Motto : Zir la. Tanpui la.

Humhim rawh

Theme :Pathian zarah huaitakin kan ti ang - Sam 108:13

ZIRLAITE KHAWNVAR
Vol. VII Issue No.14 An official organ of the Mizo Students` Association, Bangalore Sunday January 1. 2011

ZIRLAITE TUKVERH
#. KLE College-a LL.B. zirlaite chuan tunkar ni 3rd. Jan. atang hian Semester exam an nei tan dawn a. Tun thla vek ni 18 hian an zofel thei ang. #. Mt. Carmel College zirlaite pawhin January ni 5-9 chhung hian Internal exam an nei dawn. #. UVCE lam pawhin tunlai hian Laboratory exam an nei mek a. Tun thla ni 17 atang hian theory exam an nei tan ang a. Tun thla vek ni 27 hian an zofel thei ang. #. Hetihlai hian Khirstu Jayanti College lama UG ho chuan tunlai hian Krismas leh kumthar chawlh an hmang mek a. Tin, hemi College veka MCA zir ho chuan tun thla ni 3 atang hian Semster exam an nei tan ang. #. Sea School of Nursing a Mizo zirlaite chuan tun thla tawpa an Cllege-in Lamp lightning function an hmanna tur ah Mizo hnam lam entir an tum a. Tin, Sea School of Nursing-a Mizo zirlai vekte hian December ni 12 khan an College Fresher Social ah Mizo hnam lam Cheraw mawi takin an rawn pholang tawh bawk a. Hetianga Mizo hnam rohlu pholangtute hi MSA chuan a chhuang hle a ni. #. Jyoti Nivas College-a zirlaite pawhin naktuk, Jan ni 2 atang hian class an tan leh tawh dawn.

M.S.A. PRESIDENT IN LEHKHABU A RELEASE

Ni 29th. December 2011 (Thu) zan dar 6:30 khan kan member hlui Tv. Lalrothara Tlau lehkhabu A HAWLPHUM tih chu Pu Zoramchhana (Tv. Thara pa) Inah tlangzarh inkhawm neih a ni a. Hemi hunah hian mi 100 dawn vel lai an kalkhawm a. MSA Fund Rising i/c Secretary Nl. Blessy Sailo in hneh taka kaihruaiin BMA President Rev. Lalthlamuana`n hunserh a hmang bawk a. Tin, MSA President Tv. Lalramsanga`n lehkhabu hi release sakin Tv. K.Remruatfela`n Book Preview-na a nei bawk a. Tv. Fela chuan, He lehkhabu hi thu ngaihnawm satliah mai mai ni lovin philosophy ropui leh thuk tak inphumru, social issue pawimawh tak tak inchilhkhawmna a ni a. Tin, Lehkhabu dang aia he lehkhabu danglamna em em pakhat chu a bu chhung thu hi a bu chhungah hian a tawp ve mai lova. A chhunga thu inziak han chhiar zawh tawh vek hnuah pawh hian rilru ngaihtuahna chuan a ngaihtuah chhunzawmin a la chhiar zui neuh neuh a, suangtuahna khawvelah min chenzui tir veng veng thin zuk nia! tiin a bu chhung thu a tlip a. Chumi hnuah a ziaktuin lehkhabu a buatsaih dan chanchin tawi report a pe a. Heng zawng zawng tih zawh a nih hnuin Bangalore Mizo Kohhran (Presbyterian Church of India) Chairman Rev. L.H. Rawse`an Pathian hnenah Lehkhabu hlanna a nei leh a. Chumi zawhah Lal biakna sawi rualin tlangzarh inkhawm chu tihtawp a ni. Pu Zoramchhana (Tv. Thara pa) te chhung chuan kalkhawm mipui zawng zawngte zanriah tuihnai tak min hlui bawk a. Kan tlai hlawm hle. He lehkhabu A HAWLPHUM tih hi phek 100-a chhah niin thawnthu tawi entir leh zirtir nei tha tak tak 11 lawrkhawm a ni a. Rs 80/- man lek niin lei duh tan engtiklai pawhin Tv. Lalrothara Tlau (Mob. 9998224559) hnenah lei theih reng a ni e. Lehkha chhiar hian Hriatna a hring a. Chu Hriatna chuan Finna min pe a. A tawpah Mi Thiltitheiah mi a siam thin.

