BCM Special Days Programme 2013

Special Day Programme
A CHHUNGA THU AWM TE

Thuhmahruai- I Thuhmahruai- II (Inkhawm dan tur kalphung) Sl. 1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. Thupui Kumthar Ni Missionary Day Phar pual Pathian Ni Kristian Hospital Ni Education Sunday Missionary Thlen Champha Tumkau Pathian Ni Good Friday Easter Sunday Martarte Ni Harhna Thlen Champha KNP Day Buhfaitham Pathian Ni BKHP Day BMP Day Isua Van lawnni Baptist World Alliance Day Thlarau Thianghlim Thlen Ni Phek
19. 20. 21. 22. 23. 24. 25. 26. 27. 28. 29. 30 31. 32.
Kristian chhungkaw ni TKP Ramthim Ni Relief Sunday Missionary Sunday TKP Day Thlai Thar Hlan Ni Theological Education Sunday NEICC Day of Prayer Khawvel Sunday School Ni BWA Hmeichhe Tawngtairual Ni Rualbanlote Ni Bible Sunday Mission Buhthar Hlan Ni Krismas
THUHMAHRUAI I
Tun hma deuh kha chuan BCM Ni Pawimawh hman dan tur hi a tlachawpin a changtu Department lamin an siam a, bialah thawndarh a ni thin. Lehkha hmuhloh leh tlai palh a awm fo avangin Assembly rorelna chuan Ni Pawimawh te hi a bu a siam nise, kohhran ten a hun taka an hmuh theih nan buatsaih nise tiin a rel a. Chumi ang chuan kum engemawzat chu kan lo kal ve leh ta a, a lawmawm hle. BCM Assembly 2011 chuan Worship and Music Department a siam thar a, a tih tur zingah he Ni Pawimawh bu buatsaih hi a tel avangin Ni Pawimawh bu chu a buatsaih ta thin a ni. Ni Pawimawh thenkhat chu kohhran inkhawm hun pangngaia a inherchhuah loh avangin hman remlo te pawh a awm thei a, amaherawhchu, hun hmang theite chuan he lehkhabu-a mi ang hian hman hram hram tum nise a lawmawm hle ang. Kum 2013 atana Ni Pawimawh bu kan lo tichhuak leh thei ta hi a lawmawm hle. Kumdang aia danglamna tlem a awm. Ni Pawimawh pakhat tan zing leh zan siam ani lo va, hun khat zel hman tur a duan a ni. Tawngtairual tur anih chuan thupui pathum chauh dah zel a ni a, Ni
pawimawh anihna dah deuh vek anih bakah Bible chhiar tur pathum aia tlem lo dahin thusawitu puitu tur tlem dah a ni bawk. Kohhran hoten tangkai taka in hman theuh theih nan duhsakna ka hlan e.
Rev. R. Lalbiakliana Director Worship and Music Department
THUHMAHRUAI II INKHAWM DAN TUR KALPHUNG

Ni Pawimawha Pathian Chibai buk Inkhawm dan tur hi rualkhai taka kan hman theihna turin Inkhawm Programme kalphung tur (Order of Service), a hnuaia mi ang hian duan a ni. Heng bakah hian Tualchhung Kohhranin tul leh pawimawh an tihte a awm chuan an belh thei ang. A hnuaia order of service duan (model) ang zul zui hian a theih chinah chuan hman tum theuh nise a lawmawm hle ang. 1. Tanna (Pathian chibai buk tura sawmna) : Hruaitu 2. Hla sakho : Hruaitu in thlang se 3. Tawngtai : Hruaitu 4. Thupuan : Secretary 5. Special No. : Zaipawl/Group/Solo/Nauhlan etc 6. Thu chhiar : Ni Pawimawh Bu-a dah a nih chuan 7. Hla sakho : Thawhlawm lakkhawm leh hlanna 8. Thusawi : Thupui a awm chuan sawi nise 9. Hla sakho : Thusawitu in thlang se 10.Tawngtai/Malsawmna Hriattur pawimawhte: 1. BCM Assembly chuan inkhawmnaah hruaitu (Chairman ni lovin) awm se a tih hi zawn tum hram ni se. Inkhawm tan tura hruaitu a lo din veleh thudang/thunawi sawi lovin Pathian thu, Pathian chibai buk tura sawmna lam, Sam a mi te emaw chhiar tur. Thunawi sawiin inkhawm bul tan loh tur. Hei hi Call to Worship an ti thin.
Inkhawm hruaitu in thuchah sawi leh thil tul lova hun lak teuh hi kan bansan a tul em em. Kohhran hote leh a bik takin mikhual an awm chuan tha tak a lawm (welcome) tur a ni. 2. Hla sak tur hi tar a nih loh chuan hla hruaitute hrilh lawk tur. Hla hmasa ber hi ding chunga sak nise, Tawngtai hi mipui la din laiin emaw thu pawhin neih chhunzawm nise. Hla sak leh Tawngtai hi chu hruaitu tha tih angin a khawi zawk zawk pawh hi tih hmasak theih a ni. 3. Thupuang turin Secretary koh leh nise. Mi thenkhatin ziaktu tih an ching a, hei hi hman loh nise. Secretary tih mai tur. Secretary te chuan an thupuan tur chu uluk taka lo inbuatsaihin hun reilo deuh lak tum tur. Thupuan nana hun rei tak lak hian inkhawm boruak a tingui hma hle. Puan loh a pawilo thei turte chu pumpelh hram tum ila. 4. Special Number kan tih hian a huap zau hle. Nauhlan te pawh a huam thei ang. Zaipawl, Group, Solo leh thildangte pawh. 5. Thuchah chhiar hi a ti awm (entir nan:Missionary Day ah chuan Mission Committee member/hruaitu atangin) an awm chuan chhiar tir nise, a remchan chuan hmeichhia, awfiah deuh leh lehkha chhiar thiam deuh hman ni thei se.
6. Thawhlawm lakkhawm laia hla kan sak hi thu chunga tih a, thawhlawm hlan laia din hi a tha hle. Thawhlawm hlan hi mimal emaw Tawngtairual pawhin tih theih a ni. Tawngtairual a nih chuan a tawpna siam turin hruaitu emaw midang pawhin hman nise. 7. Thusawitu chuan thuhmahruai leh thil tul lo, mahni inbuatsaih dan tha tawklo tih velte sawi loh ni se. Bible chhiar emaw thusawiin tan hmiah tur. Bible hi tam tak leh sei pui pui chhiar lovin tawifel deuh a chhiar a, a bak chu kan thusawi paha sawilan mai hi a tha em em. Thusawi hi darkar chanve bak hman loh tum ila, special programme leh thildanga hun hman rei tawh a nih phei chuan chu aia rei lo pawh a tawk tho mai. Thusawi hi inkhawmna a item pakhat a ni a, hun rei leh tam lutuk a lak hi a fel ber lo. 8. Inkhawm khar nan hla sak ho leh nise, mipui chanvo a tam zawk theih nan thu hi rei lutuk lo sawi ila, a tawp lamah hla pahnih pathumte pawh sak ni zawk se. 9. Lalpa Tawngtaina emaw Malsawmna in hun khar nise. Malsawmna sawi turin Pastor emaw Upate pawh hman thin nise. 10.BCM Assembly 2011 thu angin Ni Pawimawh inkhawmah hruaitu hran hi awm ngei se.
KUMTHAR NI January 1
Hman dan tur : 1. Thupui siam a ni lova, hun changtu in tha a tih ang thupui sawi mai tur a ni 2. Programme dang chu Tualchhung kohhran in tha a tih angin hman tur a ni.
MISSIONARY DAY January 11

Hman dan tur : 1. Zing leh Zan Inkhawm neih ni se. 2. Chawhnuah inpawlhona buatsaih ni se. Zo sap missionary ten kan rama rawng an bawl dan sawiho ni se, eg. Zirna, tihdamna leh thuhril hmanga an rawngbawl dan. 3. Kohhran Zaipawl, BKHP, BMP leh KNP Zaipawl ten zing leh zan inkhawmah hla rem se. 4. Tualchhung Kohhranin hun hmang tur leh programme chipchiar chu siam se (Headquarters lama hotute pawh sawm theih an ni). 5. A thei apiangin thingpui/sawh chiar/ruai pangngai theh ni se. Thuchah : Kan rama Missionary hmasa ber Sap Upa leh Pu Buanga-te lo thlen Champha vawi 119-na chu Pathianin
min lo hruai thleng leh ta a. He hun pawimawh takah hian Kohhran member zawng zawngte Mizoram Baptist Kohhran Headquarters Office atangin Chibai kan buk a che u. Sap Upa leh Pu Buanga ten Mizo hnam tana an thawh nasat zia leh Mizo hnam tana an hnathawh hlut zia hi hun reilo te chhunga sawi sen pawh a ni lovang. Isua Krista Chanchin Tha min hrilh a, Chhandamna kawng min kawhhmuh a, Kohhran min dinsak a. A AW B leh lehkha chhiar tur min siam sak bakah zirna sikul min din saka, lehkha min zirtir bawk a. Kan Thlarau leh taksa tihdamna rawngbawl hna thawkin nun dan mawi leh tha te min zirtir a. Kan hnam hmasawnna lungphum phumtute an ni. Ramhuai biakna leh hlauhna lak ata Lal Isua Krista Chanchin Tha-in min chhan chhuak a, chatuanna nunna min pe a. Silh leh fen mumal tak pawh la inbel nachang hre lo, saruak deuh thaw kha an rawngbawlna avangin International Standard in kan lo inchei ve ta a, A AW B CH nei lo kha India ram pumpuiah ziak leh chhiar thiam tamna ber dawttu state kan lo ni ta reng mai. Maurap in chhe te te-a khawsa thin zofate kha tunah chuan in tha tak tak mawi leh nuam tak takah kan lo khawsa ve ta, Ei leh in tur tuhnai engmah nei ngai lo zofate khan kan missionary te Sap Upa leh Pu Buanga rawngbawlna kal zel avangin ei tur tuihnai leh tha tak tak kan lo eiin kan lo in phak vet a. Mizo mipuite chhim leh hmar chhak leh thlang ami ten tun dinhmun kan lo thleng ta hi an mahni vang liau liau a ni.Lalpan kan pioneer missionary-te Sap Upa leh Pu Buanga-te hmangin thil ropui tak min tih sak avangin I lawm ang u.Kan ram sorkar, kohhran leh mipui zawng zawngte hian January 11, Missionary Day hi hlut na
10
chang hria ila, kohhran tin ten Pathian hnena lawmthu sawina inkhawmna hun atan I hmang theuh ang u. He hun ropui leh awmze nei takah hian lam thei lam ila, a lawm nan ruaite hial pawh theh thei chuan theh ila, kan missionary te rawngbawlna avanga Lalpa fak leh chawimawi nan I hmang theuh ang u.Kan ram sorkar-in chhuti ni atan a lo puang hi a lawmawm tak zeta, zofate khawvela kana wm ve chhung chu tihdanglam tawh lo nihial se a va tha dawn em! He ni ropui takah hian keini anga Chanchin Tha Malsawmna la dawng ve lo tam tak ten malsawmna an lo dawn ve theih na turin I in hlan thar zel ang u. Hlim taka Missionary Day hmang theuh turin Lalpan awmpui che u rawh se.
11
PHAR PUAL PATHIANNI January 27

Hman dan tur: Thupui : Vawiin hi Chanchin lawmawm thlenna ni a ni Bible chhiar tur : II Lalte 7:8-9, Mathaia 11:4-6 Thupui then : 1. Pharte avangin Suria sipai rual an tlanchhia 2. Lal chhungte hnenah chanchin lawmawm an hrilh 3. Pharte hnenah chanchin tha i hril ve ang u, Lal chhungte an ni ve si a. Tawngtairual thupui : 1. TLM India a thawktu zawng zawngte tan, Hospital 14, Mercy Home 5, Vocational training Centre 6 leh project hrang hranga thawktute ten hmangaihna leh khawngaihna nena pharte an enkawl zel theih nan. 2. TLM Mizoram Committee peng hrang hrang hruaitute tan, Chapter, Unit leh Promoters ten thahnemngaihna thar nena pharte tan an thawh theih nan. 3. Khawvel leh India rama pharte tan, India ramah hian kum tinin phar veithar 150,000 chuang hmuh belh ziah a ni a. Heng pharte hian anmahni hmangaihtu Isua an lo hriata an chhandamtu a ni tih an lo rin ve theih nan.
12
Thuchah chhiar tur : Lal Isua thupek zawma, A rawngbawlna ngaipawimawh, ringtu zawng zawng te u - Vawiin Leprosy Sunday a lo thlen hian, Isua, Mesia, Pathian fapa a lo lan hmaa mite thinhrik, duhloh leh endawng, daipawn chang thin, vawiinah erawh Isua avanga an dinhmun lo danglam hret hret PHAR ten chibai an buk che u a, an tana thawktu tlawm tak takte pawhin an aiawh leh anmahni hmangaihtu Lal Isua hmingin chibai kan buk che u a. An tana in tawngtaisak thin avang leh thilpek in hlan thin avangin pharte an lo thianghlim ta, Lalpa chu fakin awm rawh se. Khawvela pharte puala kan rawngbawlna hi tihtawp mai theih a ni lova. Anchhedawngkhawvela natna pung chho zelah hian phar natna pawh a la awm belh ve zel si a. India ramah ngawt pawh hian kum tinin phar mi 150,000 chuang vei thar an la hmuhchhuah belh zel lehnghal a. Lal Isua lo kal leh hma loh zawng Amah ringtute tan chuan pharte zinga rawngbawl hi kan tihmakmawh rawngbawlna, Lalpan min pek belhchhah ani ta ber mai a nih hi. Aw le, Mizoramah hian natna dang tam tak karah kan venneih em avangin phar hri vei sawitham kan awm loh avanga he rawngbawlna dinhmun tiderthawng thei lek lek ngaihdan awm thin mahse Lal Isua duhzawng hriaa pharte khawngaihtu erawh an pung ve zel a. He pharte tana rawngbawlna hi Lal Isua ngaihpawimawh, Lal Isua MISSION zingah hian a tel ve chiang em em a ni tih A thuah kan hmu a ni. Chuvang chuan pharte
13
rawngbawl thei a Lalpan min siam hi ringtute tan chuan a lawmawm em em a ni. Chu rawngbawlna kan mangnghilh mek Lalpan min hriatthartir leh avang pawh hian lawm thu sawi hial tur pawh kan ni awm e. Kei ni chu kan dam a, kan phar lova, kan vannei em em a ni. Phar natna veiin phar vek ai chuan phar lo ho hi min mamawh a ni tih pawh I hria a ng u. India leh khawvela phar ten min mamawh em em na chu; an taksa, rilru leh thlarau chhandam tur leh tidam turin a ni. Phar natna avangin an kut leh ke a bul a, an beng leh hnar a chhia a, an mit a del phah bawk a. Chung zawng zawng piah lamah chuan an hmangaih, nupui, pasal, nu leh pa leh unaute bulah an cheng ve thei lova, hmangaihna leh khawngaihna an dawng lo a ni. Silh leh fen tur tha nei lovin, ei leh in tur tha an hmu lova, nun hlimna reng reng nei lovin leiah hian hremhmun an tem lawk a ni ngawt mai. Mi tam tak chu, an dam tawh hnuah pawh an chhung ten ina haw an la phal lo zui a, dam tawh mahse phar an nih tawh avangin an duh tlat thin lo. An hun leh nun hman hrehawm tawh tehlul nen Lal Isua nei lovin an han thi a, chatuan hremhmun(Meidil) bawk an chan tur a ni leh si a. Lal Isuan chutiang em ema a tlansate zinga mi awm bik chu phal lovin, mitin ta tur chanchin tha rawn thlentu chuan a ngaihpawimawh thil panga chauh a sawi zingah khan Pharte tithianghlim ula tih thu hi a sawi a nih kha(Mathaia 10:7), an taksa, rilru leh thlarau tidam turin min ti a ni. A khawngaihzia lan tir nan amah ngeiin a kuta banin, a deka, a tithianghlim ta(Luka 5:13) ang khan keini a aiawha khawvela a dahte hi ti ve turin min ti a ni.
14
Chuvang chuan unaute u, India ram leh khawvel hmun hrang hranga pharte hian anmahni hmangaihtu Isua hmel an hmu pha lova, Pharte tana hmangaihtaka thawktu Father Damienate, Mother Teresate, Graham Steinate leh Baileya ten mual an liam zo tawh a. Keini khawvela Lal Isua aiawha awmte hnenah hian Lal Isua hmangaihtute u, in duh chuan min tithianghlim thei e tiin min ngen a nih hi. Pharte pual ngei a hun kan hman mek lai hian, Lal Isua thupek zawmin pharte taksa, rilru leh thlarau a lo dam a, an lo thianghlim theih nan, nang leh kei, Isua ringtu, phar natna vei lo ngei hi min mamawh a ni. An tan tawngtai la, an tan thilpek hlan la, an tan mawlsawmna ni turin Lalpan a sawm che a ni e. Heng ka unau teberte zinga mi pakhat chunga in tih chu ka chunga ti in ni(Mathaia 25:40)
15
KRISTIAN HOSPITAL NI February 17

