Pananaw ng mga kalalakihan sa Konsepto ng Seenzone Laput, Jethro

Bullecer, Ma. Fatima ABSTRAK Ang pag-aaral na ito ay tungkol sa pananaw

ng mga mag-aaral na kalalakihan ng Veritas Parochial School sa konsepto
ng “Seenzone” bilang “motivation” o “drive”. Sa kabuuan, Ang mananaliksik
ay nakapanayam ng labing tatlong mag-aaral. Ang mananaliksik ay
gumamit ng deskriptibong paraan ng pananaliksik partikular ang
pagtatanung-tanong at pakikipagkwentuhan upang makuha ng
mananaliksik ang tunay na nararamdaman ng mga kalahok at ito ay mas
naaayon sa kamalayang Pilipino. Ang layunin ng pananaliksik na ito ay
upang malaman ng henerasyon ngayon kung ano ang konsepto ng
“Seenzone”, ano ang naging bunga at epekto nito sa mga kalahok at kung
paano ito nakaapekto sa kanilang buhay. Ang problema sa pag-aaral na ito
ay kung bakit may mga lalaki na hanggang sa pampribadong
pagmemensahe na lang sila nakikipagusap sa kababaihan sa kadahilanang
nga ba na natotorpe sila sa halip na tanggapin ang mga dagok sa
pagmamahal at sa ganoon ay makuha nila ang kanilang kagustuhan. Iisa
at positibo ang mga damdamin na naging resulta sa pagkuha ng datos sa
mga kalahok lalo na sa mga karanasan at epekto nito sa mga kalahok. Ito
ang napiling pag-aaral ng mananaliksik dahil nais niya mausisa ng lubusan
at kung hindi man ay malaman niya kung totoo nga na mayroong
“Seenzone” sa panahong kinakatayuan nating lahat na nahuhumaling sa
iba’t ibang teknolohiya sa ating kapaligiran. Mga susing salita: Seenzone,
Kalalakihan, Komunikasyon, Panliligaw Ang mabilis na pag-usad ng social
networking o SNS ay nararanasan ng higit na ilang taon na pumupukaw na
sa pangkalahatang kultura at ang pagpapadali ng buhay sa pang-araw
araw ng iba’t ibang tao sa mundo. Ang SNS ay nagbibigay ng iba’t ibang
pagkakataon at pamamaraan sa mga tao na kung papaano sila
nakikipagusap sa pamamagitan ng paggamit ng internet, mapa cellphone
man ito o PC. Ang SNS ay nagbibigay ng oportunidad na mapadali ang
paggawa ng sariling propayl at makagawa at makakilala ng mga bagong
kaibigan (Cruz, 2010) Ang SNS at ang komunikasyon gamit ang internet ay
nagiging tanyag para sa mga kabataan (Allen, Evans, Hare, Mikami, &
Szwedo, 2010) Sa pagdaloy ng mabilis na pagbabago sa ating kultura at
pang lipunan na aspeto at alinsunod sa teknolohikal na rebolusyon, ang
kakanyahan ng social networking ng pagiging mukha ng internet ay
nanatiling katanungan pa din sa ating mga kaisipan (Cruz, 2010) Isa sa
mga pangunahin at mabuting epekto ng Social Networking ang mas
pagiging bukas isip ng mga kabataan sa pakikipagkaibigan at
pakikipagkapwa nito na kahit hindi kakilala at mapadami ang kaibigan sa
social networking ay tuloy pa rin ng tuloy sa pag dagdag subalit sa
pagusbong ng mundo ngayon ay minsan nagiging sanhi naman ng
kagalitan ang mga ito halimbawa na lamang sa pakikipag paramihan ng
kaibigan na kung saan ay hindi maiiwasang humantong sa pagkainit ng ulo
o sa karahasan. Parte na rin ito ng masamang epekto sa kadahilanang na
nakakaimpluwensya na rin iyong mga kaibigan mo sa social networking sa
mga ikinikilos mo. Minsan pa ang kabataan ngayo'y nagiging mas
mapanghusga, marahil ay dahil narin sa kanilang mga nakikita sa social
networking na kalayaan sa pagpapahayag kahit minsa'y nakakasakit na o
minsa'y lumalampas na tayo sa hangganan ng pagpapahayag ng ating
sarili kung saan nakasasakit na tayo ng damdamin ng ibang tao (Binauhan.