Kum 2011 chhunga Pathian kaihhruaina hnuaia Zirlaite Khawnvar Chanchinbu hian thu tha tak tak a chhuah thin avangin a lawmawm em em a. Kum thar lo awm leh turah pawh a hna tha tak a thawh chhunzawm zel theih nan duhsakna sang ber ka hlan e Mc Michael Mytea, KLE Kum

Published & Edited by K.Remruatfela on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, JANUARY 1, 2011. Editor : K.Remruatfela Mob. : 9036515569 Email:[email protected] Jt. Editor: David Lalrinliana Mob. : 8147702583 Eng nge an sawi ??? M.S.A. member te pawh kum a thar meuh chuan rilru leh ngaihtuahna thar an nei zut zut nghal mai a. Chung an intiamna leh kumthar atana an inhlannte chu lo chhiar ila : . @.Kumtharah chuan ka zirlai ti bahlah miah si lova a tam thei ang ber inkhawm ka tum ang. Zorama, Acharya Institution @. Kum 2012 lo thleng turah hian Holy Bible chhiar chhuah ka tum a. Hman atanga ka lo invawnna leh zuk leh hmuan leh ruihhlo reng reng ti lo turin ka intiam nawn leh e. A tawpna berah chuan ka zirna leh nunkawng reng rengah miten Pathian hmel an hmuh theih nan a tam thei ang ber tawngtai ka tum bawk ang Lalrinawmi, Hillside Group of Institution @. Kumthar chu tha taka bul tan ka tum ang a. A tawp tha taka ka zawh theih nan Pathian hnena inhlan chungin hun hman ka tum ang Tetei, Sea School of Nursing
Tualchhung News : #. Bangalore Mizoten harsatna leh buaina awm lovin Krismas hlim takin kan hmangtlang thei niin a lang a. BMCF lam UTC ah inkhawm neiin dar 11am ah inkhawm hun hmasa an hmang a. Chhun dar 1:00 ah ruai thehin chumi hnuin fellowship an nei a. Tin, zan dar 6:00 Pathian biak inkhawm nei lehin Zan dar 7:30 ah ruai an theh a ni. Zai boruak pawh a tha hle a ni awm e. Chutih laiin, BMK lam chuan Vishranti Nilayam, Infantry road ah hmang ve thungin tlai dar 2:00 ah ruai hmasa an theh a. Tin, tlai dar 4:00 ah Pathian biak inkhawm neiin chumi hnuah zaikhawmin a zui a. Zan dar 7:30 velah bawk ruai an kilho leh a ni. #. Bangalore Mizo Kohhran (Presbyterian Church of India) chu Pathian hruaina azarah chak takin a kal chho mek a. Thla hmasa Synod inkhawmpui chuan a rang thei ang bera Pastor nghet rawn dah a tiam a. Tin, zirlaite enkawlnan Social Front Commitee din tharin, he committee hian a tul anga Zirlaite buaipui mai bakah khawtlang nun siamthat hna a thawk tel nghal dawn bawk a. Tin, hei mai bakah hian thalaiten rawngbawlna zau zawk an neih theih nan Kristian Thalai Pawl (KTP) pawh an dinthar bawk a ni. KTP OFFICE BEARER (OB) THARTE : Leader : Tv. Lalhriatkima, UTC Asst. Leader : Tv. Lalrama Secretary : Tv. K.Remruatfela, KLE Law College Asst. Secretary : Tv. J.C. Rochangliana, UVCE Treasurer : Nl. Lalchhanhimi, UTC Fin. Secretary : Nl. Lalchhuanmawii