Hman dan tur : 1. Hemi ni hian Pathianni zing inkhawm chu Hospital pual inkhawma hman nise. 2. Kohran tinahpuipa emaw kohhran Upa ten hun hman tum hram nise. 3. Headquarter leh Hospital lama thawktute hun hmang tura sawm thei chuan sawm nise, Headquarters lam atanga inruat eawh chu a awm lovang. 4. Sermon ah tihdam rawngbawlna lam sawi nise 5. Hospital Sunday thuchah hi Kohhran Secretary emaw mi hran ruatin emaw chhiar chhuah nise 6. Hla thlan leh Bible chang chhiar leh Order of Service chu hun hmangtu in tha leh inhmeh a tih anga ruahman chawp nise. Thuchah chhiar tur : Mizoram Baptist Kohran hian Missionary te hun lai atangin tihdam rawngbawl hna hi kan thawk tan tawh a, Hospital neia rawng kan bawlna pawh kum 80 chuang a ni ve ta. Mizoram chhim lamah phei chuan sorkarin hma a lak hma hauh khan tihdam rawngbawlna hi tan a ni a, kum 1923 khan Hospital hi kan lo nei tan tawh a ni. Kan Lal Isua rawngbawlna kawng hrang hrang, Thuhril, zirtir leh tihdam rawngbawlna chhunzawm chhoh zel hikohhran te tih tur dik tak leh rawngbawlna pawimawh a nih avanga chhunzawm kan ni a, hlawkna
16
um leh sumdawnna rilru pu a Hospital hi nei kan ni lo tih mipuiten kan hriat nawn fo a tul hle. Tun dinhmunah hian Serkawnah Hospital khum 100 awmna kan nei a, kum 2007 ah khan Lawngtlai ah khum 22 awmna Hospital kan tan ta bawk a, heng Hospital pahnih bakah hian Nursing School GNM zirna Serkawnah kan nei a, kum tin pawl sawmpahnih passed chin student 20 lain kum thum course nurse zirna hi kan kalpui a ni. Tin, nau hnuchham chawmna, Baptist Church Orphanage (BCO) hi kan BCM kalphung tharah Department hranga bet tawh tur a ninaa tunah rih chuan inrelbawlna hrang an la inpeh chhuah loh deuh avangin Medical enkawlna hnuaiah a la awm mek bawk. BCO ah hian naupang 50 thleng enkawl theihna In leh compound tha tak Serkawnah kan nei a, hnuchham naupang, an nuten an tihsan, mi 30 vel bawr kan enkawl reng a ni. Baptist Higher Secondary School (BHSS) nena tang dunin Class XII Medical Laboratory Technique (MLT) zirna pawh kum 2007 atang khan tan a ni a, tun thlengin MLT hi a la kal ve zel a ni. Medical lam rawngbawlna ah hian sorkar nena thawh ho tulna tam tak a awm a, a bik taka hma lak tulna, ram pumhuap thilah te sorkar kan thawhpui nasa ve hle a, Rualbanlo chhawmdawlna, DDRC te, Mother NGO te leh HIV/AIDS venna kawnga thawh naah te sorkar n en kan thawk ho reng bawk a ni. Tun dinhmun ah hian Doctor 14 leh thawktu dang 130 zet ten he department ah hian rawng kan bawl mek a ni.
17
Medical lamah hian khawvelah hmasawnna a kal chak em em a, hriatna thar, khawl leh hmanraw thar a chhuak chak a, awmze neia rawngbawl thei tur chuan chak taka ke kan pen ve pawh a tul hle a, kohhran Hospital tan chuan englai mahin sum tam tham kan nei thei lova, sum leh pail amah tanpui kan ngai reng tih kohhran mipuiten hria i la, kan sawi tak angin Private Hospital angin sum hmuh tum hrim hrim a thawk kan nih loh avnagin damlo harsa leh awm man nei lo pawh hnar lovin kan enkawl thin a, kan charge chi hrang hrang pawh hia hniam thei ang ber a siam a nih avanign sum lamah indaih tawk a harsa hle a ni. Kohhran mipuite tawngtai leh thilpekin i tang zel ang u.
18
EDUCATION SUNDAY February 24

Thuhmahruai: 1960, BCM Assembly chuan High School din nisela, kum khata Pathian ni vawi khat chu High School pualin Tualchhung kohhran zawng zawngah hman nise, thawhlawm pawh headquarters ah thawn ni rawh se tiin a rel a. February, 1961 ah High School din a ni; chuta tang chuan July Pathian ni vawi-3 na, Kristian High School Ni atan hman a ni. 1988 Assembly chuan Tualchhung kohhran inenkawlna a hautak deuh deuhva, Sawrkar tanpuina bakah School enkawlna budget a awm bawk a, thawhlawm hi chu headquarters ah thawn tawh loh nise; a ni erawhchu hman chhunzawm zel ni rawh se a ti a. Sawrkarin Higher Secondary-a a hlan kai avangin Kristian High School tih chu Baptist Higher Secondary School (BHSS) ti a thlak a ni; Kristian High School Ni tih pawh BHSS Day ti a tihdanglam a ni. 2005 Assembly-chuan BHSS Day hi School din thla February ah hman ni rawh se tiin a rel a. 2006 Assembly chuan BCM hian Institution tam tak a nei a; zirna in pakhat (i.e. BHSS) hming hian a fun kim tawk lo ve ; Education Sunday tih ni rawh se tiin hming thar a pe ve leh ta a ni. Heta tang hian kum tin February Pathian ni hnuhnung ber hi Education Sunday atan hman a lo ni ta a ni.
19
Hman dan tur: Thupui chu hun hmangtu in a thlang ang. Tawngtai Thupui. 1. BCM education hi Pathian ram dinna leh mi hmantlak chher chhuahna a nih ngei theihna turin. 2. Zirna huanga thawktute (committee members, zirtirtute etc) leh zirlai zawng zawngte tawngtai sak ila. Thawhhona tha, inpek thar, hmasawnna etc - an neih theih nan. 3. BCM in education hmanga hlawk taka Pathian rawng a bawl zel avang hian Ama hnenah lawmthu i sawi mawlh mawlh ang u. Pathian hruaia hma kan sawn zel theihna turin dil ila, theihtawp chhuah turin mahni i inhlan theuh ang u. Thuchah chhiar tur : Zosap missionary te khan Education hmangin Chanchin Tha min pe a, hnam-ah min din; keini pawhin Education hmangin Chanchin Tha kan pe chhuak a, kan kohhran, kan ram leh hnam tan nasa takin rawng kan bawl a ni.BCM history hian education, kohhran leh mission te hi inkawp tlat an ni tih min hrilh. Vawiin thlenga thawktu tam ber a chhawrna leh sum a sen tam berna chu education a ni. BCM Education thil tum chu Pathian ram din a ni a; Pathian leh kohhran, ram leh hnam tana mi hmantlak chher chhuah pawh a ni.
20
Pioneer missionary, FW.Savidge & JH.Lorrain (Sap upa leh Pu Buanga) te khan Mission sikul hmasa ber dt. 01. 04. 1894 - Aizawlah; chhim lamah dt 03. 04. 1903 ah Serkawnah an din. Assam Chief Commissioner, Sir Banfilde Fuller-an 1903 a Mizoram a rawn tlawhin sawrkar aiin mission (kohhran) in zirna tha zawk an pe tih a hmu a, Mizoram education kohhran kutah a dah. Tichuan 1904 1952 kum 48 lai kohhranin kan rama zirna a enkawl ta a. Namen lovin zirnain hma a sawn a, Serkawn Middle School chu North East India ah a tha ber te zingah a tel phak a ni. Sawrkarin zirna a lak let atanga kum sawm vel chu kohhranin tha a thlah deuh va, dik dawnin a hre lo a ni ang- High School te dinin theihtawpin hma a la leh ta a ni. Tun dinhmun hi thlir ila, ka ram zirna ti mawitu leh ti hmingthatu chu kohhran school te an ni. BCM hian zirna kawngah hma a zauh zel a, mission Fields ah, foreign thlengin kan chhuanvawrte zirtir hna thawk turin a thawn belh zel a ni.Kan ram chhung leh pawnah pawh sikul a din belh zel bawk. Mission huangah chauh ni lovin, a mi leh sate tan pawh hma a zauh zel a, kohhran enkawl English Medium School pawh 20 a tling tep tawh a ni. Chu chauh a ni lo, kan rama Christian College hmasa ber, Higher And Technical Institute of Mizoram (HATIM) hi BCM ta a ni a, Graduate 20 chuang a thawn chhuak tawh a ni. Vawiin Education Sunday ah hian zirna tha hlutzia hre thar leh ila, kan zavai hian Pathian rin chhanin theihtawp i chhuah ang u tiin kan inngen a ni e.
21
MISSIONARY THLEN CHAMPHA March 8

Thuhmahruai: He mi ni hi Sap Upa leh Pu Buangaan Baptist Missionary Society tirha Tlabung an lo thlen ni a ni a. Sap Upa leh Pu Buanga khan Mizoramah kum li lai an lo thawh hnuin Sapramah an kir leh a. Chumi hnu chuan Arunachal-a Abor hnam, tuna Adi hnam inti ho zingah khuan an thawk leh a. Chuta an thawh lai chuan Baptist Missionary Society chuan Mizoram chhim lamah Missionary tirh an duh a. Sap Upa leh Pu Buanga chu tawng thiam sa an nih avangin an sawm ta a. Kum 1903 March 8th-ah Tlabung an lo thleng a. Hetianga Mizoram chhim lama Mizoram Baptist Kohhran min dinpui tura kan missionary te pahnih Sap Upa leh Pu Buanga ten Tlabung an lo thlen ni hi BCM chuan ni pawimawh bik leh chhinchhiah tlak-ah ngaiin he ni pawimawh tak hriatreng nan hian Kohhran Office chawlh ni atan a lo dah ta a ni.
22
TUMKAU PATHIAN NI. March 24

Thuhmahruai: Tumkau Pathian Ni hi Lal Isua Jerusalema lal anga a luh ni hriat rengna ni a ni a. Pathianni a nih bakah Kristiante tan ni pawimawh bik, Lal Isua lal a nihna puan chhuah thar lehna hun leh amah chawimawina ni atan hman a ni. Hetianga hmang hmasa bertute chu Jerusalem kohhran an ni a, kum zabi 4-na tawp lamah an hmang tan chauh niin sawi a ni. A tak taka Lal Isua Jerusalem-a lal anga a luh atanga kum 300 hnu daihah he ni hi serh tan a ni chauh tihna a ni. Tumkau Pathian Ni hi Hnehna nena (Jerusalema) luhna ni (Triumphal Entry) ti pawhin sawi a ni bawk. He hun hi a pawimawh em avangin Chanchin Tha bu ziaktu palite hian an ziak theuh a ni (Matt.21:1-17; Marka 11:1-11; Luke 19:28-42; John. 12:12-14). A pawimawhna chhan chu: 1) He khawvela a awm chhunga vantlang hriat khawpa langsara Jerusalem khawpuia a luh chhun a ni. (A rawngbawl chhung hian Jerusalemah an lut meuh lo) 2) Tisaa a awm chhunga mipui vantlang chawimawi a hlawh ve tum a ni. 3) Vantlang hriata Lal a nihzia tarlana a awm tum a a ni. Matthaia chuan he hun ropui takah hian mipui zinga a tam zawkin Lal Isua kalna kawngah chuan an puante an phah bakah thinga mi chhawl an sat a, an
23
phah bawk tih a sawi a (Matt.21:8). Johana chuan Jerusalem mipuiten tumkau kengin an hmuak a ti a (John 12:12-13). Lal Isua chu Galili ram atangin a thilmak tih hmutu tamtakin an rawn zui a, Jerusalema khawpuia cheng, amah ringtuten an lo hmuak bawk a, amah rawn zuitute leh lo hmuaktute chuan rilru hmun khatin Lal Isua chu an theihtawkin he hunah hian an chawimawi a ni. Chutianga amah ngaisangtuten an chawimawina chu chhunzawmin, tumkau/hnahchhawl chawiin Lal Isua chawimawina kawng zawh hi Kristiante zingah neihzui a ni ta zel a ni. Tumkau Pathian Ni-ah hian Lal Isua chawimawia tumkau nena kawng zawh hi naupang (KNP) tih turah kan dah deuh niin a lang a, a tawk lo hle. Jerusalem chhehvela mipui, Lal a nihzia la hre chiang tak tak lotute mahin khati khawpa an chawimawi chuan, keini a hre chiangtu, thinlung tihvar tawhte hi chuan theihtawpa chawimawi hi kan tih ngei tur a ni. Hun hman dan tur: 1. A thei apiangten zing karah naupangte nen Lal Isua chawimawina kawng zawh neih ni se. 2. Chawhma Inkhawm chu hetiang hian hman tur a ni ang. Bible chhiar tur: Phil. 2:5-11. Thupui Isua chu Lal a ni Thupui then (point) te: 1) Lei leh van lal a ni (cf. Phil. 2:9-11; TT 2:36; John. 18:37, 19:11; etc.)
24
2) Thilsiam chungah lal a ni (cf. Matt. 17:27; Matt. 21:18-20; Marka 4: 39-41; etc.) 3) Thihna chungah lal a ni (cf. Lk. 8: 49-55; John. 11:43-44; etc) 4) Setana leh a thuneihna chunga lal a ni (Lk. 8:32-33; Heb. 2:14-15; etc.) Note: Bible bung leh chang tar lante hi thusawitu tanpuina a ni a, chhiar vek tur tihna a ni lo) Inkhawm programme kimchang chu Tualchhung Kohhran kutah dah a ni.
25
GOOD FRIDAY March 29