2013) Ang ilang SNS ay naghahatid ng mabilisang pagpapadala ng
mensahe katulad ng facebook na kilala sa larangan ng SNS dahil sa
paghatid nito ng pagdiskubre at paggabay sa atin na nakapaloob sa
mundong kinatatayuan natin ngayon at email katulad ng yahoo messenger
na kung saan ay naghahatid ng agarang pribadong mensahe sa iyong
gustong padalhan at mababasa mo din dito na agad kung binasa na ito ng
pinagpasahan mo ng mensahe. Para naman sa THE BEDAN JOURNAL OF
PSYCHOLOGY 2016 | VOLUME II 69 kabataan ngayong henerasyon, ito ay
nagbibigay importansya na kung saan malalaman niya na binalewala siya o
pagpapawalang halaga sakanya ng pinagpasahan niya ng mensahe
(Ahn,2010) Ayon kay Lenhart at Duggan (2014),talagang malaki at positibo
ang naging epekto sa panliligaw lalo na sa mga pangmatagalang
pagsasama ng magkarelasyon at kung susuriin man ay nasa 74% sa
gumagamit ng SNS ay di hamak na mataas ang impact habang ang nasa
20% naman ay nagdulot ng negatibong epekto ang paggamit ng SNS sa
cellphone at habang ang 6% ay nasa pagitan lamang ng dalawang panig.
Malaking tulong din ang nagawa ng cellphone at SNS lalo na sa panliligaw
dahil pinadali nito ang paglalahad ng damdamin nito sa kanyang
karelasyon sa pupwedeng magdulot ng kasiyahan at mas pinaigting
pagsasama. Ayon din kay Lenhart na ang henerasyon ng kabataan ngayon
na 57% ay bukas sa SNS na nagbubukas sakanila upang magkaroon ng
bagong kaibigan, ang kalalakihan ay mas madaling makahanap ng
karelasyon na pumapatak sa 61% habang ang kababaihan ay nasa 39%
tyansang makahanap ng karelasyon sa pamamagitan ng SNS. Dahil din sa
kabataan na palaging gumagamit ng SNS katulad ng facebook, twitter, at
yahoo messenger, nabubuo ang iba't ibang konsepto na kung saan
nilalagyan nila ng laman o kahulugan kahit hindi pa naman sila ganoong
kasigurado kung tama ang kanilang nararamdaman at naiisip. Ang
ekspresyon ay mga salita, pagpapahiwatig o ang komunikasyon ng
pansariling paniniwala o opinyon ng tao, organisasyon at iba pang grupo
na naglalahad ng saloobin upang mas madaling maalala at maibagay ito sa
henerasyon nakapaloob dito. Sa larangan ng social media, partikular sa
facebook, maraming kabataan ngayon ang bumubuo ng kanya kanyang
konsepto para sa kanilang profile. Katulad na lamang ng konsepto sa social
networking na facebook na seenzoned. Ang pagbibigay ng konsepto o
pagpapahayag ay isa lamang sa iba'tibang paraan ng pagpapakita ng
pangkaraniwang kahulugan para sa lahat ng gumagamit ng facebook o
anumang uri ng social media. Sa mabilis na paglawak ng kaisipan ng
pilipino at pagtangkilik nating mga pilipino sa modernong komunikasyon ay
kaugnay nito ang pagpili ng bawat miyembro ng social networking na kung
sino nga ba ang nararapat mangibabaw at bigyan pansin.(Hard,2014)
Sinikap ng mananaliksik na masagutanang layunin ng pag-aaral sa
pamamagitan ng mga katanungan patungkol sa “Seenzone”. Una ay gusto
malaman ng mananaliksik ay kung anu-ano ang pananaw ng mga kalahok
sa konsepto, ikalawa ay kung ano ang mga karanasan nila sa “Seenzone”
at ang naging epekto nito sa mga kalahok. Seen zone Ayon kay Ramos
(2013), ito ay nakasaad kapag nagchat ka sa crush mo, ngunit ang
makikita mo lang sa chat box mo ay “seen”. Ano nga ba ang ideyang ito?
