10

[Type here]

FILIPINO
Kwarter 2 – Modyul 1
Sina Thor at Loki sa Lupain ng mga
Higante

Self-Learning Module
1
[Type here]

PAUNANG SALITA
Ang Self-Learning Module o SLM na ito ay maingat na inihanda para sa ating
mag-aaral sa kanilang pag-aaral sa tahanan. Binubuo ito ng iba’t ibang bahagi na
gagabay sa kanila upang maunawaan ang bawat aralin at malinang ang mga
kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na

naglalaman ng mga paalaala, pantulong o estratehiyang magagamit ng mga
magulang o kung sinumang gagabay at tutulong sa pag-aaral ng mga mag-aaral sa
kani-kanilang tahanan.

Ito ay may kalakip na paunang pagsusulit upang masukat ang nalalaman ng

mag-aaral na may kinalaman sa inihandang aralin. Ito ang magsasabi kung
kailangan niya ng ibayong tulong mula sa tagapagdaloy o sa guro. Mayroon ding
pagsusulit sa bawat pagtatapos ng aralin upang masukat naman ang natutuhan.
May susi ng pagwawasto upang makita kung tama o mali ang mga sagot sa bawat
gawain at pagsusulit. Inaasahan naming na magiging matapat ang bawat isa sa
paggamit nito.

Pinapaalalahanan din ang mga mag-aaral na ingatan ang SLM na ito upang
magamit pa ng ibang mangangailangan. Huwag susulatan o mamarkahan ang
anumang bahagi ng modyul. Gumamit lamang ng hiwalay na papel sa pagsagot sa
mga pagsasanay.

Hinihikayat ang mga mag-aaral na makipag-ugnayan agad sa kanilang guro

kung sila ay makararanas ng suliranin sa pag-unawa sa mga aralin at paggamit ng
SLM na ito.

Sa pamamagitan ng modyul na ito at sa tulong ng ating mga tagapagdaloy,

umaasa kami na matututo ang ilang mag-aaral kahit wala sila sa paaralan.

Mga Kasanayang Pampagkatuto

2
[Type here]

• Nailalahad ng mga pangunahing paksa at ideya batay sa napakinggang

usapan ng mga tauhan; (F10PN-IIa-b-71)
• Naisasama ang mga salita sa iba pang salita upang makabuo ng ibang
kahulugan (collocation); (F10PT-IIa-b-71)
• Nakabubuo ng sistematikong panunuri sa mitolohiyang napanood; (F10PD-IIa-
b-69)
• Naihahambing ang mitolohiya mula sa bansang kanluranin sa mitolohiyang
Pilipino. (F10PU-IIa-b-73)

Mga Layunin
• Natutukoy ang pangunahing paksa at ideya batay sa usapan ng mga tauhan;
• Naiuugnay ang mga salita sa iba pang salita upang makabuo ng panibagong
kahulugan;
• Nasusuri ang mitong nabasa ayon sa sumusunod: tauhan, tagpuan, banghay
at tema;
• Naihahambing ang mitolohiyang “Sina Thor at Loki sa Lupain ng mga Higante”
at “Rihawani”.

SUBUKIN

Panuto: Basahing mabuti ang bawat aytem at bilugan ang pinakaangkop na sagot
mula sa pagpipilian.

1. Ang mga sumusunod ay mga elementong mitolohiya maliban sa _________.

a. May salamangka at mahika.
b. Kapani-paniwala ang wakas.
c. May kaugnayan sa paniniwala sa propesiya.
d. Tumatalakay sa mga diyos at kanilang kabayanihan.

2. Ano ang angkop na kasabihan sa sitwasyong “nilinlang si Thor ng Hari ng

mga Higante upang hindi sila mapasakop sa kapangyarihan nito?”
a. Matalino man ang matsing napaglalamangan din.
b. Anumang tibay ng abaka ay wala rin kapag nag-iisa.
c. Ang bayaning nasusugatan, nag-iibayo ang tapang.
d. Ang mabuting layunin ay hindi mapangangatwiranan ng
masamang paraan.

3. Sa pangungusap na “Nagbalik-loob si Samson sa panginoon at

nanalangin nang taimtim”, ano ang ipinahihiwatig ng tauhan?
a. Siya ay nagsisi at nanalig sa Diyos.
b. Sa Diyos parin siya hihingi ng tulong.
c. Sa Diyos pa rin siya kumuha ng lakas.
d. Kinilala niya ang kapangyarihan ng Diyos.