Thuhmahruai: Good Friday hi Kristiante kut pawimawh tak tak pathumte zinga pakhat, khawvel chhandamna atana Lal Isua kross-a an khenbeh ni hriatrengna ni a ni. Kristiante hun pawimawh, a ni leh thla pangngai reng lo chi (movable feast) an tihte zinga pakhat a ni a, March 20 leh April 23 inkarah a thleng thin (Hetianga a hun a inthlak danglam thinna chhan chu Easter Sunday chungchang ziaknaah sawi a ni). Kum zabi khatna atang tawhin kohhranhoten zirtawpni hi chawnghei tawngtai ni atan an lo serh hrang tawh thin a. Kum zabi 4-na atang erawh chuan Easter Sunday hmaa zirtawp ni hnuhnung ber chu Lal Isua kross-a khenbeh a nih hriatrengna ni atan an serh ta a ni. A tirah chuan Holy Friday (Zirtawp ni Thianghlim) tiin an sawi thin a, Great Friday (Zirtawp ni Ropui) an ti bawk. Kum zabi 6-na vel atangin Rom Kohhranin Good Friday an ti ta a, chu hming chu a pu chho ta zel a ni. Zofate kristian kan lo nih tirh atangin, a awmzia tak kan man hma pawhin Missionary-te zirtirna atangin Good Friday hi kan serh chho ve a. Kan serh dan erawh chu khaw hrang hrangah a inang vek lo. Khua/kohhran thenkhatin an lak urhsun viau laiin kohhran thenkhat chuan a hming chuahvin an serh thung. Lal Isua sunna rilru nen hun hman a ni thin a, pulpit leh a chhehvelah puan dum te an zar thin. Khaw thenkhatah phei chian
26
mitthi dar te pawh an vaw thin a ni awm e. Kan Mizo hlaphuahtute pawhin chutiang lam zawnga rilru hruai thei turin hla an phuah nual a ni. Hun lo kal zelah Lal Isua thihna awmzia kan hriat fiah angzia zelin kan hun hman dan leh kan rilru put dan pawh a danglam chho ta zel a ni. Pathian fapa sual reng reng hre lo, mihringte chhandam nana ama inpekna avanga kross-a khenbeha a awm hi khawvel history-a thil thleng ropui tak leh pawimawh tak a ni. Chuvangin a chhandamna changtute chuan he ni hi kan ngaisangin urhsun takin kan serh zel tur a ni ang. Hun hman dan tur: Thupui: Kross Pathian thiltihtheihna (cf. 1 Kor.1:18) Thupui then: 1. Mihringte chhandamna tura Pathian Thiltihtheihna a ni (cf. 1 Kor. 1:21; Rom 5: 8-9; etc) 2. Mihring leh Pathian inremlehna tura Pathian thiltihtheihna a ni (2 Kor. 5:18-21; Rom 5:10-11; etc.) 3. Pathian thianghlimna kan tawmpui ve theihna tura Pathian thiltihtheihna a ni (1 Kor. 1: 30; Heb. 10:810; etc) Notes: 1) Inkhawm programme-a chanvo hrang hrangte chu Tualchhung kohhranin tha a tih anga siam tur a ni.
27
2) Good Friday chawhma inkhawm programme chauh siam a ni a, a hma lam leh hnu lam chu Tualchhung Kohhran duh dana hman tur a ni. 3) Bible bung leh chang chhiar turte hi thuhriltu tanpuina a ni a, chhiar vek tur tihna a ni lo va, a dangte pawh chhiar theih tho a ni.
28
EASTER SUNDAY March 31

Thuhmahruai Kristiante kut pawimawh pathum- Chrismas, Good Friday leh Easter Sunday te hi mihringte chhandamna siam tura Pathian Fapa-in he khawvela a hun hman leh tawn ropui tak takte an ni. Chrismas hi mihringte tan lawmna ni a nih laiin, Lal Isua tan chuan tuarna hun a ni a, Good Friday phei chu tuarna vawrtawp a ni. Easter Sunday hi thihna hneha a thawhlehna ni a nih vangin, lawmna ni a ni. Chuvangin, Easter Sunday hi a ropui ber tiin a sawi theih hial awm e. Tirhkoh Paula chuan Krista thawhlehna chu kan rinna innghahna bul leh a Chanchin Tha hril innghahna a ti hial a ni (cf. 1. Kor. 15:14, 17). Easter Sunday chu Lal Isua thihna hnena a thawhlehna ni hriatrenga atana kristiante ni serh a ni. Kristiante kut pawimawhte zinga a ni leh thla pangngai reng lo chi (movable feast) an tihte zinga pakhat a ni a, March 22 leh April 25 inkarah a thleng thin. A hun leh ni a danglam thinna chhan chu hetiang hi a ni: Hun hmasa lama kohhran lo kaihruai thintuteKohhran Pa an tihte chuan Lal Isua thihna, phuma a awmna leh a thawhlehna te chu Kalhlenkut zawh hlimchhawna thleng a nih avangin, Easter Sunday hi Juda-te Kalhlenkut zawh Sunday hmasa berah hman (observe) an duh a. Chutih laiin Judate hun pawimawh
29
calendar (holiday calendar) chu calendar pangngai angin a kal lo va, ni leh thla her danin a hril zawk a. Hemi chhut dan pakhatah chuan khawvel hmun tinah kum khata chhun leh zan rei zawng inchen ni equinox pahnih (March 21 leh September 22) zinga a hmasa zawk [vernal (spring) equinox] March 21 hnua thla bial zan hmasa ber dawta Sunday hmasa ber tiin chhut a ni bawk thin. Hei vang hian Easter Sunday, Good Friday leh Palm Sunday te hi ni (tahrik) bik nei lo, insawn thei (movable) an ni a, kum hrang hrangah an thlen hun a inang lo ta thin a ni. Good Friday leh Palm Sunday te pawh hi Easter Sunday atanga chhut leta zirtawpni hmasa ber leh sunday hmasa ber te an ni thin a ni. Engpawh ni se, a hunbi (tahrik) hi a pawimawh ber lo va, kan serhna chhan tak, Lal Isua hun tawnga thil thlengte kha kan chhandamna kawng min siamsakna kalkawng a nih avangin, chung hun hriatrengna atana kohhran hmasaten hunbi an lo chhiar dan zawm mai hi a lem chuang lo ve. Kan serh dan leh kan ngaihpawimawh danah a innghat zawk a ni. Hun hman dan tur: Thupui : Tholeh Nun (cf. John. 11:25)
Thupui thente: 1. Lal Isua thawhlehna chu Thlarau lam nun thara thawhlehna a ni (Rom 6: 3-5) 2. Pathian duhzawnga nunna a ni (Rom 6: 11, 13-14) 3. Taksaa tholeh tur nun a ni (1 Kor. 15: 20-23; 1 Thess. 4: 13-18)
30
Notes: 1) Inkhawm programme-a chanvo hrang hrangte chu Tualchhung kohhranin tha a tih anga siam tur a ni. 2) Chawhma inkhawm programme chauh siam a ni a, a hma lam leh hnu lam chu Tualchhung Kohhran duh dana hman tur a ni. 3) Bible bung leh chang chhiar turte hi thuhriltu tanpuina a ni a, chhiar vek tur tihna a ni lo va, a dangte pawh chhiar theih tho a ni. Mizoram Baptist Kohhran hian missionary rilru pu-a ramthim veina hi kan nei nasa telh telh zel a. Kan rama missionary te lo chhuak ngaih san na leh ngaih hlutna pawh kan nei thuk deuh deuh va. 1968 Assembly chuan he ni (8th March)-ah hian programme fel tak ruahman a ramthim veina rilru kan put zel theihna tura infuihna leh inzirtirna hun atan hman a duh ta a. Hun engemaw ti chhung chu chutiang chuan hman a ni thin. Amaherawhchu January 11 hi a ram pum huapa programme neia hman a lo ni ta bawk a, March ni 8 hi chu kohhran nawlpuiin awmni khama hmang lovin, kohhran hna thawktute chhuti ni atan kum 1989 atang khan hman a ni ta a ni.
31
MARTARTE NI March 31
Thuhmahruai: Kum 2002 a BCM rorelna sang ber, Assembly chuan Krista rinna avanga tuartu Martarte hriatrengna ni hi hman ni se tiin thu a lo passed ta a.Assembly thurel chu Administrative Committee chuan bawhzuiin March Pathian ni hnuhnung ber hi kum tinin Martarte Ni a tan hman thin tawh turin a ti ta a ni. Kumin hi Martarte ni vawi 12-na kan hmanna a lo ni ve tar reng a ni. Thuchah (Martar awmzia) Martar tih tawngkam hi a lo chhuahna tak chu,Grik tawng Martus tih atanga lo awm a ni a, a awmzia chu Thuhretu tih a ni a, Thuhriatpuitu, Tantu, Lamtang tite pawhin a sawifiah theih bawk. Martar tih hi Kristiante rilruah chuan Krista dodalna avanga tuara, phatsan lova nun chante nihna sawi nan hman a ni ber.A tirte-ah chuan Lal Isuan khawvela rawng a bawl lai hmutu apostolte sawi na tluka hman a ni a. Kristiante tihduhdahna a lo awm tak fo hnu ah chuan an rinna avanga harsatna leh tihduhdahna tuar chhuakte sawi nana hman a ni ta a ni. Kristiante hian Martar tih hi intitatu deuh mah sela, hun a lo kal zela sakhaw dangte pawhin an sakhaw thurin tan avanga thihpui hial khawpa tuartute an awm ve tho avangin, martar tih tawngkam hi rinna thihchilhtute sawi nan zau takin hman a lo ni ta a ni. Hetiang a lo nih takah chuan Martar tih chu mahni sakhaw vawn leh thurin phatsan duhloh avanga nunna
32
chantute sawi nan hman a lo ni ta a. Tunah phei chuan ram tana nun chantute sawi nan pawh hman a lo ni zel ta a ni. Heng bakah hian Martar han tih chiah theih loh rawngbawlna neih laia nun chante pawh hi Martar tih hming han pek hi an chakawm hle a; amaherawh chu Martar tih lo chhuahna chhan tak leh ringtu hmasate lo hman dan nen chuan a in an lo avangin, heng hi chu ropui takin chawimawi tlakin an thi a ni. KRISTIANTE MARTARNA CHHAN: Kristiante hi sakhaw hrang hrang zingah martar tam ber kan ni hial awm e. Thuthlungthar kohhran a lo din atanga reilote ah kristian martarna a thlenga, ringtu hmasa Stephena chu lunga den hlum a ni. Heng hun atanga tun thleng hian kristiante tuarna leh tihhlumna hi tunthlengin a la awm reng a ni. Heng a hnuaia tarlante hi kristiante martarna chhan tlangpui an ni. 1. Ringtu hmasate an lo tiak ve tan chauh tihah dodalna a lo piang chhuak ve nghal a. A dodaltu berte chu Juda hnam an nia,Tirhkohte thiltihah kan hmuh angin zirtirte hian Judate kut vawi li an tuara, Stephana leh Jakoba-te pawh Judate kutah an thi a,Kristian martar hmasa an ni ta a ni. He martarna hi a chhan berah chuan Kristian thurin an puan chhuah chuan Juda sakhaw dan a kalh niin an hria a ni ber mai.
33
2. Rom sawrkar hunah tihduhdahna hmasa ber lo thleng chu Nero-a hunah a nia. Heta Kristiante tihduhdahna chhan hi chu Kristiante chu Kristian an nih avang ni loin, Rom khawpui tikangtuah an puh vang a ni.AD 64 July thlaah Rom khawpui a kang chiama, Nero-a hal nia rin a nia,chu mi laka Nero-a inthirfihlim nan Kristiante hi a haltuah puh an ni ta a ni. Kristiante huatna hi a lo intan tawh sa bakah, kristiante hian hun tawpah khawvel meiin a kan ral tur thute an lo sawi thin nen aan puhna nen hian a in hmeh tlang ta riau a, chuvangin Rom khawpui haltuah puh an ni ta a ni.He tihduhdahna ah hian mi tam tak an Martar a ni. 3. Kristiante martarna runpui lo thlen hi AD 64-313 in kar lai vel khan a a ni a, he mi hun chhung hian a khat tawkin a thleng reng a ni. Tihduhdahna karah hian Kristiante chu an pung zela, Rom lalberte chu Pathian anga an biak ve duh loh avangin Kristian sakhua chu Rom ram chhungah sakhaw phal loh, a zawm a piang sawrkar dan bawhchhia, tihhlum tur tih dan puan a ni bawk. Chu bakah Kristiante chu an Pathian nilo pathian dangte pawm lotu an nih avangin pathiante tivuiin, hrite, tamte, lirnghingte leh chhiatna dangte thlengtuah an ruat a, chuvangin Kristiante chungah tihduhdahna thlengin tihhlum an tam hle a ni. Kristiante zingah mithiam an lo chhuak a an dikna au chhuahpuitu (apologist) Polycarpate,Justin Martar-a te mi tam tak Kohhran Pa kan tihte martar hun lai a ni.
34
4. Kristiante Martarna hi ringlotute atang chauhin an dawng a ni lova, an Kristianpui Kohhran atangin an dawng tho a ni. Kohhran a lo lian zela, mithiam tam takin Kohhran leh Sawrkar inkawp dan te leh Pope thuneina dodalin Kohhran khalh dik an tumna lama tihhlum tuar John Huss-a te Jerome-a te mi dang engemaw zat an awm a ni. Kohhran leh sawrkar an tan rual avangin, Kohhran thlurpui chuan a kalphung sawiseltute chu sawrkar kut hmangin nasa takin a nek chepin a sawisa thin a ni. Roman Catholic kohhran lian ber atangin nekchepna hi a nasa bera, Protestant Kohhran zingah chuan Baptist Kohhran hi tuar nasa leh martar tamna ber kan ni. 5. Hman lai a tanga tun thlenga Kristiante martarna chhan lian ber pakhat chu sakhaw hran inhuatna avang hian a ni. Mahni sakhaw thurin chauh dik nia hria,sakhaw dang betu chu hmu ramhuai tlat leh sual tipunluntu anga ngaia, ngaihdan firfiak tak neitu hnen atangin Kristiante hian tuarna a nei nasa hle a ni. Hei hian vawiin ni thlengin khawvel hmun hrang hrangah hmun a luah hle a ni. 6. Heng bakah pawh hian Martarna chhan hi kawng tam tak sawi tur a awm awm e. Kristian tam tak khawtlang nuna dikna (Justice) leh mihring chanvo humhalh sakna tundin tuma beitute sawrkarin a huat em em, entir nan Bonhoefer-a te, Thomas Muentzera te leh Martin Luther King Jr. te martarna hi sawi hmaih chi an ni lo a ni. Missionary tam tak hi an rawngbawlna hmun a a ram mitten an sakhua leh
35
hnamzia (culture) tichhe vek tura an ngaih avangin an sawisa hlum thin bawk a ni. Kristian hmasa tihduhdah tuartute leh martarte hian an mahni humhim turin thilmak (miracle) an beisei lem lo. Krista avanga tuarna hi huaisen takin Krista chakna ringin an hmachhawn tawp mai a ni. Pathian Thlarau pawlna changin thlamuang takin an thi thin a ni. Martar hi lo in rin lawk a hneh taka lo hmachhawn lam aimahin a hunah Lalpa Thlarauin huaisenna pein a thlamuan thin a ni. Thihna hmanga Martar hi Kristian mi zawng zawng chan phak a ni kher lo ang, amaherawh chu ringtute hian Krista kan rinna leh a laka kan rinawmna hmang hian thihna hmanga martarte tluka thukin kan nun hi Krista tan a in pek theih a ni.Martar langsar ber Smurna Bishop Polycarp-a,putar zahawm leh rinawm tak mai chu chu roreltuin I lu tuak hi khawngaih la,Kaisara hmingin Isua anchhia lawh la,chhuak mai rawh a ti a. Polycarp-a chuan Krista rawng hi kum sawmriat leh kum ruk ka bawl tawh a, min la tichhe ngai lo; engtinnge ka Lal leh Chhandamtu chu ka sawichhiat theih ang? a ti a. AD.155-ah an halhlum ta ani. Vawiin hian heng martar Krista tana mirinawm te hian thangthar Kristiante hi min cho a ni. Engtinnge kan chhan ang le.
36
HARHNA THLEN CHAMPHA April 4

