Evan Ferguson, leikmaður Brighton, gæti verið að semja við óvænt félag en frá þessu greinir Sky Sports.
Marc McAdam hjá Sky Sports greinir frá því að Ferguson sé á óskalista þýsku meistarana í Bayer Leverkusen.
Ferguson er í dag orðaður við fjölmörg lið í Evrópu og þar á meðal Arsenal en hann gæti vel verið á förum í janúarglugganum.
Ferguson er ekki jafn mikilvægur Brighton í dag og hann var fyrir um ári síðan og hefur spilað 12 deildarleiki á tímabilinu.
Írinn hefur hins vegar aðeins skorað eitt mark og er talinn vilja komast í nýtt umhverfi sem gæti hjálpað hans leik á velli.
Ferguson er aðeins 20 ára gamall og myndi líklega kosta yfir 45 milljónir punda í þessum glugga.