4. Alin sa sumusunod ang hindi tema ng isang mitolohiya?

a. pag-uugali ng tao
b. pinagmula ng isang bagay
c. mga paniniwalang panrelihiyon
d. katangian at kahinaan ng tauhan

3
[Type here]

5. Sa mitolohiyang “Sina Loki at Thor sa Lupain ng mga Higante”,

anong tinatalakay ng banghay nito?
a. nakatuon sa mga suliranin at paano ito malulutas
b. maraming kapana-panabik na aksiyon at tunggalian
c. ipinapakita ang ugnayan ng tao at ng mga diyos at diyosa
d. maaaring tumatalakay sa pagkakalikha ng mundo at ng mga
natural na mga pangyayari

6. Ano ang tema ng mitolohiyang “Sina Thor at Loki sa Lupain ng mga

Higante”?
a. Pag-uugali ng tao
b. Mga paniniwalang panrelihiyon
c. Katangian at kahinaan ng tauhan
d. Magpaliwanag sa natural na pangyayari

7. Bakit mas pinili ni Utgaro-Loki na mandaya para manalo laban kay Thor?
a. Dahil hindi niya gustong matalo.
b. Takot siya kay Thor kaya nandaya na lamang siya.
c. Upang mapangalagaan niya ang kanyang kaharian.
d. Wala sa nabanggit

8. Ano ang kahinaan ni Samson na tanging ang kanyang ina lamang

ang nakakaalam?
a. Kailangan niyang magdasal araw-araw para siya ay may lakas.
b. Kapag siya’y matusok ng karayom sa ulo ay mawawala ang kanyang
lakas.
c. Mawawala ang kanyang kapangyarihan kung siya’y makakainum ng
lason.
d. Kapag natusok siya ng karayom sa kanyang pusod ay mawawala
ang kanyang kapangyarihan.

9. Bakit kinatatakutan ng mga mangangaso ang kagubatan sa Marugbu?

a. Maraming mababangis na hayop.
b. Pinamamahayan ng iba’t ibang maligno.
c. Naninirahan doon ang diyosang si Rihawani.
d. Wala sa nabanggit.

10. Ang mga sumusunod ay pagkakatulad ng mitolohiya sa Iceland at

Pilipinas, maliban sa:
a. Tungkol sa diyos at diyosa.
b. Ipinapakita sa mitolohiya ang pinagmulan ng mundo.
c. Tumatalakay sa kultura ng bansang pinagmulan nito.
d. Pinapakita sa mitolohiya ang kalakasan at kahinaan ng
mga tauhan.

4
[Type here]

TUKLASIN

Pagtatala ng mga Impormasyon

Panuto: Basahin ang paglalahad tungkol sa mga diyos ng Norse. Pagkatapos
sa tulong ng grapikong representasiyon sa ibaba, itala ang nakuha
mong impormasyon at sagutin ang tanong.

Ang mga Diyos ng Norse

Ang mga diyos ng Norse ay kilala sa tawag na Aesir. Ang mga Aesir ay ang mga
diyos ng digmaan at ng kalangitan. Sila ay kawangis ng mga mortal na tao subalit
mas malalaki na tulad ng higante. Bihira silang makihalubilo sa mga tao hindi tulad
ng Greek Gods.

Ang mga Aesir ay naninirahan sa Asgard. Ang Asgard ay iba sa langit na iyong
pinapangarap na makita. Wala itong ningning ng kasiyahan o labis na kaligayahan.
Ito ay isang tahimik na lugar na may nagbabantang tiyak na kamatayan. Alam ng
mga diyos na darating ang panahon na sila ay mawawasak. Darating ang kanilang
mga kalaban na handa silang sugpuin. At ang Asgard ay mawawasak. Ang mga
mortal nilang kalaban ay ang mga higante na nananahan naman sa Jotunheim.

Ang katotohanang ito ay hindi kaila sa lahat ng mga nanahan sa Asgard lalo
na sa kanilang pinuno na si Odin. Tulad ni Zeus, si Odin ang bathala ng mga diyos
at lumikha sa mga tao. Siya ang may pinakamabigat na tungkulin na pigilan ang
araw ng pagwawakas. Ang kaniyang asawa ay si Frigga, isang makapangyarihang
diyosa na may kakayahang makita ang hinaharap.

Sa lahat ng mga diyos na naninirahan sa Asgard, lima sa kanila ang

pinakamahalaga. Sila ay sina Balder, Thor, Freyr, Heimdall, at Tyr.

Si Balder ang pinakamamahal sa lahat ng mga diyos. Ang kaniyang

kamatayan ang maituturing na pinakalamalaking sakuna na dumating sa mga Aesir.
Si Thor ang diyos ng kulog at kidlat; siya rin ang pinakamalakas sa lahat ng diyos sa
Aesir. Sa kaniya ring pangalan hinango ang araw ng Huwebes. Makikitang madalas
niyang dala ang malaking martilyo na tinatawag na Mjolnir. Ang tagapangalaga
naman ng mga prutas sa mundo ay nasa kamay ni Freyr. Samantalang si Heimdall
ang tanod ng Bilfrost, ang bahagharing tulay patungo sa Asgard. At si Try ang diyos
ng digmaan at sa kaniyang pangalan hinago ang araw ng Martes.

- Mula sa Mythology (Hamilton, 1969)

Sipi mula sa Filipino 10 Learner’s Material

5
[Type here]

Ilarawan
ang Asgard

Ipakilala ang
mga diyos ng
Norse

Odin Balder Thor Freyr Hemdali Tyr

Tanong:

Suriin ang tagpuan at mga tauhan na inilarawan sa binasang teksto. Isulat ang
iyong sagot sa patlang sa ibaba. Anong masasabi mo rito?