Hman dan tur : Thupui : Thiltihtheihnaa Thuam. (Luka 24 : 49b ; Eph 6 :10 ) 1) Kan mamawh chhan hrang hrang. (Rom 13:11) 2) Thlarau Thianghlima Thuam kan ngai(Tirh 2:8) 3) Harhna chu Kan thiltihtheihna hnar a ni. (Eze 37:10) Tawngtai rual thupui : 1) Pathianin kohhrante min la tihharh zel thin avanga lawmthu. 2) Kan ram sualna tlengfai thei khawp harhna a lo thlen theih nan 3) Thlarau bo veina leh mi chaklo zawkte hmangaihna nasa zawk nena rawng kan bawl zel theih nan. Thuchah :Harhna thlen champha kan hman tan dan: Kum 1894 January ni 11-ah Zofate Chanchin Tha min rawn hrilh turin Sap Upa (F.W Savidge) leh Pu Buanga (J.H Lorrain)-ten Mizoram an rawn thleng a. An theih ang angin kawng hrang hrangin rawng an bawl a. Kristian engemaw zat an siam nain an pung chak lo em em a ni. Kum 12 zet a lo ral hnuin 1906 April ni 4-ah Thlarau Thianghlima Harhna ropui tak Mizoram pum huapin a lo thleng ta a. He Harhna hian Chanchin Tha Mizoram hmun hrang hrangah tidarh zau zelin
37
Kohhranhote nasa takin an lo pung a, nasa taka chakin hmasawnna ropui tak a rawn thlen a ni. He Harhna hi Welsh ram harhna darh zau zel, Meghalaya-a cheng Khasi mite harhna atanga kan dawn chhawn ve a ni a. Khasi ram Moirang khuaa harhna thleng chhim turin Mizoram atangin Baptist Kohhran atang leh Presbyterian Kohhran atangin mi tlem te an zu kal ve a. Beidawnga inngaiin Aizawl an lo thleng leh a. Amaherawh chu Aizawl an lo thlen hnu April 4, 1906ah He Harhna hi an lo chang ve ta a. Hei hi Mizorama Thlarau Thianghlim Harhna an chan hmasak ber chu a ni. A khat tawkin Harhna chuan Mizoram a tuam fo thin a. Kan ram (Mizoram) vanneihna ropui tak a ni. He Harhna hi heti tak hian ngaihlu mah ila, Kohhrante hian a champha ngaihhlutna hi tihlan kan nei meuh lo. 1985 Assembly-ah he Harhna Champha hi ni pawimawha neih turin ngaihtuah a ni a. Mahse a tlu zo lo va. 2005 Assembly-ah erawh chuan tihtluk a lo ni ta a. Ni pawimawhah kan hmang tan ta a. 2006-ah Revival Centenary ram pumah lawm a ni a. Hemi kum 2006 atang hian BCM Calendar-ah chuantirin NI PAWIMAWH zingah a lo tel ta zel a ni.
38
KRISTIAN NAUPANG PAWL (KNP) DAY April 23

Thuhmahruai: KRISTIAN NAUPANG PAWL (KNP) hi 23 April, 1943 khan BMS Missionary-te Pi Zoduhi leh Pi Zomuanin an lo din tawh a. Huna eng emaw chen inkaihhruaina mumal tak awm lova kalpui a nih hnuin, kum 1973 BCM Assembly chuan K.N.P.hi mumal zawka enkawl nise tiin a lo rel ta a. Naupangte zingah Pathian ram a lo zau a, a lo ngheh a, a lo lanfiah deuh deuh theih nan inkaihhruaina Dan pawh mumal taka siam a lo ni ta a. K.N.P.hi a din atanga kum sawmnga chuang lai mai chu enkawltu hrang hrangte enkawlna hnuaiah dah a ni a. A din tanni 23 April hi hun eng emaw chen hnuah chhut chian chauh a ni a. Chu chu Assembly-ah thlen a ni a. Kum 2002 Assembly chuan he ni 23 April hi K.N.P. Day atan a lo pawm fel ta a ni. Kristian Naupang Pawl (KNP) te hi nakin lawka ram leh hnam, kohhran enkawltu tur leh kaihruaitu tur an la nih avangin leh anmahni mai chuan la in enkawl theilo an nih avangin enkawl a, kaihhruai ngai an ni a. Mizoram Baptist Kohhran chuan hei hi hrechiangin anmahni kaihhruaina tur dante siamin hma a la chho zel a. Naupangten an pawimawhna leh Kohhranin a ngaih pawimawhzia an lo hriat zel theihna turin a bik taka anmahni puala NI BIK kumtina an neih a, an hman hi
39
Mizoram Baptist Kohhran Assembly chuan tha a ti a. Kumtina KNPten rualkhai tak leh hlim taka an hman theihna turin BCM NI PAWIMAWH BU ah hian dah tel a lo ni ta a ni. Kumin KNP Day hi Thawhlehni a nih avangin unit thenkhat chuan in hmang theilo mai thei a. Hmang theite tan a hnuaia mi ang hian hun serh hman dan tur tlangpui buatsaih a ni. Hemi bak hi hmang theite tan chuan mahni remchan dan leh tha tih anga hman mai tur a ni ang. Hemi ni tak hmang theilo, hman hram duh tan pawh mahni remchan hunah hman mai nise a tha ang.
Thupui : Naupang mai ka ni ti suh Bible chhiar tur : Jeremia 1:7; 2 Timothea 3:14-15. Thupui sawi dan tur tlangpui : 1. Naupangte Isuan a hmangaih, (Marka 10:13) 2. Naupangte Isuan a dah hniam lo, (Matthaia 18:1-6) 3. Naupangte Pathianin a hmang duh (Jeremia 1:7) 4. Pathian thu an zir thinte zawm turin Pathianin naupangte a phut (2 Tim 3:14,15) Tawngtai rualna tur thupui : 1. Naupangten Pathianin thu a pek anga an nu leh pate thu an awih theih nan. 2. An puitlin thlenga an thlah phal tawh loh tur kawng thaa hruai an nih theih nan. 3. Naupangte Missionary rilru pua an thanlen theih nan.
40
Thuchah : Vawiin KNP Day a lo thlen hian Kristian Naupang Pawl member zawng zawngte kan Lalpa Isua Krista hmingin chibai ka buk a che u. KNP member zawng zawgte Pathianin thu a pek che u ang taka in nu leh pate thu in zawm zel theihna turin ka duhsakna ka hlan che u a, in vaiin Pathianin malsawmin sual tinreng lakah venghimin hruai zel che u rawh se. KNP Day hi sikul kal nite a nih thin avangin duhthusam anga hman a theih loh fo thin a, a pawi ka ti hle mai. Engpawh nise, KNP Day lo herchhuak hian kan Lal Isuan naupangte min hmangaihzia leh A hnenah chatuana van ram cheng ve tura min duhzia min hriatchhuahtir leh se. Keini KNP-te pawhin vawiin atang hian Pathian thupek zawma, kan nu leh pate thu awih lehzual turin tan la thar aleh ila. KNP member zawng zawngte hian keimahni pualin chanchinbu, thlatina chhuak NAUPANGTE THIAN kan nei tih hre thar leh ila. He kan chanchinbu hi tam takin in la tawh a, la la lo eng emaw zat in awm bawk a. La la lote pawh khan lak ve tawh lo tum ula. KNP member zawng zawngten he kan chanchinbu Naupangte Thian hi chhiar theuh I tum ang u. Thu tha tak tak, nundan tha nitina kan nun min kaihtuaitu turte, thawnthu tha leh ngaihnawm tak tek te, mi tumruh leh taima, kan entawn tur chanchin te, hriatna zau zawk kan neih theihna turte, chhiar tur a awm reng a ni. Naupangte Thian chanchinbu chhiar thintute tan chuan tisa leh
41
thlarau lamah hmasawnna tur tam tak a awm a ni. Chuvangin, kan chanchinbu Naupangte Thian hi la a, chhiar vek turin KNP member zawng zawngte ka sawmin ka ngen che u a ni. KNP Day hlim tak leh tluang taka hmang theuh turin ka duhsakna ka hlan nawn leh a che u. Pathianin Sualna chi tinreng lakah venghim zel che u rawh se.
42
BUHFAITHAM PATHIANNI April 28

Thupui: Lalpa tan a thilpek (1 Chroni 29:14)
Buhfaitham lo chhuah dan: Khasi rama nu pakhat rilruah chuan chaw chhum apiangin buhfai vei khat lek lekin dah ila, Kristian tinin kan tih chuan nasa takin hna a thawk thei ang tih rinna a lo piang chhuak a. Chutiang chuan a ti ta nghal a. Rei lote chhungin Kohhran pawhin a thatzia an hre ta a. Khasi ram pawh a luanchhuak ta thuai a ni. Chu chu Mizoram hmar lamin an la chhawng a, chhim lam pawhin kan lo ti ve ta thuai a ni.(Mizoram Baptist Kohhran Chanchin pawimawh lakkhawm Part 1 page 36) Tham tan kum: Buhfaitham tan kum hi sawi dan a in ang lo deuh a. F.W.Savidge (Sap Upa) report a alan dan chuan kum 1915 ah an tham tawh a, Presbytery minute ah chuan kum 1919 hi a lanna hmasa ber niin a sawi. A hmanna: Buhfaitham hi a tir lamah chuan Kohhran sumpuiah hman a ni thin a. Kum 1919 Presbytery chuan Buhfaitham zinga mi hi hmeichhe Tirhkoh hlawhah hmang ila an tih angin hman a ni ta a.Hmeichhe tirhkoh an awm loh hnuah sumpuiah a lut leh a, a tul ang anga hman a ni.
43
Kum 1947 ah Nursery School din a lo ni ta a, zirtirtute hlawhah hman a ni leh a. Nursery school pawh chu kum 1968 ah a tawp ta a. Hemi atang hi chuan Z.B.M pualah hman a lo ni ta a ni.Buhfaitham pawisa hi tun thlengin ramthim rawngbawlna tangkai tak a ni ta zel a ni. Assembly-in BKHP-te kuta a dah angin a man zat siam leh a sum lakkhawm a tum a, Kohhran-ah a sum chu thehluh nghal zel a ni. Sum hmuh dan: Presbytery minute-ah kum 1919 hi a lanna hmasa ber ni mahse pawisa a lang lova. Kum 1920 atang in pawisa zat tarlan a ni. Hetih hun lai a pawisa chhiar dan chu cheng ana pai (Rs a p)tih a ziak a ni a. Hei hi kum 1952 thlenga hman a ni. Kum 1920-1921 thlenga BCM pumpuia pawisa hmuh zat chu Rs 446 ana 10 pai 9 a ni. Kum 20 hnuah chuan hma kan sawn ta deuh a, cheng 1,162 ana 11 pai 8a ni a. Kum 1952 atangin hma kan sawn ta viau a, cheng sing chuang fe a ni ta a. Kum 1972-1973 ah chuan Nuai chuang daih a lo ni ta a.Kum 1979-1980ah chuan maktaduai chuang ve a lo ni leh ta a. Mite thinlungah Pathian ram tulna a lo lang zel a. Kum 20112012- ah phei chuan Rs 2,88,03,599.00 alo tling ta a ni. A va ropui em!. Mizoramin Pathian malsawmna kan dawng nasa hle a, sum leh pai dehchhuah theihna Pathianin min pe a. Sorkar hnathawk hlawh a pung chho zel bawk a. Heng malsawmna tam tak kan dawn avang hian kan
44
thilpekte pawh a pung zel a.Tunah hian BCM chuan Missionary zariat chuang kan ruai mek a. Kum 2014 ah BCM Mission chuan kum 75 na a thleng dawn a. Hemi ral hma hian Missionary sangkhat tal tirhchhuah tum a niin tawngtaia hmalak mek a ni. Missionary tam zawk tirchhuak tur chuan sum tam leh zual a ngai a, Buhfaitham-ah hian chhungtinten tan kan lak leh zual chuan Missionary sangkhat kan tir thei ngei ang. Pathianin sum leh pai dehchhuah theihna min pe a, min la pe leh zel dawn a ni tih ring chungin kan sum leh paite Lalpa tan lawm chungin i hlan zel ang u. Amah atang leh, amah avang leh amah atan thil zawng zawng a lo awm a ni si a.(Rom 11:36) Tirhkoh Paulan a tih angin engkim min petu Lalpa hnenah kan Buhfaitham hi lawm takin i hlan ang u. Chhungtinten he Ramthim rawngbawlna pawimawh tak hi kan Tu leh Fate hnenah pawh hrilhin tuna Nu leh Pate kan awm tawh loh hnu pawha ngaih pawimawhna tak tak an neih theih nan Lalpa pual Buhfaitham Bel / Bur i hung theuh ang u. Rawngbawla kalchhuak thei lote pawhin mahni inchhungah hahdam takin Ramthim-ah rawng kan bawl a ni tih hre thar lehin tan ila sauh sauh ang u. Tawngtai rualna: Thupui: i) Buhfaithamah hma kan awn zel avangin lawmthu i sawi ang u.
45
2) Chhungtin ten Buhfaitham pek tur kan neih zel theih nan 3) Buhfaitham hmanga Missionary tam zawk kan tirh theih nan. Buhfaitham report-Tualchhung Buhfaitham dinhmun pek nise.
46
BKHP DAY May 2

