Maths Grade 12 New Textbook

BARNOOTA SAFUU
KITAABA BARATAA
KUTAA 6FFAA
አ ዲ ስ አ በ ባ ከ ተ ማ አ ስ ተ ዳ ድ ር ት ም ህ ር ት ቢ ሮ
BIIROO BARNOOTA BULCHIINSA MAGAALAA FINFINNEETTI
CITY GOVERNMENT OF ADDIS ABABA EDUCATION BUREAU
Kitaaba Barataa Kutaa 6FFAA
BARNOOTA SAFUU
KITAABA BARATAA
KUTAA 6FFAA
Qindeessummaa Ministeera Barnootaa Federaalaa Itoophiyaatiin kan

Qophaa’e Madaqsuun Gara Afaan Oromootti Kan Hiikan:
Beekam Fiqaaduu (MA)
Gabayyoo Baqqalaa (BA)
Naa’ol Baqqalaa (MA)
Taammiraat Tasammaa (MA)
GULAALAAFI MADAALAAN: Mallasaa Zallaqaa Fufaa (MA)
OGEESSA SAXAXAA: Kolleejjii Pooliiteeknikaa Inxooxxoo
Bara 2015/2023
Finfinnee, Itoophiyaa
OF-EEGGANNOO KITAABA KANAAF TAASIFAMUU QABU
) Kitaabni kun qabeenya mana barumsaa keeti.
) Kitaaba kana haala gaariin qabuu qabda.
) Kana gochuuf qabxilee armaan gaditti tarreeffaman qalbeeffadhu.
1. Kitaaba kana wantoota akka pilaastikii, gaazexaafi k.k.f uwwisuu qabda.
2. Yeroo hunda kitaaba kana bakka qooraa kaa’uu qabda.
3. Kitaaba kanatti yeroo fayyadamtu harkikee qulqulluu ta’uu qaba.
4. Qola kitaaba kanaafi fuula isaa irratti barreessuun dhorkaadha.
5. Kitaaba kana mallattoo itti godhachuu yoo barbaadde waraqaa xiqqoo ykn
kaardii fayyadami.
6. Fakkii fuula kitaaba kana irra jiru kutuun ykn irratti barreessuun dhorkaadha.
7. Kitaabni kun akka tasaa yoo tarsa’e battalumatti hapheedhaan qabsisuu qabda.
8. Kitaaba kana erga fayyadamteen booda haala gaariin bakka mijataa kaa’uu
qabda.
9. Kitaaba haaraa kana yeroo jalqabaaf yeroo fayyadamtu fuula jalqabaa suuta
saaquu qabda.
10. Erga saaqxeen booda akka hin cinnetti suuta jedhii dugda isaa gadi qabi.
Biiroo Barnootaa Bulchiinsa Magaalaa Finfinnee, 2015/2023
Kitaabni kun qindeessummaa Ministeera Barnootaa Mootummaa Federaalawaa

Dimokiraatawaa Rippaabilika Itoophiyaan kan qophaa’e yoota’u, qindeessummaa Biiroo
Barnootaa Bulchiinsa Magaalaa Finfinneetiin bara 2015/2023 madaqfamee gara
Afaan Oromootti hiikame. Mirgi maxxansaa guutumaan guutuutti seeraan eegamaadha.
Guutuu yookiin qaama maxxansa kanaa haalaafi bifa kamiiniyyuu, elektirooniksiidhaan,
footo koppiidhaafi waraabuun eeyyama dhaabbata maxxansiiseen ala haala biroon
dabarsuun dhorkaadha.
I
Qabiyyee
Baafata
BOQONNAA TOKKO: AMANAMUMMAA SAFUU 1

1.1 Maalummaa Amanamummaa Safuu
1.2 Mul’istoota Amanamummaa Safuu
1.3 Barbaachisummaa Amanamummaa
1.4 Amaloota Nama Amanamummaa Safuu Qabuu 8
1.5 Miidhaa Dhabamuu Amanamummaa Safuu
BOQONNAA LAMA: SEERA KABAJUU
2.1 Maalummaa Seera Kabajuu
2.2 Barbaachisummaa Seera Kabajuu
2.3 Amaloota Nama Seera Kabajuu
2.4 Miidhaa Seera Kabajuu Dhabuun Qaqqabsiisu 18
2.4.1 Nageenyi Boora’uu
2.4.2 Sarbammuu Mirga Namoomaa
2.4.3 Malaanmaltummaa
2.4.4 Araada Sammuu Hadoochu
2.4.5 Daddabarsa daa’immanii
3.1 Maalummaa Amala Gaarii

3.2 Ibsitoota Nama Amala Gaarii Qabuu
3.2.1 Qabeenya Namoota Biroo Kunuunsuu
3.2.2 Amanamummaa
3.3.3 Kabaja Kennuu
3.3 Barbaachisummaa Amala Gaarii Qabaachuu
II
Fuula
2
3
7
9
14
14
16
18
19
20
20
21
21
2.4.6 Gibira dhoksuu (Gibira seeraan kaffaluu dhiisuu)
2.4.7 Bilisummaa dhabuu
2.4.8 Haqni dhabamuu
BOQONNAA SADII: AMALA GAARII
22
22
26
26
28
29
30
30
32
21
3.4 Karaalee Amala Gaarii Ittiin Dagaagfatan 34
3.4.1 Of to’achuu 34
3.4.2 Seeraan Buluu 35
3.4.3 Duudhaalee Hawaasaa Kabajuu 36
3.4.4 Seeraafi Dambii Mana Barnootaa Kabajuu 37
3.5. Miidhaa Dhabamuu Amala Gaarii 38
BOQONNAA AFUR: HIRMAANNAA SOCHIILEE HAWAAS-DINAGDEE 43
4.1 Yaad-rimee Sochii Hawaas-Dinagdee 43
4.2 Hirmaannaa Hojiilee Tola Ooltummaa 46
4.3 Yeroo Boqonnaa Faayidaa Walootiif Oolchuu 48
4.4 Gahee
Amanamumaan Gibira Kaffaluufi Qusannoon Sochiilee Hawaas-Dinagdee

Keessatti Qabu............... 49

BOQONNAA SHAN: JAALALA BIYYAA 56

5.1 Maalummaa Jaalala Biyyaa 56

5.2 Ibsitoota Jaalala Biyyaa 58

5.3 Barbaachisummaa Jaalala Biyyaa 59

5.4 Amaloota Nama Jaalala Biyyaa Qabuu 60
62
5.5 Biyya Ofii Jaalachuu
BOQONNAA JAHA: NAGEENYAAFI WALTA’IINSA 67
6.1 Nageenya 68
6.1.1 Yaad-rimee Nageenyaa 69
6.1.2 Barbaachisummaa Nageenyaa 69
6.1.3 Mul’istoota Nageenyaa 70

6.2Walta’iinsa 71
6.2.1Yaad-rimee Walta'iinsaa 72
72
6.2.2 Barbaachisummaa Walta’iinsaa
6.2.3Duudhaalee Walta’iinsaa 73
6.3 Hariiroo Nageenyaafi Walta’iinsaa 74
III
BARNOOTA SAFUU KITAABA BARATAA KUTAA 6FFAA
Seensa Waliigalaa Kitaabichaa

Dhalli namaa uumama yaaduu danda’u waan ta’eef qajeelfamoota, leenjiiwwaniifi
barnoota garaagaraa namootaaf dhiyeessuu kan danda’udha. Amalli, safuufi
dandeettiin dhala namaa uumamaan kan dhaalamu osoo hin taane adeemsa keessa
kan baratamudha. Dandeettii, safuufi amalli dhala namaa barnootaan deggeramaa
yommuu deemu, galma barbaadamu bira niga’ama. Safuun gochaalee hawaasummaa
baay’ee barbaachisaa ta’eefi hojiilee guyya guyyaan dhalli namaa dalagu waliin kan
walqabatudha. Safuun addunyaa walxaxaa keessa waliin jiraachuuf dhugaafi haala
qabatamaa jiru hubachuu danda’udha.
Hawaasni kamiyyuu waan gaarii, fudhatama qabu, qajeelaa, sirriidha jedhu niqaba.
Isaan kanneen akka qajeelfama amalaafi duudhaa waliin jiraachuufi waliin hojjechuu
dhalootaa dhalootatti darbu godhee fudhata. Ittidabalees, duudhaan waliin jiraachuu
kun dhala namaa gidduutti walitti bu’iinsiifi jeequmsi akka hin uumamneef gahee
guddaa taphata. Safuun faayidaalee kanneen akka: tokkummaa hawaasaa
eeguu, yaaddoo namootni qaban xiqqeessuu, walitti dhufeenya namootaa
dagaagsuu, waldhabdee karaa nagaadhaan furuufi waan gaarii jajjabeessuufi
badhaasuuf, waan yaraa ta’e immoo qeequufi abaaruu fa’a qaba.
Yeroo ammaa barnootni safuu waliin jireenya dhala namaatiif haalduree baay’ee
barbaachisaa ta’edha. Hagam nama qaroome yoo taaneyyuu, duudhaafi safuu
hawaasaatiif iddoo guddaa kennuu qabna. Duudhaaleen safuu nuti amma qabnu
sadarkaa namni tokko waan yaraa nama akkasaa irratti akka hin raawwanne dhorkurra
kan ga’e miti. Kanaafuu, barnootni safuu yeroo ammaa kan duraanii caalaa baay’ee
barbaachisaadha. Duudhaalee safuu hawaasa keenyaa ofitti fudhachuun kan itti
maayii baanu yoota’e, gochaalee yaraafi gara jabinaan dhalli namaa walii isaafi
uumama biroo irratti raawwatu xiqqeesuu nidandeenya. Barnootni safuu waa’ee
gaarummaa, amanamummaa, ofto’achuu, kutannoo, hiriyummaa, of tuuluu
dhiisuu, kabajaafi wal danda’uu irratti xiyyeeffachuun kan barsiisudha.
Walumaagalatti, sirni imaammata haaraa barnoota safuu kun, barattootni dandeettii,

beekumsa, ilaalchaafi sonawwan safuu sadarkaa kanatti barachuu qaban hubachiisuuf
kan qophaa’edha. Dabalataan, barnootni kun barattootni dandeettii gadi fageenyaan
yaaduu, rakkoo ofuma isaaniitii furachuu danda’uu, murtoo sirriifi qajeelaa kennuu
akka danda’aniif yaadamee kan qophaa’e ta’uu hubachuun haala gaariin itti
gargaaramuun baay’ee barbaachisaadha.
IV
IV
BOQONNAA TOKKO
AMANAMUMMAA SAFUU
Bu’aalee Barachuu
Xumura boqonnaa kanaatti:
) maalummaa amanamummaa safuu nihubatta;
) amaloota amanamummaa safuu nibeekta;
) barbaachisummaa amanamummaa safuu niyaadatta;
) amaloota nama amanamummaa safuu qabuu nicalaqqisiifta;
) miidhaa dhabamuu amanamummaa safuu adda nibaasta.
Seensa
Boqonnaa kana keessatti dhimmoota amanamummaa safuu waliin wal qabatan nibaratta.
Tokkoon tokkoon keenya miseensa hawaasaati, jireenya kana keessatti maatii,
ollaafi hawaasa mana barnootaa waliin hariiroo niqabaanna. Haala kana keessatti
maalummaa, faayidaafi miidhaa amanamummaa safuu nihubatta.
Fakkii 1.1: Amanamummaa safuu barattoota irraa eegamu

1. Gochaalee barattootni fakkiilee armaan olii irratti agarsiisaa jiran gaariidha jettee
yaaddaa? Maaliif?
Kitaaba Barataa Kutaa 6FFAA 1

1.1 Maalummaa Amanamummaa Safuu
Gocha 1.1: Gaaffilee armaan gadii irratti hiriyootakee waliin mari’adhu

1. Amanamummaa safuu jechuun maali?
2. Amaloota nama amanamummaa safuu qabuu tarreessi.
3. Gochaalee amanamummaa safuu dhuunfaa calaqqisiisan ibsi.

Amanamummaan safuu duudhaalee safuu dhuunfaa namni tokko amala gaariifi gochaan
walitti fufiinsaan agarsiisudha. Duudhaaleen safuu dhuunfaa kunis duudhaa namni tokko
sirriidha jedhee amanudha. Duudhaalee namoota amanamummaa safuu qabanii kan ta’an:
amanamaa ta’uu;
oftuuluu dhiisuu;
ittigaafatamummaa bahuu;
amala hin jijjiiramne qabaachuu;
kutannoo qabaachuu;
namaaf yaaduu fa’a.
Namni amanamummaa safuu qabu duudhaa armaan olitti tarreeffaman dhuunfaanis ta’e
hawaasa keessatti nicalaqqisiisa. Duudhaaleen kunneen mata- duree armaan gadii keessatti
bal’inaan ibsamaniiru.
1. Namni tokko ofiisaaf amanamaa ta’uu qaba. Namni ofiisaaf hinamanamne, namoota
biroof hinamanamu. Namootni amanamummaa dhugaa qabaachuuf immoo gochaalee
isaanii xiinxaluu qabu. Gaaffilee kanneen akka:
; Yoo gocha ani dalage namootni argan ittan qaana’aa?
; Gochikoo ilaalchakoo isa sirrii bakka nibu’aa kan jedhu of gaafachuu qabna. Deebiin
gaaffilee kanaa quubsaa ta’uu yoobaate, gochaaleen akkanaa akka irra hin deebi’amne
gochuu qaba.
2. Amanamummaan safuu ofitti amanummaa wajjin hariiroo cimaa qaba. Namootni
amanamummaa safuu qaban: waan gaarii hojjechuurraa of hinqusatan, gocha dogoggoraa
yoo argan hincallisan. Fakkeenyaaf, barataan amanamummaa safuu qabu osoo barataan
tokko biqiltuu cabsuu yoo arge itti himee dhaabsisuuf kutannoo qaba.
2 Kitaaba Barataa Kutaa 6FFAA

3. Namni amanamummaa safuu qabu, namoota naannoo isaa waliin hariiroo gaarii qaba;
iccitii namoota biroos ni eega; haala kamiin keessatti dhugaa dubbata; nama hin hamatu.
1.2 Mul’istoota Amanamummaa Safuu
Gocha 1.2: Gaaffilee armaan gadii hiriyootakee waliin mari’achuun deebisi.

1. Amaloota nama amanamummaa safuu qabuu muraasa tarreessi.
2. Gochaalee amanamummaa safuu barattootni daree keessatti agarsiisan fakkeenya
fudhachuun ibsi.
Namni amanamummaa safuu qabu gochaalee armaan gadii calaqqisiisa. Isaanis:

A. Amanamummaa: jechuun haala kam keessattiyyuu dhugaa dubbachuu danda’uu
jechuudha.
Qordhimma 1
Tolaan barataa kutaa 6ffaati. Guyyaa tokko barsiisaan herregaa dhuma torbaniitti
hojjetanii akka xumuraniif hojii manaa kenneef. Haata’u malee, Tolaan gaaffi
kennameef yeroo jedhametti furuu hin dandeenye. Hiriyoonni isaa garuu adabbii jalaa is
baraaruuf akka inni isaan irraa garagalchee barsiisaa isaatiif galchu yaada dhiyeessaniif
Tolaan garuu barataa amanamaa waan tureef gaafficha furuu akka dadhabe barsiisa
isaatti himate. Barsiisaan isaas yeroo barataa turetti rakkoon Tolaa mudate isa
mudachuu yaadachuudhaan mala haaraa gaafficha ittiin furan daree guutuutti agarsiise
Amanamummaan Tolaa daree guutuun tooftaa haaraafi salphaa ta’een gaafficha akka fura
isaan dandeessisee jira.
# Amanamummaan Tolaa bu’aa maalii qaba?

# Bu’aalee biroo amanamummaan barattootaaf qabu ibsuu nidandeessaa?
Namootni amanamoo taʼan miidhaan isaa maal yoo taʼe iyyuu dhugaa dubbatu. Waan
dogoggoran kan amananiifi dogoggora isaanii irraa baratanii kan fooyyeffatanidha.
Amanamaa ta’uun isaaniis namoota biroo biratti amantaa isaaniif argamsiisa.

B. Kutannoo: Kutannoon dandeettii namni tokko waan sirriidha jedhee amane raawwachuuti.
Qordhimma 2
Kennaafi Seenaan kubbaa miilaa waliin taphatu turan. Osoo taphataa jiranuu Kennaan
goolii galcheen jira yommuu jedhu, Seenaan garuu sarara hindabarre waan ta’eef hingalle
jechuun morme. Haalli kun gara waldhabdeetti isaan geesse. Falmiin isaaniis xiyyeeffannoo
barattootaa akka harkisu taasise. Barattootni lameenuu haala isaanii kana maaliif nageenyaan
hin xumurru jechuun yaadan. Kennaan garuu yoon jalqaba irratti walfalmii kana dhiise,
barattootni biroon sodaataadha naan jedhu jechuun yaadda’e. Gama biroon Seenaan barataa
amanamaa waan ta’eef, ejjennoon mormuudhaan goolichi akka hin galle amansiise. Kunis
akka inni yeroo hundumaa waan sirrii raawwachuu qabu hiriyaa isaa barsiise. Haalli kun
kan agarsiisu murtoo sirrii kennuuf ofitti amanamummaa keetiin malee yaada namoota biroo
irratti hundaa’uu akka hinqabne kan ibsudha.
# Garaagarummaa amala Seenaafi Kennaa gidduu jiru ibsuu nidandeessaa?

# Qordhimma armaan olii irraa kutannoon bu’aa maalii qaba jettee yaadda?
Kutannoon amala bu’uuraa nama amanamummaa safuu qabuuti. Ejjennoo gaarii

qabaachuun namootni walitti bu’iinsa isaan gidduutti uumame karaa nagaa akka hiikkataniif
isaan dandeessisa. Waldhabdeen yoo furmaata hinargatin babal’achaa deemuun rakkoo
hamaa ta’e fiduu danda’a. Namootni tokko tokko walitti bu’iinsa karaa nagaa hiikuu akka
dadhabina isaaniitti waan ilaalaniif irraa duubatti jedhu. Kanaafuu, waldhabdee furachuun
barbaachisaa ta’uu isaatti yoo amananis sodaa kana irraa kan ka’een osoo hinfuratin hafu.
Namootni kutatoon murtoo safuu kennuuf yaada namoota biroo irratti hinhirkatan. Namootni
akkasii namoota waan raawwatamuu qabu yeroo barbaadame keessatti raawwataniidha.
Kanaafuu, namni ejjennoo gaarii qabu nama gochi isaa qajeelfama bu’uureffatedha.
C. Namaaf yaaduu: namaaf yaaduun dandeettii rakkoo namoota biroo akka rakkoo ofiitti
ilaaluuti.
# Hiriyaankee rakkoo keessa yoo jiraate akkamitti hubachuu dandeessa?
# Hiriyaakee kana gargaaruuf tarkaanfii akkamii fudhatta?