____________________________________________________________________________________
____________________________________________________________________________________
____________________________________________________________________________________
____________________________________________________________________________________
____________________________________________________________________________________
____________________________________________________________________________________
____________________________________________________________________________________
____________________________________________________________________________________
____________________________________________________________________________________
____________________________________________________________________________________
____________________________________________________________________________________
___________________________________________________________________________________

6
[Type here]

SURIIN

Alam mo ba na…

Ang mitolohiya ay isang tradisyunal na salaysay na isinilang mula sa

sinapupunan ng kultura ng tradisyong oral? Ang salitang mitolohiya ay hango sa
salitang Griyego na myhtos na ang ibig sabihin ay kuwento. Ang mitolohiya ay isang
natatanging kuwento na kadalasang tumatalakay sa kultura ng mga diyos o bathala
at ang kanilang karanasan sa pakikisalamuha sa mga tao. Maaaring nagsimula ang
mitolohiya mula nang magsimulng magtanong ang tao tungkol sa pagkakalikha ng
mundo at ano ang kanilang tungkulin dito. Sa pamamagitan ng mitolohiya ay
nabibigyan ng kalinawan ang mga kababalaghang pangyayari at ang mga nakatatakot
na puwersa sa daigdig tulad ng pagbabago ng panahon, apoy, kidlat, pagkagutom,
pagbaha, at kamatayan.

Bakit mahalaga ang mitolohiya?

Mahalaga ang mitolohiya upang maipaliwanag ang pagkakalikha ng mundo at
mga natural na pangyayari. Sa mitolohiya rin mababasa ang mga sinaunang
paniniwalang panrelihiyon. Nagtuturo rin ito ng aral at nagpapaliwanag ng
kasaysayan. Mahalaga rin ito upang maipahayag ang takot at pag-asa ng
sangkatauhan.

Ano-ano ang elemento ng mitolohiya?

1. Tauhan
Ang mga tauhan sa mitolohiya ay mga diyos o diyosa na may taglay na
kakaibang kapangyarihan.
2. Tagpuan
May kaugnayan ang tagpuan sa kulturang kinabibilangan at sinaunang
panahon.
3. Banghay
Maaaring ang banghay o mga pangyayari ay tumatalakay sa sumusunod:
a. maraming kapana-panabik na aksiyon at tunggalian
b. maaaring tumatalakay sa pagkakalikha ng mundo at ng mga natural na
mga pangyayari
c. nakatuon sa mga suliranin at paano ito malulutas
d. ipinapakita ang ugnayan ng tao at ng mga diyos at diyosa
e. tumatalakay sa pagkakalikha ng mundo, pagbabago ng panahon at
interaksiyong nagaganap sa araw, buwan at daigdig
4. Tema
Maaaring ang tema ng mitolohiya ay nakatuon sa sumusunod:
a. magpaliwanag sa natural na pangyayari
b. pinagmulan ng buhay sa daigdig
c. pag-uugali ng tao
d. mga paniniwalang panrelihiyon
e. katangian at kahinaan ng tauhan
f. mga aral sa buhay

Mula sa Elements of Literature, (Anderson et. al, 1993) at Enjoying Literature, (Ferrara
et. al, 1991) Sipi mula sa Filipino 10 Learner’s Material

7
[Type here]

TALAKAYIN

Ngayon ay natitiyak king handa ka nang basahin ang mitolohiya mula sa

Iceland upang masagot mo kung paano naiiba ang mitolohiya sa iba pang akdang
pampanitikan.

Sina Thor at Loki sa Lupain ng mga Higante

ni Snorri Sturluson
Isinalin sa Filipino ni Sheila C. Molina

Mga Tauhan:
diyos: Thor- diyos ng kulog at kidlat; pinakamalakas sa mga diyos ng Aesir
Loki – kasama ni Thor sa paglalakbay, may kapilyuhan higante:
Skymir – naninirahan sa kakahuyan
Utgaro-Loki - hari ng mga higante
Logi, Hugi, at Elli - kabilang sa kuta ni Utgaro-Loki
Mga tao: Thjalfti at Rosvka – anak na lalaki at babae ng magsasaka

Napagpasiyahan nina Thor at Loki na maglakbay patungo sa Utgaro, lupain ng

mga higante, ang kalaban ng mga diyos. Kinaumagahan, sila ay naglakbay sakay ng
karuwahe na hinihila ng dalawang kambing.

Nang abutin ng gabi sa paglalakbay, nagpahinga sila sa bahay ng isang

magsasaka. Kinatay ni Thor ang dalang kambing at inilagay sa malaking kaldero.
Iniluto at inihain ito sa hapunan. Inanyayahan ni Thor na sumalo sa kanila sa
pagkain ang mag-anak na magsasaka. Ang anak na lalaki ng magsasaka ay
nagngangalang Thjalfi at Roskva naman ang anak na babae. Inutos ni Thor sa
magsasaka na paghiwalayin ang buto ng kambing sa balat nito. Ngunit hindi
sumunod ang anak na lalaki na si Thjalfi sa halip ay kinuha ang bahaging pige at
hinati ito gamit ang kutsilyo. Kinabukasan, nagbihis si Thor, kinuha ang kaniyang
maso, itinaas ito at binentidahan ang kambing. Tumayo ang mga kambing ngunit ang
isa ay bali ang paa sa likod. Napansin ito ni Thor. Nagalit ito nang husto at nanlilisik
ang kaniyang mga mata. Gayon na lamang ang takot ng buong pamilya. Halos
magmakaawa sila kay Thor at sinabing handa nilang ibigay ang lahat. Nang makita ni
Thor kung gaano natakot sa kaniya ang mag-anak, naglubag din ang kaniyang
kalooban at hininging kapalit ang mga anak nito. Kaya’t sina Thjalfi at Roskva ay
naging alipin niya pagkatapos.