Thupui: I puanin hmun chu zauh rawh (Isaia 54:2) Thuhmahruai: Baptist kohhran hmeichhe pawl hi a dintirh atanga tun thleng hian BCM hmalakna chi hrang hrang Mission rawngbawlnaah te, Buhfaitham enkawl chungchang ah te, Medical lam leh midangte tanpuina kawng hrang hrangah Pathian ram zauna atana thawktu pawimawh tak a lo ni chho ve zel hi a lawmawm em em a ni. Tin, kum 2000 atang khan ruihhlo ngaite enkawlna Chhawmdawlna hi buatsaih a ni a. Heta tan hian Rinna thutiam te, vawikhat fehchhuahte Unit tinin neih ani a. Mi thahnem ngaite thilpek kan dawng thin bawk. Hemi hmun atang hian mi engemawzatin Kristaah nun thar an nei a. Tisa leh thlarau chhanchhuahna leh chhawmdawlna an chang a, a va lawmawm em. Kan rama sualna lo pungchho zelah hian kan chhungkua, tu leh fate leh kan ram hi siamthara a lo awm theih nan BKHP member tinten Ka Lalpain tih tura mi ruatsak apiang chu ti turin ka inpeh reng e thinlung taka ti theuhvin BKHP Day hlim taka hmang turin duhsakna ka hlan a che u. Girls Auxiliary (G.A) dintirh atanga an thuvawn (motto) Ka Lalpa in tih tura mi ruatsak apiang chu ti turin ka inpeih reng e (II Sam 15:19) tih chu BKHP a lo
47
din khan thuvawn atan a nei ve nghal a. Hun a lo kal zel a, thuvawn mai ni lovin thutiam atan hman a lo ni ta a ni. BKHP Day pawimawhna leh a lo intan dan. Kum 1965 March ni 20 khan G.A leh Nu pawl tia lo ding thin kha hmun khatah in suihkhawmin Baptist Kohhran Hmeichhe Pawl (BKHP) tih a lo ni ta a. BKHP a lo din hnua rampum huapa inkhawmpui hmasa ber 2730 January 1966 Serkawn a neihah BKHP Day hman duh leh duh loh sawiho a ni a, kum 1965 March 20 hi GA atanga BKHP kan lo nihna Ni a ni a, chumi ni March ni 20 chu BKHP Day ah hman remtih tlan a ni a, kohhran calendar ah pawh 1967 atangin dah ve nise tih a ni. Tichuan kum 1966-1989 thleng khan, kumtin March ni 20 hi BKHP day atan hman a ni. Kum 1990 atang khan BKHP Day hi may ni 2 ah hman a lo ni ta zel a ni. A chhan chu kum 1988 khan BCM Assembly General Committee remtihpui nain Baptist kohhran a hmeichhe rawngbawlna kum 50 na Golden Jubilee lawm a ni a. Hemi tum hian Assembly Committee chuan minute hlui atangin a bul lo intan dante ngun taka a chhui hnuin Mizoram Baptist Kohhranah Hmeichhe rawngbawlna awmze neia a dinchhuahna chu 1938 May 2 niin an hria a. Tichuan May 2 hi Golden Jubilee ni atan chuan hmang turin min remtih sak ta a ni. Kum 1988 May 2 ah MBKHP Golden Jubilee lawm a ni a, 1989 ah chuan BKHP Day atan March 20 hman
48
a ni leh a MBKHP Executive Committee chuan fel tawk lovin a hria a, BCM Assembly General Committee-ah a thlen a, General Committee chuan May 2 ah BKHP Day hi hman ni se, a kum pawh Golden Jubilee atanga chhiar zawm zel ni tawh se a tih angin kum 1990 atang chuan May 2 hi BKHP Day atan hman a lo ni ta a ni. 1. Tawngtairual thupui: i) Pathianin Platinum Jubilee min hruai thlen avanga lawmthu sawina leh inhlantharna. ii) Unit, Bial leh MBKHP hruaitute tan leh Chhawmdawlna In leh Drop In Centre a thawktu leh enkawl mekte tan. iii) Missionary zawng zawng te tan 2. Special items neih nise, Solo, Group zai, etc 3. Thilpek lakkhawm a ni ang a, Bial kaltlangin MBKHP Fin. Secretary Pi Zosangi hnenah thehluh tur a ni ang 4. A hnuaia thuziak hi inkhawmnaah chhiar chhuah nise. Thuchah chhiarchhuah tur BKHP member zawng zawng te, kan Lalpa Isua Krista hmingin chibai ka buk a che u. BCM hnuaia hmeichhia te rawngbawlna awmze neia a intan atanga kum 75 na Platinum Jubilee min hruai thlengtu Lalpa Pathian chu fakin awm rawh se. Kum 1938 March thla khan, Missionary Pi Zirtiri hovin Assembly hriatpuiin Girls Auxiliary (G.A) hi
49
Serkawnah din a ni a. Thuvawn (motto) atan Ka Lalpain tih tura mi ruatsak apiang chu ti turin ka inpeih reng e tih chu hman a ni. GA hruaitute leh mi thahnemngaite thingtlangah zinchhuakin thil awmzia an sawifiah zel a, G.A din duhte chu Branch an dinpui zel s. Kum 1945 ah chuan khaw 35 ah G.A Branch a lo ding thei ta a ni. Khawtlangah damlo leh chhungkaw tanpui ngaite tanpui chu an tum ber pakhat a ni a, kohhranah pawh a tul ang zelin tanpuina hna an thawk thin a. Inkhawmna hun pawh an hmang thin. He pawl hian Nula chauh a huam a ni. Kum 1947 ah Nu Pawl a lo ding ve leh a. Nu pawl chuan anmahni puala inkhawmnate neiin rawngbawlna kawng hrang hrang ah hman an la chho ve leh a. An hlim hle. Chutianga Baptist hmeichhiate pawl hnih anga awm a, a hranga inkhawm leh rawngbawlna kawng hrang hranga hman an han la chho ta chu BCM Assembly hotuten fel tawk lovin an hre a a., Nula pawl (G.A) leh Nu pawl chu pawl khata inzawmkhawm dan tur an ruahman ta a. Kum 1965 March 20 khan BCM Assembly hruaitute ruahmanpuinain Baptist Kohhran Hmeichhe Pawl (BKHP) chu a lo ding ta a ni. He pawl hian Nu leh Nula, Baptist kohhrana hmeichhia zawng zawng a huam ta vek a ni. Kum 14 chin chunglam zawng zawng, Hmeichhia a duh apiang, member nih theih a ni.
50
BAPTIST MIPA PAWL (BMP) DAY May 4

Thuhmahruai: Baptist Mipa Pawl (BMP) hi Thingsaiah 4 May 1980 khan din tan a ni. Chutih lai chuan a hming hi saptawngin Baptist Mens Fellowship tih a ni a, a lam a har deuh avangin 1983-ah Baptist Mipa Pawl tia thlak a ni. BCM Assemblu 1988 chuan BMP hi Kohhran hnuaia Fellowship pakhat ni turin a lo pawm ta a, chuta tang chuan Tualchhung Kohhran hrang hrangah din phal a ni ta bawk a. Assembly chuan BMP Inkaihhruaina Dan ruahman chu a pawm nghal bawk a ni. BCM Assembly 2006 chuan BMP din ni atan Thingsaia a din tan hun 4 May 1980 chu BMP Day atan a pawm a, chuta tang chuan kum tinin BMP Day hi hman thin a ni ta a ni. BCM Assembly 2011 chuan BMP chu Tualchhung Kohhran bakah Pastor Bial tina din a lo phalsak leh ta zel a, chuta tang chuan Pastor Bial tam takah din a lo ni ta zel a, a lawmawm hle. Tunah chuan hmun tam takah Bial BMP Inkhawmpui leh Rorelte pawh neih thin a lo ni ta. Nasa takin BMP member-te chuan thlarau leh rawngbawlna lamah hma an sawn zel a, a lawmawm em em a ni.
51
Hman dan tur: 1. BMP Day 2013 hi Inrinni a ni a, hetiangin hman tur a ni. 2. Chhun lamah chuan mahni awmna Tualchhung Kohhran tan emaw Khawtlang tana tangkai tur thawh theuh nise. 3. Zan Inkhawmna buatsaih theite chuan mahni awmna kohhranah hun dil tur a ni ang a, thupui leh programme pawh mahni unit in siam tur a ni.
52
ISUA VAN LAWN NI May 9

Thuhmahruai: Isua van lawn ni (ascension day) hi Baptist Church of Mizoram ni pawimawhte zingah dah tel ve ni rawh se tih thu ngaihtuah turin 2008 Assembly ah a lo lut a, ngaihtuah a ni a. Assembly chuan BCM ni pawimawhte zingah dah ve nisela, Calendar-ah chuantir ni rawh se a ti a. Kum 2009 atangin Calendar-ah chuantir a ni. Pathianni anih loh avangin programme hran siam a ni lo. Isua van lawn hun leh a pawimawhna te. A thawhleh hnuah Lal Isuan he khawvelah ni 40 hun a hmang a, tichuan vanah hruai chhohvin a awm ta a ni. Chu chu Easter Sunday atanga chhiara ni 40na a ni. Isua chu vana hruai chhohvin a awm ngei a ni (TT 1: 9 11). Isua van lawn ni hi BCM in ni pawimawhte zinga a chhiar chhan chu Isua van lawn chung chang hian thil pawimawh tak tak a ken tel vang a ni; chung zinga thenkhat chu hengte hi a ni. 1. Thlarau Thianghlim a mite (kohhran) hnena rawn tir tura inbuatsaihna a ni. 2. Tlanna hna a thawk zo vek tawh tih chhinchhiahna a ni (Heb 10:11-14). 3. Pa ding lamah thua, a mite tana dilsak turin vana hruai chhoh a ni (Rom 8:34; Heb 7:25)
53
4. A zirtirte leh amah zuitute tan hmun siam sak turin (John 14:2) 5. Amah ngei hi a lo kal leh dawn a ni (TT. 1:11). Isua van lawn chung chang hian kohhran thurin puanchhuah pawimawh tak tak, viz: Tlannate, Thawhlehnate, A lo kal leh tur thute etc. tarlangin a nemnghet a ni
54
BAPTIST WORLD ALLIANCE (BWA) DAY. May 12

Hman dan tur: Thupui: Nang pawh chu ang bawk chuan va ti ve rawh (Lk 10:37, Matt 25:34-46) Thupui Sawi dan tur (Sermon Outline): 1. Tanpui ngaite tanpuitu-Lal Isua: Lal Isua chu Mihring pumpuhlum chhandamtu a nih avangin taksa, rilru leh thlarauva natna leh tuarna chi tinreng lak atanga chhandamtu leh tanpuitu a ni 2. Midangte rawngbawlsakna hi Pathian rawngbawlna a ni: Lal Isuan Heng ka unau te berte zinga mi pakhat chunga in tih chu ka chunga ti in ni a ti a. Tanpui ngaite chunga Pathian avanga tanpui hna kan thawh hi Pathian rawngbawlna a ni.(serving to man is serving to God). 3. Midangte tanpui tura inpekna: Mite tanpui tur hian Hun, Tha leh Sum sen a ngai a; Sum neih avang te, Hun neih leh kan hman em avangtein kan tanpui ngawt thei lova, Inpek a ngai zawk a, Inphal a ngai a ni. Lal Isua a inpezo vek ang khan Amah avanga puih ngaite tana kan inpek hi Lalpan a phut a ni.Nang pawh chu ang bawk chuan va ti ve rawh min ti a ni.
55
Tawngtai rual: 1. BWA Hruaitute tan leh BWA General Council meeting Ni 1-6.July.2013 Ocho Rios,Jamaica rama awm tur tan. 2. BWA Rawngbawlna peng hrang hrang-Baptist Kohhran inpumkhatna te, Chanchin Tha hril hna thawh te, Chhawmdawlna hna thawh te ,Zalenna leh Dikna humhalh hna thawh te leh Pathian Thu (Theology) dik leh him taka zirtir. 3. Thawhlawm hlanna (Hemi ni thawhlawm hi Hqrs Serkawn a thawn tur a ni a. BWA Hqrs 405 North Washington Street. Falls Church,VA 22046.USA a thawn tur a ni) Thuchah chhiar chhuah tur:1. BWA Din tan dan:- Baptist World Alliance (BWA) hi khawvel pumpuia Baptist Kohhran te insuihkhawm a ni a. Kum 1905 khan London khawpui a Exeter (Ekzeter) Hall-ah din a ni. John Newton Prestridge-a chuan kum 1904 khan Chanchin Bu pakhat The Baptist Argusah Khawvel pumpuia Baptist Kohhrante intawhkhawm rawtna a chhuah a; chu thu chu John Howard Shakespeare-a chuan chanchin bu dang The Baptist Times and freemanah sawimawi zuina a chhuah ve leh a. Chu thu bawhzui chuan Baptist Union of Great Britain (Sap ram
56
Baptist Inzawmkhawm) chuan October 1904 khan khawvel pumpuia Baptist Kohhran Inkhawmpui (Congres) neih chu an rel thlu ta a. Tichuan London khawpuiah July 1905 khan Inkhawmpui hmasa ber chu neih a ni ta. Kumin 2013 hi BWA kum 108-na a ni 2. BWA Din Chhan:- Kum 1905 Inkhawmpui chuan Constitution mumal tak a siam ta a. BWA hi khawvel pumpuia Baptist Kohhran zawng zawng hi Pathianin Isua Kristaa thil engkim fawkkhawm a tum tipuitling tura rinawm taka thawkho tur leh khawvel pumpui hi Krista ta a nih theih nana thawkho tura din a ni. 3. BWA Special Sunday: Mizoram Baptist Kohhran hian kum 1978 ah kan zawm ve a.full member kan ni. Tunhma deuh kha chuan BWA Day hi Fabuary thla Pathian Ni hnuhnung berah hman a ni thin a; kum 2005 atang khan May thla Pathian Ni hmasa berah sawn a ni ta a. Keini tan Kristian Chhungkaw Ni a nih avangin May thla Pathian Ni vawi hnihnaah BWA Day hi kan hmang ta thin a ni. BWA Sunday zing Inkhawm thawhlawm hi BWA Headquarters BAPTIST WORLD ALLIANCE 405 N. Washington St. Falls Church, Virginia. 22046, USA-ah kan thawn thin a ni. BWA-ah hian Ram 120 atangin Kohhran hlawm (Convention/Union) 223 kan awm a. Tualchhung Kohhran
57
177,000 zet leh baptisma chang tawh maktaduai 42 (4,20,00,000) zet kan inzawmkhawm a ni. 4. Kum 2012-2013 chhunga kan Thupui : Thlarau Thianghlim hruainain Chhanchhuah Hna thawh(In step with the Holy Spirit- Liberation) tih a ni. Tanpui ngai leh chhanchhuah ngaite tana inpek uar kum a ni. BWA hian khawvela chhiatna lo thleng thinLirnghing,Tuilian,Thlipui,Tam, Indona vanga tuarna hrang hrangah te, Rorelna dik lo avanga mipui tuarna leh retheihnaah te, Natna leh Hri leng avanga tuarnaah te tanpuina hna a thawk thin a, kumin 2012-2013 chhung hian mahni awmna hmun leh ram theuha nasa taka thawk tur leh Khawvel hmun danga kan Baptist unaute nena thawkhoa chutiang kawnga tanpui ngaite tanpui hna thawh te; Ram rethei leh hnufual zawkte tana hmasawnna (development) hna thawh te hi kan hmalakna ki-pui tur a ni a. Lal Isuan ka ril a tamin nangnin ei tur mi pe a; ka tui a halin in tur mi pe a; mikhual ka nihin mi thleng a; saruak ka nihin puan mi sintir a; ka dam lohvin mi kan aHeng ka unau te berte zinga mi pakhat chunga in tih chu ka chunga ti in ni a tih kha. Mihringte rawngbawlsak hi Pathian rawngbawlna a ni (Service to man is service to God). Jerusalem atanga Jeroko khuaa kal tur khualzin pakhat suamhmang tawk,nasa taka sawisak leh thi chhawnga lum reng tawh, mahni in saseng thei tawh lo tanpui ngai Samari mi thain a tanpui ang khan Lal
58
Isuan,Nang pawh chu ang bawk chuan va ti ve rawh a tih hi kan Beng leh Thinlungah ri thar ve leh rawh se. Kan khawtlang leh thenawmah te, kan Kohhran chhungkua ngeiah te pawh chutianga tanpui ngai leh puih ngaite dap chhuak ila; Puithiam leh Levia chi anga pumpelh tuma hell eh haider mai lovin Pathian hmingin tanpui leh chhawmdawl hna thawk zel turin inbuatsaih zawk ila, Kan theih tawk a lian emaw a te emaw midang,mamawhtute hnena thilpek leh tanpui hna hi eng ermaw ti tala thawk theuh turin BWA chuan Kohhran member tin Pathian hmingin min sawm a ni.
59
THLARAU THIANGHLIM THLEN NI May 19