Qordhimma 3
Olaantuufi Kumeen waliif hiriyaadha. Lameen isaanii daree keessa waliin taa’u; yeroo
laaqanaas waliin taphatu. Lamaan isaaniiyyuu barattoota gaariidha. Guyyaa tokko Olaantuun
rifeensa ishee osoo hinfilatiniifi uffata xuraawaan mana barnootaa dhufte. Isheenis baay’ina
hojiirraa kan ka’e yeroo dhabuun akkasitti mana barnootaa dhufuu ishee Kumeetti himte.
Kumeenis seenaa kana yeroo dhageessu baay’ee gadduun yommuu manatti galtullee waa’ee
rakkoo Olaantuu yaaddi.
Namaaf yaaduu jechuun amala miira namoota biroo ittiin hubatan jechuudha. Kunis
namoonni walitti dhufeenyaan seenaa walii waliisaanii akka hubataniif gargaara. Namni
amanamummaa safuu dhugaa qabu:
dandeettii gaddaafi gammachuu namoota biroo waliin qooddachuu qaba;

miira namoota biroo dhaggeeffachuun nihubata;
nama mufachiisuun akka nama aarsu waan beekaniif irraa of qusatu.
D. Oftuuluu dhiisuu: oftuuluu dhiisuun amala ani nama biroon oli jedhanii yaaduu dhiisuuti.
Qordhimma: 4
Soorettiifi Ayyaantuun ollaa walii jiraatu. Maatiin Ayyaantuu meeshaalee taphaafi uffata
qaalii ta’an bituuf. Maatiin Soorettii garuu kana gochuu hindanda’an. Ayyaantuun meeshaalee
taphaa kana hiriyoonni ishee akka hinaafaniif fudhattee gadi ba’uun taphatti. Soorettiin
meeshaalee kanaan taphachuuf yoo gaafattu Ayyaantuun yeroo hundaa nididdi. Yeroo tokko
maatiin Ayyaantuu balaa tasaan qabeenyaa qaban hundaa dhaban. Isaanis Ayyaantuun maatii
Soorettii waliin akka jiraattuuf mana isaaniitti ergan. Ayyaantuunis Soorettiin waanan kanaan
dura ishee irratti raawwadhe narratti raawwatti jettee yaaddofte. Haata’u malee, Soorettiin
jaalalaafi kabajaan Ayyaantuu simattee keessummeessite.
# Qordhimma armaan olii irraa faayidaan oftuuluu dhiisuu maal akka ta’e hubattaa?
# Faayidaan namoota walqixatti ilaaluu maali?
Namoonni amanamummaa safuu qaban ofii isaanii namoota biroo wajjin walqixa jedhanii
yaadu. Namootas osoo gargar hinbaasin ija walqixaan ilaalu. Namoonni hiyyeessaafi sooressa
jechuun nama gargar qoodan amanamummaa safuu hinqaban.
E. Ittigaafatamummaa: jechuun gochaafi murtii keenyaaf ittigaafatamummaa fudhachuu
jechuudha.

Qordhimma: 5
Kutaa Faaxumaan barattuuf abbaltiin garee kennamee ture. Abbaltichas hojjetanii galchuu
kan qaban torbee tokko keessatti ture. Fiixaan ba’iinsa abbaltichaaf garee hunda keessatti
qindeessaa nama tokko tokko filatan. Qindeessitoota filataman keessaas Faaxumaan ishii
tokko turte. Gareen Faaxumaa abbaltii kennameef yeroo jedhame keessatti xumuruu
hindandeenye. Sababni isaas barattootni tokko tokko yeroo jedhame keessatti xumuruu
hindandeenye waan ta’eefi. Kana irraa ka’uudhaan Faaxumaan barattoota yeroo kennameef
keessatti hojjetanii hindhufne barsiisaa ishiitti gabaasuudhaan kana booda ittigaafatamummaa
keessan hinfudhadhu jette.
Haata’u malee, akka qindeessaa gareetti Faaxumaan ittigaafatamummaa hundaa nan baha
jettee fudhattee turte. Kana irraa ka’uudhaan yeroo jedhame keessatti xumursiisuu dhabuun
sababii ani ittigaafatamummaa koo seeraan hinbaane waan ta’eef balleessaan kan kooti
jechuun deebitee barsiisaa ishii dhiifama gaafatte. Barsiisaan ishiis ittigaafatamummaa ishii
kana dinqisiifachuun yeroo abbaltiin itti galuu qabu guyyaa lama itti dabaleef. Miseensonni
garee ishiis baay’ee gammaduudhaan humnaafi yeroo isaanii guutuu fayyadamuudhaan
guyyaa jedhametti abbaltii isaanii xumuranii galchan.
# Akka dursituu gareetti itti gaafatamummaan Faaxumaa maal ture?

Ittigaafatamummaan gocha gaarii yookiin yaraa dalagame tokkoof murtoo fudhachuuf
fedhii qabaachuu jechuudha. Namoonni ittigaafatamummaa fudhatan ofitti amanamummaafi
kabaja hiriyoota isaanii biratti qabu.
F. Walsimsiisuu: walsimsiisuun amala namoota waliin qabnuufi amala dhuunfaatti qabnu

walfaana deemsisuuti.

Qordhimma 6
Aadde Daraartuun ijoollee lama qabdi turte. Bakka hojii ishii irraa galgala sa’aatii 12:00tti
dhufuun ijoollee ishee waliin dabarsiti. Ijoollee ishees waa’ee amanamummaa, naamusa
gaariifi aadaa hojii cimaa akka qabaatan barsiisti. Yeroo hunda dhugaa akka dubbatan isaan
jajjabeessiti. Aadde Daraartuun guyyaa ijoolleen ishee mana barumsaa hinqabne isaaniin
qabattee bakka hojii ishii deemti. Ijoolleen ishiis yeroo hunda gorsa gaarii haadha isaanii
irraa nidhaga’u. Haata’u malee, akkaataa ishiin hojjettoota ishii itti kunuunsitu yommuu
ilaalan, akka haati isaanii hojjettoota isheef kabaja hinqabne hubatan. Kana malees, gibira
mootummaaf kaffaluu qabdu seeraan akka kaffalaa hinjirres dhagahaa turan. Bu’uura kanaan
ijoolleen wanta haati isaanii jettuufi gocha isheen hojjettu gidduu garaagarummaan akka jiru
hubatan.
Gocha 1.3: Seeneffama armaan olii irratti hundaa’uun gaaffilee itti aananii jiran irratti
mari’achuun deebisaa.
# Aadde Daraartuun akkaataa amanamummaa safuutiin hojjataa jirtii?
# Amaloota nama amanamummaa qabuu kan armaan olitti ibsame keessaa aadde
Daraartuun isa kam agarsiiste?
Amalliifi gochi namoota amanamummaa safuu qabanii walfakkaata. Galmoota ifa ta’e kan
kaa’ataniifi gocha isaanii kanaan walsimsiisuun kan raawwataniidha. Namoonni yaada
akkasii qaban namoota naannoo isaanii jiraniif fakkeenya gaariidha.
1.3 Barbaachisummaa Amanamummaa
Fakkii 1.2: Barsiisaa barataa isaa dinqisiifachaa jiru

Gocha 1.4: G
aaffilee armaan gadii irratti hiriyoota keessan waliin mari’achuun deebisaa.
1. Faayidaa amanamummaadhaan hojjechuun qabu keessaa muraasa tarreessi.
2. Hawaasa amanamummaa safuu qabu keessa jiraachuun faayidaa maalii qaba?
3. Faayidaa amanamummaan safuu daree barnootaa keessatti qabu muraasa ibsaa.
Hawaasni amanamummaa safuu qaburraa ijaarame:

aadaa hojii cimaa qaba;
faayidaa namoota biroorraa hinbarbaadan;
jireenya isaanii fooyyeffachuuf tattaafatu;
dhuunfaanis ta’e waloon hojjechuun galma isaanii bakkaan niga’u;
salphaatti waadaa hingalan; waadaa galan immoo hindiigan;
Amanamummaan safuu hariiroo hawaasummaa nicimsa; of nama kabachiisa; dandeettii
rakkoo furuu namaa nidagaagsa; rakkoof akka hinjilbeenfanne nama taasisa.
1.4 Amaloota Nama Amanamummaa Safuu Qabuu
Gocha 1.5: Gaaffilee armaan gadii deebisi.

1. Amaloota namni amanamummaa safuu qabu agarsiisu muraasa tarreessi.
2. Wantoota namni amanamummaa safuu qabu tokko irraa ofqusachuu qabu ibsi.
3. Amaloota amanamummaa safuu barataan tokko daree barnootaa keessatti agarsiisuu
qabu irratti mari’adhaa.
Namni amanamummaa qabu tokko:

waan waadaa gale akkaataa waadaa galetti raawwata;
waan fedhii hinqabne/hindandeenye hojjechuuf waadaa hinseenu;
haala kamiinuu utuu hin ilaalin seera buʼuuraa hojiirra oolcha;

Fakkeenyaaf, barataan tokko manaa maatii isaaf ajajamaa mana barnootaatii immoo
qormaata kan hatu yoo ta’e amanamummaa hinqabu jechuudha. Barataa amanamummaa
qabu ta’uuf, namootni isa arganiif yookiin dhiisaniif osoo hintaane ofii isaatiin karaa sirrii
ta’een amanamummaa gabbifachuu qaba. Amala nama amanamummaa qabuu keessaa
tokko ofitti amanamummaa olaanaa qabaachuudha. Namoota biroo biratti jaallatamuuf
jecha amanamummaa isaanii hingatan. Dhiibbaa alaa itti dhufus haala salphaa ta’een
ofirraa ittisuu nidanda’u.
Namni amanamummaa qabu nama hundaaf kabaja niqabaata. Kanaafuu, namoota biratti
kabaja guddaa qabu. Hiriyyoota isaanii, barsiisota isaanii yookiin maatii isaanii irraa kabaja
hindhaban. Nama hundumaa akkuma barsiisaa isaanii kabajanitti nikabaju.
Namni amanamummaa qabu waan hinbeekne tokko sobee beeka jedhee amanee hin fudhatu.
Namoota biratti jajamuuf jecha waan hinbeekne fakkeessanii hinhojjetan. Jecha biraatiin,
namoonni akkasii ofii isaaniitiifis ta’e namoota biroof amanamoodha. Amanamummaan
isaanii kunis akka isaan waan haaraa barataa deeman isaan dandeessisa.
1.5 Miidhaa Dhabamuu Amanamummaa Safuu
Gocha 1.6: Gaaffilee armaan gadii irratti hiriyoota kee waliin mari’achuun deebisi.
1. Miidhaa dhabamuun amanamummaa safuu fidu keessaa muraasa isaanii tarreessi.
2. Mana barnootaa keessatti fakkeenya gochaalee dhabamuu amanamummaa safuu
ta’an ibsaa.
Namoonni battalumatti amala badaa hinhoratan. Amanamummaan namaa adeemsa keessa

baduu danda’a. Wantootni tokko tokko suuta suuta amala nama balleessuun amanamummaa
namaa hir’isu. Nama amanamaa ta’uuf gochaalee akka sobaafi hannaa irraa fagaachuu qabna.

Fakkeenyaaf, barataan hiriyoota isaatti seenaa himaa jiru tokko isaan kofalchiisuuf jecha
soba itti makaa deema haajennu. Soba akka itti dabalee dubbataa jirus nibeeka. Haa ta’u
malee, xiyyeeffannaa hiriyoota isaa argachuuf jecha amanamummaa isaa dhabaa jira
jechuudha. Gochi xixiqqoon akkasii irra deddeebi’aa yoo deeme amanamummaa irratti
dhiibbaa guddaa niqabaata.
Namni gochi isaa amantaa isaa isa dhugaa hincalaqqisiifne fakkeessaa (hypocrat) jedhama.
Yoo gochi nama tokkoo amala inni qaburraa adda ta’e namoota naannoo isaa jiran irraa
amantaa dhaba. Fakkeessitoonni hariiroo wal amantaarratti ijaarame waan hin qabneef
gonkumaa namoota waliin walitti dhufeenya gaarii hinqaban. Akkasumas, dubbii isaaniif
hin amanaman; iccitii namaas hineegan.
Yeroo hedduu namoonni gochoota akka sobaa, hannaafi gowwoomsaa raawwatan ofitti
amanamummaa isaanii hir’isu. Namoonni amanamummaa safuu hinqabne malaanmaloodha.
Namoonni aangoo qaban tokko tokko waa’ee bu’aa isaanii qofa yaadu. Kanaafuu, namoonni
akkasii fedhii isaanii guuttachuuf wantoota qaalii ta’an kan bitaniifi araada hintaaneen kan
qabamaniidha. Hawaasni itti gaafatamummaa hinqabnes, yeroo yakki raawwatamu ejjennoon
hinmorman.

Guduunfaa
Namni amanamummaa safuu qabu ofii isaatiifis ta’e namoota biroof amanamaadha.
Amanamummaa jechuun haala kam keessattiyyuu dhugaa dubbachuu danda’uu jechuudha.
Duudhaalee namoota amanamummaa qabanii kan ta’an: amanamaa ta’uu, oftuuluu dhiisuu,
ittigaafatamummaa bahuu, amala hinjijjiiramne qabaachuu, kutannoo qabaachuufi namaaf
yaaduu fa’a. Namoonni amanamoon dadhabbii namoota biroo irraa bu’aa argachuuf
hinkaroorfatan; waan kan isaanii hintaane hinfudhatan. Yaadniifi gochi nama amanamaa
yoomiyyuu walsimannaa qaba. Namni amanamummaa safuu qabu, namoota hundumaa
garaagarummaa saalaa, amantiifi diinagdee tokko malee isaan tajaajila. Namoonni
amanamummaa safuu hinqabne namoota fuulduratti kabaja hinqaban. Amanamummaan
hariiroo namoota gidduu jiru nicimsa.
HIIKA JECHOOTAA
Amanamummaa: jechuun haala kam keessattiyyuu dhugaa dubbachuu danda’uu jechuudha.
Kutannoo: kutannoon dandeettii namni tokko waan sirriidha jedhee amane raawwachuuti.
Namaaf yaaduu: namaaf yaaduun dandeettii rakkoo namoota biroo akka rakkoo ofiitti
ilaaluuti.
Oftuuluu Dhiisuu: oftuuluu dhiisuun amala ani nama biroon oli jedhanii yaaduu dhiisuuti.
Ittigaafatamummaa: jechuun gocha keenyaaf ittigaafatamummaa fudhachuu jechuudha.
Walsimsiisuu: walsimsiisuun amala namoota waliin qabnuufi amala dhuunfaatti qabnu
walfaana deemsisuudha.
Fakkeessaa (Hypocrat): nama gochi isaa amantaa isaa isa dhugaa hincalaqqisiifnedha.

Gaaffilee Keessa Deebii Xumura Boqonnaa

I: Gaaffilee
armaan gadii keessaa kanneen sirrii ta’aniin “Dhugaa” kanneen sirrii
hintaaneen immoo “Soba” jedhii deebisi.
1. Amanamummaan walsimannaa gochaafi yaada dhugaa nama tokkooti.
2. Namni amanamummaa safuu qabu faayidaa isaatiif qofa dhugaa dubbata.
3. Oftuuluu dhiisuun amala nama biraa olitti of ilaaluuti.
4. Namni amanamummaa safuu dhugaa qabu dogoggoraa sirreessuuf ejjennoo qaba.
5. Amanamummaa safuu dhabuun namoota biratti amantaa nama argachiisa.
II: Gaaffiilee armaan gadii dubbisuun deebii hundarra sirrii ta’e filadhu.
1. Amala nama amanamummaa safuu dhugaa qabuu kan hintaane isa kami?
A, Ittigaafatamummaa
B. Ejjennoo qabaachuu
C. Amanamummaa dhabuu
2. Kanneen armaan gadii keessaa tokko faayidaa amanamummaa safuuti:
A. Kabaja namoota biroo argachuu
B. Hariiroo namootaa dhabuu
C. Fakkeessitoota ta’uu
3. Dandeettiin rakkoo namoota biroo hubachuu danda’uu maal jedhama?
A. Namaaf yaaduu
B. Amanamummaa
C. Ejjennoo
4. Amala namoota amanamummaa safuu hinqabnee kan ta’e kami?
A. Iccitii namootaa eeguu danda’u
B. Ofitti amanamummaa xiqqaa qabu
C. Ofitti amanamummaa guddaa qabu

III: Gaaffiilee armaan gadii irratti gareen mari’achuun deebisaa

1. Amanamummaa safuu jechuun maal jechuudha?
2. Amaloota nama amanamummaa safuu qabuu irratti gareen mari’adhaa.
3. Amanamummaa safuu hojii irra oolchuun faayidaa akkamii qaba?
4. Fakkeenyotni amala amanamummaa safuu mana barnootaa keessatti hojiirra oolan
maal fa’i?
5. Amanamummaa safuu dhabuun miidhaa akkamii qaqqabsiisa?

BOQONNAA LAMA
SEERA KABAJUU
Bu’aalee Barachuu
Xumura Boqonnaa kanaatti:
) maalummaa seera kabajuu ni ibsita;
) barbaachisummaa seera kabajuu ni addeessita;
) amaloota nama seera kabajuu nicalaqqisiista;
) miidhaa seera kabajuu dhabuun dhufu ni ibsita;
Seensa
Seerri maali? Namoonni maaliif seera kabaju? Boqonnaa kana keessatti waa’ee seeraafi
seera kabajuu, amaloota lammiilee seera kabajaniifi faayidaa seera kabajuu irraaa argamu,
akkasumas miidhaa seera kabajuu dhabuun dhufu gadi fageenyaan nibaratta.
2.1 Maalummaa Seera Kabajuu
Gocha 2.1: Gaaffilee armaan gadii hiriyaakee waliin mari’achuun deebisi

1. Barbaachisummaa seerri biyya tokkoof qabu eeri.
2. Dirqamootni lammiilee seera kabajanii maal fa’i?
3. Gochaalee barattootni seera kabajan agarsiisan fakkeenya waliin dhiyeessi.
Bu’aa seera kabajuu irraa argamu kaasuun dura, maalummaafi kaayyoo seeraa hubachuun
barbaachisaadha. Kunis, lammiileen maalummaa seeraa osoo hinbariin, bu’aa seera
kabajuun qabu hubachuu waan hin dandeenyeefidha. Seerri dambii ittiin bulmaata naamusa
hawaasaa yookiin lammiileen biyya tokko keessa jiran hundi hordofuu qabaniidha.
Dambiiwwan kunneenis lammiileen mirgaafi ittigaafatamummaa isaanii akka bahaniif kan
isaan hubachiisuudha.