Ang kanilang paglalakbay ay nagpatuloy patungo sa silangang bahagi sa lupain

ng mga higante. Naglakbay sila buong araw at nang abutan ng dilim humanap sila ng
matutuluyan. Doon nila nakita ang malaking pasilyo at nagpasyang manatili roon.
Hatinggabi na nang gulatin sila ng malakas na lindol, umuuga ang buong paligid at
pakiramdam nila ay nagiba ang kanilang kinatatayuan. Nang siyasatin nila ang
paligid ay nakakita sila ng isang silid. Natakot ang mga kasama ni Thor kaya’t
binunot niya ang kaniyang maso at humanda sa pakikipaglaban. Maya-maya pa ay
nakarinig sila nang malakas na ungol. Kinaumagahan, nakita ni Thor sa labas ang
isang higante. Natutulog ito at umuungol nang malakas. Akmang pupukpukin ni Thor
ng kaniyang maso ang higante nang bigla itong magising. Tinanong ni Thor ang
pangalan ng higante.

Siya raw si Skrymir at nakikilala niya si Thor. Tinanong nito kung inalis ba ni
Thor ang kaniyang guwantes. Noon nalaman ni Thor na higante na pala ang kanilang
tinulugan at ang hintuturo nito ang inaakalang silid.
Tinanong ni Skrymir si Thor kung maaari siyang sumama sa kanilang
paglalakbay at ito ay pumayag naman. Nang buksan na ni Skrymir ang baon niyang
8
[Type here]

bag at humandang kumain ng almusal, wala ang baon nina Thor at ito ay nasa ibang
lugar. Napagkasunduan nila na pagsamahin ang kanilang mga baon. Pumayag si
Thor, kaya’t pinagsama ni Skrymir ang kanilang mga baon sa isang bag at ibinuhol
ito. Sa kanilang paglalakad nauuna ang higante dahil sa malalaki nitong hakbang,
sila ay nagpahinga sa isang malabay na puno. Napagod ang higante kaya’t ito’y
nakatulog agad at napakalakas humilik. Kinuha ni Thor ang baon nilang bag at inalis
ang buhol nito ngunit hindi niya maalis kaya’t uminit ang kaniyang ulo at agad
kinuha ang kaniyang maso at pinukpok sa ulo ang higante. Nagising si Skrymir at
inaakalang may nalaglag na dahon sa kaniyang ulo, tinanong si Thor kung sila ay
kumain na. Sinabi nitong tapos na. Nang handa nang matulog lumipat sila ng ibang
puno. Hatinggabi na nang marinig na naman ni Thor ang malakas na hilik ng higante.
Nagising si Thor, kinuha ang kaniyang maso at muling pinukpok ang higante.
Nagising ang higante at tinanong kung may acorn ba na nahulog sa kaniyang ulo.
“Ano ang nangyayari sa iyo Thor?” sabi ng higante. Sinabi nitong siya ay
naalimpungatan lamang at mahaba pa ang oras para matulog. Naisip niya na kapag
pinukpok niya sa pangatlong beses si Skrymir ay maaaring hindi na nito kayanin
kaya’t hinintay niyang muling matulog ang higante.

Kinabukasan, habang natutulog pa ang higante ay hinugot ni Thor ang maso

sa ulo nito. Napatayo si Skrymir, kinamot ang kaniyang pisngi at nagwika kung may
mga ibon ba sa itaas ng puno. Nang siya ay magising tila may mga nahuhulog na
dahon sa kaniyang ulo. “Gising ka na ba Thor?” wika niya. Oras na upang bumangon
at magbihis. Malapit na kayo sa kaharian ni Utgaro. Narinig ko kayong
nagbubulungan na ako ay walang kuwentang higante. Kung makararating kayo kay
Utgaro makikita ninyo ang malalaking tao roon. Bibigyan ko kayo ng mabuting payo.
Huwag kayong magpapakita ng pagmamataas kay Utgaro Loki.” sabi pa nito.

Nagpatuloy sa paglalakbay ang grupo ni Thor hanggang makita nila ang

matibay na tanggulan. Sinubok na buksan ni Thor ang tarangkahan ngunit hindi niya
mabuksan. Nakakita sila ng mataas na pader, pinanhik iyon at doon ay may daanan.
Nakita nila ang malalaking tao na nakaupo sa dalawang bangko. Sumunod na araw
ay kaharap na nila ang hari na si Utgaro-Loki. Nakilala niya si Thor ang mahusay na
mandirigma. “Ikaw ay malakas kaysa tingin ko lamang. Anong kakayahan na
mahusay kayo ng iyong mga kasama? Hindi namin hinahayaan na manatili rito ang
taong walang ipagmamalaki.” wika nito.