Thuhmahruai: Khawvel pum huapa Kristiante Calendar-a ni pawimawh, kum tin an hman thin zawm vein kan ramah pawh hian kohhran tiah tirh atangin kan hmang a ni. Penticost ni tiin kan lam ve mai a, Sunday School zir lai buah pawh kan dah dan tam ber a ni thin. BCM Assembly chuan hei hi dik chiahin a hre lova, (Judate kut chhawm zui zel kan nih loh avangin)Thlarau Thianghlim Thlen ni tiin hman turin a pass hial a ni. Kan sawifiah dawn erawh chuan Penticost awmzia atanga sawi a ngai tho mai. Penticost tih thumal awmzia chu sawmngana tihna a ni a. Chawlhkar kut an ti bawk thin. Sawmngana an tihna chhan chu Thuthlung Hluiah khan Chhang dawidim telh loh kut (Feast of unleavened bread) hun laia buh thar an hlanna kut (Feast of Harvest) atanga chhiara ni sawmnganaah a thlen vang a ni.(Lev 23:1516).He kut hi Buhseng kut (Feast of Harvest) Ex 23:16; 34:22) tih emaw Thlai thar hlan kut (Day of First Fruits) tite pawhin an dah bawk thin (Num 28:26). Chu chu Kalhlen kut atanga ni sawmngana a ni.Thuthlung Thar hun lamah chuan Tirhkohte Thiltih Bung 2-a kan hmuh Thlarau Thianghlim thlenna chuan Juda-te kut chu Kristiante kutah a chantir (transformed) a. (The New Compact Bible Dictionary). He ni hi Baptisma channa ni
60
atan an ruat thin. Hemi nia Baptisma chang zoten kawrfual var an hak thin avangin, White Sunday (Sunday Var) tiin an vuah phah ta a ni. White Sunday chu Whitsunday tiin ziak a lo ni ta zel a ni. Isua thawhleh ni atanga chhuta ni sawmngana a ni. Isua Thawhleh ni atanga chhiar a nihna chhan hi Lev 23 : 15-a Pawl kut chhiarna Chawlhni tuk tuk leh (from the morrow after the sabath) atangin in chhiar ang atih hi, ni sarih ni hmasa ber (Sunday) hi a ni si a. Khawvel Kristian tam berten kan hman dan a ni vek a ni. A pawimawh ber zawk erawh chu Thlarau Thianghlim thlennain kohhran a din a, a tiharh a, a chenchilh a, thiltihtheihnain a thuam hi ni. Hman dan tur : Thupui : Thlarau Thianghlima Khah. ( Eph 5 : 18; Tirh 2 :4) 1) Ringtute chakna hnar a ni. 2) Chanchin tha hril tura hmanraw tha ber a ni. 3) Thlarauva khat turin sual kalsan a ngai 4) Tlawmna leh thuawihna chu khahna bul a ni. Tawngtai rual thupui : 1) Thlarau Thianghlim chenchilhna kan chan avanga lawmthu sawina. 2) Thlarau Thianghlim kan tihlungngaih thin leh kan tihvui thin avanga thupha chawina. 3) Thlarau Thianghlim hruaina anga kal zel tura inhlanna.
61
KRISTIAN CHHUNGKAW NI. May 19

Ni pawimawh a lo nih dan: Kum 1948 khan North East India Christian Council (NEICC) khatih laia Assem Christian Council (ACC) inkhawmpuia Baptist Kohhran palai zu kalte chuan Assembly (Presbytery) ah report an pe a; Kristian chhungkaw pawimawhzia hi uar takin an sawi a.Assembly chuan Kohhran tinin bawhzui nisela, May thla Pathianni remchang ber chu Kristian Chhungkaw niah hmang ila; chhungkaw inenkawlna pawimawhzia leh chhungkaw hlutna te hi sermonah thusawitu apiangin sawi thin ni rawh se tiin a rel a.Tichuan, 1948 atangin Kristian Chhungkaw Ni hi kan lo hmang tan ta a ni. Tunah chuan BCM Calendar-ah nghet taka dahin May thla Pathianni vawi 3-na hi kum tin Kristian Chhungkaw Ni atan kan hmang ta a ni. Kristian Chhungkaw Ni a Inkhawm thawhlawm hi hun rei tak chhung Headquarters ah thawnin, Nau hnuchham tanpui nan pek thin a ni. Assembly in Tualchhung Kohhran mamawh sang zel avanga headquarters a lut tur a tih tlem atang khan he mi ni thawhlawm pawh hi Tualchhung Kohhran tinin anmahni pualin an hmang ta zel a ni. Kristian Chhungkaw Ni hi Pathianni nimahsela, hetah hian programme hran siam a ni lo. A chhan chu Kristian Chhungkaw Chawlhkar kan lo nei ta a, he
62
chawlhkarah hian thuzir tur leh kar pumpui programme (Kristian Chhungkaw ni telin) siam zel anih tak avangin. Kristian Chhungkaw Chawlhkar lo pian chhuah dan tawite in tarlang nghal ila. Kum 2003 Assembly-a Kristian Chhungkaw Chawlhkar hman nisela tih thu lo lut chu titluk a ni a; Kristian Chhungkaw ni behchhana hman a ni. 2004 Assembly ah Kristian Chhungkaw Chawlhkar hman rawtna lo lut leh pawh remtih niin hman a ni leh a. 2005 Assembly ah pawh a lo lut leh a. Chuti anga a zawna tum thum lai ngaihtuah anih takah chuan Assembly chuan kum tin Kristian Chhungkaw Chawlhkar hi hi hman thin ni tawh rawh se tiin a rel ta a ni. Tichuan tuanah chuan Kristian Chhungkaw Chawlhkar hi kum tin kan hmang thin a ni. Kristian Chhungkaw Chawlhkara chhung tin zir tur headquarters atanga buatsaih chu zirin urhsun taka hman ziah a ni. He hunah hian Kohhran(pui) inkhawm ni lo, FOD inkhawm leh tul dangte chu ti lo tura hriattirin Kristian Chhungkaw Chawlhkar chu duh thawh taka hman ziah a ni. Kristian Chhungkaw Chawlhkar hi Kristian Chhungkaw Ni nen inzawm chiaha hman thin a ni.
63
TKP RAMTHIM NI May 29

Hun hman dan tr: Unit tinin zn lamah inkhwm buatsaih ni se. Thupui atn Ka tir che a ni lwm ni? (Ror 6:14) tih hman ni se. Inkhwmnaah hian thawhlwm lk khwm ni se, Bial kal tlangin M|KP ah thawn tr a ni ang a, Mission rawngbwlna atn hman a ni ang. Kohhran member zawng zawngte inkhwm trin \hahnemngai taka swm ni se. TKP pawn lam atang pawhin chanvo nei thei turte pawh zawn nise. Inkhawm programme kimchang chu Unit-in \ha an tih angin siam ni se. |KP Ramthim Ni lo chhuah dn: |KP hian a din tirh phat a\angin Chanchin |ha hril a vei hle a, ramthim rawngbawlna kawngah pawh hma a la \an hma hle. District |KP Inkhwmpui hmasa ber, October 21-23,1955 chhnga Pkpuia neihah chuan |KP hminga thuhriltu tirh thungaihtuah a ni a. Inkhwmpui vawi 2-na Hnahchang khuaa kum 1956-a neihah pawh Tuikuk Takam pual Ni bk neih chungchng rel a ni leh a, District |KP Inkhwmpui vawi 5-na Rahsivnga neihah chuan Tuikuk Takam puala thawhlwm neih thu chu passed a ni bawk. Inkhwmpui thurel bawhzuiin kum 1959 October ni 5 (Thawh\an zn) chu Tuikuk Takam pual Ni atn hman a ni a, thawhlwm pawh Tuikuk-Takam pual atn Headquarters-ah chhun luh a ni. District |KP inkhawmpui,1960-a neih chuan Tuikuk Takam pual Ni atn September thla Thawh\an
64
ni hnuhnung ber hman ni se tiin a rl a, hemi kum hian September thla thawh\an ni hnuhnung ber chu September ni 26 a ni. Tuikuk-Takam Pual Ni chu huap zau zwka kalpui \ha tih a nih avngin kum 1969 a\angin Ramthim Ni tia thlk a lo ni ta a, a hun thu-ah pawh mumal zwka hman a nih theih nn September ni 26 chu ruat ngheh a ni ta a ni. September thla hi Beirual thla a nih avng leh thla chawhnu lamah Kohhranin programme pawimawh tak tak a siam \hin avngin |KP tn remchan twk lohna a awm \hn avngin kum 2006-a M|KP rorelna S.Vanlaiphaia neihah chuan May thlaah sawn nise tia rel a ni ta a. M|KP Executive Committee chuan chak taka bawhzuiin BCM in Mizoram pwna missionary a tirh chhuah hmasak ber Rev H.Rokhama tirh chhuah ni, May ni 29 chu Ramthim Ni atn hman ni tawh se tiin a ruat fel ta a, 2007 a\ang chuan May ni 29-ah Ramthim Ni hi hman \hin a lo ni ta a ni. Pathian khawngaihna avngin BCM-in rawngbwlna huang a zauh zl a, ramthim rawngbwlna kawngah |KP ten hma kan sawn zl theih nn Ramthim Ni hi uar taka kan hman \hin a pawimawh hle a ni. A hnuaia thupuite hmang hian \awng\airual neih ni se: 1) BCM hnuaia thawk missionary zawng zawngte tn. 2) |halaite zngah missionary atna inpe kan lo pun zl theih nn.
65
3) Kohhrante rilruah mission ngaih pawimawhna a lo zual zl theih nn. 4) Pathian ram rawngbawlna kawnga mi inphal an lo pun zl theih nn. 5) Pathianin BCM hi thawhna tr hmun leh ram min pk belh zl theih nn.
66
RELIEF SUNDAY June 16

Hman dan tur: Kum 2013 Relief Sunday hi kan ram leilung leh nungchate nena kan inkungkaih tawnna te, an thatna tura humhalh chunga enkawl tura infuih tharna hun atan hman nise. Khawvel sik leh sa lo danglam nasat tak avanga ei leh bar thawh chhuah a harsat phah tial tial thute, chu mi avanga natna lo pung zelte leh a tuartu chu mihringte kan nih thute in zirtir ila. Tin, Ram leh nungcha tinrengte chunga ngilneihna lantir hi Pathian ringtute mawhphurhna anih thute, an chunga harsatna thlentu tam ber chu mihringte kan nih rualin a siam that hna hi Pathian ringtute mawhphurhna anih thu te inhriat nawn tir ila. Thuchah sawitu ten helam hawi hian Sermon buatsaih in sawi ni sela, tin, Kohhran Chanchin bu-ah te pawh chu lam hawi thuziak chu tarlan uar ni se. Thuchah: Pathian chuan khawvel a siam zawh khan a han en a, Tha a ti em em ani tih kan hmu a. Chu a khawvel siam, tha atih em em chunga hotu ber chan changa enkawl leh veng turin mihring a dah thu kan hmu bawka. Gen. 1:20-25, 1:9,12,18, Gen. 1:31. Siamtu chuan Mihringte chu malsawmin lo darha lo pung zel tur leh a siam khawvel chu luah turin thu a pe a. Gen 1:28, 22. Pathian chuan a malsawmna a zara lo darh a lo pung te chu an awmna tur ramri te a khamsak theuh hlawm ani
67
tih Bible-ah kan hmu a. Genesis 15:18-21 Number 34:18-29 Mizoram pawh Mizote tan chenna tura min pek ani a. Kan enkawl danah hian Siamtu in duh taka asiam leh tha atih em em enkawl leh veng tura min duh ang hian kan enkawl thin em ? tih hi vawiin ah hian i in zawt nawn theuh ang u. Siamtun a duh dan angin thu chauh nilo, thiltih a enkawl tura hma la tura kan in fuih thar fo thin hi a va tul em ! Mihring duhamna chuan Pathian thilsiamte enkawl kawngah Siamtu duh dan ang ni lovin, anmahni chak leh nuam tih zawnga an enkawl avangin Ram a chhia in a chhunga chengte an chep tial tial a, thenkhat te chu hmuh leh miah tawh lo turin an boral tawh ani. Rom 8:19-22 Khawvel lo lum zel hian chhiatna chi hrang hrang a thlen belh zela. Kan ei tur thlai thar that theih lohna ram te lo zau zelin Tuifinriat chim chin alo sang zel a. Tui atanga kai chhawn theih natna te pawh pungin mihring pung zel ten harsatna kan tawk chho mek ani. Mizoram-ah pawh Malaria leh Typhoid tuar kan tam em em bakah, kan ram boruak nuam leh hmun thawl umin hnam dang an lo tam ta hle mai. Kristian lo Biak in te pung zelin Pathian hminga kan tih tur leh kan tih hun bi te pawh palzut a hlawh tan ta hle mai. Hawh u, kum 2013 hi Pathian min pek, khawvela kan ram neih chhun, Mizoram hi ram mawi leh nuam,
68
eitur thar chhuaka min chawm theitu ram a nih zel theih nan keini Ringtute hian kan phak tawk theuhin siam thatu nih tumin tan ila ang u, tiin Pathian hmingin kan in sawm nawn ve leh ani e. Lalpan Kohhran hote Hruaiin Malsawm zel che u rawh se.
69
MISSIONARY SUNDAY July 7

Hman dan tur : 1. Chawhma Inkhawm thupui: Chanchin Tha Mitin Tan (1Timothea 1:15-16, 2:4, Mathaia 28:18-20, Marka 16:15) 2. Kohhran Zaipawl, KNP, BMP leh BKHP ten hla rem se. 3. Kohhran pumpui huapin Chawhnu inpawlhona programme siam ni se: BCM Mission rawngbawlna chanchin zirho ni se (A duh tan Hqtrs. Hotute sawm theih an ni). 4. Zan Inkhawm thupui: Tawngtai leh Thipek-a Mission rawngbawlnaa tel hi kan vaiia mawhphurhna a ni (Mathaia 9: 37, Ephesi 6: 19, Philipi 4:1418, Mathaia 25:35,40). 5. Chawhma inkhawm, chawhnu inpawlhona leh zan inkhawmah te hian kan missionary te tan leh khawvel pumpui huapa missionary te tan tawngtai rualna neih ni se. 6. Inkhawm leh Inpawlhona programme chipchiar chu Tualchhung Kohhran kutah dah a ni. Thuchah Vawiin ni ropui tak Missionary Sunday inkhawma Pathian kohhranho lo pung khawm zawng zawng te BCM Headquarters Office atangin missionary ropui ber kan
70
Lalpa Isua Krista hmingin chibai kan buk a che u. William Carey-a, Baptist Pastor, missionary ropui tak; hunlai atang tawh khan khawvel pumpui huapa Baptist kohhran te chuan kohhran pawl dang tam tak aia kan danglam bikna chu Keini chu missionary rilru pu, ramthim vei kohhran kan ni, tiin an lo sawi fo thin a. Vawiin thleng hian BCM pawh hian hei hi kan nihna sawifiah nan kan la hmang ve reng a ni. BCM Mission Committee hnuaiah hian thawktu 800 dawn lai kan nei a, BCM hnuaia rawngbawlna peng hrang hrangah thawktu kan ngahna ber a ni. Thawktu mai bakah sum leh pai pawhin kan tang ve nasa hle a, mission field tlawh leh work camp nei ten mission lama kan rawngbawlna hi kan vil reng a, tualchhung kohhran tawngtaina thupui kal reng anih bakah missionary leh mission rawngbawlna pual hian TKP, BKHP leh BMP te chuan chawngheia tawngtai programme hi an nei deuh reng bawk a. Keini chu missionary rilru pu, ramthim vei kohhran kan ni, tih hi kan insawifiahna ni awm reng pawh a lo ni. Tunah chuan kan ram chhung leh ram pawn India ram hrang hrang bakah foreign thlengin missionary kan tir chhuak ve ta a. Vawiin ni ropui takah hian kan missionary mahni ram chhuah sana, hmun khawhar leh kilkhawr zawka awmte hrerengin an tan I tawngtai sak nasa lehzual ang u. Keini chu missionary rilru pu, ramthim vei kohhran kan ni tih hi Kohhran pum huap te, chhungkua ang te mimal ang te-a kan insawifiahna a lo nih zel theih nan tan I la thar zel ang u.
71
TKP DAY July 30