Ito ay isang bagay na makikita mong lumalabas sa chat or sa conversation
niyo ng kausap mo. Kung saan nakasaad dito kung nabasa or nakita na ng
kausap mo ang pinadala mong mensahe, kasama na rin dito ang oras kung
kailan nya nabasa. Nakita mo nang nabasa nya ang pinadala mong
mensahe. Ang masaklap lang ay ilang oras, araw, linggo, buwan at taon na
ang lumipas eh inaamag na 'yung liham mo, wala ka pa ring nakukuhang
reply. Dahil dun sa ideya na ito ng Facebook ay napagtanto mo na
binalewala ka ng taong iyon. Makabagong panahon ng ligawan at
pagbabago sa dating mga nakaugalian sa panliligaw Ayon kay Yapchiongco
(2014), Ang makabagong panliligaw ay ibang iba sa mga dating kaugalian
na nakasanayan noong dating panahon at dahil sa pag-usad ng
ekonomiya, siyensa at teknolohiya, nagkaroon na din ng malaking
pagbabago sa mga patakaran, ritwal, at mga inaasahan sa isang
pagliligawan. Mayroon na tayong iba’t ibang uri ng panliligaw sa
pamamagitan ng social media katulad ng yahoo messenger, facebook,
twitter, tinder, instagram, at iba pa. Sa pag unlad ng panahon ngayon,
nagkakaroon ng malaking pagbabago sa ugali at pananaw ng mga tao lalo
na sa mga kabataan. Ang dating mga nakaugalian ay tinuturin ng
makaluma at hindi na angkop sa modernong panahon. Baduy, “old school”
at korny na ang dating moda ng panliligaw (Yapchiongco, 2014)
Impluwensiya ng teknolohiya sa ligawan THE BEDAN JOURNAL OF
PSYCHOLOGY 2016 | VOLUME II 70 Ayon kay Yapchiongco (2014), dahil
moderno na ang teknolohiya ngayon ang mga telepono, hindi na uso ang
pag-akyat ng lalaki sa bahay upang manligaw ng pormal. Pwede na
manligaw gamit ang Facetime o Skype. Hindi na kailangan mamasahe ng
lalaki o manghiram ng auto sa kanyang mga magulang upang makadalaw
sa babae. Swerte ng mga lalaki ngayon dahil nakakatipid sila ng husto.