Sumagot si Loki. “Mayroon akong kakayahan na nais kong subukin. Walang

sinuman sa naririto ang bibilis pa sa akin sa pagkain.” Tinawag ni Utgaro-Loki ang
nakaupo sa dulong upuan na nagngangalang Logi. Inilagay sa gitna ng mesa ang mga
hiniwang karne. Magkatapat sa dulo ng mesa, naupo ang dalawang magkatunggali.
Kinain nila nang sobrang bilis ang karne, buto na lamang ang naiwan sa parte ni Loki
ngunit ni walang butong natira sa parte ni Logi. Kaya’t malinaw na natalo si Loki sa
nasabing labanan.

Sumunod na paligsahan naman ang pabilisan sa pagtakbo na nilahukan ng

batang si Thjalfi laban sa bata rin na si Hugi. Sa unang paglalaban, masyadong
malayo ang agwat ni Hugi. Inulit ito nang tatlong beses ngunit hindi talaga maabutan
ni Thjalfi si Hugi.

Tinanong ni Utgaro-Loki si Thor kung anong kakayahan naman ang ipakikita

nito. Sinabi nitong gusto niyang subukin ang labanan sa pabilisan ng pag-inom.

Kaya’t tinawag ni Utgaro-Loki ang cupbearer na dala-dala ang tambuli na madalas

inuman ng mga panauhin.

9
[Type here]

“Isang mahusay na manginginom ang makauubos nito sa isang lagukan, ang

iba ay kaya ito ng dalawa ngunit kadalasan ay nauubos ito nang tatlong lagukan,”
sabi ng pinuno ng mga higante.

Hindi pinansin ni Thor ang sukat ng tambuli dahil siya ay uhaw na uhaw.
Nilagok niya nang malaki ang lalagyan ngunit hindi na siya makahinga kaya’t nang
tingnan ang lalagyan ay parang wala pa ring nabawas. Ganito rin ang nangyari sa
ikalawang lagok.

Sinabi ni Utgaro-Loki “Kailangan mong lagukin itong lahat sa pangatlong

pagkakataon. Tingin ko ay hindi ka kasinlakas ng inaasahan ko.” Nagalit si Thor
kaya’t ininom ang alak gamit ang lahat ng lakas ngunit tila wala pa ring nabawas sa
laman ng tambuli kaya’t binitiwan ito hanggang sa matapon lahat ng laman.

“Ipinakikita lamang na ang lakas mong taglay ay hindi kasintindi tulad ng

aming iniisip. Gusto mo pa bang subukin ang iba pang uri ng pakikipaglaban?”
tanong ni Utgaro-Loki. “Anong labanan ang maimumungkahi mo?” sagot ni Thor.

“Isang laro na paborito ng kabataan dito buhatin ang aking pusa mula sa
lupa.” Isang abuhing pusa ang lumundag sa lupa. Malaki ito ngunit hinawakan ni
Thor ang palibot ng tiyan nito at sinubok na itaas gamit ang lahat ng lakas. Ngunit
paa lamang ng pusa ang naiangat ni Thor.

“Tapos na ang labanang ito tulad ng aking inaasahan, walang laban si Thor sa
aking malaking pusa, ano pa kaya sa malalaking tao rito?” wika ni Utgaro-Loki.
“Tawagin mo na akong maliit kung gusto mo pero tumawag ka ng sinumang
makikipagbuno sa akin, galit na ako ngayon,” sabi ni Thor.

“Wala akong alam na gustong makipagbuno sa iyo ngayon pero hayaan mong
tawagin ko ang aking kinalakihang ina, ang matandang si Elli. Siya ang labanan mo
ng wrestling, marami na siyang pinatumbang mga lalaki na tulad mong malakas.”

Hindi na dapat pahabain pa ang kuwento, habang gamit ni Thor ang kaniyang
buong lakas lalo lamang naging matatag ang matandang babae hanggang mawalan ng
balanse si Thor. Pumagitna si Utgaro-Loki at sinabing itigil na ang labanan. Hindi na
kailangang makipagbuno pa ni Thor kaninuman sa tagapaglingkod. Malalim na noon
ang gabi kaya’t sinamahan sila ni Utgaro-Loki kung saan sila makapagpapahinga at
inasikaso nang maayos.

Kinaumagahan, si Thor at ang kaniyang mga kasamahan ay nagbihis at

humanda na sa paglalakbay. Hinandugan sila ni Utgaro-Loki nang masaganang
agahan. Sa kanilang paghihiwalay tinanong ni Utgaro-Loki si Thor kung ano ang
naiisip nito sa kinalabasan ng kanilang paglalakbay at kung may nakilala ba itong
lalaki na higit na malakas kaysa kaniya (Utgaro-Loki). Sumagot si Thor na hindi niya
maikakaila na nalagay siya sa kahihiyan sa kanilang pagtatagpo at marahil iniiisip
nito na siya ay walang halaga at hindi niya ito gusto.