Seerri biyya tokkoo ulaagaalee armaan gadii guutuu qaba. Isaanis:

Seerri biyya tokkoo dhaabbataa, jijjiramaafi walfakkaataa ta’uutu irra jiraata.
Dhaabbataa: jechuun seerichi kan yeroo dheeraaf tajaajiluu danda’u ta’uu isaa agarsiisa.
Kunis lammiileen seera biyya isaanii gadifageenyaan akka beekaniif isaan gargaara.
 Seerri nijijjiirama yommuu jennu immoo yeroo waliin deemuuf jecha wanti
itti dabalamuu yookaan irraa hir’achuu danda’u kan jiraatu ta’uu ibsa. Fakkeenyaaf,
waggaa 100 dura Itoophiyaa keessatti konkolaattonni baay’ee waan hinturreef
seerri to’annaa tiraafikaa xiyyeeffannaan kennamaafii hinturre. Yeroo ammaa
kana garuu lakkoofsi konkolaattotaa dabaluu irraa kan ka’e balaawwan tiraafikaa
mudatan baay’inni isaanii akka dabalu sababa ta’eera. Kanaafuu, balaa tiraafikaa
xiqqeessuuf seera yeroo waliin deemuu danda’u baasuun barbaachisaadha.
 Walfakkaattummaa seeraa jechuun seerri biyya tokko keessa jiru lammiilee
hundaaf haala qixa ta’een kan tajaajilu ta’uu qaba. Gama biraatiin seerri haala
walqixa ta’een hojiirra kan hin oolle yoo ta’e, lammiileen adeemsa seeraa irratti
amantaa waan dhabaniif seeraaf akka hinbitamne isaan taasisa.
Seera kabajuun qophiifi kutannoo lammiileen seera biyyaatiif bitamuuf qaban
agarsiisa. Kunis hojiin hundi haala seeraatiin raawwachuuf qophii qabaachuu lammiilee
ibsa. Haala kanaan seerri uummata biratti fudhatama argatee mootummaadhaan hojiirra
oola jechuudha. Seera biyyaa beekuufi kabajuun dirqama lammiilee hundaati. Seerri
lammiileen biyya tokkoo maal gochuu akka qabaniifi hinqabne adda baasuun isaan
barsiisa.
Hawaasni garee tokko keessa jiraatu afaan, amantii yookiin aadaan garaagarummaa
qabaachuu nidanda’a. Garaagarummaan kunis kaayyoon, seenduubee maatii isaanii, ykn
fedhii isaaniitiinis taʼuu nidandaʼa. Yeroo tokko tokko fedhiin keenya fedhii namoota
biroo wajjin wal gituu dhabuu irraa kan ka’e waldhabdeen uumamuu nidanda’a.
Lammiileen seera kabajan garuu waldhabdee kana karaa nagaa ta’een furmaata itti
kennuu nidanda’u. Nageenyi hawaasaa mootummaa qofaan eegamuu hindanda’u.Nageenya
mirkaneessuuf hirmaannaan lammiilee hundaa barbaachisaadha.

Gocha 2.2: Q
ordhimma armaan gadii erga dubbistee booda deebii kee hiriyoota kee
waliin irratti mari’adhu.
# Badii Caalaan akka lammiitti raawwate maal akka ta’e ibsi?
# Caalaan hoogganaan isaa ajaja yoo kennuuf tarkaanfii akkamii fudhachuu qaba ture?
# Seera wallaaluun Caalaa adabbii irraa bilisa isa nitaasisaa?
Qordhimma 1
Caalaan abbaa ijoollee afuriiti. Yeroo mara ganamaan ka’ee gara hojii isaa deemuun galgala
sa’a 12:30tti manatti deebi’a. Yeroo hojii isaa booda ijoollee isaa wajjin dabarsuu jaallata.
Innis mana gurgurtaa huccuu keessaa hojjeta. Gaaf-tokko hoogganaan isaa maamiltoota
isaaf nagahee gurgurtaa malee akka gurguru ajaje. Caalaan garuu nagahee malee gurguruun
seeraan akka nama gaafachiisu waan hinbeekneef, seeraan ala gurguraa ture. Kanumarraa
ka’uun guyyaa tokko Caalaan qaama mootummaan qabamee gara mana amala sirreessaa
geeffame.
2.2 Barbaachisummaa Seera Kabajuu
Gocha 2.3: Gaaffiilee armaan gadii hiriyootakee waliin mari’achuun deebisi.

1. Seera kabajuun maaliif barbaachisa?
2. Lammiileen seera kabajan maal gochuu akka qaban irratti mari’adhaa.
3. Mana barnootaa keessatti fakkeenya amaloota nama seera kabajuu tarreessi.
Seera kabajuun faayidaa hedduu qaba. Kanneen keessaa muraasi:
I. Lammiileen bilisummaa guutuu akka qabaatan taasisa

Bilisummaan bu’uura jireenya dhala namaa seeraan deggeramedha. Bilisummaan lammiileen
jireenya isaanii akkaataa gaarii ta’a jedhanii yaadaniin akka jiraatan taasisa. Namni kamiyyuu
miseensa garee amantii, siyaasaafi hojii barbaade keessatti hirmaachuuf mirga qaba. Kanaaf
eenyuyyuu mirgoota akka kanaa sarbuu hindanda’u. Haata’u malee, mirgi lammiilee daangaa
kan hin qabne miti.

Kana jechuun namni tokko gochi isaa mirga namoota biroo akka hin sarbine of-eeggachuu
qaba. Mirgi lammiilee hundaa seera duratti walqixadha. Lammiileen seera kabajan mirga
namoota biroo hinsarban.
II. Nageenya kabachiisuuf

Hawaasa keessatti nageenya mirkaneessuuf seera kabajuun barbaachisaadha. Nageenyi
hin jiru yoo ta’e, hojii kamiyyuu hojjechuun hindanda’amu. Fakkeenyaaf, mana barnootaa
deemuu, hiriyoota waliin taphachuu, maatii ofii waliin bashannanuufi kan kana fakkaatan
nageenya malee hindanda’amu.
III. Qabeenya walqixatti qooduuf

Itoophiyaan biyya guddachuuf carraa guddaa qabdu yoo taatu, qabeenya uumamaa hedduu
qabaachuun beekamti. Akkasumas haala qilleensa gaariifi dahoo bineensota bosonaa
hedduu qabdi. Hunda caalaa ammoo, Itoophiyaan dargaggoota miliyoonaan lakkaa'aman
kanneen hojii hedduu hojjechuuf dandeettii qaban qabdi. Humna dargaggootaa kanatti
fayyadamuuf qabeenya walqixatti qooduun barbaachisaadha. Qabeenya walqixatti qooduun
kan danda’amu gochi lammiileefi mootummaa seera qabeessa yoo ta’eedha. Qabeenya
walqixatti qooduuf seera kabajuun dirqama ta’a.
IV. Birmadummaa mirkaneessuuf

Lammiileen seera kabajan akka seerri birmadummaa biyyaa mirkaneessuuf fayyadu nihubatu.
Birmadummaan aangoo mootummootni ofiin of bulchuuf qabanidha. Birmadummaan
mallattoo mootummoota of danda’aniiti. Gabaabumatti birmadummaan mallattoo
walabummaa biyyaati.
V. Fedhii dhuunfaafi lammiilee eegsisuuf

Seera kabajuun karaa fedhiin nama dhuunfaafi lammiilee itti mirkanaa’udha. Seeronni
fedhii uummataa ibsu. Seeronni waliigaltee fedhiirratti hundaa’ee uummataafi mootummaa
gidduutti raawwatamuudha. Kanaafuu, namni yommuu seera cabsu akka fedhiin dhuunfaa
isaa miidhamu beekuu qaba. Kana malees, seerri uummanni akka mootummaa irratti hinkaane;
mootummaanis uummata irratti akka hinkaaneef aangoo mootummaa kan daangesssuudha.
Yakka ittisuufi namoota yakka raawwatan sirreessuufis kan fayyadudha.

2.3 Amaloota Nama Seera Kabajuu
Gocha 2.4: Gaaffilee armaan gadii irratti hiriyootakee wajjin mariʼadhu.

1. Seera kabajuuf dirqama lammiileen qaban ibsaa.
2. Seera kabajuuf ittigaafatamummaa barattoonni qaban tarreessi.
3. Gochawwan lammiilee seera kabajan irraa hin eegamne muraasa tarreessi.
Lammiin seera kabaju tokko mirga ofii qofa osoo hintaane kan namoota biroos akka kabajamu
gahee isa irraa eegamu bahuu qaba. Gama birootiin seerri lammiilee hundaan fudhatama
argachuu qaba. Kana jechuun seeronni hundi hawaasaan mirkanaa’uu qabu jechuudha.
Garuu, seerri tokko erga mirkanaa’ee booda amala dirqisiisaa ta’e qaba. Seera kabajuun
dhimma akka salphaatti fudhatamu miti. Yeroo hunda dhugaa hojjechuufi seeraaf bitamuu
gaafata.
Haaluma walfakkaatuun lammiin seera kabaju tokko daangaa, mirgaafi itti gaafatamummaa
isaa beekuuf dirqama qaba. Seera wallaaluun adabbii irraa bilisa nama hintaasisu. Namni
osoo hin beekiin seera cabse akkuma nama osoo beekuu seera cabsee yakkamaa ta’a.
Kanaafuu, seera beekuufi ajajamuun dirqama miseensa hawaasa hundaati.
Seerri calaqqee fedhii uummataati. Kanaaf seera kabajuun fedhii uummataa kabajuudha.
Lammiileen seera kabajuu qofa osoo hin taane seerri osoo cabuu yoo argan qaama dhimmi
ilaallatuuf gabaasuuf dirqama qabu. Kanaaf, lammiin seera kabaju tokko seera biyyaa
kabajuufi yeroo fooyya’uun barbaachisaa ta’etti akka fooyya’u yaada gumachuun gahee
isaati.
2.4 Miidhaa Seera Kabajuu Dhabuun Qaqqabsiisu
Gocha 2.5: Gaaffilee armaan gadii irratti hiriyootakee waliin mari’adhu.

1. Seeraaf ajajamuu dhabuun miidhaa akkamii fida?.
2. Hawaasni seera hinkabajne kan akkamiiti?
3. Lammiileen seera kabajuuf itti gaafatamummaa akkamii qabu?

Gocha 2.6: Gaaffilee armaan gadii qordhimma itti aanee jiru dubbisuun hiriyootaakee
1. Abbaan waanuma addunyaaf kenninu deebinee arganna yoo jedhu sirriidhaa? Maalif?
2. Seerri akka kabajamuuf lammiileen maal gochuutu irraa eegama?
Qordhimma 2
Dur dur daa’ima tokkotu abbaa isaa wajjin imalaa ture. Guyyaa tokko osoo karaa deemaa
jiranii gaara tokko bira yoo ga’an, daa’imni sagalee “akkam jirtu?” jedhu dhagahe. Daa’imni
kun eenyutu jira jedhee gaafate. Ammas sagalee walfakkaatu dhagahe. Mucaan kun sagalee
deddeebi’ee dhagahe kanatti aaree “ati eenyu?” jedhee gaafate. Ammas sagalee wal fakkaataa
deddeebi’ee dhagahe. Yeroo kana hundaa abbaan mucaa isaa callisee dhageeffachaa ture.
Booda garuu, taateen kun 'ikkoo' ta’uu ibseef. Dhuma irratti “ikkoon/ owwaattuun” namni
tokko naannoo bowwaafi tulluun jirutti sagalee yommuu dhageessisu kan namatti deebi’ee
dhaga’amu ta’uu itti hime. Kana booda abbaan ilma isaatiin waanuma addunyaaf kenninu
deebinee arganna jechuun ibseef. Kanaafuu, hawaasa nageenya qabu ta’uu yoo barbaanne,
hawaasa keenyaaf nagaa kennuu qabna jedhe itti hime. Akkasumas, hawaasa seera kabaju
keessa jiraachuu yoo barbaanne, dursa seera kabajuu qabna jechuun ibseef.
Hojiin mootummaa haala gaariin akka rawwatamuuf, seera kabajuun barbaachisaadha. Seera
kabajuu dhabuun miidhaa adda addaa qaba. Kanneen keessaa muraasni:
2.4.1 Nageenyi Boora’uu
Nageenyi Boora’uun hawaasa keessatti waldhabdeen adda addaa jiraachuu

agarsiisa. Nageenyi bu’aa seera kabajuuti. Haa ta’u malee, nageenyi gosa lama qaba. Isaanis
nageenya hamaa (negative peace) fi Nageenya Amansiisaa (Positive peace). Nageenyi
hamaan bakka wal waraansiifi walitti bu’iinsi kallattiin hin jirree haata’u malee namootni
jiraachuuf bakka itti sodaatanidha. Nageenya amansiisaa jechuun immoo bakka wal
waraansis ta’e walitti bu’iinsi hin jirre, uummannis jiraachuuf bakka sodaa tokkollee
hin qabnedha. Fakkeenya Caaltuufi Boonsaa haa ilaallu.

Qordhimma 3
Boonsaafi Caaltuun obbolaadha. Ijoolleen kun dabareedhaan hoolota maatii isaaniitiif
soorata kennaa turan. Guyyaa tokko Boonsaan Caaltuudhaan har’a dabareen hoolotaaf
soorata kennuu kan keeti jedheen. Caaltuun garuu, ''Dabareen koo kaleessa waan
ta’eef ammas dabareen kan keeti'' jetteen. Haala kanaan walfalmaa osoo jiranii haati
isaanii hojii irraa dhuftee ''amma hirriba xiqqoo argachuun barbaada waan ta’eef, falmii
keessan dhaabaa, kana booda falmii keessan yoon dhagaʼe lamaan keessan iyyuu rakkina
keessa galtu'' jetteen. Ijoolleen lamaan sababa ajaja haadha isaaniitiin callisan. Garuu
gara walhubannaatti hindhufne. Kunis nageenya hamaa (negaative peace) jedhama.
Sa'aatii muraasa booda Caaltuun obboleessa ishee bira deemtee ''dhiifama naaf
godhi kana booda si waliin walloluu hinbarbaadu har’a hoolota keenya nan kunuunsa''
jetteen. Boonsaanis ''anillee si waliin walloluu hin barbaadu waan ta’eef singargaara''
jedheen. Haala kanaan obbolaan lamaan walhubachuun rakkoo isaanii hiikuun nageenya
mirkaneessanii waliin taphachuu jalqabani.
¾ Waliigalteen obbolaa gidduudhaa dhibuun miidhaan isaa maali?

¾ Nageenya gaarii mirkaneessuuf hojjechuun barbaachisummaan isaa maali?
2.4.2 Sarbamuu Mirga Namoomaa

Nageenyi hin jiru yoo ta’e lubbuun jiraachuufi bilisummaan socho’uun hindanda’amu.
Dabalataanis,qabeenya horachuun rakkisaa ta’a. Akka waliigalatti,seerri namoota
hunda walqixaan ilaala. Akkasumas seerri namoonni humna hinqabne akka hin
miidhamneef eegumsa taasisaaf. Kanaafuu, seerri yoo dhabame jireenyi keenya sodaan
guutama.
2.4.3 Malaanmaltummaa
Malaanmaltummaan amanamummaa dhabuufi amala yakkamaa nama taasisu ta’ee irra
caalmaa hooggantoota mootummaatiin kan raawwatamuudha. Namoonni malaan
maltummaa raawwatan beekumsa isaanii tajaajila uummataaf osoo hin taane,faayidaa
dhuunfaatiif oolchu. Karaaleen malaammaltummaa itti raawwatan hedhuudha. Isaanis:

a. Taayitaa ofiitti fayyadamuun seeraan ala fira ofii gargaaruu: Kun gocha aangootti
fayyadamuun hiriyoota yookiin miseensota maatii ofiif faayidaa hinmalle kennuudha.
b. Matta’aa kennuu yookiin fudhachuu: qondaaltota mootummaatiif maallaqa kennuudhaan
faayidaa hin malle argachuu jechuudha.
2.4.4 Araada Sammuu Hadoochu

Araada qoricha sammuu hadoochuun qabamuun dhukkuba sammuufi qaama namaa miidhu
fida. Qoricha sammuu hadoochu fayyadamuun itti fayyadama qoricha seera qabeessaafi
seeraan alaa to’achuu dadhabuutti nama geessa. Wantoota akka alkoolii dhuguu, jimaa
qama’uufi tamboo xuuxuun fakkeenya qoricha sammuu namaa hadoochaniiti. Namoonni
araada akkasiin yeroo qabaman rakkoolee adda addaatiif saaxilamu. Seera kabajuu dhiisuun
qoricha akkasii salphaatti akka fayyadamnu nu taasisa.
2.4.5 Daddabarsa Daa’immanii

Daddabarsi daa’immanii ijoolleen hojii humnaa olii akka hojjetan taasisa. Daldalli daddabarsa
daa’immanii, daa’imman haala baay’ee hamaa ta’e keessa akka jiraatan isaan taasisa. Ijoolleen
sababoota adda addaatiin haalawwan hamaa ta’eef saaxilamuu danda’u. Inni jalqabaa maatii
isaaniin gurguramuun ta’uu danda’a. Daa’imman daldalaman hojiiwwan humnaa oliifi
rakkoolee hedduuf itti saaxilamuu danda’u. Isaan keessaa: gocha saalqunnamtii seeraan
alaa, hojii mana keessaa, hojii qonnaafi kan kana fakkaatan fa’a. Kunis rakkoo biyyoota
guddataniifi biyyoota guddachaa jiran miidhaa jiruudha. Gochi akka kanaa daa’imman
rakkoo fayyaa qaamaa akkasumas miiraatiif saaxila. Daldalli daa’immanii kan dhaabbatu
yoo namni hundi seera kabaje qofadha. Namoonni hundi daa’imman miidhaa akkasii irraa
eeguuf dirqama qabu. Lammiileen seera kabajan hojii akka kanaa yoo argan dhaabsisuufi
qaama dhimmi ilaallatuuf gabaasuuf dirqama qabu.
2.4.6 Gibira dhoksuu

Gibira dhoksuun gibira kaffaluu irraa of qusachuu yookaan gibira miliqsuuf yaalii
taasifamuudha. Gochi kun namoota dhuunfaa yookaan dhaabbilee adda addaatiin rawwatamuu
danda’a. Gibira dhoksuun karaa adda addaatiin rawwatamuu danda’a. Isaanis: sanadoota
gibira sobaa dhiyeessuu, galii dhaabbilee daldalaa irraa argamu xiqqeessanii gabaasuufi kan
kana fakkaatuudha. Gibira dhoksuun galii mootummaan walitti qabu nihir’isa.

Dandeettiin mootummaan tokko tajaajila hawaasummaa lammiileef kennu galii isaa irratti
hundaa’a. Kanaafuu, gibira dhoksuun gocha jireenya lammiilee hunda irratti dhiibbaa
geessisudha. Lammiileen gibira dhoksuuf yaalanii argaman bifa maallaqaan ni adabamu
yookaan mana amala sirreessaa seenuu danda'u.
2.4.7 Bilisummaa dhabuu

Lammiin seera kabaju jireenya isaa akka fedha isaatti jiraachuuf bilisummaa qaba.
Bilisummaa kanneen akka amantaa isaanii hordofuu, aadaa isaanii beeksisuu yookaan biyya
keessa bakka fedhan jiraachuuf bilisummaa qabaachuu fa'a. Namni seera hinkabajne
mirgoota armaan olitti ibsaman hunda fayyadamuuf bilisummaa hin qabu.
Akkasumas, adabbii adda addaatiif saaxilamuu danda’a. Karaa adabbiin namoota seera
cabsan irratti ittiin fudhatamu keessaa tokko mana amala sirreessaatti ergamuudha.
Mana amala sirreessaa keessatti namni tokko yeroo barbaadetti eessattuu hin imalu
yookiin maatii isaa arguun rakkisaadha. Kana jechuun namoonni mana amala
sirreessaa keessa jiran bilisummaa hinqaban jechuudha.
2.4.8 Haqni dhabamuu

Namni tokko yakka raawwatee yoo argame adabbii yakka isaa wajjin wal gitu ni
argata. Haqummaan karaa adda addatiin dhabamuu danda’a. Isaan keessaa muraasni
malaammaltummaa, firummaafi beekumsaan walfayyaduu ta’uu danda’a.

Guduunfaa
) Hawaasa tokko keessatti nageenya ofii eeguuf seera kabajuun barbaachisaadha.