Pero di kaya parang lugi naman ang mga babae ngayon? Napakalaki talaga
ng impluwensiya ng teknolohiya sa henerasyon ngayon. Marami na kasing
paraan ng interaksyon ngayon na wala pa noong nakaraang dekada. Bukod
sa telepono o smart phones, nandiyan din ang social networking, instant
messaging at video calling. Pagbubuo Ang panliligaw, partikular ang
paggamit ng modernong pamamaraan nito ay talaga nga naman
nakagawian na lalo na ang kabataan ngayon na mabilis mapukaw ng
teknolohiya lalo pa’t kung ito ay kaaya aya sa lipunan o kung ito man ay
naaangkop sa madla Talagang malaki ang epekto ng social media ngayon
sa kabataan dahil dito nagsisimula ang pagkakaibigan na pwedeng
humantong sa pagiibigan. Madali na din masaktan ang kabataan ngayon
lalo pa’t may mga nabubuong mga ekspresyon na malakas
makaimpluwensya sa kabataan sapagkat sila ay madaling makuha ang
kanilang loob at hindi hamak na bata pa at hindi pa gaano kayabong ang
kanilang mga nalalaman sa social networking sites at binabase nila ito sa
mga nauuso ngayon halimbawa na lamang ng “Seenzone” na napakalaki
ang naging epekto sa kabataan lalo na noong nailagay na sa facebook
messenger ito na nagbunga ng sari saring opinyon at ideya patungkol dito,
karamihan ay sinasabi na ang isang tao ay makakakita ng mensahe na
kung saan ay babasahin lamang ito at hindi tutugunan ito na parang
binaliwala o pinagpawalang halaga ka ng pinaglihaman mo. Ang
konseptong seenzone sa social media ay mas nakakatulong upang mas
madaling makilatis kung binasa ito ng pinagpasahan ng mensahe. Ito rin
ang pinagkukuhanan ng ideyang pagkabaliwala at pagpapawalang halaga
sayo ng isang tao sa kadahilanang wala silang interes sayo o ayaw lang
talaga sayo. Dahil dito, naisip ng mananaliksik na gumawa ng isang pag-
aaral tungkol sa pananaw ng kalahok sa konsepto ng “Seenzone” Ayon kay
Binauhan (2013), ang ”Seenzone” ay maihahalintulad sa pagwawaksi dahil
ang rejection ay ang pinakamasaklap na pakiramdam sa buong mundo
dahil masakit mareject ng taong minamahal mo. Kahit anong pilit mo sa
kanya marereject ka kase ayaw nya. hindi ba tao lang tayo may puso at
damdamin. Minsan na nga lang magmahal marereject pa. Bakit ba tayo
narereject?may mali ba sa atin o may isang bagay tayo na ayaw nila talaga
kahit wala naman tayong ginagawang mali at ginawa na naten ang
pinakamakakaya natin pero narereject pa rin tayo. Ang sama naman ng tao
na nangrereject sa atin. May dahilan din kung bakit nagagawa nila ang
ganun bagay. Tulad ng may mahal silang iba, may karelasyon pa, wala pa
sa tamang panahon at oras, at and pinakamasakit ay iyong talagang ayaw
sayo ng iniibig mo (Binauhan, 2013) Metodo ng Pag-aaral Disenyo ng
Pananaliksik Ang ginawang pag-aaral ng mananaliksik ay isang
deskriptibong pag-aaral na gumamit ng makapilipinong pananaliksik
partikular ang pagtatanung-tanong at pakikipagkwentuhan. Napili ng
mananaliksik ang disenyong ito, sapagkat ito ay akmang akma sa pagkuha
ng pananaw ng mga kalahok sa “Seenzone” at upang mas makakalap ng
higit na impormasyon sa paggamit ng deskriptibong pag-aaral. Mga
Kalahok Ang mga kalahok sa pananaliksik na ito ay ang mag-aaral ng
Veritas Parochial School partikular ang ikaapat na taon sa sekundaryang
paaralan. Napili ng mananaliksik ang mga kalahok na ito sa kadahilanang
bukas ang paaralan sa paggamit ng modernong teknolohiya katulad na
lamang ng e-tablets at tumatangkilik sila sa modernong pamamaraan ng
panliligaw sa THE BEDAN JOURNAL OF PSYCHOLOGY 2016 | VOLUME II 71
kababaihan. Random na pamamaraan ang ginamit ng mananaliksik at nasa
16 hanggang 17 na edad na kalahok na ang nakapanayam ng mananaliksik
at ibabase lamang niya ito sa kanilang pagtangkilik at paggamit sa social
networking sites. Ayon sa teorya ni Erikson, ang mga nasa ganitong edad
pamula 13 hanggang 19 ay kinikilala pa lamang ng mga kalahok sa sarili sa
kung papaano sila makikiangkop sa lipunan at kung paano sila tatanggapin
ng mga ito. Sa edad na ito ay gumagawa sila ng paraan kung paano sila
makikibagay sa kapwa nila, susubukin din ng mga kalahok kung ang nasa
tingin nila ay naaayon hanggang sa paglaki nila at dito din sila
nagdedesisyon para sa kanilang kinabukasan. Instrumento ng Pananaliksik
Ang mananaliksik ay gumamit ng rekorder sa cellphone at talatanungan.
