सूचीकृत कम्पनीका पदाधिकारीहरुको सेयर १५ दिनभित्र रोक्का गर्न निर्देशन

मुख्य समाचार

गृहपृष्ठ
मुख्य समाचार

सूचीकृत कम्पनीका पदाधिकारीहरुको सेयर १५ दिनभित्र रोक्का गर्न निर्देशन

क्यापिटल नेपालबुधबार, मंसिर २८, २०७९

काठमाडौं। नेपाल स्टक एक्सचेञ्ज (नेप्से)ले सूचीकृत कम्पनीहरुलाई कम्पनीका पदाधिकारीहरुको सेयर रोक्का राख्न निर्देशन दिएकाे छ। नेप्सेले बुधबार सूचना जारी गर्दै कम्पनीका पदाधिकारीहरूको सेयर १५ दिनभित्र रोक्का राख्न निर्देशन दिएकाे हाे।

नेप्सेले सूचीकृत कम्पनीहरुलाई संगठित संस्थासँग आवद्ध भएका पदाधिकारीको सम्बन्धित सूचीकृत कम्पनीमा भएको सेयर सीडीएस एण्ड क्लियरिङ्ग लिमिटेडमा १५ दिन भित्र सेयर कारोबार रोक्का राख्न भनेको हो।

धितोपत्र दर्ता तथा निष्कासन नियमावली २०७९ को नियम ३८(१क) अनुसार संगठित संस्थाको सञ्चालक, कार्यकारी प्रमुख, लेखापरिक्षक, कम्पनी सचिव वा संगठित संस्थाको व्यवस्थापन वा लेखा कार्यरत पदाधिकारी वा त्यस्तो पदबाट अवकास प्राप्त गरेको एक वर्षसम्म सेयर खरिद बिक्री गर्न नपाउने व्यवस्था छ।

साथै, संगठित संस्था वा त्यसको सहायक कम्पनीको धितोपत्र आफ्नो परिवारको सदस्य वा अन्य कुनै व्यक्ति वा त्यस्ता व्याक्तिको नियन्त्रमा रहेको फर्म, कम्पनी वा संस्थाको नाममा वा अन्य व्यक्तिलाई खरिद बिक्री गराउन वा हस्तान्तरण गर्न वा लेनदेन गर्न नपाउने व्यवस्था रहेको नेप्सेले जनाएको छ।

सोही व्यवस्था अनुसार नेप्सेमा सूचीकृत कम्पनीले उल्लेखित पदाधिकारीहरुको सूचीकृत सेयर सिडिएस एण्ड क्लियरिङमा नियमावलीमा रोक्का गर्न पर्नेछ।