) Nageenyi waliin jireenya hawaasummaatiif baay’ee murteessaadha
) Seera kabajuun hirmaannaa miseensa hawaasa hundaa gaafata malee dirqama
mootummaa qofa jedhanii yaaduun sirrii miti.
) Jiraachuun seeraa lammiileen akka lubbuu, bilisummaafi qabeenya isaanii eegan
isaan taasisa.
) Hawaasa seeraaf hinajajamne keessatti haqniifi qoodinsi qabeenyaa haqa
qabeessa ta’e uumamuu hindanda’u.
) Dhabamuun nageenyaa hawaasa keessatti waldhabdeen adda addaa akka uumamu
taasisa. Nageenyi amansiisaan yoo biyya tokko keessa hinjiraanne, kanneen akka
sarbamuu mirga namoomaa, malaammaltummaa, araada sammuu nama hadoochuun
qabamuu, daddabarsa daa’immanii, gibira dhoksuu, bilisummaa dhabuufi haqni
akka hinjiraanneef karaa banuu danda’a.
Hiika Jechootaa:
) Birmadummaa: aangoo guutuu biyyi tokko qabdu jechuudha.
) Lammii seera kabaju: seera biyyattiin buluun kan hojiirra oolchudha.
) Dantaa ofii: dhimma ofiif dursa kennufi namoota biroof dhimmamuu dhabuu
) Qoodinsa qabeenyaa: qabeenya biyyattii bifa walqixaatiin qoooduufi argachuu.
) Malaammaltummaa: aangoo uummataan kenname seeraan ala fayyadamuu
) Daddabarsa daa’immanii: ijoollee seeraan ala hojii humnaatiif
fayyadamuufi iddoo tokko irraa gara iddoo biraatti geessuu.

Gaaffilee Keessa Deebii Xumura Boqonnaa

I: Hima yaada sirrii qabuuf “Dhugaa” kan yaada sirrii hinqabneef “Soba” jechuun
deebisi.
1. Qophaa’ummaafi kutannoo lammiileen seera biyya isaanii kabajuuf qaban seera kabajuu
jedhama.
2. Nageenyi hawaasaa mootummaa qofaan eegamuu danda’a.
3. Lammiin seera kabaju tokko daangaa mirgaafi ittigaafatamummaa isaa beekuuf dirqama
akka qabu nihubata.
4. Seera kabajuu dhabuun namoonni bu’aa gaarii akka argatan taasisa.
5. Qabeenya qixatti qooduun faayidaa seera kabajuu keessaa isa tokkodha.
II: Gaaffilee armaan gadiif qubee deebii sirrii qabatee filachuun deebisi.
1. Amala Seerota biyya tokkoo kan hin taane kami?

A. Dhaabbataa
B. Haqa dhabuu
C. Jijjiramuu
2. Kanneen armaan gadii keessaa faayidaa seera kabajuu kan hin taane kami?
A. Nageenya eegsisuu
B. Birmadummaa biyyaa mirkaneessuu.
C. Mirga namoomaa sarbuu
3. Amala lammii seera kabajuu kan hin taane kami?
A. Seeronni fedhii hawaasaa eegsisuuf kan barreeffame ta’uu nibeeku.
B. Mirgaafi itti gaafatamummaa isaanii nibeeku.
C. Deebii hin qabu
4. Kanneen armaan gadii keessaa kan sammuufi qaama namaa miidhuu danda’u isa kami?
A. Araada qoricha sammuu hadoochu
B. Malaanmaltummaa
C. Gibira dhoksuu

III: Gaaffilee armaan gadiitiif deebii gabaabaa kenni.
1. Seera kabajuu jechuun maal jechuudha?

2. Amaloota lammiilee seeraaf ajajaman irraa mul’atan keessaa muraasa tarreessaa.
3. Hawaasa tokko keessatti seera kabajuun faayidaa maalii qaba?
4. Rakkooleen seera kabajuu dhabuun walqabatanii dhufan maalfaa akka ta’an
dareedhaaf ibsi.

BOQONNAA SADII
AMALA GAARII
Bu’aalee Barachuu
) maalummaa amala gaarii ni ibsita;
) ibsitoota nama amala gaarii qabuu ni ibsita;
) barbaachisummaa amala gaarii qabaachuutiif gatii nikennita;
) karaalee amala gaarii itti dagaagfatan ni agarsiista;
) dhabamuun amala gaarii miidhaa inni qaqqabsiisu adda nibaasta.
Seensa
Boqonnaan kun maalummaa amala gaarii, ibsitoota nama amala gaarii qabu irraa
calaqqisiifamu, barbaachisummaa amala gaarii, karaalee amala gaarii ittiguddifataniifi
miidhaa dhabamuu amala gaariin dhufuu danda’u of keessatti hammata. Xumura irrattis,
amala gaarii ijaaruu keessatti gahee maatii, hawaasaafi manni barnootaa qabu gadi
fageenyaan nibaratta.
3.1 Maalummaa Amala Gaarii
Gocha 3.1: Gaaffilee armaan gadiif deebii gabaabaa kenni.

Amala gaarii jechuun maal jechuudha?
Amaloota gaariidha jedhaman muraasa tarreessi.

Amala jechuun akkaataa namni tokko haalaafi gocha isaa namoota waliin ibsatudha.
Fakkii 3.1.Yeroo barataan barsiisaa isaa eeyyama gaafatee dareedhaa bahu
Amalli gaariin bu’aa ilaalchaafi yaada namaati. Kan isaan ibsamanis akkaataa namni sun
namoota waliin dubbatu, dalaguufi waliin jireenya namoota waliin taasisuuni. Namni amala
gaarii qabu waan ofii isaatii jaallatu namaafis raawwata. Fakkeenyota amala gaarii kan ta’an
kanneen akka:
) ofitti amanuu;
) kabaja qabaachuu;
) eeyyama gaafachuu;
) hiriyoota gaarii filachuu;
) waan namootni qaban dinqisiifachuu;
) aadaa hojii cimaa dinqisiifachuu;
) waan sirrii ta’e deggeruu;
) yoo dogoggoran dhiifama gaafachuu fa’a.
Maddi amala gaarii bu’aa sababoota adda addaati. Isaan keessaa muraasni:
1. Maatii: maatiifi maanguddoon amala daa’immanii ijaaruu keessatti iddoo guddaa qabu.
Sababiin isaas daa’imman namoota kanneen baay’ee waan jaalataniif, waan isaan hojjetan
hundumaa akka sirrii ta’etti fudhatu. Kanaafuu, daa’imman amala namoota isaanitti dhiyoo
ta’ani ilaaluudhaan gocha, amalaafi dubbii isaanii fakkeessuun dalagu. Kanaaf, maatiin of
eeggannoodhaan daa’imman isaaniitti dhiyaachuu qabu.

2. Yeroo: amalli daa’immanii yeroo yeroon fooyya’aa deema. Akkuma armaan dura ibsame
daa’imman amala namoota isaanitti dhihoo ta’an irraa baratu. Adeemsa keessa amalicha
kan mataa isaanii taasifatu. Dhiibbaan kun immoo maatii irraa qofa kan dhufu osoo hin
taane naannoo irraallee dhufuu danda’a.
3. Filannoo: Amaloonni dhala namaa bu’aa filannoo isaaniiti jedhama. Kana jechuun nama
akkamii ta’uu akka danda’an filachuu nidanda’u. Haala kanaan tokkoon tokkoon namaa
gocha gaarii ykn badaa filachuuf mirga dhuunfaa qaba jechuudha.
Fakkeenyaaf, barataan tokko hiriyoota isaa keessaa kan barbaade filatee waliin
qu’achuu yookaan dhiisuu danda’a.
3.2 Ibsitoota Nama Amala Gaarii Qabuu
Gocha 3.2: Gaaffiilee armaan gadii hiriyootakee waliin mari’achuun deebisi.

1. Nama gaarii jechuun maal jechuudha?
2. Ibsitootni nama amala gaarii qabuu maal fa’i?

Namni amala gaarii qabu gara-laafessaafi namoota biroo kan gargaarudha. Ibsitoota namoota
amala gaarii qabu jedhamanii kan beekaman keessaa muraasni kanneen armaan gadiiti.
Isaanis:
) Haqummaa: nama dhuga-qabeessa ta’eefi qajeelfamoota safuutiif iddoo ol’aanaa
qabudha.
) Amanamummaa: nama dhugaa, kan hin fakkeessine, kan hin sobne, nama hannaafi
gowwoomsaa adda addaa irraa bilisa ta’eedha.
) Abboomamuu (Amanamuu): nama gochaafi murtee isaa irratti ofitti amanamummaa
qabudha.
) Ittigaafatamummaa: ittigaafatamummaa jechuun gocha tokkoof itti
gaafatamummaa fudhachuufi dirqama kenname bahuu danda’uudha.
) Of-to’achuu: fedhii, miira yookiin hawwii akka maleerraa of eeguu.

3.2.1 Qabeenya Namoota Biroo Kunuunsuu
Gocha 3.3: Gaaffilee armaan gadii maatiikee gaafachuun dareedhaaf ibsi.

1. Kabaja jechuun maal jechuudha?
2. Qabeenya namoota biroo kunuunsuu jechuun maali?
Kabaja jechuun akkaataa ofiikeetii kabajamuu jaallattutti namoota biroos kabajuu jechuudha.
Namootni wal kabajan jechoota filatamoodhaan waliin dubbatu. Yoo hiriyaakee kabajje
akkuma kana kabaja malu argatta.
Fakkii 3.2: Barataan qabeenya bade argee yeroo abbaa duraa badeef deebisu
Seeraaf bitamuu jechuun karaa biraan seera kabajuu agarsiisa. Fakkeenyaaf, barataan tokko
seera manni barnootaa baase kabajuun kabaja mana barnootaa isaatiif qabu agarsiisudha.
Qabeenyi harka keenya jiru qabeenya keenya. Gama birootiin namni gaariin qabeenya
namoota biroos akkuma kan ofiitti kunuunsuun beekama. Haala kanaan qabeenya mana
barumsaa, mootummaafi namoota hundaa kunuunsuun barbaachisaadha. Yeroo qabeenya
nama biroo fayyadamnus akkuma qabeenya keenyaatti ilaaluun akka hin mancaanetti of
eeggannoo taasisuun barbaachisaadha.

3.2.2 Amanamummaa
Gocha 3.4: Gaaffilee armaan gadii gareen irratti mari’achuun deebisi.

1. Gochaalee akkamiitu amala nama amanamaa ta’ee calaqqisiisa? Maalif?
A. Hiriyaankee qormaata sirraa garagalchuuf sigaafannaan ati garuu nididde.
B. Abbaa
yookaan haadhakeetiif hojii manaakoon hojjedha jettee waadaa
seentee garuu immoo dhiistee TV daawwatte.
C. Qalama hiriyaakee irraa ergifattee deebisuufii didde.
Amanamummaan amala dhugaa dubbachuufi hojjechuuti. Gama birootiin faallaa kanaa kan
ta’e kan akka hannaa, hiriyaa gowwoomsuufi qabeenyaa jalaa dhoksuun amanamummaa
nama dhabsiisa. Kanaafuu, namootni amanamoon yeroo hunda haqa hojjechuun beekamu.
Amaloota namoota amanamoo ta’an keessaa muraasni:
¾ Waadaa isaanii eeguufi namootni biroos dhugaa akka dubbatan jajjabeessuu;
¾ Dhugaa dubbachuu;
¾ Hannaafi gowwoomsaa jibbuu;
¾ Dogoggora amanuun irraa barachuu;
¾ Wantoota humnaa ol dhaadhessuu dhiisuu
Amanamummaan faayidaa hedduu qaba. Namoota biratti dinqisiifannaafi jaalala namaaf

argamsiisa. Namootni amanamoo ta’an hawaasa keessatti kabaja guddaa qabu. Dhugaa
dubbachuufi waadaa kabajuun namoota biroo irraa beekamtii gaarii akka argatan isaan taasisa.
Amanamummaa dhabuun safuufi gocha keenya mirkaneessuu dhabuutti nama geessa.
3.2.3 Kabaja Kennuu
Gocha 3.5: Gaafilee armaan gadii maatii kee gaafachuun deebii kenni.
1. Maatii tokkoof kabajni maaliif barbaachisa?
2. Miidhaan kabaja dhabuu maal akka ta’e ibsuu dandeessaa?
3. Kabajni eessaa eegaluu qaba?

Yaad-rimeen kabajaa karaa adda addaatiin ibsamuu danda’a. Kabajni mataa ofii irraa eegala.
Namni mataa ofii hinkabajne namoota biroof kabaja hinqabaatu. Itti aansee, namni tokko
naannoo isaaf/isheef kabajaa kennuu qaba. Isaan kanneen akka armaan gadiitti haa ilaallu:
i. Of kabajuu
Kabajni ofirraa eegala. Of kabajuu jechuun of kunuunsuufi miira gaarii ofiif qabaachuu
jechuudha. Namni kamiyyuu uumama isaatiin addadha. Kanaafuu, barattootni namoota
biroo fakkeessuurra of ta’uu qabu. Ofii isaaniitti boonuufi adda ta’uu isaanii of beekuu qabu.
Barattootni yeroo hunda wanti beekuu qaban:
¾ Qaama ofiitiif kabaja kennuu: kun wantoota miidhagina keenya ganamaa
miidhanirraa ofeeguufi of kunuunsuu danda’uudha.
¾ Fayyaa ofiitiif kunuunsa gochuu: kana jechuun qaama keenya kunuunsuufi fayyaa
qaama keenyaaf xiyyeeffannaa kennuudha.
¾ Yaada ofiitiif kabaja kennuu: yaadnikee gochoota ati dalagdu mara waan
qajeelchaniif, yaadakeef kabaja kennuu qabda.
ii. Hiriyoota ofiitiif kabaja kennuu: Namni kamiyyuu namoota birootiin kabajamuu,
jaallatamuu, dinqisiifamuu, beekamtiifi fudhatama argachuu barbaada. Akka nama
safuu qabu tokkootti, hiriyoota keenyaaf gara laafessa ta’uufi kabajaa malu kennuu
qabna. Barattootni akkuma dinqisiifannaa hiriyoota isaanii barbaadan, hiriyootni isaaniis
akkasuma akka fedhan hubachuu qabu.
iii. Maatii keenyaaf kabaja kennuu: Maatiif kabaja kennuufi gorsa isaanii dhaggeeffachuun
amala barbaachisaa barataa hunda irraa eegamudha. Maatii kee caalaa namni si jaallatu
akka hinjirre yaaduun barbaachisaadha.
iv.Abbootii Gadaa, Abbootii Amantaafi Barsiisotaaf Kabaja kennuu
Abbootiin Gadaa, barsiisotnifi geggeessitootni amantii beekumsa namoonni dhuunfaa

jireenya isaanii guutuu keessatti argatan kennuudhaaf itti gaafatamummaa guddaa kanneen
qabaniidha. Barsiisonni, barattootni waan beekuu qaban akka baratan gargaaruu qabu.
Barsiisonni abbaa beekumsaafi gorsaa barattootaa waan ta’aniif qajeelfamni isaanii barattootni
naamusa qabeessa akka ta’an gargaara.

Gorsaaﬁ barannoo barsiisotaaf abboomamuun kabaja barattootni barsiisotaaf qaban

agarsiisa. Barsiisonni beekumsaafi muuxannoo gara amala gaariitti qajeelchuuf gargaaru
hedduu waan qabaniif gorsa isaanii hordofuun baay’ee barbaachisaa dha.
v. Naannoo ofii Kunuunsuu
Naannoon bakka nuti keessa jiraannudha. Kanaafuu, naannoo keenya kunuunsuun baay’ee
barbaachisaadha. Kunis nyaata, qilleensa qulqulluu, bishaan qulqulluufi kan kana fakkaatan
naannoo keessa jiraannu irraa arganna. Kanaafuu, biqiloota dhaabuun barbaachisaa
dha.
Fakkeenyaaf yeroo mukkeen guddatan qilleensa qulqulluu argachuu firii nyaata gaarii
nyaachuufi gaaddisa ta’uun aduu nurraa ittisu. Kanaafuu, naannoo kunuunsuun nageenya
ofii eeguu jechuudha.
Naannoo keenya kunuunsuun nannoo qulqulluufi fayya-qabeessa ta’e qabaachuun jireenya
nagaa jiraachuuf baay’ee nu gargaara. Bishaan, biqiltootaafi qilleensa malee jireenyi
ilma namaa rakkoo keessa gala jechuudha. Kanaafuu, qabeenya nam-tolcheefi uumamaa
kunuunsuun baay’ee barbaachisaadha. Haala kanaan naannoodhaaf kunuunsa gochuun
dirqama safuu namni amala gaarii qabu kamiyyuu raawwachuu qabudha.
3.3 Barbaachisummaa Amala Gaarii Qabaachuu
Gocha 3.6: G
aaffilee armaan gadii irratti gareen mari’achuun dareef
gabaasi.
1. Barbaachisummaan amala gaarii qabaachuu maali?
2. Akka of kunuunsitutti namoota biroo kunuunsuun gaariidha jettee yaaddaa?
Maaliif?
Jireenya keenya keessatti barbaachisummaan amala gaarii hedduudha. Barattootni amala

gaarii qabaachuun isaanii maatii, barsiisotaafi hiriyoota isaanii waliin hariiroo gaarii
akka qabaatan isaan dandeessisa.

Akkuma walitti dhiyaachaa deemaniin wal jaalachaa deemu. Amalli gaariin hawaasa
keessatti kabaja,amanamummaafi hiriyummaa dagaagsa. Amala gaarii qabaachuu jechuun
akkuma namoota argiteen galateeffachuu, maqaa isaanii yaadachuufi waa’ee ofiikees
haala gaariin ibsuufii jechuudha. Dabalataanis, amala gaarii qabaachuun sadarkaa
maatii, hiriyootaa, mana barnootaafi kan kana fakkaatan biratti faayidaa guddaa qaba.
Fakkii 3.3: Barataa gammachuu qabu
Amaloota nama amanamummaa qabuu kan ta’e keessaa:

¾ Ofitti amanamummaa qaba;
¾ Of kabajuufi cimina keessoo qaba;
¾ Gammachuu, nageenya sammuufi kan ofitti quufudha;
¾ Namoota biratti ilaalcha gaarii qaba;
¾ Hiriyoota waliin hariiroo gaarii qaba;
¾ Hawaasa keessatti jaalala, galata, beekamtiifi milkaa’ina qaba;
¾ Namoota biratti kabajamaadha.
Amaloonni akkanaa yommuu dagaagaa deeman, namni tokko miseensa hawaasaa gaariifi
bu’a qabeessa akka ta’uuf isa gargaara.

3.4 Karaalee Amala Gaarii Ittiin Dagaagfatan
Gocha 3.7: Gaaffilee

armaan gadii beekumsa dura qabdu irratti hundaa’uun
deebisi.
1. Amala gaarii dagaagsuun nidanda’ama jettee yaaddaa?
2. Karaalee amala gaarii ittiin dagaagsan keessaa shan tarreessi.
Namni amala gaarii qaba jedhamu tokko gocha jeequmsaa irraa fagaachuudhaan amala gaarii
guddisuufi kunuunsuutu irraa eegama. Karaaleen amalli gaariin ittiin dagaaguufi ibsamuu
danda’u hedduudha. Kanneen keessaa muraasni:
¾ qajeelfamoota safuuf of kennuufi dhimmamuu;
¾ amanamummaa dagaagsuufi waadaa kabajuu;
¾ dirqama bahuufi ittigaafatamummaa fudhachuu;
¾ hawwii dhuunfaafi miira faayidaa hin qabne irraa of to’achuu.
Dabalataanis, karaalee amalli gaariin ittiin dagaagfamu akka armaan gadiitti haa ilaallu.
3.4.1 Of to’achuu
Gocha 3.8: Gaaffilee armaan gadii hiriyaakee waliin mari’achuun deebisi.