Editorial:
KUM A THAR E
Hla phuah thiam Rokunga`n Hunte an inherliam zel a, lei pangpar mawite an chuai thin ti-a hla thu ril tak a lo phuhchhuak tawh ang khan mihring kum chhiar dana hunbi te chu a inthlak danglam zel a. Mihring ten hunbi kan chhiar dan anga teh chuan nizan dar 12 Second 1-a a han pelh chiah khan he lei hringfa zawng zawngte hi rahbi pakhatin kan kum a lo pung sawt ta. Sap thufinga, A good beginning is a half ending tih a ni angin kan thil tih kawng engkimah bul tan that hi a pawimawh em em a. Thenkhat mi kherkhiap deuhte phei chuan kum bul kan tannaa kan awm dan hian kumtluana kan awm dan tur a hril a ni an ti hial mai. Chuti taka miten bul tan that hi an lo ngaih pawimawh avang hian keini MSA member te pawh hian he kumbul hi hi fimkhur taka kan hman thiam a pawimawh em em a ni. Chuvangin, he kum thar lo thleng hian kan nunah rilru thar min pe se la. Kuminah chuan nikum aiin engti kawng zawng emaw tal chuan hmasawnna kawng ka zawng dawn a ni tiin rilru insiam thar theuh ang u. MSA member leh Zirlaite Khawnvar chhiartu zawng zawngte Ziraite Khawnvar Editorial Board aiawhin kumthar chibai ka buk vek a che u. Ka hunte nangin i vawng a, Ka hun zawng i ruat a ni; He kumthar hi, Aw Pathian, malsawm ang che.

Kan Chanchinbu hi Pi Angela Sailo te unauin an nu Pi Lalbiaksangi Sailo hriatreng nan min sponsar sak a ni a, an chungah kan lawm tak zet a ni.

Published & Edited by K.Remruatfela on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, JANUARY 1, 2011.

ZIAKMI MIRIL
(William Shakespeare - Father of Arts)
Thu leh hla thiam hmingthang, khawvel pawhin Father of Arts an tih hial Willliam Shakespeare hi a sakhming ringawt hi chu kan beng hriatah a mikhuallo hle ang a. Amaherawhchu, a chanchin hre ziktluak tak erawh chu kan vang viau mai thei. Chumi a nih avang chuan MSA member te, a bik takin Arts zirlaite tan a chanchin tlem azawng ka rawn chilphuan ve ang e. William Shakespear hi kum 1564 ah a piang a. A pa chu savun siamna hmuna thawk ni.A naupan laiin kohhran sikulah lehkha a zir thin a. Amaherawhchu, lehkha zir aiin ramvah nuam a ti zawk tlat a. Sikul pawh a kal mumal ta lo. Chhungkaw khawsa thei taka seilian chho a nih lem loh avangin an chhungkaw tan thahnem a ngai thei em em a. Chuvangin, lemchan ziakah a tang nasa a, lam a thiam bawka mi a chawk hlim thei hle. Lemchan lama tui mi a nih avangin mipui hmaah pawh lem a chang fo va. Amah ngeiin lemchan thawnthu a ziah ve hnuah pawh a changtua chang a chak viau thin a, chan pawh a chang thiam viau a ni awm e. A lemchan thawnthu ziak As You like it tih a Adama lema chan leh Hamlet tiha Thlaraua chan chu a chuh tlat thin an ti. Shakespear-a thuziak reng reng hi mite ngaihhlut a hlawh viau zel a. Kum 1592-a a ziah Tihsualna liantham tih leh sonnet hla pahnih phei chu kum rei lo te chhungin vawi kua lai an chhu nawn a ni awm e. A lemchan ziaka lar deuh deuh te chu - As You like it, The taming of the shrew, The merchant of venice, Hamlet leh Julius Ceaser te an ni. Hla lamah pawh a veikhawr lo hle mai. A hla phuah reng reng chu mite ngaihhlut a hlawh viau zel a ni. Hla ropui tak tak pahnih Venus & Adonis tih leh The rape of Lucrece tih hla a phuah a. Hei vang hian a mite hriat pawh a hlawh phah viau. Heng bakah tlar 14 nei hla, Sonnetan tih ang chi hi 154 lai a phuah bawk. Shakespear-a lemchan thawnthute hi khawvelah a darhchhuak viau tawh a. Ram hrang hrangin anmahni tawng an lehlin tawh mai bakah zirlaibuah te an lo telh hlawm bawk a. Hei vang hian Shakespear-a hi thangtharte thinlungah a la lar chho telh telh dawn niin a lang. A thuziahte hi literature zirnana thil pawimawh em em a ni zel a, tu emaw hmanga a lemchan thufing leh mawi taka a rawn tarchhuahte hi thufing a lo tling zel mai. Chuta tang chuan mi tam takin khawvel hmachhawn dan tur an thlir a, an lo inzir var phah thin a ni. Shakespear-a hi English ho hian an lo ngaisang hle a niang, Thu leh hla kungpui Thomas Carlye-a pawhin kum 1840-a Edinburg University-ah Shakespear-a England tan a ngaihhlutzia a sawi tumin, India ram leh a chhunga hausakna zawng zawng nge in thlan ang, Shakespeara? tiin zawhna a phuh chhuak hial mai. xox Shakespeare - the nearest thing in incarnation to the eye of God Laurence Olivier