Hman dan tur : 1. Unit tinin mahni remchan angin chhun / zan ah hman nise. Thupui atan, Khawvel eng in ni e (Mathaia 5:14) thlan a ni. 2. TKP Day pual Inkhawmah member tam takin chanvo an neih theih nan Unit in Programme tha takin ruahman nise. 3. Thawhlawm lakkhawm tur a ni a, Bial kaltlangin MTKP ah thawn tur a ni a. Thawhlawm hmanna tur hi MTKP in a ngaihtuah ang. 4. Unit remchan angin Zing kar/nileng hnatlang neiin Kohhran leh khawtlang tana tangkai tur thawh nise. 5. TKP Day Programme tha taka hman anih theih nan Tualchhung Kohhranah thlenin Kohhran member leh Fellowship dang te pawh sawm nise. 6. Mahni Unit dinhmun a zirin TKP Day hman dan tur ruahmanna hi Unit ten an siam danglam thei ang. TKP din dan leh TKP Day : A tirah chuan Thalai Pawl din chu hlauhthawn an neih avangin Kohhran Upaten an phurpui vak lova. Tihsual palh hlau takin fimkhur leh uluk takin Serkawn Kohhran Upate chuan kan Zosap Missionary-te kaihhruaina hnuaiah kum 1951 July 30-zanah Serkawn M.E School (tuna BHSS Junior ) ah thalai thahnem tak kalkhawmin, phur takin Thalai Kristian Pawl chu an lo din ta a ni.
72
Kum 1952 Presbytery Pukpuia neih chuan pawmpuiin Pastor Bial tinah din a phalsak bawk a. Hetih lai hian Mizoram chu Assam State hnuaia District pakhat mai a nih avangin TKP khaikhawmtu chu District TKP tih a ni a. District TKP Inkhawmpui hmasa ber chu Pukpuiah kum 1955 ah neih a ni a, he inkhawmpui ni hmasa zawk October 22 chu TKP Day atan hman a ni thin a. Amaherawhchu, hei hi dikhlel deuhva hriatna alo awm a, kum 1995 MTKP rorel Sethluna neih chuan Serkawna TKP din tan ni July 30 hi TKP Day atan hman nise a ti a. Hei hi BCM General Committee chuan pawmpuiin kum 1997 atang chuan TKP Day hi July 30 ah hman a lo ni ta a ni. TKP chu kumin 2013 hian kum 62 a upa alo ni ve ta a, Krista leh Kohhran Tan TKP hi din a ni tih hre thar leh ila, khawvelah hian Krista leh kohhran tan i inchhi eng zual zel ang u. Kan inchhiarna (2011-12) a lan danin TKP te hi Pastor Bial 72 ah Unit 373 neiin , member mipa 23212 leh hmeichhia 13545, a vaiin 36757 kan ni a. Pathian hruainain TKP member pawh kan pung zel a ni.
73
THLAI THAR HLAN NI August 4

Thuhmahruai: Thlai thar hlan ni hi kan hman tan kum tak hriat a har a. Kum 1950 hma lamah pawh an lo hmang tawh tih chu 1950 Assembly minute-ah a hriat theih a. Thlai thar Kut tiin an lam nghe nghe. Mite thinlungah Pathian hnena an thlai thar hlan chakna te, Mimkut an lo hman thinte an lo tlansan tawh bawk nen, Kohhranin thawhlawm lamah nasa taka tan lak tumna a awm bawk a. Finance Committee chuan thawhlawm a lo pun dan tur a ngaihtuah a. Chungte nena tang kawp vekin Thlai thar hlan ni hi a lo chhuak ta niin a lang. Atirah chuan September thlaah hmangin Pathianni hmasa berah an hmang thin a. Lo, leipui leh huan lama thlai thar remchang apiang thawh khawmin Biak inchhung leh hulhliapah an chhung vum thur a, inkhawm banah lilamin an tiral thian a. Darkar rei fu fu a awh hial thin. Kohhran leh khawtlangin an nghahhlelh hun pawimawh tak a ni hial a ni. Hmun then khatah chuan awmni khamin Innrinniahte hmangin zaikhawm leh ruai hialte pawh an theh a, beirual hunin a zui bawk nen kohhran hlimna hmahruai a ni kum tin fo. September thla Pathianni hmasa bera an hmang thin hi thingtlang hmun then then atangin thlai thar chuai tawh lam a ni a, a hun sawn hma an rawt thin a (Assembly 1965, 1968, 1971). August thla chhung hi an tin zawn
74
deuh zel a. 1993 Assembly-ah Lunglei North ABC atangin August Pathinni vawi 2-naa sawn rawtna leh Aizawl ABC atangin August Pathianni vawi 1-naa sawn rawtna chu August Pathianni vawi 1-naa sawn a lo ni ta a. 1994 atanga hman ni se tiin a lo rel ta a. Tun thlengin kan lo hmang ta a ni. Atirah chuan thawhlawm tling khawm chu Headquarters-ah thawn a ni thin a. Ramthim pualah a kal a ni mai thei, Ramthim thlai thar hlan tite pawhin an lo sawi ve bawk. Hetia Thlai thar hlan thawhlawm Headquarters-a thawn zel hi titawpa tualchhung kohhran puala dah duhna a lo awm leh a (Assembly 1971, 1984). 1984 Assembly chuan Kumthar, Krismas, Easter Sunday leh Thlai thar Hlan thawhlawmte chu Headquarters-a thawn tawh lovin Tualchhung kohhran pual atan a lo rel fel leh ta a. 1984 atanga hman tan turin a lo rel ta a. Vawiin thlengin Tualchhung pual a lo ni ta a ni. Ram hmasawn leh khawsak danglam zelah tunah hi chuan huan leh lo neiha eizawng kan tlem tial tial a. Khawpuiah phei chuan thlai thar hlan tur nei lo hi chhungkaw tam zawk kan ni hial ang. Heti chung hian Thlai thar hlan ni hi Special Sunday-ah kan hmang zui zel a. Thlai thar hlan tur nei lote pawhin kan thinlung leh kan thil neih hlu dangte hlanna hun atan hmang ila. Pathian miten Pathian kan zawmna leh kan inkungkaihna tithar zeltu chu Thil Hlan Inthawina (Rawngbawlna) hi a ni. Israel-te zingah thil hlan inthawina hi lo awm ta lo se la, Pathian chibai buk kan tih hi Israei-te nunah a khingbai hle ang. Pathian chibai kan
75
bukna, lawmthu kan hrilhna, kan hmangaihna leh kan Pathian a ni a, Ama ta kan ni tih chhinchhiahna pawimawh tak a ni tih hriain kohhranhoten LAWMNA THINLUNG puin I hmang theuh ang u.
76
THEOLOGICAL EDUCATION SUNDAY August 18

Hman dan tur: Thupui : Hma i sawn zel ang u (Phillipi 3:16) 1. Inkhawm hi AICS kal naah chuan anmahni zing ami hruai tura beisei an ni, hei hi zirlai tan practical ministry atan chhiar nghal a ni. 2. Bible Chhiar: Sam 84:1-10 ( TKP member nula-in chhiar se) Phillipi 3:12-16 (TKP member tlangvalin in chhiar se) 3. Hlasak tur te: KHB No. 553, KHB No. 591, KHB N0. 360 4. Special No: KNP or Kohhran Zaipawl 5. AICS Report Chhiar chhuahna: AICS in an kalnaah. 6. Tawngtairual thupui: 1). Lawmthu sawina: Pathianin AICS hlawhtling tak min dinsak avangin, kum 12-na kan lo thleng ve ta. Kawng hrang hrang min hruaina avangin lawmthu i sawi ang u. 1) Tawngtaisakna AICS- thawktu zawng zawngte leh zirlai leh chhungkua awm zawng zawng tan. 2) Nakum February 6-10-ah Serampore Convocation kan thleng dawn a, tunah hian ngawrh takin insak hna thawh mek a ni. December-ah chuan kan insakte
77
hi zawh ngei ngei a ngai, Report-a tarlan angin, kan inpeih fel hman nan leh Convocation tluang taka kan hman theih nan i tawngtai ang u. 3) India rama theological college hrang hrang tan, leh M.Th leh doctorate zira Bangalore, Madurai, leh Serampore-a awmte tan. .
78
NEICC DAY OF PRAYER October 20

Thuhmahruai: NEICC Day of Prayer hi, kum 1975-a NEICC Inkhawmpui, All Saints Cathedral, Shillong-a Church of North India-in an dawl kumin passed a ni. Kum tin November Pathianni vawi 3-na hi hman thin nise ti-a rel thluk a ni. Inpumkhatna leh India hmar Chhak Kohhrante intawngtai sak tawnna ni atan ruat a ni. Hemi ni-a thawhlawm pawh NEICC puala pek zel ni rawh se, tih pawh lungrual taka tihthluk a ni bawk. Hun a lo kal deuh va, Kohhranhote hman remchan rual tawklohna avangin, 1994 NEICC Inkhawmpui, Chandmary Presbyterian Kohhran, Aizawl-in an dawl kumin, tuna kan hman lai, October Pathianni vawi 3naah hian sawn a ni ta a ni. Hun hman dan tur: Thupui: An zaa pumkhat an nihna turin (Johan 17:21-23) Thupui then: 1) Inpumkhatna hi Pathian zia (nature) a ni. 2) Khawvelin Isua an awih theihna turin inpumkhat a tul 3) Pathian ropuina chu inpumkhatnaah hian pek a ni. 4) Inpumkhatna hi famkimna kawng a ni.
79
Thawhlawm hi BCM headquarters-a thawn tur a ni. A hnuaia tawngtai thupui tarlan ang hian tawngtai rual nise. Thuchah hi chhiarchhuah ni se. Inkhawm programme tul dang chu Kohhranin a ruat ang. Tawngtairual Thupui 1) India hmarchhak Kohhran hrang hrangte in ngeih taka kan awm zel theih nan in tawngtai sak tawn ni se. 2) NEICC-a thawktu Secretary, Office staff te leh NEICC hmalakna hrang hrang hian Kohhrante thawhhohna a tihchak zel theih nan. 3) NEICC College, Union Christian College tan, zirlai leh zirtirtu hnam hrang hrang awm khawmte inngeih taka an awm khawm zel theih nan. Thuchah: NEICC hnuaiah hian member 51 zet kan awmkhawm a. India hmarchhaka Kohhran tamfe zawk hi kan awmkhawm tihna a nih chu. NEICC thil tum ber chu, kohhran hrang hrangte inhriatthiam tawnna neih te, thil tihho te, thawhhote, in zahtawnte, tanrual te, inpumkhatna siam te a ni. Hei hi thil tul tak, Pathian zia leh a lawm zawng, khawtlang, hnam leh chi leh kuang inremna bul pawh a ni. Kohhran hrang kan nih avanga chhiatni thatni-a kan inen hran dan te, chhuangkaw inlaichinna a tih dal theih dan te, sawrkar hna leh therhlo
80
thlenga kan induhsakna kawng a nghawng dan te hi bih chian a hun ta hle mai. Khawtlang inpumkhatna leh hnam inpumkhatna bulthut chu Pathian zia (nature) ah hian a awm tlat a ni. Lal Isua, Ka Pa, nang keimaha i awm leh kei nangmaha ka awm ang bawk hian, anni pawh keimahnia an awmna turin.. tia a tawngtaina hi Kohhrante awm dan tur chu a ni. Ringlo miten Kristiante an awh lohna chhan lian ber fo chu kan inngeihlo leh kan inthen hrang hi hi a ni. Lal Isua an awih theihna tur chuan kan tanrual a, kan thawhho thiam hi a va tul em!!! Pathian ropuina hliah fotu chu inpumkhatlohna hi a ni. Innghirnghona leh indona hmunah chuan Pathian a ropui thei lova, Setana lamtualah a chang mai thin. Inpumkhatna hi Pathian siam a ni a, inpumkhatlohna hi Setana kutchhuak a ni. Inpumkhatna hi Kohhrante kan thanlenna tur leh kan famkim zelna kawng pawihmawh tak a ni. Upa T. Romama hla-in Inthenna biahthu reng an sawi tawh lawng a tih hi Kohhranhote luhkhawmna tur vanram zia chu a ni a, chuvangin Krista thu anga pumkhat awmkhawm hi varam hmel khawvela kan tarlan theih pawimawh tak chu a ni. Kan Lal Isua a khawvel hun tawp dawn hnaia a tawngtaina thupui chu An zaa pumkhat an nihna turin tih hi a ni a, kan khawtlang, kohhran, hnam leh chhungkua hi inpumkhatlohna hian min hliam na thei hle tih hria-in Krista rilru puin inpumkhatna ke i pen ang u.
81
KHAWVEL SUNDAY SCHOOL NI November 3