1. Of to’achuu jechuun maal jechuudha?
2. Namni tokko amala gaarii akkamitti dagaagfachuu danda’a?
3. Barbaachisummaan of to’achuu maali?
Of to’achuun milkaa’ina jireenya dhala namaatiif barbaachisaadha. Of to’achuun dandeettii

yaaduu, miira, fedhiifi hawwii ofii to’achuu akkasumas dandeettii miira badaa irraa of ittisuufi
naamusa qabaachuu gaafata. Namni amala ofii to’achuu danda’e galma isaa nimilkeessa.
Of to’achuun daa’imman amala sirrii hin taane irraa akka of qusatan taasisuun fedhii of
balleessuuf qaban ittisuuf isaan gargaara. Of to’achuun namoonni akkaataa bu’uura seeraatiin
akka hojjetan kakaasa. Ijoolleen of to’atan raawwii barnootaa fooyya’aa ta’e galmeessu,
hiriyoota isaanii wajjin hariiroo gaarii qabaatutu.

Akkasumas namoonni of to’atan carraan amala badaa qabaachuun mana barnootaa addaan
kutuu isaani nixiqqaata.
Qor-dhimma 1
Dachaasaan barataa kutaa 6ffaafi mucaa waggaa 13ti. Mucaan kun mana barnootaa
keessatti amala badaaf jeequmsaan beekama. Fakkeenyaaf, hiriyootni isaa hoj-manee
akka isaaf hojjetaniif dirqisiisa.Yoo hojjechuufii didan isaan sodaachisa, nireebas.
Barattoonni laaqana isaanii akka qoodaniif nidirqisiisa. Adeemsa keessa amalli Dachaasaa
kun jireenya isaa balaa guddaa keessa galche. Barataan kun hiriyoota, barsiisotaafi maatii
isaa irraa amanamummaa argachuu hindandeenye. Akkasumas hiriyootni isaa hundi
hiriyoota biroo filachuu akka danda’an hubate. Xumura irratti, amala isaa jijjiiruun
nama gaariifi amala qabu ta’uuf murteesse.
1. Dachaasaan amala badaa mana barnootaa keessatti agarsiisu irraa akka of qusatuufi
murtoo gaarii murteesse akka itti fufuuf maal isa barbaachisa?
2. Amala badaa kana irraa akka deebi’uuf maal gorsuu dandeessa?
3.4.2 Seeraan Buluu

1. Seeraan buluu jechuun maal jechuudha?
2. Daree barnootaa keessatti amala gaariidha jedhamee yaadamu ibsi.
3. Gochaalee seeraaf amanamuu barattootaa ibsan tarreessi.
Seerri qaama dambiifi ittiin bulmaataa ta’ee waliigaltee qaamolee mootummaafi

uummataatiin kan tumamedha. Nageenyaafi hariiroo gaarii namoota gidduutti uumuuf
qaama seera tumuun kan qophaa’edha.

Seera beekuuﬁ ittiin buluun jireenya keenya guyyaa guyyaa keessatti baay’ee
barbaachisaadha. Bu’aa seera kabajuu keessaa muraasni kanneen armaan gadiitti:
¾ Seerri nageenya keenya eegsisa;
¾ Seerri uummata miidhaa adda addaa irraa baraara;
¾ Seerri fedhii uummataa calaqqisiisa;
¾ Seera cabsuun wal amantaa uummataafi mootummaa gidduu jiru hir'isa;
¾ Seera kabajuuun mirgoota nama dhuunfaa kanneen akka mirga qabeenya horachuu,
mirga jiraachuufi bilisummaa nama dhuunfaa mirkaneessuuf gargaara.
3.4.3 Duudhaalee Hawaasaa Kabajuu

armaan gadii maatiikee gaafachuun deebii isaa barsiisaa
keetti himi.
1. Duudhaa safuu jechuun maal jechuudha?
2. Duudhaa safuu hawaasakee keessatti beekaman tarreessi.
3. Mana barnootaa keessatti gochikee badaamoo gaariidha jettee yaadda?
Fakkii 3.4: Jaarsolii kabajuu, nagaa wal gaafachuu, maatii kabajuu


Gocha 3.11: Gaaffilee armaan gadii fakkii armaan olii irratti hundaa’uun
deebisi.

1.Gochaaleen fakkiiwwan armaan olii keessatti mul’atan kabaja agarsiisa
jettee yaaddaa? Maaliif?
Lammiileen Itoophiyaa hundi duudhaalee safuufi aadaa waliin jireenyaa yeroo dheeraa
keessatti dagaagfatan kan waloo ta’e niqabu. Duudhaalee safuu hawaasni Itoophiyaa waliin
qaban keessaa muraasni kan armaan gadiiti.
¾ Ollaa ofii nagaa ho’aa gaafachuu;
¾ Hangafootaaf kabajaafi dursa kennuu;
¾ Ajaja maatii kabajuufi hojiirra oolchuu;
¾ Nama kamiyyuu wal qixxummaan tajaajiluu;
¾ Dhugaa dubbachuu;
¾ Keessummaa simachuu;
¾ Waan nuuf ta’eef galateeffachuu;
¾ Uffannaa safuu eege uffachuu;
¾ Kennaa harka lamaaniin kennuufi fudhachuu.
3.4.4 Seeraafi Dambii Mana Barnootaa Kabajuu
Gocha 3.12: Gaaffilee armaan gadii hiriyootakee waliin mari’achuun dareef

gabaasi.
1. Seeraafi dambii ittiin bulmaata mana barnootaa kee nibeektaa?
2. Eeyyeen
yoo jette, yoo xiqqaate seeraafi dambii ittiin bulmaata mana
barnootaakee shan tarreessi.
Seeraafi dambii ittiin bulmaata mana barnootaa jechuun kallattii namni kamiyyuu mana
barnootaa keessatti hordofuu qabudha. Dambiin mana barnootaa miseensi mana barumsichaa
hundi waan gochuu qabaniif hinqabne addaan baasee kan agarsiisudha. Barataan tokko
mana barnootaa erga seenee booda, seeraafi dambii mana barnootichaa kabajuun irraa
eegama.

Barattoonni hundinuu seeraafi dambii mana barnootichaa hordofuufi haala seeraafi dambii
ittiin bulmaata mana barnootichaatiin adeemuu isaanii mirkaneeffachuu qabu.
Fakkeenya, seeraafi dambii ittiin bulmaata mana barnootaa keessaa muraasni :
 barataan hundi mooraa mana barnootasaa keessatti yeroo barumsaa kabajuun
argamuu qabu;
 barattootni eeyyama dura taa’aa /hayyu daree/ barsiisaa/ malee dursanii mana
barnootaatii bahuun dhorkaadha;
 barattoonni hundi barnoota isaanii hordofuu qabu;

 barataan kamiyyuu eeyyama malee daree barnootaa irraa hafuun dhorkaadha;
 barattootni faayaa gatii guddaa uffatanii mana barnootaa dhufuu hin qabani;
 yeroo barnootaatti bilbila harkaa qabachuun hin eeyyamamu;
 barattootni qabeenya mana barnootaa kunuunsuu qabu;
 barattootni mana barumsaa keessatti uffata seeraa uffachuu qabu;

 barattootni hundii sirna alaabaafi faaruu alaabaaf kabaja kennuu qabu.
3.5. Miidhaa Dhabamuu Amala Gaarii
Gocha 3.13: Dhimma amaloota badaa irratti maatii keessan gaafachuun

af- gaaffii gaggeessaa. Bu’aa af-gaaffii keessanii barattoota daree keessaniif
gabaasaa. Barsiisaan yaada gabaasa keessan gabbisu kennuu nidanda’a.
1. Gochaalee amala badaa qabaachuun dhaqqabsiisu adda baasuun tarreessi.

a.
b.
c.
d.
e.
f.

Miidhaa dhabamuun amala gaarii dhaqqabsiisu keessaa muraasni:

¾ barattoota gidduutti wal kabajuun dhabamuu;
¾ meeshaan dhuunfaafi mana barnootaa miidhamuu;
¾ mana barnootaa irraa hafuufi barfachuu.;
¾ qormaata hatuu;
¾ uffannaa safuu hin eegne uffachuu.;
¾ kijibuu;
¾ walreebuu;
¾ qabeenya namaa hatuu;
¾ amanamummaan dhabamuu fa’a

Guduunfaa
Boqonnaan kun bu’uurri amala gaarii barattootaa eessaa akka madduu danda’u,
amanamummaa, dhuga-qabeessummaa, ittigaafatamummaa, of-to’achuu, namootaaf kabajaa
kennuufi kan kana fakkatu of keessatti kan hammatedha.
Akkasumas amala gaarii qabaachuun jireenya keenya irratti gatii inni qabu, ibsitoota amala
gaarii kan jedhaman keessaa kanneen akka ofitti amanuu, kabaja ofii kennuu, gammachuu,
nageenya keessoo qabaachuufi ofitti quufuu kan jedhaman bal’inaan ibsamaniiru.
Dabalataanis, barbaachisummaa jaalala biyyaa, wal kabajuufi waliigaltee gaarii qabaachuu
of keessatti hammachuun kan dhiyaatedha.
Tooftaa amala gaarii dagaagsuuf gargaaran keessaa of to’achuu, seeraafi dambii ittiin
bulmaata mana barnootaa kabajuu, safuufi aadaa hawaasaa kabajuun maaliif akka barbaachisu
ibsameera. Kana malees, boqonnaa kana keessatti miidhaa amala gaarii dhabuun dhufuu
danda’u ka’ameera jira.
Amaloota badaa kan jedhaman keessaa namoota biroo kabajuu dhabuu, qabeenya dhuunfaafi
mana barnootaa mancaasuutti kan nama geessan ta’uu ibsuun amalootni akka kanaa
barattootni yeroo akka hin kabajneefi mana barnootaa irraa akka hafan taasisa. Kana malees,
baratootni gochoota akka hannaafi amaloota badaa adda addaa keessatti akka hirmaataniif
sababa ta’uun gochaalee jeequmsaa akka gaggeessaniif qalbii baratootaa kan kakaasu ta’uun
ibsameera.
Hiika Jechootaa
· Amala: akkaataa namni itti yaaduufi raawwatu;

· Of to’achuu: miira ofii to’achuu danda’uu;
· Duudhaa: hawaasa keessatti faayida-qabeessa ykn barbaachisaa kan ta’edha.
·
·

Gaaffilee Keessa Deebii Boqonnaa Sadii

I: Yaadota
armaan gadii keessaa hima sirrii ta’eef 'Dhugaa' hima sirrii hin taaneef
immoo 'Soba' jechuun deebisi.
1. Amalli gaariin uumamaan argama.
2. Amalli barsiisotaa, maatiifi hiriyootaa amala barattoota qajeelchuu irratti
gahee niqaba.
3. Namni tokko erga amala badaa dagaagfatee booda malli ittiin gara amala
gaaritti deebisan hin jiru.
4. Duudhaa safuufi seera mana barnootaa kabajuun, tooftaa itti barattootni amala gaarii
dagaagfataniidha.
5. Seera kabajuun amala bu’uuraa safuu keessaa isa tokkodha.
II. Gaaffilee armaan gadiitiif deebii sirrii ta’e filadhu
1, Kanneen armaan gadii keessaa amala gaarii barattootaa kan ta’e kami?
A. Keessummaatti amala jibbiinsaa agarsiisuu.
B. Waadaa kabajuu dhabuu
C. Keessummaa simachuufi kabajuu
D. Gocha barsiisaan ajaje raawwachuu diduu
2. Kanneen armaan gadii keessaa kamtu amala gaarii calaqqisiisuuf gargaara?
A. Of to’achuu
B. Safuu hawaasaa kabajuu
C. Seeraafi dambii mana barnootaa kabajuu
D. Hunduu sirrii dha.
3. Sona safuu Uummata Itoophiyaa hundaa kan hin taane kami?
A. Hangafoota kabajuu
B. Maatii kabajuu
C. Hinaaffaa
D. Keessummaa simachuu

5. Kanneen armaan gadii keessaa seeraafi dambii mana barnootaa kan hin taane isa kami?
A. Yeroon mana barumsaa dhaqqabuufi haftee hambisuu
B. Uffata dambii uffachuu
C. Faaruu Alaabaafi Alaabaaf gatii kennuu
D. Hunduu sirriidha.
6. Kabaja namoota birootiif kennuu jechuu maal jechuudha?
A. Namaaf dinqisiifannaa kennuu

B. Qabeenya nama biroo kunuunsuu
C. Namoota biroo akka mataa ofiitti ilaaluu
D. Hunduu sirriidha.
III. Gaaffilee armaan gadiitiif deebii gabaabaa kenni

1. Sona safuu barattootarraa eegamu keessaa afur tarreessi.
2. Namni tokko maaliif amala badaafi gocha jeequmsaa raawwataa?
3. Namni amala gaarii qabu tokko namootaafi naannoo isaatiif kabaja akkamii kennuu
qaba? Gabatee armaan gadii dursitanii ittiyaaduun odeeffannoo sirrii ta’een guutaa.
T/L Iddoo Of kabajuu Namoota kabajuu Naannoo kunuunsuu
1 Daree barnootaa
Mana dubbisa
2
kitaabaa
Mooraa mana
3
barnootaa
4 Maatii
5 Ollaa
6 Hawaasa

BOQONNAA AFUR
HIRMAANNAA SOCHIILEE
HAWAAS-DINAGDEE
Bu’aalee Barachuu
) Maalummaa sochiilee hawaas-dinagdee ni ibsita;
) Barbaachisummaa hirmaannaa hojiilee tola ooltummaaf iddoo nikennita;
) Yeroon boqonnaa faayidaa walootiif haala itti fayyadamuu danda’amu ni agarsiista;
) Gahee gibira amanamummaan kaffaluufi aadaan qusannaa sochiilee hawaas-dinagdee
keessatti qaban nitarreessita;
Seensa
Boqonnaan kun dhimmoota sochiilee hawaas-dinagdee uummataa wajjin walqabatan irratti
xiyyeeffata. Kunis gochaalee hawaasummaafi dinagdee hirmaannaa hawaasni haala jireenya
fooyya’aa jiraachuuf geggeessan kan hammatudha. Gochaalee ijoo kanneen akka hojii tola
ooltummaa, hirmaannaa hawaasaa, yeroo boqonnaa faayidaa walootiif oolchuu fa’a of
keessaa qaba. Dabalataan, sochii dinagdee kanneen akka daldalaa, kaffaltii gibiraa, qusannaa,
investimentii, baankiifi kanneen kana fakkaatu boqonnaa kana keessatti ibsamaniru.
4.1 Yaad-rimee Sochii Hawaas-Dinagdee
Gocha 4.1: Gaaffiilee armaan gadii gareen mari’achuun dareef gabaasaa.

1. Sochii hawaas-dinagdee jechuun maal jechuudha?
2. Sochii dinagdee jechuun maal jechuudha?
3. Dhiibbaa sochiin hawaas-dinagdee jireenya namaa irratti qabu maali?

Sochii hawaasummaa jechuun sochii miseensotni hawaasaa waliin ta’uun rakkoolee

hawaasummaa furuuf geggeessanidha. Sochiileen hawaasummaa walitti dhufeenya
hawaasummaa kan cimsudha. Sochiilee garee namootaa yookaan waldaa hawaasaa waliin
ta’uun geggeeffamuudha.
Fakkii 4.1: Hirmaaannaa barattootni sochiilee garaa garaa keessatti taasisan
Gocha 4.2
1. Fakkiilee armaan olii irraa maal akka hubatte hiriyootakee waliin mari’adhu.
Fakkeenyota sochiilee hawaasummaa kan ta’an:
) hojii tola ooltummaa irratti hirmaachuu;
) garee qayyabannaa;
) godaambaa daawwachuu;
) biqiltuu dhaabuu;
) guyyaa ayyaana adda addaa kabajuu;
) gumii mana barnootaa keessatti hirmaachuu;
) sirna affeerraa bunaa;
) aadaa hawaasaa kabajuu;
) gareedhaan shubbisuu fa’a.
Sochiilee dinagdee kan jedhaman kanneen akka sochiiwwan maallaqa, oomishaafi tajaajila
waljijjiiruu of keessatti hammata. Kunis kan akka galii argachuu, tajaajila kennuu yookaan
fudhachuu, qabeenya horachuu waliin walqabata.
Kaayyoo ijoon sochii dinagdee tajaajilootaafi oomisha fayyadamtootaaf akka dhiyaatan
gochuudha. Haala kanaan, hojiiwwan akka galii maddisiisuu, itti fayyadamuu, qusannaa,
investimentiifi qabeenya horachuuf taasifamu hundi sochiilee dinagdeeti. Kanaafuu
sochiileen galii argachuuf taasifnu hundi sochiilee dinagdeeti jechuudha.


armaan gadii maatiikee gaafachuun deebii argatte
dareef ibsi.
1. Sochiilee dinagdee keessaa shan tarreessi.
2. Sochiilee hawaasummaa keessaa ja’a tarreessi.
Gocha 4.4: Fakkii

armaan gadii ilaaluun maal akka hubatte hiriyoota kee
wajjin mari’adhu
Fakkii 4.2. Shamarree kophee qulqulleessitu
Fakkeenya sochilee dinagdee kan ta’an keessaa muraasni:

) Hojii qonnaa;
) Horsiisa beeyladaa;
) Hojii daldalaa;
) Nyaata bilcheessuu;
) Kophee qulqulleessuu fa’a of keessatti hammata.
Gama biraatiin hojiin akka amantaa, tola ooltummaa, hawaasummaa, jaalala biyyaa,
bashannanaa hundi hojiilee sochii dinagdeen wal qabatan miti.
Sochiileen hawaas-dinagdee gocha miseensotni hawaasaa jireenya hawaasummaafi
dinagdee isaanii fooyyessuuf raawwataniidha. Sochiileen kunis hawaasa keessatti hariiroo
gaarii uuma. Kana malees, sochii galii argachuu, qabeenya horachuu, sochii investimentiif
taasifamu keessatti hawaasni jiruuf jireenya gaarii akka jiraatuuf gumaacha nitaasisa.

4.2 Hirmaannaa Hojiilee Tola Ooltummaa
Gocha 4.5: Gaaffilee armaan gadii gareen mari’achuun deebisi.

Hirmaannaa hawaasummaa jechuun maal jechuudha?
Tajaajila hawaasummaa jechuun maal jechuudha?
Hojiilee tola ooltummaa jechuun maal jechuudha?
Hawaasa jechuun garee uummataa walitti dhufeenyaafi eenyummaa waloo qabanidha.

