‘OP ’N verhoog is daar ’n sogenaamde vierde muur – dit verwys na die skeiding tussen die gehoor en die kunstenaar.
In ’n teater weet mense hulle moenie die lyn oorsteek nie, want daar is jy die toeskouer.
Maar met die huiskonserte word daardie lyn dowwer, die wêrelde vermeng. Mense weet nie altyd wat deel van die toneelstuk is en wat nié.
Hulle wonder: “Praat sy nou met my?”
Dís wanneer fiksie realiteit herken – as jy deur daardie muur breek.
Dink maar aan iets soos ’n intieme dans, dis baie onvoorspelbaar. En dit is wat ek love.
Dit het alles in 2021 begin, ná covid. Daar was nie werk vir my as teateraktrise nie. Daar het niks gebeur nie.
Ek het ’n vriendin, haar naam is Nicolene Burger, wat performance art doen. Ek