Ang talatanungan ay naglalaman ng demograpikong propayl na mayroong
pangalan, edad, at taon ng paggamit ng “SNS” nila, ano ang pananaw ng
mg kalahok sa nasabing konsepto, ano ang kanilang karanasan at epekto
ng “Seenzone” upang makuha ng mananaliksik ang kanilang saloobin Ang
mga impormasyong nakalap ng mananaliksik ay ginamit upang gawing
basehan sa layunin ng pag-aaral. Paraan ng pagkuha ng datos Una sa
lahat, ang mananaliksik ay nakikipagpalagayang loob sa mga kalahok para
makuha yung totoo nilang pananaw at makatulong sila kaagad sa
mananaliksik sa kabila ng unang pagkakataon pa lamang sila nagkausap at
magsama. Ikalawa, ang paraan naman ng mananaliksik ay gumamit ng
pakikipagkuwentuhan sa mga kalahok tungkol sa panliligaw at sa mga
karanasan nilang pagkabigo sa pag-ibig kasunod nito ay ang pagtatanung-
tanong ng mananaliksik tungkol sa konseptong “Seenzone” Ikatlo,
pagkatapos malikom ng mananaliksik ang mga datos na nakuha niya sa
mga kalahok ay susuriin ng mananaliksik na kung ano ang pananaw nila sa
seenzoned at ano ang naging epekto sa kalahok mapapositibo man o
negatibo ay balido pa din ito sapagkat ito ay base sa mga naranasan ng
kalahok. Pagsusuri ng datos Una ay pinagsamasama muna ng mananaliksik
ang mga kasagutan ng mga kalahok ayon sa layunin ng pananaliksik.
Pangalawa ay nilagom ang mga kasagutan na magkakatulad ang pahayag
upang makabuo ng iba’t ibang temang ayon sa pananaliksik. Presentasyon
at Interpretasyon Ang isinagawang pag-aaral ng mananaliksik ay tungkol
sa pananaw ng mga kalahok sa konsepto ng “Seenzone” at ito ay base sa
makapilipinong pamamaraan na kinailangan ng maingat at masusing
pagkalap ng datos. Sa kabuuan mayroong labing-tatlong kalahok ang
nakapanayam ng mananaliksik. Demograpikong propayl ng mga kalahok
Ang mga kalahok na nasa edad 16 ay 9 o 69% at ang mga kalahok naman
na ang edad ay 17 ay nasa 4 o 31%. sa bilang ng paggamit naman ay 4 o
31% ng mga kalahok ay gumagamit na ng SNS taong 2010 pa habang ang
6 o 46 % ng mga kalahok ay gumagamit na ng SNS taong 2009 pa at ang
3 o 23% ng mga kalahok ay gumagamit na ng SNS taong 2013 lamang.
Pananaw ng mga mag-aaral sa konsepto ng “Seenzone” Labing-tatlong
mag-aaral ang nagbahagi ng kanilang saloobin sa konsepto na “Seenzone”.
Ang ilan sa mga sumusunod na pahayag ay sinipi ng mananaliksik:
“Karamihan ang sasabihin kapag nakarinig ng “Seenzone” ay ang pag
ignore sa iyo ng babae pero sa kalagayan ko ay hindi dahil ang “Seenzone”
ay isa sa mga dahilan kung bakit tumatag ang aking loob upang udyokin
ang babaeng hinahangaan ko.” kalahok #2 “As a student, I’d say that
“Seenzone” is one of the major components of being in the state of the
“Friendzone”. In order of being in that state you have to undergo through
one of the ‘zones’ that is being used by students like us” kalahok #3 THE
BEDAN JOURNAL OF PSYCHOLOGY 2016 | VOLUME II 72 “Seenzone.
