电磁学

闪电是一种勒两带电区域之间传播个静电放电现象。

圓偏振个电磁波辐射当中，电场矢量跟牢仔辰光个变化

电磁学是研究电磁相互作用个学问，是物理学个一个分支。电磁相互作用是自然界当中四种基本相互作用之一。电学搭仔磁学密切相关，广义浪向讲电磁学包含个两门学问，狭义浪向讲电磁学是研究电搭磁之间关系个学科。电磁作用通常个表现有得电磁场、电场、磁场搭仔光。电磁相互作用是自然界当中四种基本相互作用之一，另外三种相互作用是强相互作用、弱相互作用搭引力。

电磁力在拉我伲日常生活当中交关物质个内部性质当中发挥仔主要个作用。譬方物质里向各个分子之间个分子间相互作用，就有得电磁力。在拉原子内部，电子畀束缚在许原子核周围，原子搭原子之间因为电磁力咾形成功仔分子。化学反应从分子之间个相邻个原子之间个相互作用产生，迭个也是电磁力个作用。