ແຂວງ ຫຼວງນໍ້າທາ ຕັ້ງຢູ່ທິດຕາເວັນຕົກສຽງເໜືອ ຂອງ ສປປ ລາວ ມີຊາຍແດນຕິດກັບ ສປ ຈີນ ຍາວ 153 ກິໂລແມັດ ຕິດກັບສະຫະພາບ ມຽນມາ 130 ກິໂລແມັດ, ຕິດກັບແຂວງອຸດົມໄຊ ແລະ ແຂວງບໍ່ແກ້ວ.
ອີງຕາມຂໍ້ມູນຈາກພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວແຂວງ ໃຫ້ຮູ້ວ່າ: ແຂວງຫຼວງນໍ້າທາ ປະກອບມີ: 17 ເຜົ່າ ທີ່ມີວິຖີການດຳລົງຊີວິດ ແລະ ວັດທະນະທຳທີ່ຫຼຫາກຫຼາຍ. ມື້ນີ້ ຈະພາບັນດາທ່ານມາຮູ້ຈັກກັບ 17 ຊົນເຜົ່າດັ່ງກ່າວໄວ້ກ່ອນ ເພື່ອຈະເປັນພື້ນຖານໃນການສຳພັດຕົວຈິງຂອງບັນດາທ່ານ. ເຊັ່ນ: ເຜົ່າກຶມມຸ ປະກອບມີ: ກຸມມຶອູ, ຍວນ, ລື້, ຣອກ, ແຄວນ ແລະ ກຸ່ມມຶເຈືອງ. ເຜົ່າສາມຕ້າວ ມີຈໍານວນກວມ 0,99% ຂອງພົນລະເມືອງພາຍໃນແຂວງ, ສ່ວນຫຼາຍຕັ້ງຖິ່ນຖານຢູ່ເມືອງວຽງພູຄາ. ເຜົ່າສີດາ ຫຼື ສີລາ ມີຈໍານວນກວມ 032% ຂອງພົນລະເມືອງພາຍໃນແຂວງ, ເຜົ່າຍວນ, ເຜົ່າໄຕ ປະກອບມີ: ໄຕດຳ ແລະ ໄຕແດງ, ເຜົ່າໄຕເໜືອ, ເຜົ່າບິດ, ເຜົ່າພູນ້ອຍ, ເຜົ່າມົ້ງ, ປະກອບມີ: ເຜົ່າຂາວ, ເຜົ່າດໍາ ແລະ ເຜົ່າລາຍ. ເຜົ່າຢັ້ງ, ເຜົ່າລາວ, ເຜົ່າລື ປະກອບມີ: ລື້ຂືນ ແລະ ລື້ອູ. ເຜົ່າລະເມດ, ເຜົ່າຫາຫູ ປະກອບມີ: ຫລາຫູນະ, ລາຫູຊົງ, ລາຫູປຸ, ລາຫູຫຼວງ. ເຜົ່າຫໍ້ ປະກອບມີ: ຫໍ້ໂລໂລ. ເຜົ່າອາຄາ ຫຼື ອີກໍ ແລະ ເຜົ່າອິວມຽນ ປະກອບມີ: ແລນແຕນ ແລະ ຢ້າວ. ສຳລັບ ການດຳລົງຊີວິດຂອງເຂົາເຈົ້າແມ່ນມີຄວາມແຕກຕ່າງກັນ ເຊັ່ນ: ການຕັ້ງຖິ່ນຖານ ບາງເຜົ່າ ຕັ້ງຖິ່ນຖານຢູ່ຕາມເປີ້ນພູ, ຮ່ອມພູ ແລະ ທົ່ງພຽງ. ພື້ນຖານເສດຖະກິດ ແລະ ການຜະລິດ ແມ່ນ: ເຮັດໄຮ່, ເຮັດນາປູກເຂົ້າ, ປູກພືດກະສິກໍາເປັນສິນຄ້າ.
Editor: ດາວໄຊ ສີວິໄລ