Simple lang yan kung ipapaliwanag. Pero sa mas madaling salita, walang
pagasa sa nililigawan” kalahok #5 “Ang seenzone ang nagsisilbing
‘motivation’ ko para lalong suyuin ang babaeng nais kong makasama
habang buhay. Subalit bigo ako sa unang hakbang nang maseenzone niya
ako di ito naging hadlang para tuparin ang pangarap ko makasama siya”
kalahok #6 “Seenzone para sakin ay yung pagkakawalang oras sayo ng tao
nais mong makausap at ito ay siguro para sa pangkalahatang aspeto dahil
sa katamaran niya siguro na mareply sayo o hindi kaya ay hindi ka talaga
type nung minessage mo. Pasok din yan pagdating sa pag private message
mo sa crush mo siguro hindi ka lang talaga niya gustong makausap at may
iba pang tao siyang kailangan niyang abalahin” kalahok 11 Ang
mananaliksik ay namangha at napansin ang mga magagandang pananaw
galing kanila kalahok 2, kalahok 6, at kalahok 10 na kung saan ay sinabi
nila ang positibong konsepto sa pananaw ng “Seenzone”na nagbibigay
“motivation” sa kanila na kung ito man ay ang dahilan ng pagkatatag ng
kanilang loob upang mas lumapit sila sa babaeng hinahangaan nila at ito
lamang ay isang pagsubok na kailangan nilang tahakin upang malaman ng
babae kung hanggang saan ang kakayanin nila o ang limitasyon nila
sakanila at siyempre may nagsabi din na “neutral” lamang ang “Seenzone”
dahil sa kanyang mga naoobserbahan sa kapaligiran at pang kalahatang
tao siya kung sumagot kaya binase niya ito sa ganitong aspeto ng
pagkaka”Seenzone”. Karanasan at epekto ng konsepto sa “Seenzone” ng
mga kalahok Ang labing-tatlong mag-aaral ay nagbigay ng kanya kanyang
saloobin patungo sa epekto ng “Seenzone” sakanila tila nanguna ang mga
positibong komento nila patungkol sa “Seenzone”, nagbahagi din sila ng
kanilang saloobin ukol sa kung paano nila naranasan ang nasabing
konsepto at paano nila ito tinanggap sa aspetong pang-emosyonal. Ilan sa
mga ito ay ang mga sumusunod: "Nagbunga ng kagandahan dahil sa
pagkalakas ng loob ko at umalis sa "comfort zone" ko. Hindi ako nagpadaig
sa takot na humarap at kinulit ko siya sa facebook at naging kami na
ngayon" kalahok 2 "Wala naging epekto ito sa akin. Tinukso ako ng mga
kabarkada ko sa kanya at mas naging malapit ako sakanya at mukhang
mapapasagot ko pa siya" kalahok 10 "Mas naging thankful ako sa Diyos
dahil sinagot niya ang mga hiling ko sa kadahilanang naging kami sa
kakasuyo ko sakanya sa loob lang ng limang buwan" kalahok 12 "Open
mindedness ang naging epekto nito sa akin. yung taong nangseenzone sa
akin ay may magandang relasyon kami na iniigihan namin ang pag-aaral
namin alang-alang sa aming magulang imbis na unahin namin ang isa't isa
ay kami muna ang dapat naming ayusin" kalahok 13 Ang mga positibong
sagot ang pumukaw sa mnanaliksik na kung saan ay ang naging epekto
sakanila nito, maraming sinabi na nakatulong ito upang mas makilala nila
ang sarili nila, umalis sa kanilang “comfort zone”, nagpursigi, at mas
napabuti nila ang kalagayan nila. Maganda din ang sinabi ni kalahok 12
dahil dinala niya sa usapan ng mananaliksik ang paniniwala niya sa Diyos
na kung saan ay mas naging mapagpasalamat siya dito at tinupad ang
kanyanag mga hiling upang makamtam niya ang tagumpay na makuha ang
