No e sincieus latén : Viburnum opulus
Alez s' vey e splitchant motî po des linwincieusès racsegnes so les mots "sawou", "suzon" et "bwès d' leu".
Discrijhaedje del plante
C' est on bouxhon 2 a 3 metes hôt.
Li fleur est blanke (e moes d' may et djun el Walonreye). Ele pindèt e-n ene pekêye, come les cenes do sawri.
Les petches sont rodjes et bén rilujhantes, et capinde sifwaitmint. Ele sont maweures après les cenes do sawou, dj' ô bén e moes d' octôbe. Portant, les moxhons, ni les dmorants ni les cis d' passaedje, ni vegnnut après.
Biyonaxhes
Li sawou d' aiwe vént dins les frexhs bwès.
On l' plante cobén dins les djårdéns.
Uzaedjes
On l' pout magnî et fé des djelêyes avou. Mins i n' è fåt nén magnî dtrop, ca adon, i fwait rvômi et dene li schite. [4]
Sourdants et pî-notes
- ↑ Live so les plantes da Boxus, l° 1086 (sayu-d'êwe); gn a eto come nos dins l' minme live : blanc-pwin (l° 77); bole-di-nive (l° 99); môzane (l° 604).
- ↑ temon d' Åbî, ås scoles di Bive, e moes d' octôbe 2008.
- ↑ Franwal di Nameur à « viorne ».
- ↑ Sol Wiki e-n inglès.
-
Fleurs -
Petches