Hawaasni kunis aadaa, amantii, daangaa, afaaniifi kan kana fakkaatu kan waliin
qooddatudha. Kana malees, miseensotni hawaasaa kun jireenya keessatti ilaalcha
walfakkaataa kan waliin qooddatanidha.
Fakkii 4.3: Nama dhukkubsate/rakkate gargaaruu.
Fakkii 4.4.Harka-Qalleeyyiif Mana Ijaaruu
Fakkii 4.5: Ashaaraa Magariisaa

Gocha 4.6: G
aaffilee armaan gadii fakkii armaan olii irratti hundaa’uun
deebisi.
1. Fakkii armaan olii irraa maal hubatte?
2. Gosoota tajaajila hawaasaa jedhaman keessaa afur tarreessi.
Tola ooltummaa jechuun yeroofi humna ofii fedhiidhaan gocha hawaasa fayyaduuf oolchuu
jechuudha. Kunis maallaqaa yookaan badhaasa argachuuf osoo hin taane bu’aa hawaasaaf
jecha bilisaan kan raawwatamudha. Namni kamiyyuu fedhasaan hojiilee tola ooltummaa
hojjechuu nidanda’a. Namoonni yeroofi qabeenya isaaniin hojii tola ooltummaa raawwachuun
hawaasa nitajaajilu. Kanas kan raawwatan miseensota hawaasaa harka qalleeyyii ta’an
gargaaruun, naannoo kunuunsuun, hawaasa waa’ee mirgaafi heera mootummaa barsiisuuniifi
kan kana fakkaataniin ta’uu danda’a.
Tajaajila tola ooltummaa hawaasaa jechuun tajaajila fedhiifi kaka’umsa dhuunfaa irratti
hundaa’uun hawaasaaf kennamu jechuudha. Hojii tajaajila hawaasaa jechuun immoo hojii
hawaasni jireenya isaanii fooyyessuuf hojjetan jechuudha. Sochiin kun kan raawwatu bu’aa
fedhii dhuunfaa, kan dhaabbataa yookiin kan mootummaa galmaan ga’uuf osoo hintaane,
hawaasaaf kan raawwatamuudha.
Hojileen akkanaa miseensota hawaasaatiif faayidaa hedduu qabu. Fakkeenyaaf, hojiin
tola ooltummaa yookaan tajaajilli hawaasaa jireenya hawaasummaafi dinagdee hawaasaa
niguddisa.
Fakkeenya hojiilee tola ooltummaa hawaasaan rawwataman keessaa muraasni isaanii:
) harka qalleeyyii gargaaruu;
) namoota beela’an nyaachisuu;
) gorsa seeraa bilisaan kennuu;
) yeroo boqonnaatti ijoollee barsiisuu;
) biqiltuu dhaabuufi bineensota baduuf jiran hawaasni akka kunuunsuuf hubannoo
kennuu;
) namoota rakkina afaanii qabaniif tajaajila hiikkaa afaanii kennuu;

) mana kitaabaaf kitaabilee gumaachuu;

) harka qalleeyyiif mana suphuun yookaan ijaaruun gargaaruu.
4.3 Yeroo Boqonnaa Faayidaa Walootiif Oolchuu
Gocha 4.7: Gaaffilee armaan gadii irratti cimdiin mari’achuun deebii

keessan dareef dhiyeessaa.
1. Yeroo boqonnaa jechuun maal jechuudha?
2. Faayidaan waloo maali?
3. Yeroo boqonnaakee faayidaa walootiif akkamitti oolchita?
Yeroo boqonnaa jechuun yeroo hojii idileefi dirqama hojii biroo irraa bilisa ta’e jechuudha.
Yeroon boqonnaa yeroo hojiilee daldalaa, barnootaafi hojiilee biroo irraa bilisa ta'edha.
Yeroon kun yeroo hojii idileen alatti dirqama hawaasummaa itti raawwannudha.
Yeroo boqonnaa isaaniitti namoonni yeroo baay’ee sochiiwwan akka bashannanaa, fira
gaafachuu, kitaabilee dubbisuu, namoota gargaaruufi kan kana fakkaatu hojjechuun
dabarsu.
Faayidaa waloo jechuun waan hawaasa hunda fayyadu jechuudha. Kana malees, qabeenya
hawaasni hundi waliin fayyadamu jechuudha. Fakkeenya faayidaalee waloo kan ta’an
keessaa muraasni akka armaan gaditti dhiyaataniiru.
) Bu’uuraalee misoomaa uummataa;
) Geejjiba uummataa;
) Manneen barnootaafi Mana dubbisa kitaabaa uummataa;
) Dhaabbilee barnootaa ol’aanoo;
) Naannoo qulqulluu;
) Godaambaafi dhaabbilee aadaa fa’a.

Fakkii 4.5: Naannoo qulqulluu, daawwannaaa godaambaafi dabareewwan aadaa/seenaa

armaan gadii fakkii armaan olii irratti hunda’uun
deebisi.
1. Yeroo manni barnootaa cufamu boqonnaakee eessatti dabarsita?
2. Faayidaan yeroo boqonnaa maali?
Faayidaaleen gochaalee yeroo boqonnaa kanneen armaan gadiiti:

) tajaajila fayyaa kennuu;
) hariiroo hawaasummaa dagaagsuuf;
) gammachuu dhuunfaa argachuuf;
) sadarkaa jireenyaa fooyyessuuf;
) ofitti amanamummaafi ilaalcha gaarii ofiif qabaachuu guddisuuf;
) dhiphina hir’isuuf.
4.4 Gahee Amanamummaan Gibira Kaffaluufi Qusannoon Sochiilee Hawaas-

Dinagdee Keessatti Qabu
Gocha 4.9: Gaaffilee armaan gadii gareen irratti mari’achuun deebisaa.

1. Daldala jechuun maal jechuudha?
2. Gabaa jechuun maal jechuudha?

Daldala jechuun biyyoota yookaan namoota gidduutti meeshaaleefi tajaajiloota bituu,

gurguruufi wal jijjiiruu jechuudha. Kunis meeshaaleefi tajaajiloota maallaqaan bituu yookaan
wal jijjiiruu of keessatti qabata. Adeemsa daldalaa keessatti oomishtootni meeshaalee
oomishanii gara gurgurtaa jumlaatti geessu. Daldaltootni jumlaa gara daldaltoota qinxaaboo
geessu. Daldaltoonni qinxaaboo immoo fayyadamtoota isa dhumaatiif raabsuun kan
raawwatamuudha.
Gabaan bakka meeshaaleen itti bitamaniifi gurguramaniidha. Haala kanaan, gabaan bakka
suuqiiwwan meeshaalee adda addaa, suuqiiwwan uffataa, man- kuusaaleefi kan kana
fakkaatan bittaafi gurgurtaan itti rawwatamuudha.

armaan gadii maatiikee gaafachuun hiriyootakee
1. Gibira jechuun maal jechuudha?
2. Namootni gibira maaliif mootummaaf kaffalu?
Fakkii 4.6: Bu’uuraalee misoomaa gibira lammiilee irraa funaanameen ijaarame
Gaaffilee Sissi’eessituu
Uummataaf ibsaa, daandii, mana barnootaa, hospitaalaafi kan kana fakkaatan eenyutu
dhiyeessa jettanii yaaddu?
Lammiileen tajaajilli adda addaa kanneen akka tajaajila barnootaa, eegumsa fayyaa,
bishaan qulqulluu, daandiifi kan kana fakkaatu mootummaan akka kennuuf barbaadu.
Haata’u malee, mootummaan immoo tajaajila kana kennuuf maallaqa isa barbaachisa.
Mootummaan maallaqa kana bifa gibiraan namootaafi dhaabbilee dhuunfaa irraa walitti
qabuun tajaajila lammiilee hundaaf kenna. Kanaafuu, gibirri madda galii mootummaa isa
ol’aanaadha. Kana waan ta’eef, miseensi hawaasaa hundi gibira kaffaluun faayidaa hedduu
qaba jechuudha.

Gibirri kaffaltii namootni dhuunfaa yookaan dhaabbileen galii argatan irraa mootummaaf
kaffalaniidha. Namni kamiyyuu madda galii isaa irraa gibira kaffaluuf itti gaafatamummaa
qaba. Mootummaan immoo galii lammiileefi dhaabbilee irraa gibira walitti qabuuf mirga
qaba.
Barbaachisummaan gibira kaffaluu mootummaa maallaqaan gargaaruudha. Gibira malee
mootummaan bu’uuraalee misoomaa kanneen akka daandii, ibsaafi sabquunnamtii dhiyeessuu
hindanda’u. Kana malees, gibirri mootummaa tajaajila kan akka fayyaa, barnootaa, humna
waraanaafi kan kana fakkaatu kennuudhaaf baay’ee barbaachisaadha. Haalli kaffaltii gibiraa
qabxiilee armaan gadii irratti hundaa’uu danda’a:
madda galii;
bu’aa galii daldala irraa argamu;
qabeenya dhuunfaa
gibira itti fayyadama lafaa fa’a.
Gocha 4.11: Gaaffiilee armaan gadii gareen mari’achuun dareef gabaasi.

1. Qusannaa jechuun maal jechuudha?
2. Dhaabbilee qusannaa naannoo keessanitti beektan tarreessi?
3. Jireenya keessatti bu’aan qusannaa maali?
Qusannaa jechuun waan itti fayyadamnu hunda qisaasessuurra muraasa isaa ol kaawwachuu
jechuudha. Haata’u malee, qusannoo jechuun baasii jireenyaaf nubarbaachisu dhabuu jechuu
miti. Qusannaan ida’ama maallaqaa, yeroofi gosa qabeenyaa adda addaa baasii irraa hafe
jechuudha. Faayidaa qusannoo keessaa muraasni kanneen armaan gadiiti:
) yeroo boqonnaa ofii itti bashannanuuf;
) dhiphina baasiiwwan battalaa jalaa baraaramuuf;
) kaffaltii barnootaa kaffaluuf;
) meeshaalee barnootaa barattootaaf guutuuf;
) barattootni yaaddoo qabeenya dhabuu irraa bilisa akka ta’aniif;
) liqaa xiqqeessudhaaf;
) tasgabbii miiraafi nageenya sammuu argachuu fa’a.

Dhaabbileen qusannoo bakka lamatti qoodamu. Isaanis: Dhaabbilee qusannoo ammayyaafi

dhaabbilee qusannoo aadaati.
i. Dhaabbilee qusannoo ammayyaa kan jedhaman kanneen akka Baankota,
Inshuraansiifi dhaabbilee liqiifi qusannoo of keessaa qabu. Itoophiyaa keessa baankota
dhuunfaafi mootummaa hedduutu jiru.
Fakkii 4.7: Dhaabbiilee Qusannoo
ii. Dhaabbilee qusannoo aadaa kan jedhaman immoo Iqqubii dabalatee, dhaabbata
qusannaa aadaa waliigalaa Itoophiyaa keessatti argamaniidha. Dhaabbilee qusannaa
aadaa keessatti namootni fedhii isaaniitiin garee tokkotti makamuun seera dhaabbatichaa
irratti hundaa’uun buusii dirqamaa buusu.
Gibiraa manamummaan kaffaluufi qusannoon sochiilee hawaas-dinagdee biyyaatiif
gumaacha guddaa qaba. Gibirri yoo akkaataa sagantaa waajjira galiin karoorfame irratti
hundaa’uun hin kaffalamiin hafe, misooma biyyaatiif gufuudha. Kana malees,
qusannaan namoonni kaayyoo jireenya isaanii galmaan akka ga’ataniif isaan gargaara.

Guduunfaa
Boqonnaan kun yaadota sochiilee hawaas-dinagdee of keessatti hammachuun kan
dhiyeesseedha. Walqunnamtiifi waliin jireenya hawaasummaa gaarii galmaan ga’uuf
sochiilee hawaasummaa jajjabeessuun barbaachisaadha. Jireenya hawaasummaa cimsachuuf,
barattootni hojiilee hirmaannaa hawaasummaa isaanii cimsan kanneen akka tola ooltummaa
irratti qooda fudhachuun irraa eegama. Yeroo barnootaan alatti yeroo boqonnaa hojiilee
tola ooltummaa irratti hirmaachuun barbaachisaadha. Kana malees, hojiiwwan dinagdee
kanneen akka daldalaa, qusannaa, gibira kaffaluufi kanneen biroo boqonnaa kana keessatti
xiyyeeffannoon itti kennamee jira.
Sochiin hawaas-dinagdee galii, baasiifi amala qusannaa namootaa irratti kan xiyyeeffatuudha.
Galiin keenya sadarkaa hawaasummaa, akkaataa jireenya keenyaafi faayidaa waloo
hawaasaaf murteessaadha. Hojiin tola ooltummaa of fayyaduufi bu’aa ofii qofa irratti kan
hundaa’e osoo hin taane, fedhiifi bu’aa namoota biroo irrattis kan xiyyeeffatuudha. Yeroo
boqonnaa keenyaa faayidaa waloof oolchuunis baay’ee barbaachisaadha. Yeroon boqonnaa
yeroo hojiilee idilee keenyaan ala ta’eefi yeroo itti bashannannudha. Hawaasa keessatti sochii
dinagdee cimaafi gaarii uumuuf, maallaqa qusachuufi galii keenya irraa gibira kaffaluun
barbaachisaadha.
Qusachuu jechuun waan qaban mara baasii gochuu caalaa ol kawwachuu jechuudha. Haata’u
malee, qusannoo jechuun baasii jireenyaaf nubarbaachisu dhabuu jechuu miti. Qusannaan
ida’ama maallaqaa, yeroofi gosa qabeenyaa adda addaa baasii irraa hafe jechuudha. Galii
keenya irratti hundaa’uun mootummaaf gibira kaffaluun sochiilee dinagdee hawaasa hundaaf
gumaacha mataa isaa qaba.
Hiika Jechootaa
Sochiilee hawaas-dinagdee: hojiiwwan walitti ida’ama dhimmoota hawaasummaafi
dinagdee wajjin walqabatanidha.
Qusannaa: jechuun waan itti fayyadamnu irraa hambisnee muraasa isaa ol kawwachuu
jechuudha.

Gaaffilee Keessa Deebii Boqonnaa

'Himoota armaan gadii sirrii yoo ta’e 'Dhugaa' sirrii yoo hin taane immoo 'Soba'
jechuun deebisi
1. Sochiileen hawaasummaa jireenya dinagdee keenya irratti gahee tokkollee hinqabu.
2. Baankiwwaniifi Inshuuraansiin dhaabbilee qusannoo ammayyaati.
3. Gibira kaffaluun guddina biyyaa keessatti gahee tokkollee hinqabu.
4. Yeroon boqonnaa yeroo bilisaa yeroo namni tokko hojii idilee isaa itti hin hojjennedha.
5. Qusannaan waan namni jireenya isaa keessatti raawwachuu qabudha.
II. Gaaffilee armaan gadiif qubee deebii sirrii qabu filachuun deebisi
1. Kanneen armaan gadii keessaa sochii hawaasummaa kan ta’e isa kami?
A. Gosa hojii kamiyyuu kan galii argamsiisu.
B. Gosa hojii kamiyyuu kan qabeenya kuufachuu dandeessisu
C. Sochii kamiyyuu kan fedhii ofii guddisuuf taasifamu
D. Gocha tola ooltummaa keessatti hirmaachuu
2. Sochiin dinagdee kan murtaa’u:
A.Sadarkaa galiin
B.Haala dinagdeen
C.Ilaacha keenyaan
D.Hunduu deebiidha
3. Kanneen armaan gadii keessaa sochii hirmaannaa hawaasummaa kan hin taane kami?
A. Hatuufi gowwoomsuu
B. Biqiltuu dhaabuu
C. Bineensota balaa jala jiran baraaruu
D. Naannoo kunuunsuu irratti hubannoo uumuu.

4. Kanneen armaan gadii keessaa sirna sassaabbii gibiraaf bu’uura kan ta’e kami?
A.Galii maallaqaa namoota dhuunfaa
B.Bu’aa namoonni daldala isaanii irraa argatan
C.Qabeenyaafi gibira ittifayyadama lafaa
D.Hunduu deebii nita’a.
III. Gaaffilee armaan gadiif deebii gabaabaa kenni.

1. Fakkeenyota sochiilee hawaasummaa kan ta’an kudhan tarreessi
2. Sochiilee dinagdee kan ta’an kudhan tarreessi.
3. Faayidaa qusannaan sochii hawaas-dinagdee irratti qabu gareedhaan mari’achuun
dareef ibsaa.
4. Faayidaa yeroon boqonnaa ofii keetiifi hawaasaaf qabu shan tarreessi.
5. Maqaa baankota Itoophiyaa keessa jiran keessaa shan barreessi.
6. Maqaa dhaabbilee Inshuraansii Itoophiyaa keessa jirani beektu tarreessi

BOQONNAA SHAN
JAALALA BIYYAA
Bu’aalee barachuu:
Xumura barnoota boqonnaa kanaatti:
maalummaa jaalala biyyaa ni ibsita;
barbaachisummaa ibsitoota jaalala biyyaa ni addeessita;
barbaachisummaa biyya ofiin boonuun qabu ni ibsita;
ilaalcha gaarii biyyakeef qabdu nicalaqqisiifta;
Seensa
Boqonnaan kun maalummaa jaalala biyyaa, ibsitoota jaalala biyyaa, barbaachisummaa
jaalala biyyaa qabaachuu irratti kan xiyyeeffatuudha. Dabalataanis, amaloota namni jaalala
biyyaa qabu agarsiisuu qabu giddugaleeffachuun kan barsiisuudha. Barattootni maalummaafi
faayidaa jaalala biyyaa hubachuun bu’uuraan akkamitti miira jaalala biyyaa horachuu akka
danda’an barattoota barsiisuuf kan qindaa’edha.
5.1. Maalummaa Jaalala Biyyaa
Gocha 5.1:Gaaffilee armaan gadiitiif deebii sirrii ta’e hiriyaakee wajjin

mari’achuun deebii isaa dareedhaaf gabaasi.
1. Maalummaa jaalala biyyaa hiriyaakee waliin mari’adhu.
2. Fakkeenyota amala jaalala biyyaa ta’an keessaa muraasa isaanii ibsi.

Jaalala biyyaa jechuun biyya ofii jaallachuufi amanamuufii jechuudha. Kunis miira
jaalalaafi amanamummaa namni tokko biyya isaaf qabu agarsiisa. Kana jechuun waan biyya
isaanii bakka bu’u hundatti ittiin boonuufi kabajuun kan ibsamudha. Isaan keessaa muraasni:
alaabaa, faaruu alaabaa, seenaa goototaafi kan kana fakkaatan fa’a kabajuun ibsama.
Jaalalli biyyaa:
¾ biyya ofii jaallachuufi wareegamuun;
¾ jireenya hawaasaa jijjiiruun;
¾ akkaataa dubbiin, gochaafi miiraan;
¾ aadaa, seenaafi daangaa biyya ofiitiin boonuun;
¾ milkaa’ina biyya ofiitiin boonuun;
¾ lammii ofii jaallachuun ibsama.
Jaalalli biyyaa diina ofii biyyarraa deebisuu qofatti kan daanga’e osoo hin taane karaalee
adda addaan ibsamuu nidanda’a. Karaaleen kunneenis; hiyyummaa hir’isuuf ciminaan
qabsaa’uun, biqiltuu dhaabuun, hawaasaaf haala gaarii uumuun, heeraafi seera biyyattii
kabajuun, mirga lammilee kabajuufi gibira yeroofi amanamummaan kaffaluun fakkeenya
jaalalli biyyaa ittin ibsamu keessaa isaan muraasadha.
Gocha 5.2: Seenessa armaan gadii irratti hundaa’uun gaaffilee itti aananii
jiran hiriyootakee waliin mari’adhu.
Shaambal Abbabaa Biqilaa (1932-1974)

Shaambal Abbabaa Biqilaa fiigicha fageenya dheeraa Itoophiyaa bakka bu’uun maaraatoonii
Olompikii Roomaa irratti kan hirmaate yoo ta’u, jireenyi isaa seenaa ajaa’ibaatiin kan
guutame ture. Lammii Afrikaa isa jalqabaa Olompikii Roomaa bara 1956 irratti hirmaachuun
meedaaliyaa warqee jalqabaa kan injifateedha. Garuu wanti baay’ee nama dinqisiisu
Abbabaan miilla qullaan maaraatoonii fiiguu isaati. Namootni olompikicha irratti argaman
hundi cimina isaa baay’ee dinqisiifatan.