M.S.A. MEMBER DINHMUN 1. K.L.E. College 2. Mandya Mizo 3. Dr. AIT 4. Krupanidhi 5. UVCE 6. Mysore Mizo 7. Darshan College 8. St. Joseph College 9. Vyedehi College 10. St. Philomenas Nursing 11. Jyoti Nivas College 12. Mt. Carmel College 13. Sea School of Nursing 14. Chirst University 15. RR Institute of Technology 16. Khirstu Jayanti College 17. SAIACS 18. IIHT 19. Al Ameen Art & Science 20. SGR College of Nursing 21. Hosmat College 22. RJS Management Studies 23. Oxford College of Nursing 24. Acts Academy 25. M.S. Ramaiah College 26. NIIT 27. The Javanagar 28. Indian Academy 29. IISC 30. Sampoona Academy 31. Vouge Institution 32. National Photography 33. St. Marathas College 34. Acharya Institution 35. IGNOU RC 36. Others TOTAL = 51 50 41 40 31 30 18 17 16 13 12 9 7 6 4 3 2 2 2 2 2 2 2 2 1 1 1 1 1 1 1 1 1 1 1 12 387

KUM THAR CHIBAI VEK U LE

Note : Bangalore ah hian Zofate hi 2000 dawn lai chu kan awm tawha chhut a ni a. Heng zingah a tam berte hi zirlai kan nih a rinawm. Chung zirlai zinga chhinchhiah theih chinah MSA member ni tawh mi 387 an awm a. Hemi let aia tam mah hi Zohnahthlak zirlai kan la awm rin a ni. Member la ni ve lo kan awm a nih chuan engtiklai pawhin Tv.K.Remruatfela hnenah a la inpekluh theih reng e. Zirlaiten i ngai pawimawh ang u.

Published & Edited by K.Remruatfela on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, JANUARY 1, 2011..

Thlirna : TEACH FOR INDIA (Website:www.teachforindia.org)

Ruatdiki Hmar III yr. BA, MOUNT CARMEL COLLEGE

Poetry huang :

