基因編輯嬰兒事體
基因編輯嬰兒事體，指个是中國南方科技大學生物系副教授賀建奎搭仔伊團隊來勒2018年利用基因編輯技術，改造一對雙胞胎小毛頭胚胎細胞个CCR5基因，嘗試讓嬰兒獲得對部分艾滋病產生免疫能力个爭議性事體。
箇樁研究最先來勒2018年11月25號由賀建奎團隊用視頻形式公佈[1]並接受美聯社个專訪[2]。11月26號，人民網表示賀建奎个做法是中國个基因編輯技術來勒疾病預防領域丄實現歷史性突破[3][1]，一時三刻引發爭議，科學界搭社會吵唻弗可開交[4][5]，因為基因編輯嬰兒本身涉及還嘸沒解決个倫理搭技術問題[6][7]。人民網隨後拿箇隻表揚个新聞刪除脫，並發出一篇批評賀建奎个社評[8]。戴維·巴爾的摩代表第二屆人類基因組編輯國際峰會組委會發布聲明，表示譴責，呼籲制定嚴格標準[9]。中國科技部來勒第二天宣佈暫停賀建奎个科研活動，中國國家衛健委、廣東省人民政府、深圳市人民政府就箇樁事件調查[10]。
2018年12月6號，國務院總理李克強主持國家科技領導小組會議个辰光特別提到「嚴肅查處違背科研道德和倫理的不端行為」[11]。2019年1月21號，廣東省調查組公布事件初步調查結果，定性是賀建奎為咾追逐個人名利，自籌資金，逃避監管，私自組織有關人員，實施國家明令禁止个以生殖為目的個人類胚胎基因編輯活動，表示會得對賀建奎等涉事人員機構依法依規嚴肅處理。6月10號，國務院總理李克強簽署國務院令，公布《中華人民共和國人類遺傳資源管理條例》[12]。
2019年12月30號，基因編輯嬰兒事件在來勒[深圳市]]南山區人民法院一審公開宣判，賀建奎因為非法行醫罪畀判有期徒刑三年，處罰金人民幣三百萬元[13]。
參考
[編輯]- ↑ 1.0 1.1 "基因編輯：中國科學家賀建奎引爆倫理爭議". 2018-11-26. Retrieved 2018-11-29.
- ↑ Chinese researcher claims first gene-edited babies (en). 美聯社 (2018-11-26).
- ↑ 世界首例免疫艾滋病的基因編輯嬰兒在中國誕生. 訪問日腳2018-11-26.
- ↑ 鄭翠碧 (2018-11-26). "【基因改造嬰】涉事內地教授遭大學停職 周三將如期到港大演講". Retrieved 2018-11-29.
- ↑ "賀建奎基因編輯爭議不止 基因峰會發布嚴肅聲明". 2018-11-29. Retrieved 2018-11-29.
- ↑ "深圳學者修改嬰兒基因 香港須從嚴把關生物科技研究". 2018-11-27. Retrieved 2018-11-29.
- ↑ "基因改造嬰-一文睇清-賀建奎研究基因編輯愛滋免疫孖女由來". 2018-11-28. Retrieved 2018-11-29.
- ↑ "人類基因編輯：科技發展不能把倫理留在身後". 2018-11-29. Retrieved 2018-11-29.
- ↑ "基因峰會發布聲明：賀項目存缺陷 不應臨床試驗". 2018-11-29. Retrieved 2018-11-30.
- ↑ "基因改造嬰兒引爆倫理爭議 賀建奎明在港演講". 2018-11-27. Retrieved 2018-11-29.
- ↑ "李克強：嚴肅查處違科研道德和倫理的不端行為". 2018-12-07. Retrieved 2018-12-08.
- ↑ 新華社 (2019-06-10). "李克強簽署國務院令 公布《中華人民共和國人類遺傳資源管理條例》" (in zh-cn). 中國政府網.
- ↑ 「基因編輯嬰兒」案一審宣判 賀建奎等三被告人被追究刑事責任. 原始文檔勒2019-12-30存檔. 訪問日腳2024-11-05.
外部鏈接
[編輯]- 賀建奎實驗室基因編輯項目介紹：南方科技大學／基因編輯嬰兒事體 於 YouTube／Template:Youku
- 美國國家科學、工程與醫學學院：第二屆國際人類基因組編輯峰會檔案，存勒互聯網檔案館當中。（2020年2月7號）（賀建奎的演講檔案，存勒互聯網檔案館當中。（2020年11月11號））