Shaambal Abbabaan fiigicha olompikii Tookiyoo geggeeffame irratti warqee isaa lammaffaas
injifateera. Kun baay’ee nama dinqisiisa ture; sababni isaas Abbabaan torban lama dura
miilla isaa baqaqfachuun kan fiige ture. Abbabaan yeroo sadaffaatiifis olompikii injifachuuf
yaalii tasisee ture. Garuu, dhukkubichi waan itti hammaateef figicha jalqabe sana addaan
kute. Hiriyaa Abbabaa kan ta’e Maammoo Waldeen, dhukkubsachuu isaa arguun
gargaruuf yeroo yaalaa turetti Abbabaan, Maammoo Waldeedhaan maaraatoonii injifatee
lammiilee Itoophiyaa akka boonsu itti himee ture.Bu’aawwan seena qabeessa
Shaambal Abbabaa Biqilaa hojjete kun har’a lammiilee Itoophiyaatiif madda seenaa
boonsaadha.
1. Injifannoo Abbabaa Biqilaa keessaa muraasa tarreessi?

2. Kutannoo Abbabaa Biqilaa irraa dhaloonni ammaa maal barachuu danda’u?
5.2. Ibsitoota Jaalala Biyyaa
Gocha 5.3: Gaaffilee armaan gadii waliin mari’achuun deebisi.

1. Amaloota lammiilee jaalala biyyaa qaban tarreessi.
2. Fakkeenya gochaalee jaalala biyyaa mul’isan keessaa muraasa isaanii ibsi.
Jaalalli biyyaa amaloota armaan gadii qaba. Isaanis:

Biyya ofiin boonuu: lammiileen biyya isaanii jaallatan haalduree tokko malee biyya
isaanii jaallatu.
Miira abbaa biyyummaa qabaachuu: Lammiileen jaalala biyyaa qaban biyya isaaniifi
lammiilee isaanii waliin hariiroo cimaa qabu.
Biyya ofiif aarsaa ta’uuf fedhii qabaachuu: Lammiileen jaalala biyyaa qaban
birmadummaa biyya isaanii eeguuf yeroo hunda qophiidha. Hunda caalaa walabummaa
biyya isaaniif iddoo guddaa kennu. Kanaaf lubbuu isaanii dabarsanii kennuuf fedhii
qabu.

Malaanmaltummaa ittisuu: Malaanmaltummaan gocha qabeenyaa uummataafi

mootummaa faayidaa dhuunfaaf oolchuuti. Namni jaalala biyyaa qabu biyya isaa
hinhatu, sababni isaas yeroo biyya isaanii hatan carraa guddina biyya isaaniitti gufuu
ta’aa akka jiran waan hubataniif. Kana jechuun dantaa biyya isaaniif dursa kennu
jechuudha. Lammiileen jaalala biyyaa qaban gocha malaanmaltummaa namoota birootiin
raawwatamu irratti adda durummaan niqabsaa’u. Gochoota malaanmaltummaa wajjiin
wal qabatan qaama dhimmi ilaallatuuf gabaasa nitaasisu.
Kabaja gootota biyyaaf kennuu: Fedhii dhuunfaa caalaa fedhii biyyaaf dursa kennu.
Lammileen jaalala biyyaa qaban gootota biyya isaaniif kabaja nikennu. Goota jechuun
nama lubbuu isaa biyya isaaf aarsaa gochuuf qophii ta’eedha. Aarsaa goototni darban
raawwatan dhaloota ammaatiif madda injifannoofi gootummaati. Fakkeenyaaf: Jeneraal
Taaddasaa Birruu, Jeneraal Waaqoo Guutuu, Koloneel Abdiisaa Aagaafi kanneen biroo
maqaa dhahuun nidandaa’ama.
5.3. Barbaachisummaa Jaalala Biyyaa
Gocha 5.4: Gaaffilee armaan gadii irratti hiriyootakee waliin mariʼadhu

1. Barbaachisummaa biyya ofii jaallachuun lammiif qabu ibsaa.
2.
Lammiileen biyya isaanii jaallachuun faayidaa maalii akka qabu
irratti mari’adhaa.
Jaalalli biyyaa tokkummaa biyyaa ijaaruuf murteessaadha. Biyyootni lammiileen isaanii

jaalala biyyaa hinqabne haleellaa alaatiif salphaatti saaxilamu. Lammiileen jaalala biyyaa
qaban fedhii biyya isaanii guutuuf xiyyeeffannaa guddaa kennu. Tokkummaadhaan biyya
keenya ijaaruun ga’ee tokkoon tokkoo lammiilee hundaati.
Jaalalli biyyaa guddina biyya tokkootiifis baay’ee barbaachisaadha. Lammiileen jaalala
biyyaa qaban humna isaanii hundatti fayyadamuun guddina biyya isaanii mirkaneessuuf
carraaqu. Ogummaa qaban kamiinuu fayyadamuun faayidaa biyya isaaniif ni oolchu. Jaalalli
biyyaa amala hooggantootaa irraa eegamudha. Hoogganaa biyya jaallatu jechuun, hoogganaa
daangaa biyyaafi uummata isaaf jaalala qabu jechuudha. Hooggantoonni kun aangoo isaaniitti
fayyadamuun biyya egeree fooyya’aa ijaaru.

Hoogganaan biyya isaa jaallatu:

* gochamalaanmaltummaa irratti hin hirmaatu,
* aangoo isaatti fayyadamee duroomuuf hin carraaqu;
* fedhii dhuunfaa isaa irra fedhii ummataaf dursa kenna;
* dhaloonni itti aanu jireenya fooyya’aa akka jiraataniif qabeenya biyyaa fayyadamuun
manneen barnootaa, hospitaala, daandiifi kan kana fakkaatan fooyya’aa ta’an ijaara.
5.4. Amaloota Nama Jaalala Biyyaa Qabuu

Gocha 5.5: Gaaffilee armaan gadii hiriyaakee wajjin mari’achuun deebiisi.
1. Lammiileen jaalala biyyaa qaban hawaasa keessatti amaloota akkamii
agarsiisu?
2. Hojiiwwan lammiileen jaalala biyyaa qaban hawaasa isaaniif hojjetan
fakkeenyaan ibsi.
Gaaffilee sissi’eessituu
Qordhimma armaan gadii kana dubbisuun; gaaffilee itti aananii jiran hiriyoota waliin
ta’uun deebisi.
Qordhimma 1
Obbo Kumsaan daldalaa milkaa'aafi yeroo hunda waa'ee guddiina biyya isaa nama
dubbatuudha. Namoonni bakka inni jirutti waa'ee biyya isaa waan hamaa yoo dubbatan
namoota waliin falmii keessa seena. Galii daldala isaa irraa argamus dhuma ji'aan yeroo mara
nigabaasa. Haata’u malee, gibira xiqqaa kaffaluu waan barbaaduuf, gabaasa isaa keessatti
yeroo baay’ee bu'aa daldala irraa argatu nihir'isa. Gochi amantaa hir’isuu isaa kun immoo
biyyi isaa galii gibirarraa argattu irratti dhiibbaa geessisa. Namootni gibira sirnaan
yoo hinkaffalle biyyattiin lammiilee isheetiif tajaajila barbaachisaa ta’e kennuu
hindandeessu.
Gochaafi jecha obbo Kumsaa gidduu garaagarummaa guddaatu jira.
1. Garaagarummaa jechaafi gocha obbo Kumsaa gidduu jiru ibsi?
2. Amaloota lammiilee jaalala biyyaa qabanii irratti mari’adhaa.

Namni biyya isaa jaallatu aadaafi seenaa biyya isaatiin niboona. Garuu, waa’ee jaalala biyyaa
dubbachuun qofti gahaa waan hin taaneef gochaanis mul’isuu qabna. Namni jaalala biyya
isaa qabu:
waan biyyi isaa irraa barbaaddu raawwachuuf qopha’adha;
hawaasa isaa bu’uura irraa kan jaallatuudha;
fedhii dhunfaa isaarra hawaasaaf dursa kan kennudha;
ijoolleen isaa biyya isaanii akka beekaniifi jaallatan taasisee kan guddisudha;
hawaasa isaaf kunuunsa kan taasisuudha;
nageenyaafi qulqullina naannoo isaa hanga dandaa’ametti kan eeguudha;
ijoollee ollaatti kunuunsaafi jaalala kan agarsiisudha;
yeroo boqonnaa isaaniitti gocha tola ooltummaa adda addaa irratti kan hirmaatuudha;
namootni hundumtuu miira biyyummaa akka qabaataniif kan hojjetuudha;
biyyaafi bulchiinsa adda baasuun kan hubatudha;
jaalalli biyya isaaf qabu kan hin jijjiiramnedha;
Lammiileen jaalala biyya isaaniif qaban karaa adda addaatiin agarsiisuu nidanda’u.Yeroo
tokko tokko jaalalli biyya isaaniif qaban gocha bulchiinsa mootummaa sirrii hin taane
mormuu keessatti mul’achuu danda’a. Namni tokko bulchiinsa mootummaa waan mormeef
qofa akka nama jaalala biyyaa hin qabneetti ilaalamuun sirrii miti. Seenaa armaan gadii akka
fakkeenyaatti fudhachuun nidandaa’ama.

Qordhimma 2
Maartiin Luuter Kiing Juuniyeerii (1929-1968)
Maartiin Luuter Kiing Juuniyeeriin nama mirga namoomaaf falmu yoo ta’u, biyya
Ameerikaa keessa jiraachaa kan tureedha. Yeroo lubbuun turetti seera Ameerikaa (USA)
keessatti namoota gurraacha irratti loogiin yeroo raawwatu arge. Seerri biyyattii
uummata gurraachaa mirga isaanii hedduu kan sarbe ture. Mirgoota kana keessaa
muraasni: mirga filuufi filatamuu,bakka hojiitti walqixa ilaalamuufi tajaajila akka
geejjibaa walqixa argachuu dhabuufi kan kana fakkaatanidha.
Maartiin Luuter Kiing Juuniyeeriin (MLK Jr.) seerota kana mormuun uummata gurraacha
gurmeessuun akka morman taasisaa tureera. Hordoftootni isaa mala qabsoo karaa nagaa
fayyadamuun mormaa turan. Innis seera cunqursaa kana akka hin tumsineef barsiisaa
ture. Qabsoon kun dhumarratti bu’aa gaarii fidee mootummaa dirqisiisuun Seera Mirga
Siivilii bara 1964fi Seera Mirga Filuufi filatamuu bara 1965 akka bahu taasifamee jira.
Seerri mirga siivilii namni tokko sanyii, bifaafi amantaa irratti hundaa’uun loogii
taasifamu hambiseera. Seerri mirga filuufi filatamuu kun mirga gurraachonni sagalee
isaanii kennuu yookaan filuufi filatamuu akka danda’an kan taasiseedha.
1. Maartiin Luuter Kiing Juuniyeeriin eenyu akka ta’e gabaabsii ibsi.

2. Seerota lamaan sochii Maartiin Luuter Kiing Juuniyeeriin akka jijjiiramu taasise
maal fa’a?
5.5. Biyya Ofii Jaalachuu

Biyya ofii jaallachuu jechuun maal jechuudha?
Biyya ofii jaallachuun bu’aa maalii qaba?
Atileetiin Itoophiyaa meedaaliyaa warqee olompikii yommuu injifatu maaltu sitti dhagahama?

Jaalalli biyyaa miira miseensonni biyyattii hundi waliin qooddatanidha. Jaalalli biyyaa kunis
yeroo gaariis ta’ee yeroo yaraas agarsiifamuu nidanda’a. Yeroo biyyi milkooftu gammaduufi
yeroo isheen milkaa’ina dhabdutti gadduun miira waliin qooddannudha. Biyya ofii jaallachuun
seenaafi aadaa biyya ofiitti boonuudha. Biyyi keenya Itoophiyaan, gonkumaa kan hin
koloneeffamneefi seenaa boonsaa kan qabdudha. Itoophiyaan biyya namoonni aadaafi afaan
adda addaa qabaatanii waldanda’uun waliin keessa jiraataniifi bakka madda dhala namaati.
Jaalalli biyyaa bu’aa hedduu qaba. Isaan keessaa muraasni:
¾ namoota gidduutti walitti dhufeenya nicimsa;

¾ biyya cimtuu uumuuf nigargaara;
¾ kaayyoo waloof uummanni akka walitti dhufan gargaara;
¾ biyya ofii fooyyessuuf jecha namni hundi gahee isaanii akka bahan taasisa;
¾ nagaafi guddinni akka jiraatu taasisa;
¾ biyya weerartoota irraa eeguuf nigargaara.

Guduunfaa
Jaalala biyyaa jechuun biyya ofii jaallachuufi amanamuufidha. Kunis biyya ofiif jecha aarsaa
kaffaluudha. Jaalalli biyya karaa hedduudhaan ibsama. Isaanis akkaataa namootni waa’ee
biyya isaanii dubbatan, yaadaniifi ilaalan ta’uu danda’a. Karaa biroo immoo namootni biyya
isaanii jaallatan jaalala biyya isaanii ; ogummaa qabaniin cimanii hojjechuun; daangaa
biyya isaanii kabachiisuun, sadarkaa idil-addunyaatti fedhii biyyaa eegsisuun ibsamuu
nidanda’a.
Namootni jaalala biyya isaanii qaban amaloota walfakkaataa ta’e hedduu waliin qooddatu.
Isaanis; biyya isaaniin boonuu, miira ofitti amanamummaa cimaa biyya ofii irratti qabaachuu,
biyya isaaniif aarsaa ta’uuf fedhii qabaachuu, malaanmaltummaa ittisuuf qopha’aa ta’uu,
namoota biyya isaaniif wareegaman kabajuu, aadaafi seenaa biyya isaaniif jaalala cimaa
qabaachuu, rakkoo waloo biyya isaaniif walfaana dhaabbachuu, yeroo hunda nagaafi
milkaa’ina biyya isaaniif hawwuudhaan amaloota walfakkaatu waliin qabu.
Hiika Jechootaa
) Goota: nama gocha gaarii dalageen jajamu; biyya isaaf of wareegu; aadaa hojii
cimaa qabaachuun dinqisiifatamudha.
) Ofitti boonuu: nama of kabajuufi namoota birootiin kabajamudha.
) Wareegama: gocha waan caalaa barbaachisaa ta’e tokko argachuuf jecha waan
barbaachisaa ta’e dhiisuudha.
) Fedhii: waan namni tokko waa’ee isaa baruuf yookaan hojjechuuf itti gammadudha.
) Biyya dhalootaa: biyya namni tokko itti dhalatedha.

Gaaffilee keessa deebii xumura boqonnaa

I: Hima
yaada sirrii ta’eef 'Dhugaa' kan sirrii hintaaneef immoo 'Soba' jechuun
deebisi.
1. Namootni jaalala biyyaa qaban faayidaa waloo biyyoolessaarra sabummaa irratti
fuuleffachuun hojjetu.
2. Ogummaa qabaniin cimanii hojjechuun mul’istoota jaalala biyyaati.
3. Namni tokko malaanmaltummaa irratti qabsaa’uun ergama jaalala biyyasaa agarsiisuu
danda’a.
4. Tokkummaa biyyaa eegsisuuf jaalala biyyaa qabaachuun barbaachisaa miti.
5. Biqiloota dhaabuun naannoo fooyya’aa hawaasaaf uumuun karaa miirri jaalala
biyyaa ittiin ibsamudha.
II: Gaaffilee armaan gadiif qubee deebii sirrii qabu filachuun deebisi.
1. Kan armaan gadii keessaa karaalee jaalalli biyyaa ittiin hin ibsamne isa kami?
A. Biyya ofii jaalachuu
B. Aadaafi seenaa biyya ofiitiin boonuu
C. Gootota biyyaaf kabaja dhabuu.
2. Kanneen armaan gadii keessaa amala lammii jaalala biyyaa hin qabnee kan ta’e kami?
A. Biyya isaaniif aarsaa ta’uuf fedhii qabaachuu
B. Malaanmaltummaa irratti qabsaa’uu
C. Lammiilee hiriyoota isaaniif jaalala hin qabne
3. Biyya ofii jaalachuuf waa’ee jaalala biyyaa qofa dubbachuun, hojiidhaan agarsiisuun
garuu hinbarbachiisu.
A. Dhugaa
B. Soba
4. Amala Lammiilee jaalala biyyaa qabanii kan hin taane kami?
A. Aadaa ofiitiin boonuu
B. Garaagarummaa yaadaa keessummeessuu
C. Malaanmaltummaa raawwachuu

III: Gaaffilee armaan gadiitif deebii gabaabaa kenni.
1. Jaalala biyyaa jechuun maal jechuu akka ta’e ibsi.

2. Fakkeenya ittigaafatamummaa hojiilee jaalala biyyaa raawwachuu kan ta’an irratti
gareen mari’adhaa.
3. Hooggantootni biyya isaanii jaallachuun faayidaa maalii qaba?
4. Amaloota lammiilee jaalala biyyaa qaban keessaa muraasa isaanii tarreessi.

BOQONNAA JAHA
NAGEENYAAFI WALTA’IINSA
Bu’aalee barachuu
) yaad-rimee nageenyaa ni ibsita;

) barbaachisummaa nageenyaa nihubatta;
) mul’istoota nageenyaa adda nibaafatta;
) amaloota fincila hindhaadhessine nicalaqqisiifta;
) yaad-rimee walta’iinsaa ni ibsita;
) barbaachisummaa walta’iinsaaf bakka nikennita;
) duudhaalee walta’iinsaa nishaakalta;
) hariiroo nageenyaafi walta’iinsa gidduu jiru nidinqisiifatta.
Seensa
Boqonnaan kun barbaachisummaa nageenyaafi walta’iinsaa akka hubatan, gahee lammiileen
hundinuu nageenya mirkaneessuu keessatti qaban barsiisuuf kan qophaa’edha. Yaadrimee,
barbaachisummaafi mul’istoota nageenyaa hubachiisuu, maalummaa, barbaachisummaafi
duudhaalee walta’iinsaa, akkasumas hariiroo nageenyaafi walta’iinsa gidduu jiru irratti kan
xiyyeeffatudha.

Fakkii 6.1: Fakkii sadarkaa idil-addunyaatti mallattoo nageenyaa agarsiisu
6.1 Nageenya
Gocha 6.1: Gaaffilee armaan gadii irratti hiriyootakee waliin

mariʼachuun deebisi.
1. Nageenya jechuun maal jechuudha?
2. Barattoonni nageenya hawaasa keessatti fiduuf gahee qabuu? yoo kan qaban
ta’e gahee isaanii tarreessuu nidandeessaa?
3. Dhiibbaa dhabamuun nageenyaa hawaasa keessatti fidu maal fa’a?
Nageenyi waldhabdeefi walitti bu’iinsi dhabamuu agarsiisa. Nageenya malee hojiilee

hawaasummaa kanneen akka barnootaa, ijoollee guddisuufi hojii daldalaa geggeessuun
gonkumaa hin dandaa’amu.
Barattoonni waa’ee nageenyaa beekuuf qabxiilee armaan gadii hubachuun barbaachisaadha.
Isaanis:
Nageenyi bu’aa nama hundaati: nageenyi akka jiraatu gochuuf namni hundi
gahee isaa ba’uu qaba.
Nageenyi adeemsa: hojiin nageenya mirkaneessuu xumura kan hin qabnedha.
Nageenyi dhala namaaf bu’uura: ilmi namaa jireenya isaa keessatti nageenyaafi
gammachuu barbaada.