Sinabi ni Utgaro-Loki, “Ngayong palabas ka na sa aking kuta ay ipagtatapat ko

sa iyo ang katotohanan, kung ako ay mabuhay at may kontrol sa mga mangyayari,
hindi mo na kailangang bumalik pa ritong muli. Sa aking salita, ni hindi ka

makakapasok dito kung alam ko lang kung gaano ka kalakas, muntik ka nang
magdulot ng kapahamakan sa aming lahat. Ngunit nilinlang kita gamit ang aking
mahika. Noong una tayong magkita sa kakahuyan agad kitang nilapitan at nang
tangkain mong alisin ang pagkakatali ng bag hindi mo ito nagawa dahil binuhol ko ito
ng alambre. Pagkatapos noon hinampas mo ako ng iyong maso nang tatlong ulit. Ang
una ay mahina pero kung umabot ito sa akin ay patay na ako. Nang makita mo ang
10
[Type here]

burol na tila upuan ng kabayo malapit sa aking kuta kung saan naroon ang tatlong
kuwadradong lambak, ang isa ay napakalalim, ito ang marka ng iyong maso. Inilagay
ko talaga ang burol na hugis kabayo sa harap ng iyong mga hampas pero hindi mo ito
nakita. Gayun din ang nangyari nang magkaroon ng paligsahan laban sa aking mga
tagapaglingkod. Ang una, nang kainin nang mabilis ni Loki ang mga hiniwang karne
sa sobrang kagutuman pero ano ang laban niya kay Logi na tulad ng mapaminsalang
apoy na kayang sunugin ang kakahuyan. At si Thjalfi na lumaban ng takbuhan sa
tinatawag naming Hugi, siya ay lumaban sa aking kaisipan. Walang makatatalo sa
bilis ng aking kaisipan. At noong ikaw naman ay uminom mula sa tambuli inakala mo
na ikaw ay mabagal. Sa aking salita, anong himala na ang dulo ng tambuli ay
nakakabit sa dagat pero hindi mo ito nakita pero tingnan mo ang dagat halos masaid
ang tubig nito. Hindi rin kamangha-mangha sa akin nang maiangat mo ang paa ng
pusa sa lupa, pero para sabihin ko sa iyo ang totoo ang lahat ng nakasaksi nito ay
nahintakutan. Ang pusang iyon ay hindi totoong pusa kundi isang Miogaro, isang
ahas na ang haba ay sapat na upang yakapin ang daigdig ng kaniyang ulo at buntot.
Iniangat mo ito nang mataas halos abot hanggang langit. Kamangha-mangha rin nang
makipagbuno ka nang matagal at napaluhod ng isang tuhod lamang sa iyong
pakikipaglaban kay Elli na wala kahit sino mang makagagawa niyon. At ngayon tayo
ay maghihiwalay mas makabubuti para sa ating dalawa na tayo’y di na muling
magkita. Ipagpapatuloy ko ang pagtatanggol sa aking kuta gamit ang aking mahika o
anumang paraan upang hindi manaig ang iyong kapangyarihan sa akin.

Nang marinig ito ni Thor kinuha niya ang kaniyang maso upang ipukol ngunit
wala na si Utgaro-Loki. Sa kaniyang paglingon wala na rin ang kuta kundi isang
malawak lamang na kapatagan. Muli siyang lumisan at ipinagpatuloy ang kaniyang
paglalakbay hanggang sa makabalik sa Thruovangar, ang mundo ng mga diyos.

- Mula sa Elements of Literature nina Holt et. al. 2008. Texas, USA
Sipi mula sa Filipino 10 Learner’s MateriaL

GAWAIN 1: ISAISIP
Panuto: Magbigay ng mga salitang maisasama sa punong salita upang makabuo ng
iba pang kahulugan.
ULAN

Halimbawa:
TUBIG PAMPA
ALAT -LIGO

KANAL

BAHAY MATA

KWENTO

GAWAIN 2: Unawain Mo
Panuto: Basahing mabuti ang sumusunod na katanungan. Isulat ang sagot sa
patlang na nakalaan. Sagutin ang mga tanong sa buong pangungusap.

1. Bakit nagalit si Thor kay Skrymir? Ano ang nangyayari kapag sa galit niya ay
hinahampas niya ng maso si Skymir?
11
[Type here]

_____________________________________________________________________________
_____________________________________________________________________________

2. Ano ang ikinagalit ni Thor sa magsasaka at sa pamilya nito? Paano sila

pinarusahan ni Thor?
_____________________________________________________________________________
_____________________________________________________________________________

3. Ano-anong paligsahan ang nilahukan ng mga panauhin sa kaharian ni

UtgaroLoki? Ilahad ang naging resulta nito.

a. Loki laban kay Logi

________________________________________________________________________
________________________________________________________________________

b. Thjalfi laban kay Hugi

________________________________________________________________________
________________________________________________________________________

c. Thor laban kay cupbearer

________________________________________________________________________
________________________________________________________________________

4. Kung ikaw si Thor at kaniyang mga kasama, ilarawan ang iyong magiging
damdamin kapag nalaman mong nalinlang ka sa paligsahan? Bakit?