Sunday School Intan dan. Tun laia Sunday School kan tih hi 1780 kuma Robert Raikes-an Gloucester, England-a a din a ni. Hei hi a thang zel a, Sunday School a pung zel a, 1785 kumah Sunday School inzawmkhawm pawl hmasa ber, Society for Promoting Sunday School a lo ding hial a, a hnu lawkah Sunday School Society tia thlak a ni. Khawvel hmun hrang hrangah a darh zau zel a, India ramah pawh kum 1800 khan William Carey leh a thiante pathumin Serampore-ah an lo din a. Tin, Mizoramah chuan kum 1896-ah Sapupa leh Pu Buanga ten Aizawlah an din a, chhim lamah chuan kum 1902ah Tv. Thankunga (a hnua Tirhkoh leh Pastor ni ta) leh a thian ten Sethlun-ah an din a ni. Khawvel Sunday School Ni. Khawvel Sunday School Ni dintu chu Dr. George W. Bailey a ni. Ani hi America (USA) mi a ni a, khawvel huapa Sunday School rawngbawlnaa mi pawimawh tak a ni a. Kum 1910 khan World Sunday School Association ah President atan thlan a ni a. Ama huaihawtin kum 1907 khan khawvel pum huap Sunday School Ni Rome khawpuiah an lo hmang tawh a, President a nih kum, 1910 ah phei chuan Washington khawpuiah May 22 ah ropui takin an hmang a ni. Khawvel Sunday School Ni hi a remchan dan angin hman a ni thin a, mahse India
82
ramah chuan tuna kan hman lai mek, November Pathian ni hmasa ber hi hman a ni ta reng a ni. BCM pawhin kum 1939 khan All India Sunday School Union kan zawm a, chuvang chuan Khawvel Sunday School Ni hi kan lo hmang ve ta a. A hnuah Christian Education, Evangelical Fellowship of India kan zawm leh a, kum 2009 atang khan All India Sunday School Association kan zawm leh ta a ni. Sunday School pawimawhna. Sunday School pawimawhna kan sawi seng lovang. Hun rei tak Sunday School-a kan hotu ber ni thin, Rev. V.L Zawnga sawi hi tawi tein sawi chhawng ila 1. Mizote lehkha thiamna petu, 2. Kohhran dintu, 3. Kohhran ban, tiin a sawi a ni. Sunday School pawimawhna hi a tir te atangin BCM rorelna sang ber pawhin a hria a, 1904 kuma Sethlun inkhawmpuiah chuan Kohhran din tawhnaah chuan Sunday School awm zel rawh se tiin an lo rel daih tawh hial a ni. Chuvangin BCM huam chhunga Kohhran tinte chuan Sunday School kan ngaih pawimawh hi kan tih tur dik tak a ni.
Hun Hman dan tur: Thupui: Mihring Dik Tak Ni Tura Buatsaih (Sam 119: 105 - 107; Thuf 1:7 9; Mika 6:8). A hnuaia point te hi thuhriltu tanpuitu atan a hman theih ang.
83
1. Mihring dik tak tih hian taksa, rilru leh thlarau a huap vek. 2. Mihring dik tak tehfung pawimawh ber chu Pathianin min duh dan anga awm. 3. Pathianin kawng min kawhhmuh tawh a, chumi kawng zawh chu mihring dik tak nihna kawng a ni. 4. Mihring dik tak nihna kawng kawhhmuhtu Pathianin min pek chu a thu thianghlim (Bible) hi a ni. 5. Chuvangin Pathian thu hi kan zir ngun a tul. 6. Pathian thu a thlawna kan zir theihna Sunday School hi kan ngaih pawimawh a tha.
84
BWA HMEICHHE TAWNGTAI RUAL NI November 4

Thuhmahruai: Khawvel Baptist Hmeichhe Pawlte hi Khawmualpui 7 a ram 136 atangin 235 member kan awm mek. Kumtinin BWA hmeichhe tawngtai rual ni hi Nov thawhtan ni hmasa berah hman a ni thin. Tawngtai Programme hi BWA Womens Department atangin alo kal thin a. Khawmualpui hrang hrangten Programme hi an in siam chhawk thin. Hemi ni hian Khawmualpui hrang hrang a Baptist hmeichhiate tan tawngtaina hun hman a ni a. He hunah hian Testimony, Bible Study leh Thawhlawm hmanna turte an rawn tarlang thin.Programme hi an rawn thawn hunah MBKHP hruaituten Mizo tawngin an lo dah a, chu chu Bial leh Unit tinah thawn darh a ni thin. Programme an lo thawn hunah Unit hrang hrangah kan inhriattir leh dawn nia.
85
RUALBANLO TE NI November 24
Hun Hman dan tur: 1. Pathianni zing inkhawm chu Rualbanlote pual inkhawmah hman nise. 2. Kohhran tinah puipa emaw kohhran upa ten hun hman tum hram nise. 3. Headquarter leh hospital lama thawktute hun hmang tura sawm thei chuan sawm nise, headquarters lam atanga inruat erawh chu a awmlo ang. 4. Sermon-ah chhawmdawlna leh rualbanlote pual rawngbawlna lam sawi nise. 5. Rualbanlote pual Sunday thuchah hi kohhran secretary emawmi hruatuin emaw chhiar chhuah nise. Thuchah chhiar tur: Mithiamte chhutdan chuanKhawvel mihring za zeal panga hi Rualbanlo an ni a, rualbanlohna hi rilru lam chauhte, taksa leh pianphung chauhva rualbanlohnate a pahnih a rilru lam leh pianphung a rualbanlohnate a awmthei a ni. Rualbanlohna chhan hrang hrang a awm a, nu in nau a pailai atanga fello awmthei atangte, piantirhlai thil awmdan leh naupan laia natna vei atangte, eitha tlakchhamna avangte, leh mizovin kan sawi thin angin, Piansualin tlailuat a nei lo, an lo tih angin, accident chi hrang hrang avangin rualbanlohna a awmthei a ni.
86
Mizoten rualbanlote kan hmuh dan leh kan ngaihdan hi a tha vaklova, kan inzir a tul hle. Hnam changkang apiangin rualbanlote enkawl an thiam a, rualbanlote hi rilru lama banlo an nih chuan finna zirtir theih an ni a, mi pangngai angin an zirchaklo a nih pawhin anmahni rau rauvah hma an sawn thei a, an thiamna zirtheih angang kha anmahni inenkawl nan leh thil tangkai thawhchhuahve nan an hmangthei a ni. Mizo hian miang manglote kan bawl khawlo fova, mi pangngai a chhuah theihte pawh chhungkua leh khawtlangin kan en dan leh kan enkawl dan avangin mi anglovah kan chhuahfo niin a lang. Mi pangngai chen zanlo te pawh enkawl thiam chuan mi pangngai ang maia chhuah theih leh mi an chenlohna laite pawh sawitham loh leh pawitham lovin a chhuahtheih a, chu chuan mahni tan leh chhungkaw tan, hnam pumpui tan a tha em em a ni, tih hria ila. Pianphunga rualbanlo pawh a tul ang zela zirtir leh hmanrua nena thuamin an rualbanlohna lang lo hialin tanpui theih an ni. Khawvelah hian rualbanlo nisi mi ropui tak tak an lo chhuak fo tawh a, mitdel, zaithiam leh hla phuahthiam, vawiin ni thlengah la ropui ber ber phuahtute, mitdel , khawvel khawmualpui zawng zawng a tlangsang berte lawn chhuak vek theikhawpa chakte, bengngawng, scientist ropuitakte, fukekim lo, mi pangngai in an tihtheihloh thiltithei tam tak sawi tur an awm a ni. Lal Isua khan khawvel a rawng a bawl lai khan rualbanlote a khawngaihin a ti dam thin a, Mathaia 10:27,
87
9:32-34, 15:29-31 te, Marka 7:31-35 te kan en chuan Lal Isuan mitdel, kebai, piangsual tinrengte, zengte, Ramhuai man (Rilrubuai) a tih dam thute kan hmu a ni. Keini pawhin kan zinga awm rualbanlote hi kan enkawl that a pawimawh a, Kan Lalpa thupek pawh a ni tih i hrethar leh ang u. Khawvel ram changkangte chuan rualbanlote tan inzirnate, School hranpa leh infiamna anmahni pual bikte siamin zinveivahna ah pawh a thlawn a chuan theihnate, an tana remchanna chi hrang hrang an siamsak thin a, kan ram pawhin hetiang lamah hian hma kan sawn ve hret hret a, chakzawk a hma kan lak zel pawh a tul hle a ni.
88
BIBLE SUNDAY December 1

Thuhmahruai: Bible Sunday hi Pathianin Bible min pek vanga kohhran hoten a hnena lawmthu kan sawina ni atana Calender-a kan serh hran hi a ni. Kohhran tam tak chuan Krismas hmaa Pathianni pali zinga a pahnihna-ah an hmang thin, amaherawhchu he hun hi Pathianni eng hunah pawh hman theih a ni. Bible Sunday hi Krismas hmaa Pathian pali zinga a pahnihna a hmang turin Anglican Calendar-ah nghet taka dah a lo ni ta a. Zawi zawiin kohhran pawl tam takin Bible puala Sunday serh hran duhna an lo nei zel a, tunah chuan Graet Britain-ah chauh lo pawh, ram tam takah hman a lo ni ta a ni. Bible Sunday ni atana ram hrang hrangin an hman chu inanglo mahse tum thuhmun, Pathianin a duhnate kan hriat theih nana Bible min pek avanga lawmthu sawina leh fakna hun a hman ani ber thin. Kristian ten Bible kan neih avanga kan lawmna kan lantir mai bakah he hun hi Bible la nei ve lo tam tak, khawvel ram hrang hrang a miten an neih ve theihna tura remchangah hman ani bawk thin. Hei vang tak hian Bible Society chuan kum tinin Bible Sunday-ah hian Kohhran leh Pawl hrang hrang bakah mimal hnenah ngenna siamin Bible nei loten an neihna tura thawk turin
89
a sawm thin a ni. Bible thehdarhna tura thahnemngai taka thawk turin ngen theuh kan ni. Hman dan tur: 1. BSI Central Office atanga thuchah lo kal thin chu Aizawl Auxiliary Office atangin Kohhranah an rawn thawn ang. 2. Tin, Bible Society puala thawhlawm lakkhawm chu mahni awmna kohhran huamtu BSI Branch Treasurer hnenah thehluh mai tur a ni e. Remchan lohna nei chuan Auxiliary Office, Bible House MG Road, Upper Khatla Aizawlah pawh thehluh theih a ni e. 3. Thupui: Krista hnena min hruaitu Bible chhiar tur: Johana 17:17, 5:5:39 Thusawitu tanpuitu: Khawvelah hian Bible ang em ema mite ngainat, mite huat, mite zah leh anchhe lawh hlawh lehkhabu dang hi a awm awm lo ve. Bible avang hian indonate a lo chhuak tawh thin a, a chhung thute avang hian ram hrang hrangah inlumleh burhna a lo thleng tawh a, lalram tam take pawh an lo tluchhe tawh a ni. Bible danglamna em em bikna chhan hi an thulakna hnar leh an thu kente a chungnun bik em avang a ni. Bible hi Pathian nihna dik tak inpuanna a ni.
90
MISSION BUHTHAR HLAN NI December 8

Hman dan tur: 1. Vawiin hi BCM hnuaia kohhran zawng zawng tan (ni pawimawh bik) Special Day anih avangin Kohhran Zaipawl leh KNP ten hla rem se. 2. A hnuaia thupui hmang hian tawngtai rualna hun hman ni se. (a) Pathian hnen atanga malsawmna kawng hrang hranga kan dawn te avangin lawm thu sawi ila, a bik takin buhthar malsawmna kan dawn avangin lawmthu I sawi ang u. (b) Kamding lo nei ve kher lote pawhin thla tina kan hlawh lak hi thla tina kan buh tharah ngai ila, lo nei lova nitin inhlawha eizawng te pawhin kan hlawh hmuh ang ang hi nitina kan buh tharah ngai ila, sumdawngtute pawhin chutiang zelin, Pathian hnenah lawmthu I sawi ang u. (c) Mission rawngbawlna lama hma kan sawn zel theih nan Pathian tanpuina dilin I tawngtai ang u. 3. Hun chang tur leh tul dang awm apiang chu kohhranin ruat se. Thuchah chhiar tur: Vawin ni pawimawh bik takah hian kohhran mipuite in vaiin BCM Headquarters Office atangin kan Lalpa Isua Krista hmingin chibai kan buk a che u.
91
Kohhran pawl dang tam tak aia Mizo ram Baptist Kohhran kan danglam bikna chu missionary rilru pu, ramthim vei kohhran kan nihna hi a ni. Kum 1939 atang daih tawh khan kan rama Bru leh Chakma te zingah tirhkoh ruaiin Chanchin Tha la hre ve lote hnenah mission hna kan lo thawk tan daih tawh a. He rawngbawl hna pawimawh tak hi kan uar zel theih nan Executive Committee Meeting 18.6.1966 chuan Zoram Baptist Mission (ZBM) a din ta a. He rawngbawlna lama hma kan sawn zela thil pekte pawh a lo pun zel theih nan kum1984 Assembly chuan ZBM BUH THAR HLAN NI hi a lo ruat ta a ni. Kum 2005 thleng khan ZBM Buh Thar Hlan Ni thawhlawm pawh Headquarters-ah chhun luh a ni. Hun a lo kal zel a, ZBM Buh Thar Hlan Ni tih chu Mission Buh Thar Hlan Ni tia thlak a lo ni leh ta a. Hemi ni-a thawhlawm tling khawm pawh chu Headquartersah thawn lovin Tualchhung Kohhran rawngbawlna atan hman turin Assembly 2005 chuan a lo rel leh ta a. Vawiin ni thleng hian December Pathianni vawihnihna hi Mission Buh Thar Hlan Ni atan hmangin thawhlawm pawh tualchhung kohhranin a chang ta zel a ni. Thingtlang leh khawpuia cheng ten, buh chinga huan, leipui leh lo neite chuan kan buh thar atangin tualchhung mission rawngbawlna atan thahnemngai takin Pathian hnenah I hlan ang u. Hetianga Buh Thar hlan tur nei kher lote pawhin kan huan thlai, kan ran vulh leh sum leh pai, kawng hrang hranga Pathian malsawmna kan dawn atangin tualchhung mission rawngbawlna atan I pe ang u. Kan buh leh bal, kan sum leh pai chauh ni
92
lovin keimahni ngei pawh hi Lalpa tan he ni pawimawh bikah i inhlan thar leh ang u.
KRISMAS December 25
Hman dan tur : 1. Thupui siam a ni lova, hun changtu in tha a tih ang thupui sawi mai tur a ni. 2. Programme dang chu Tualchhung kohhran in tha a tih angin hman tur a ni.

BCM Special Days Programme 2013

Uploaded by

Copyright:

Available Formats

BCM Special Days Programme 2013

Uploaded by

Document Information

Original Description:

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

BCM Special Days Programme 2013

Uploaded by

Copyright:

Available Formats

Special Day Programme

A CHHUNGA THU AWM TE

Special Day Programme

Special Day Programme

Special Day Programme

Rev. R. Lalbiakliana Director Worship and Music Department

Special Day Programme

THUHMAHRUAI II INKHAWM DAN TUR KALPHUNG

Special Day Programme

Special Day Programme

Special Day Programme

MISSIONARY DAY January 11

Special Day Programme

Special Day Programme

Special Day Programme

PHAR PUAL PATHIANNI January 27

Special Day Programme

Special Day Programme

Special Day Programme

Special Day Programme

KRISTIAN HOSPITAL NI February 17

Special Day Programme

Special Day Programme

Special Day Programme

EDUCATION SUNDAY February 24

Special Day Programme

Special Day Programme

Special Day Programme

MISSIONARY THLEN CHAMPHA March 8

Special Day Programme

TUMKAU PATHIAN NI. March 24

Special Day Programme

Special Day Programme

Special Day Programme

GOOD FRIDAY March 29

Special Day Programme

Special Day Programme

Special Day Programme

EASTER SUNDAY March 31

Special Day Programme

Special Day Programme

Special Day Programme

Special Day Programme

Special Day Programme

Special Day Programme

Special Day Programme

Special Day Programme

HARHNA THLEN CHAMPHA April 4

Special Day Programme

Special Day Programme

KRISTIAN NAUPANG PAWL (KNP) DAY April 23

Special Day Programme

Special Day Programme

Special Day Programme

Special Day Programme

BUHFAITHAM PATHIANNI April 28

Special Day Programme

Special Day Programme

Special Day Programme