parehas na damdamin ng babae sakanya. Ayon kay Binauhan (2013), ang
pagkakaroon ng positibong epekto ng “Seenzone” makakatulong sa lalaki
upang mas tumaas ang kanilang “Self-esteem” at “Selfworth” sa kanilang
sarili dahil mas nagkakakumpiyansa ang mga lalaki na kausapin ang babae
at tugunan ang mga kagustuhan nito. Ang karamihan naman sa mag-aaral
ay purong positibo ang kanilang mga karanasan at na kung saan nagbunga
ng magandang pagsasama ang mga kalahok at ang nang”Seenzone”
sakanila, naisakatuparan ang kanilang mga hiling na maging sakanila ang
mga babaeng hinahangaan nila at ang pinakahuli ay si kalahok 13 na kung
saan ay inuna ang kapakanan ng THE BEDAN JOURNAL OF PSYCHOLOGY
2016 | VOLUME II 73 pamilya partikular sa kanyang magulang na
nagtatrabaho para mairaos siya sa magandang buhay. Konklusyon at
Rekomendasyon Sa kabuuan, Ang pananaw ng mga kalahok patungkol sa
“seenzone” na naayon sa resulta ng pag-aaral ay may iisang damdamin sa
pananaw ng mga lalaking mag-aaral sa konsepto ng “Seenzone”. Ang
konsepto ay isang pagganyak sa kadahilanang isa lamang itong pagsubok
na makakapagsabi kung hanggang saan ang kanyang kakayahan pagdating
sa pagseryoso sa isang bagay. Iba’t iba man ang pananaw na nakalap ng
mananaliksik, hindi maipagkakaila na tila iisa lamang ang konsepto ng
“Seenzone” ay kataga na nagbibigay “motivation” o pagganyak ng tao
upang ipagpatuloy gawin ang isang kahit ano man ang mangyari at kahit
ano pa ang sitwasyon. Ang importante ay nagawa lahat ng makakaya at
hindi ka sumuko. Para sa epekto ng konsepto sa mga kalahok, masasabi na
ayon sa mga nakuhang datos, ang pagkakaroon ng konsepto ay may
positibong epekto, Positibo dahil para sa nakakarami ay nakakapagganyak
ng tao dahil sa pinanghahawakan silang konsepto ng “Seenzone” na kung
saan ay ganado at may motibo kang dagdagan ang mga kulang na bagay
sa mga sinauna mong ginawa sa babaeng hinahangaan mo. Bukod sa mga
nagbuo ng konseptong ito, ganoon din ang naging epekto nito kahit sa
kalaunan’y wala ng pag-asa na kung saan ay hindi lang talaga nila
sinusubukan yung abot nilang makakaya upang makuha ang matamis na
tagumpay. Talagang nagkaepekto ito sa mga lalaking mag-aaral dahil sa
unang pagkakilala na negatibo ay nag bunga ng magadang resulta na kung
saan ay karamihan sa nakapanayam ng mananaliksik ay nagkatuluyan o
naging magkasintahan ang lalaking mag-aaral at ang babaeng gusto nila.
Iminungkahi ng mananaliksik na higit na mapaghusay pa ang kanyang
pag-aaral ukol sa konsepto sa kadahilanang nais pa ng mananaliksik na
higit na maunawaan ang pinagmulan ng “Seenzone” at ang mga mas
malalim pang bagay patungkol dito. Ang maiaambag ng mananaliksik na
makakatulong sa lipunan ay ang gumawa ng seminars patukoy sa “SNS” na
maaaring makatulong sa kabataan na may limitasyon lang ang paggamit
ng mga “SNS” pagdating sa panliligaw. Inirerekomenda din ng
mananaliksik sa mga susunod na gagawa ng pag-aaral nito na gumamit ng
kwantitatibong uri ng pananaliksik upang makuha naman ang ibang
perspektibo sa “Seenzone” at sa gayon ay makalikom at mas makatiyak ng
makapilipinong pananaliksik sapagkat ito ang naaayon sa kultura ng mga
Pilipino at nang sa gayon ay malikom ang mga datos na nais makamit.