_________________________________________________________________________________
_________________________________________________________________________________

5. Ano ang ipinagtapat ni Utgaro-Loki kay Thor nang sila’y paalis na? Iparinig ito sa
klase. Ilahad ang pangunahing paksa at ideya batay sa napakinggang usapan ng
mga tauhan.
_________________________________________________________________________________
_________________________________________________________________________________

6. Paano mo maiuugnay ang mga pangyayari sa mitolohiyang nabasa sa

pamumuhay ng tao ngayon?
_________________________________________________________________________________
_________________________________________________________________________________

GAWAIN 3: Suriin Mo!

Panuto: Suriin ang elementong taglay ng binasang mitolohiya sa pamamagitan ng

pagsagot sa mga tanong sa flow chart.

ELEMENTO NG MITOLOHIYA

12
[Type here]

• Ilarawan ang taglay na kapangyarihan ni Thor.

1
• Ilarawan ang tagpuan at panahon na pinangyarihan ng akda.

2
• Saan nakatuon ang mga pangyayari o banghay?

3
• Ano ang paksa o tema ng binasang mitolohiya?

BASAHIN AT SURIIN
Magsanay Magsuri

Basahin ang mitolohiya mula sa Pilipinas at pagkatapos ay suriin ang taglay nitong
elemento sa tulong ng talahanayan.

Rihawani

Sa isang kagubatang maraming bundok sa isang lugar ng Marugbu, isang liblib

na pook, ang mga naninirahan doon ay may pinaniniwalaang isang diyosa o diwata ng
puting usa. Ito ang kuwento ng kanilang mga ninuno na unang nanirahan doon.

Ang Diyos raw na ito ay tinatawag na Rihawani. Kung minsan ay nagpapalit

daw ito ng anyo bilang isa ring puting usa. Ang mga naninirahan sa liblib na pook na
ito ay ingat na ingat at takot na takot na magawi o maglagalag sa kagubatan,
pinananahanan ni Rihawani, kahit alam nilang dito sila maraming makukuhang mga
bagay na maaari nilang magamit o mapagkakitaan. Mga prutas, mga hayop-gubat,
mga halamanggubat, at iba pa.

Sang-ayon sa kanila, may nakakita na kay Rihawani. Isa sa mga taong

naninirahan din doon. Minsan daw, nang maligaw ito sa pangunguha ng mga kahoy
at prutas ay napadako ito sa pook ni Rihawani. Nakita raw at nasumpungan nito ang
diyosa. Kahit sa malayo ay kapansin-pansin ang angking kagandahan nito, habang
nakikipag-usap sa ilang mga usang puti na nasa kaniyang paligid. Nang maglakad
ang mga ito sa dakong patungo sa kinaroroonan ng mga tao ay mabilis na humangos
itong tumalilis dahil sa takot na makita ni Rihawani, ang diyosa. Nang makarating ito
sa bahay ay hindi magkumahog sa pagbabalita sa kaniyang nasaksihan. Mula noon
ay lalo nang naging katatakutan ang kagubatang iyon.

Isang araw ay may mga dayuhan na dumating doon na ang pakay ay mangaso
o mamaril ng hayop-gubat. Nagtanong-tanong daw ang mga ito kung saang gubat
marami ang mga hayop o ibon na maaaring puntahan. Itinuro nila ang gubat ngunit
13
[Type here]

isinalaysay rin ang kasaysayan nito na pinanahanan ni Rihawani. Itinagubilin ding

huwag ibiging puntahan ang pook na iyon. Para sa ikatitiyak ng lakad ay ipinagsama
ng mga ito ang isang tagagabay. At lumisan ang mga ito patungo sa gubat na
pupuntahan. Pagdating sa paanan ng isang bundok ay napagkasunduan ng mga itong
maghiwahiwalay at magkita-kita na lamang sa isang lugar sa dakong hapon. Ngunit
lingid sa kaalaman ng lahat, ang isa ay nagkainteres na dumako sa gubat na
pinanahanan ni Rihawani. Hindi nito pinakinggan ang tagubilin ng nakatatanda sa
lugar na iyon. Nang makasapit na ito sa dakong itaas ng bundok ay naglalakad-lakad
naman at nagsipatsipat ng mababaril na hayop. Naisip nito ang puting usa na
sinasabi ng matanda. Nang mapadako ito sa tabing-ilog, napansin niya ang isang
pangkat ng mapuputing usa. Nang maramdaman ng mga hayop na may tao,
nabulabog ang mga ito at nagtakbuhang papalayo. Hinabol nito ang isa at tinangkang
barilin, ngunit walang matiyempuhan. Hanggang sa may makita ito sa dakong
kadawagan ng gubat, agad inasinta at binaril. Tinamaan ang puting usa sa binti at
hindi na nakatakbo. At nang lalapitan ng mga mangangaso ang puting usa may
biglang sumulpot sa likuran na isang puting-puting usa na malayo sa hitsura ng
nabaril. Lalo siyang namangha nang ang usa ay mag-iba ng anyo at naging isang
napakagandang babae. Sinumbatan nito ang mangangaso. Sa ginawang iyon ng
dayuhan, umusal ng sumpa ang diwata at ang lalaki ay naging isang puting usa at
mapabilang na sa mga alagad ni Rihawani. Nang dakong hapon na, hinanap ito ng
mga kasamahan. Tinawag nang tinawag ang pangalan nito ngunit walang sumasagot.
Napaghinuha na lamang ng lahat lalo na ng kasamang gabay na sinuway nito marahil
ang tagubilin, tuloy nabilang sa sumpa ni Rihawani. Mula noon, bukod sa naging aral
na sa mga nandoon ang pangyayaring iyon, ay pinangilagan na ng mga nangangaso
ang dakong iyon ng kagubatan.

