«La sanadad da l’internet e da la vita online – quai è nossa raschun d’exister.»
Mitchell Baker, Executive Chair of the Board, Mozilla Foundation
Mozilla creescha products che respectan la sfera privata
-
Navigaziun discreta e segira
-
Ils artitgels ils pli interessants en il web
-
Identifitgescha recensiuns sfalsifitgadas cun far cumpras
-
Zuppenta tes numer da telefon e tia adressa dad e-mail da distributurs dad e-mails nungiavischads
-
In VPN dal qual ti pos ta fidar
-
Protegia tias datas privatas da negoziants da datas
«Mozilla s’engascha per mussar al mund ch’i dat in potenzial economic cun intelligenza artifiziala fidabla. Quai vul era dir, da metter ils dretgs umans, la protecziun da datas e la transparenza en il center dal funcziunament da quests sistems cumplexs.»
Politico
Ans gida a crear in’intelligenza artifiziala fidabla
La lavur da Mozilla cun l’IA n’è nagina novitad – durant onns avain nus investì en la finanziaziun, il svilup e l’engaschi per in’intelligenza artifiziala ch’è averta, faira e sviluppada a moda responsabla. Nus ans focussain sin la creaziun dad IA che serva a las persunas, dat la prioritad a la transparenza e contribuescha al bainesser da tuts, betg a las finamiras da concerns.
Ulteriuras infurmaziuns
Tge è Mozilla pia?
Da princip è Mozilla in’organisaziun activistica, manada da la Mozilla Foundation ch’emprova da midar il mund cun agid da differentas interpresas, tranter auter Mozilla Corporation, MZLA, Mozilla Ventures e Mozilla AI. Tge ans differenziescha dals auters? Il fatg che nus ans engaschain per in’idea, signifitga che nus avain la libertad da prender tut nossas decisiuns a basa da la dumonda: tge è il meglier per l’internet e tut las persunas ch’èn online? E quai senza stuair resguardar giavischs dad acziunaris – nus n’avain numnadamain nagins acziunaris.
Ulteriuras infurmaziuns davart Mozilla Foundation
Fa oz ina donaziun a Mozilla Foundation per garantir che l’internet restia avert ed accessibel a tuts.
Ta participescha al cumbat per in internet saun
Tia vusch. Tes code. Tias ideas. I dat effectivamain millis vias per tai da contribuir a Mozilla.
Collavurar cun MozillaIl di cura che nus avain regalà noss code da funtauna…
Il project Mozilla è vegnì fundà a San Francisco l’onn 1998 cura ch’il navigatur Netscape ha prendì la decisiun radicala da regalar ses code dal program a la publicitad per ch’el possia vegnir reutilisà e meglierà. Da lezzas uras aveva ina interpresa il monopol virtual da l’experientscha en l’internet.
A la fin è il project open-source Mozilla sa transfurmà en l’emprima versiun vaira populara da Firefox.
Oz cuntinuescha Mozilla cun ses engaschi per in meglier internet cun ina communitad da milliuns commembers activs en tut il mund che cumbattan per tecnologia etica, in’intelligenza artifiziala fidabla e la creaziun da products che resguardan la protecziun da datas e rinforzan la posiziun da las utilisadras ed ils utilisaders.