A LINES ON IMITATION OF ANONY

Lalnunpuia, UVCE

Tunlai mizo thalaite tam zawkina kan buaina ber chu CAREER lam hi ani tlangpuia; tihtheih, zirtheih a tam em em a, mahse awareness hi a that tawk loh thin avangin kan duh ber pawh thlan thiam har ti hi kan tam ber a ni. Zir lama tui, nitin harasatna chi dang tam tak hmachhawn ngam, chhungril taka zirtirna lama tui mi, kum leh profession a peng chi ti reng atanga kal khawma thawk ho duh tan leh India rama tunlaia movement lar tan tak, COLLECTION OF PURE INTELLECTUALS AND POTENTIAL LEADERS OF THE NATION tih hial khawpa mi chhal ngam organisation i zawm ve duh anih chuan....TEACH FOR INDIA lo in hmelhriat ila. Teach for All movement expansion niin kum 2009 khan India ramah Teach for India chu tan a ni ve ta a .A zawm duh tan 2 year fellowship niin kum tin India ram chhung hmun hrang hrang atang leh ram pawn atang an fellowship zawm turin fellows an recruit a; he an fellows ho hian training thla hnih chhung an neih zawhah khawpui hrang hrang- Mumbai, New Delhi, Pune, Hyderabad, Chennai under resourced schools ah an dah a; teaching satliah ni loin INNOVATIVE, OUTSIDE THE BOX TEACHING model hmangin naupangte an zirtir tur a nia. He fellowship zawm chhung hian monthly stipend bakah housing allowance pawh a hranga pek thlap a ni. School naupang zirtirah hna atawp mai lova, Khawvel ram huapa quality education theh darh chu tum ber anih angin hna dang tam tak pawh a la awm zela. Hemi fellowship zawm tawh tan chuan zirna lamah leh hna lamah pawh kawng tamtak a in hawng nghal a. He organisation hian university tam tham tak nen tie-up a nei nuala, chung zinga a lar ho te chu-Harvard University, Columbia, Princeton, University of California, IIM Bangalore, IIT Delhi te an ni. Tin, employment lamah pawh company tam takin an support bakah an fellows te tan employment an pe thei zela; company lian zual te chu McKinseye, Axis Bank, ICICI,Bharat Petroleum Limited, Godrej, Akansha te an ni. Tin, internship ti duh tan pawn opportunities a awm zela, internship tih theihna lar jualte chu - McKinsey ,Teach for China,Teach for Malaysia, Teach First,Educo, Akansha te an ni. Achunga tarlan tawh chin khi chu fellowship zawm te tana kan hna tur leh nakinzela kan hmalam hun atana oppurtunities awm thei te ania, he organisation zawm tur chuan kawng tam tak pal tlang a ngai a.An selection neihna reng rengah professionals (young leh experience nei) an tam bera,undergraduate te chu below 20 percent anni tlangpui. Mi tu pawh 1976 hnulama piang tan a apply theih a ni.Teach for India chuan nakin hun atan thlengin an fellows te an pui zel bakah ram pum atanga kawng hrang hranga mi thiam, mi danglam, leadership potential nei, mi inpe leh ram tan Transformation thlen tum hamlaknaa tel thei tura thlan chhuah nih ringawt pawh malsawmna rohlu a ni ber a. Mizo ho zingah hria kan la tlem em em a; mahse kan tih theih zawng tak a ni. India ramah kawng tam takah kan thiamna a lanchhuah lain kawng tam takah hnunglamah kan la ding tlata, hmahruaitu ni thei turin kawng engkimah kan tel kim a tul. Chuvang chuan in tui lam zawng te anih chuan website tarlanah khan chhiar zau tur leh hmalak dan tur chiang takin a in tar e. Mizo tuna chinah kan la recrui tlo an tia, Pathian zarah mak takin min select ve ta hlawl a; a selection process chu ka thil paltlang tawh zinga la har ber, la challenging ber anih bakah a naupang ber pawl nih nen rirlu chu a kam thui ve khawp mai. Mizo te tana thil tih chi tak mai, kan theih zawng tak tur leh career choice tan pawha kawng inhawng zau tak a ni .Chumi bakah India ram leh khawvel puma tiang ang taka hmalaknaa Mizo thalai rual tel thei chu ni ila kan ram tan paw`n ava hmingthatthlak dawn tak em!!!

1. Natna tihbaiawm, Min kal tir rawh, Min tawrh tir suh, Muangchang natakin, Heihi i nihphung maw? Piallei min zal tir suh, Hmuh theih loh ramhuai, Min zuah lul rawh. 2. Tih theih reng ka nei lo, tawpna ka thleng ta, Min tina tur rengin maw i lo awm? Thim zinga tawm boin i lo kal a, Van kut chakin min kai la, Ka kawng ti eng la min chhuah rawh, Ka lungphu ti tawp la, Vaivut chu vaivutah le, 3. Ka tan engkim a tawp ta, Kumkhua atan a tawp ta, Ka tang fan ang, Ka thawk tawp thlengin, Hmelhma tihbaiawm, Ka hria a che, 4. Min kalsan rawh, Lalpa min tanpui rawh, Buainain ka khat zo ta, Ka tuarah vanpui a chim, Hmangaihnain min ti chau a, Huatnain min chawisang si, Engmah reng a awm ta lo. Note : Kum 1087 a Nobel Price For Literature dawngtu Joseph Bronsky chuan, Hla phuah hi mihringte thiltihtheih ropui ber a ni a lo ti a. He mihring theihnaa ropui ber hla thuril tak, rhyme inchawlhpawlh mawi tak mai Tv.Nunpuia`n min rawn hlui thei hi chhiartute tan a hlu chungchuang ngei e.

Published & Edited by K.Remruatfela on behalf of Mizo Student Association, Bangalore