- Mula sa Panitikang Filipino (Pampanahong Elektroniko), (Arrogante et. al, 1991)

Sipi mula sa Filipino 10 Learner’s Material

GAWAIN 4: Paghahambing sa Dalawang Mitolohiya

Panuto: Paghambingin ang dalawang mitolohiyang nabasa, ang "Sina Thor at Loki sa
Lupain ng mga Higante" ng Iceland at "Rihawani" ng Pilipinas. Ihambing ito
ayon sa mga sumusunod na elemento nito.

Elemento ng Mitolohiya Sina Thor at Loki sa Rihawani

Lupain ng mga Higante (Pilipinas)
(Iceland)
Tauhan

Tagpuan

Banghay

Tema
14
[Type here]

PAGYAMANIN

Panuto: Palawakin mo pa ang iyong kaalaman sa papamamagitan ng panonood ng

isang bidyu sa Pagkikipagsapalaran ni Samson. Ang link ay makikita sa
ibaba.

https://www.google.com/url?q=https://www.youtube.com/watch?v%3D5h9zKzFyFrw
&sa=D&source=editors&ust=1632384244882000&usg=AFQjCNF3yr5HFIMz9bBpvt5S
Y6D31uh7YA

GAWAIN 5: Unawain Mo
Panuto: Paghambingin ang taglay na katangian at kahinaan nina Thor at Samson sa
tulong ng diagram.

THOR SAMSON

PANGWAKAS NA GAWAIN
Panuto: Magsasaliksik ka ng mitolohiya ng ano mang bansa na iyong maibigan at
susuriin mo ang taglay nitong elemento. Tutulungan ka ng sumusunod na
tanong upang makapagsuri nang mahusay.

1. Ang tauhan ba ay isang diyos o diyosa na may taglay na kakaibang

kapangyarihan? Ipakilala.
2. Saan at kailan naganap ang mga pangyayari? Ilarawan.
3. Saan nakatuon ang mga pangyayari o banghay? Isalaysay.
4. Ano ang temang tinatalakay sa mitolohiya?

Sagutin ang mga ibinigay na tanong sa loob ng apat na tlaata at pagkatapos ay

ipadala sa hatirang pangmadla o social media. Ilathala ito sa facebook at lagyan ng
#mitolohiyangPilipinas, #2ndQFilipino10 at #(pangalan ng paaralan) o di kaya ay
isulat ang iyong pagsusuri sa isang short bondpaper at isumite sa iyong guro sa
Filipino.

15
[Type here]

Tatayain ang ginawa mong pagsusuri gamit ang sumusunod na pamantayan:

a. Naipakikilala nang mahusay ang tauhan sa mitolohiya.
b. Nailalarawan nang mabuti ang tagpuan.
c. Naisasalaysay nang maayos ang mga pangyayari.
d. Nailalahad nang wasto ang tema ng mitolohiya.

Ang bawat pamantayan ay bibigyan ng katumbas na eskala:

4 – Napakahusay
3 – Mahusay
2 – Katamtaman
1 – Dapat pang paunlarin

Sanggunian

Ambat, Vilma C, Ma. Teresa B Barcelo, and Eric O. Carino. 2015. Filipino 10 Learning
Material. 1st. Pasig City: Department of Education-Instructional Materials Council
Secretariat (DepEd-IMCS).

“Si Samson at Ang Kanyang Buhok - Pambatang Bible

App.” Www.youtube.com, www.youtube.com/watch?v=5h9zKzFyFrw. Accessed 21
July 2021.

Susi sa Pagwawasto

16
[Type here]

17
na aksiyon at tunggalian at ng mga diyos at diyosa.
18
[Type here]
[Type here]

SCHOOLS DIVISION OF MANDAUE CITY

NIMFA D. BONGO, CESO V

Schools Division Superintendent

LEAH B. APAO, CESO VI

Assistant Schools Division Superintendent

JAIME P. RUELAN, EdD

Chief Curriculum and Implementation Division

19
[Type here]

ISMAELITA N. DESABILLE, EdD

LRMDS, Education Program Supervisor

FELICITAS C. MAGNO, MAED

Education Program Supervisor in Filipino

RHACHEL ANN D. ORIOLA

Writer

MAY AKDA

Si Rhachel Ann D. Oriola ay nakapagtapos ng Bachelor

of Secondary Education, major in Filipino sa Cebu Normal
University. Kasalukuyan, siya ay nagtuturo ng Filipino 9
at 10 sa Casili Night High School at Filipino koordineytor
sa nasabing paaralan. Siya ay nagkapagturo sa St. Joseph’s
Academy na ngayon ay Academia de San Jose sa taong 2014.
Patuloy niyang tinatapos ang kanyang MAEd – Filipino
Language Teaching sa Cebu Normal University.

20
[Type here]

21