6.1.1 Yaad-rimee Nageenyaa

Nageenyi sadarkaa nama dhuunfaatti, hawaasaatti, biyyaafi addunyaatti uumamuu nidanda’a.
Nageenyi dhuunfaa kan uumamu yeroo namootni yaaddoofi sodaa irraa bilisa ta’aniidha.
Namootni nageenya dhuunfaa qaban, jaalalaafi kabaja namoota biroof niqabu.
Nageenyi sadarkaa hawaasaattis uumamuu nidanda’a. Kun uumamuu kan danda’u miseensonni
hawaasaa waldhabdeefi walitti bu’iinsarra waliin hojjechuu yoofilatanidha. Nageenyi
hawaasa keessatti akka jiraatuuf miseensi hawaasaa kamiyyuu itti gaafatamummaa akka
qabu beekuun barbaachisaadha. Namoonni yeroo waliin jiraatan walitti bu’iinsi uumamuun
isaa waan hinoolledha. Walitti bu’iinsa haawasa keessatti uumamu mo’achuunf namootni
obsa, arjummaafi dhiifama waliif gochuun murteessaadha. Amaloota kana yoodagaagfatan
rakkoolee isaanii karaa nagaatiin furachuu nidanda’u.
Nageenyi sadarkaa addunyaatti kan uumamu yommuu biyyootni addunyaa wal waraansa
irraa of qusatanidha. Biyyi kamiyyuu fedhiifi galma mataa ishee qabdi. Biyyootni kunniin
waliin yoo hojjetan, walii isaanii gidduutti nageenyi nijiraata. Nageenyi garuu tattaaffii
miseensota hawaasaa hundaan mirkanaa’uu danda’a. Hawaasa keessatti nageenya
mirkaneessuuf wanti dursi kennamuufii qabu, kabajaafi ulfina dhala namaati.
6.1.2 Barbaachisummaa Nageenyaa

Nageenyi barattootaaf bu’aa adda addaa qaba. Kunis jireenya jeequmsaafi qoodiinsa irraa
bilisa ta’e akka jiraatan isaan dandeessisa. Nageenyi kan hin jirre taanaan kenniinsi tajaajilaa
kanneen akka barnootaa, eegumsa fayyaa, taphoota adda addaaf kan kana fakkaatu argachuun
ulfaataadha. Kanaaf dargaggoonni hojiiwwan nageenya amansiisaa mirkaneessan keessatti
hirmaachuun barbaachisaadha. Hojiiwwan nageenya mirkaneessan irratti hirmaachuun
barattootaaf faayidaa hedduu qaba. Faayidaaleen kunniinis barattootaaf:
dandeettii rakkoo furuu isaanii fooyyessa;
ofitti amanamummaa isaanii dabala;
dandeettii walitti dhufeenya isaanii cimsa;
waldhabdee naannoo isaaniitti uumamu hir’isa;
fuudhaafi heeruma umurii malee xiqqeessa;
maatiifi barsiisotni ilaalcha daa’immanii akka kabajan taasisa;

waa’ee nageenyaafi mirga isaanii irratti hubannoo gonfachuun adabbii seera

malee ofirraa akka qolatan taasisa;
kutannoofi dandeettii jeequmsaafi loogii namoota naannoo isaaniin irratti
raawwatamu qolachuu akka danda’an taasisa.
6.1.3 Mul’istoota Nageenyaa
; Kabaja: kabajni dandeettiifi fedhii jechiifi gochi keenya dhiibbaa namoota biroo irratti
fidan irraa of eggachuu danda’uuti. Namni kabaja beeku miira namoota biroof of
eeggannoo taasisa. Namootni nama kabajan amala armaan gadii qabu:
garalaafummaa qabu;
dabaree eeguun raawwatu, dubbatu;
nama galateeffatu;
qabeenya namoota birootiif of eeggannoo taasisu.
miidhaa nama irratti hin yaadan;
Kabajni namootni nageenyaan akka waliin jiraatan taasisa. Wanti hubatamuu qabu,
yeroo nuti namoota biroo kabajnu, isaanis kabaju malu nuuf kennu.
; Waliigalteen jiraachuu: hawaasni tokko waliigalteen jiraachuuf nageenyi
barbaachisaadha. Hawaasni waliigaleen jiraatu hawaasa walgargaarudha. Mee muuziqaa
akka fakkeenyaatti haa fudhannu. Muuziqaa keessatti, 'Kiraarri' sagalee dibbee irraa adda
ta’e qaba, dibbeen immoo sagalee ulullee irraa adda ta’e dhageessisa. Sirba bareedaa kan
uuman meeshaaleen adda addaa kun walitti dhufanii akka tokkootti yeroo hojjetanidha.
Haaluma walfakkaatuun hawaasni garaagarummaa afaanii, amantaa, aadaafi kan kana
fakkaatu yoo qabataniyyuu garaagarummaa isaanii fudhachuun waliin hojjachaa biyya
ofii gara guddiinatti ceesisuun nidanda’ama.
; Obsa: Dandeettii yeroo rakkoon numudatu tasgabbii qabaachuuti. Namni obsa qabeessa
ta’e tokko dhiibbaa gocha isaatiin isatti dhufu gaariis haata’u badaa nihubata. Kana
jechuun yeroo garmalee miira hamaa keessa seenan murtoo barbaachisaa murteessuu
irraa of qusatu. Kunis murtoo booda isaan gaabbisiisu akka hin murteessineef isaan
gargaara. Obsi namoota naannoo keenya jiran waliin hariiroo gaarii akka qabaannuf
nugargaara.

; Waan qaban qooduu: Dandeettii waan qaban irraa namoota biroof qooduun waliin
jiraachuuti. Waan qaban waliif qooduun namootni duudhaa haqummaa akka hubatan
gargaara. Yeroo waan qabnu namaaf qoodnu, namootnis waan qabanirraa nuuf qoodu.
Barattootni gocha kana umurii daa’immummaa irraa eegaluun shaakalaa yoodeeman,
yeroo ga’eessa ta’an namoota arjaafi namaaf yaadan akka ta’aniif isaan gargaara.
; Waliin dubbii: Dandeettii namoota biroo waliin yaada wal jijjiiruuti. Waliin dubbiin
ilaalcha namoota biroo hubachuuf barbaachisaadha. Barattootni maatiifi barsiisaa
isaanii waliin akka dudubbatan, yaada isaanii akka wal jijjiiran taasisa. Itoophiyaan
biyya guddoo uummata aadaa, amantaa, afaaniifi saboota adda addaa qaban of keessaa
qabdudha. Garaagarummaan kunis madda beekumsaati. Haata’u malee, beekumsa sana
argachuufi irraa fayyadamuuf dandeettii gadifageenyaan waliin mari’achuu gaafata.
; Nageenya mirkaneessuu: nuti hundi keenya miseensa hawaasaati. Wanti hawaasa
keessatti ta’u jireenya keenya irratti dhiibbaa qaba. Akka miseensota hawaasaatti yeroo
nageenyiifi tasgabbiin hawaasa keessatti argamu fayyadamtoota nageenyaafi tasgabbii
sanaa taana. Haaluma walfakkaatuun walitti bu’iinsi jiraachuun jireenya keenya irratti
dhiibbaa qaba. Kanaafuu, nageenya eegsisuufi misooma hawaasaa itti fufsiisuun itti
gaafatamummaa nama hundaati.
6.2 Walta’iinsa
Gocha 6.2: Gaaffilee armaan gadii waliin mari’achuun deebisi.

1. Faayidaan namoota biroo waliin hojjechuun qabu maali?
2. Fakkeenyota gochaalee daree keessatti waliin hojjechuu agarsiisan tarreessi.
3. Barattoonni murtii dhiibbaa isaan irratti qabu keessatti maaliif hirmaatu?
Walta’iinsi:
) kan uumamu yeroo namootni walfaana hojjetaniifi wal gargaaruuf fedhii agarsiisaniidha;
) namoota haaraa wajjin wal baruufi michummaa uumuuf nugargaara.
) barattoonni gaddaafi gammachuu walii isaanii keessatti akka hirmaatan dandeessisa.
Kunimmoo dandeettii waliif yaaduu isaanii dagaagsa.

) barattootni rakkoo waliigaltee maatii, barsiisotaafi hiriyoota waliin akka hin qabaanne
taasisa.
) dandeettii irra deddeebiidhaan shaakalamee gonfatamudha.
Gochi nuti guyyaa guyyaadhaan dalagnu, gara fuula duraatti nama nuti ta’uu feenu
nutaasisa. Fakkeenyaaf barattootni yeroo guddatan Barsiisaa, Injinera, Doktoraafi kan kana
fakkaatan ta’uu barbaadu. Ogummaawwan kunniin ogummaa ittigaafatamummaa guddaa
barbaadanidha. Ittigaafatamummaa isaanii raawwachuu irratti milkaa’uuf barattootni
namoota naannoo isaanii jiran waliin hariiroo hojii gaarii qabaachuu qabu. Namni kamiyyuu
kophaa isaa yeroo hunda hojjechuudhaan ogummaawwan kanneen keessatti milkaa’uu
hindanda’u. Barattoonni umurii xiqqaatti dandeettii namoota waliin hariiroo gaarii uumuu
yoo hin dandeenye, yeroo guddatan hariiroon namoota waliin qaban laafaa ta’a.
6.2.1 Yaad-rimee Walta’iinsaa

Naannoo nageenya qabu keessa jiraachuudhaaf, namootni walta’uun barbaachisaadha.
Walta’iinsi dhugaan immoo wal amantaa irratti hunda’a. Walamantaa jechuu yeroo
rakkootti wal gargaaruufi wal abdachuu jechuudha. Fakkeenyaaf, hiriyaankee iccitii isaa
sitti himachuu jechuun si amanuu isaa mul’isa. Atimmoo iccitii inni sitti hime kana
eeguu qabda. Kanaafuu, wal amantaan walta’iinsa uumuuf baay’ee barbaachisaadha.
6.2.2 Barbaachisummaa Walta’iinsaa
Jireenya dhala namaa keessatti barumsi guddaan gatii walta’iinsaa hubachuudha. Gochaaleen
jireenya keenya fooyyeffachuuf raawwannu milkaa’ina kan qabaatu, yoo nuti walta’uun
hojjenneedha. Walta’iinsi akkamitti namoota waliin akka jiraannu, hojjennuufi namoota
kabajnu nubarsiisa. Faayidaa walta’insaa keessaa muraasni isaanii:
) Dandeettii dhaggeeffachuu keenyaa dagaagsa: dhaggeeffachuun gahee keenya
hubachuuf, ilaalcha namoota biroo hubachuufi beekumsa haaraa akka argannuuf
nugargaara.
) Dandeetti namoota fulduratti dubbachuu nugonfachiisa. Walta’iinsi dandeettii
namoota biroo wajjiin walii galuu akka qabaannu nu gargaara. Barattoonni yeroo gareen
waliin mari’atan yaada isaani sodaa malee dubbachuu, yaada garee isaanii kabajuu,
tasgabbaa’uufi yaada ifaa ta’e dubbachuu qabu.

) Ofitti amanamummaa keenya dagaagsa: waliin hojjachuun ofitti amanamummaa

namaa dagaagsuuf gargaara.
) Gadi fageenyaan akka xiinxallu nugargaara:
walta’iinsi rakkoo furuuf barbaachisaadha. Garuu, rakkoon sun furmaata argachuun
dura maloota furmaata irratti walta’anii of eeggannoodhaan yaaduun barbaachisaadha.
6.2.3 Dudhaalee Walta’iinsaa
) Tokkummaa: miira tokkummaa kaayyoofi fedhii waloo irratti hundaa’eedha.

Tokkummaan kabaja, walqixxummaafi garaagarummaa dinqisiifachuu irratti hundaa’a.
Tokkummaan fedhii hawaasni wal gargaaruu, balaa irraa wal eeguu, dhukkubbii walii
hubachuufi kan kana fakkataniin ibsama.
)Iftoomina: Iftoomina karaa hedduun hubachuun nidanda’ama. Kunis dandeettii yaada
ofii dhoksaafi soba tokko malee amanamumman ibsachuu danda’uuti. Gama biraatiin,
iftoominni fedhii yaada haaraa dhaggeeffachuufi fudhachuuti. Haata’u malee, yaada
haaraa hunda akka dhugaatti fudhachuu jechuu miti. Garuu immoo wanti nuti beekuu
qabnu, yeroo hundaa wanti haaraa nuti baruu qabnu akka jirudha.
) Namoota birootiif dhimmamuu: Namoota birootiif dhimmamuun gocha gara-
laafummaafi jaalala agarsiisuuti. Hammuma gara-laafummaafi jaalala namoota birootti
argisiisaa deemnu, amaloonni kunniin qaama amala keenyaa ta’aa deemu. Kanaaf akkuma
namootaaf gocha gara-laafinaa raawwannuun, nama arjaa ta’aa deemna. Kana malees,
namoota biroof kunuunsaafi yaada gaarii yoo qabaanne, isaanis kunuunsa walfakkaatu
nutti agarsiisu. Kana jechuun namoota waliin hariiroo cimaa uumuuf nugargaara. Kanaaf,
namaaf dhimmamuun namoota gaarii akka taanu nutaasisa.

6.3 Hariiroo Nageenyaafi Walta’iinsaa

armaan gadii garee nama afur qabu hundeessuun
irratti mari’adhaa.
1. Hariiroon nageenyaafi walta’iinsa gidduu jiru maali?
2. Fakkeenyota hojiiwwan walta’iinsa barattootaa barbaadan tarreessaa.
3. Faayidaa nageenyi biyyaaf qabu ibsaa.
Dhalli namaa seenaa keessatti waldhabdeefi waraana hedduu dabarseera. Waraanni kun
fonqolcha mootummaa, sirni mootii tokkoon buluu akka xumuramuufi kaartaan biyyootaa
akka jijjiiramuuf sababa ta’eera. Dabalataanis, waldhabdeefi waraanni du’aafi gidiraa
namootaa sadarkaa tilmaamuun hin dandaa’amnetti geessuu danda’a. Waldhabdeen kun
lubbuu, kabajaafi nageenya namoota miliyoonaan lakkaa’aman balleessa. Waldhabdee
hawaasa keessatti uumamu hunda hundee irraa buqqisuun hindandaa’amu. Haata’u malee
waldhabdeen kun karaa nagaatiin akka furamuufi jeequmsaafi waraana akka hinfinne
taasisuun nidanda’ama.
Waldhabdeen hammeenya qabaatuyyuu, seenaa keessatti dhugaa tokko akka yaadannu
nutaasisa. Dhugaan kunis barbaachisummaa nageenyaati. Nageenyaafi walt’iinsa addaan
baasanii ilaaluun hindandaa’a’mu. Nageenya amansiisaa hawaasa keessatti fiduuf, miseensi
hawaasaa kamiyyuu gahee isarraa eegamu bahuu qaba. Nageenyi gocha miseensota
hawaasaa muraasaan argamu miti. Innis namni hundi nageenya mirkanessuuf gahee isaa
sirnaan yoobahe qofadha.

Guduunfaa
Jireenya gaarii jiraachuuf nageenyi ilma namaaf barbaachisaadha. Nageenyaan ala wanti
gaarii ta’e kamiyyuu dalagamuu hindanda’u. Nageenyi dhala namaaf bu’uuradha. Dhalli
namaa amaloota kanneen akka namaaf yaaduu, jaalala, waliigalteen hojjechuufi kan kana
fakkaatan waliin kan dhalatedha.
Walta’iinsi faayidaalee garaagaraa qaba. Faayidaaleen walta’iinsaa kunneen sadarkaa
mana barnootaa, maatiifi hawaasaatti ilaalamuu nidanda’a. walta’iinsi barattootaaf walitti
dhufeenya isaanii cimsuuf, rakkoo akka salphaatti hiikuuf, beekamtii angafoota irraa
argachuuf isaan gargaara.
Hiika Jechootaa
Amantaa: ilaalcha namni tokko dhugummaa, amanamummaafi waan gaarii hojjechuuf
qabudha.
Iftoomina: ilaalchaafi beekumsa qabnu ifatti mul’isuudha
Waliin dubbii: haasaa namoota lamaafi isaa ol gidduutti taasifamuudha.

Gaaffilee Keessa Deebii Boqonnaa
I: Himoota
armaan gadii sirrii yoota’an 'Dhugaa' sirrii yoo hintaane immoo 'Soba'
jechuun deebisi.
1. Jireenya keenya keessatti gaheen nageenyaafi walta’iinsaa hagas barbaachisaa miti.
2. Barbaachisummaa walta’iinsaa keessaa tokko rakkoo furuufidha.
3. Dandeettiin yeroo rakkoon numudatu tasgabbiin ilaaluu waliin dubbii jedhama.
4. Yeroo nageenyi jirus ta’e nageenyi hinjirretti kenniinsa tajaajilaa kanneen
akka barnootaafi eegumsa fayyaa mirkaneessuun nidandaa’ama.
5. Nageenyi amala dhala namaa yeroofi iddoo hundatti hojiirra ooludha.
II: Gaaffilee armaan gadiif qubee deebii sirrii qabatee jiru filadhu
1. Kanneen armaan gadii keessaa nageenya ilaalchisee kamtu sirrii miti?
A. Nageenyi hirmaannaa qondaaltoota mootummaa qofaan mirkanaa’uu nidanda’a.
B. Nageenya mirkaneessuun hojii yeroo hundaati.
C. Dhalli namaa hundi yeroo hunda nagaa barbaada.
2. Faayidaa nageenyi dhala namaaf qabu kan hintaane kami?
A. Jeequmsa irraa bilisa ta’uu
B. Bilisummaa mirga namaa sarbuu
C. Hunduu deebii nita’a.
3. Kanneen armaan gadii keessaa fakkeenya ibsitoota nageenyaa kan ta’e kami?
A. Waliigalteen jiraachuu
B. Obsa qabachuu
C. Waliindubbii
D. Hunduu deebiidha

4. Kanneen armaan gadii keessaa tokko faayidaa duudhaawwan walta’iinsaa miti.

A. Tokkummaa
B. Iftoomina
C. Namootaaf dhimmamuu
D. Deebi hin kennamne
III: Gaaffilee armaan gadii gareen mari’achuun deebii gabaabaa keenni.

1. Barbaachisummaa walamantaan walta’iinsaaf qabu irratti mari’adhaa.
2. Fakkeenyota ibsitoota nageenyaa mana barnootaa keessatti raawwatamanii ibsi.
3. Duudhaalee walta’insaa irratti mari’adhaa.

BARNOOTA SAFUU
KITAABA BARATAA
KUTAA 6FFAA
አ ዲ ስ አ በ ባ ከ ተ ማ አ ስ ተ ዳ ድ ር ት ም ህ ር ት ቢ ሮ
BIIROO BARNOOTA BULCHIINSA MAGAALAA FINFINNEETTI
CITY GOVERNMENT OF ADDIS ABABA EDUCATION BUREAU
Kitaaba Barataa Kutaa 6FFAA

Maths Grade 12 New Textbook

Uploaded by

Copyright:

Available Formats

Maths Grade 12 New Textbook

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Maths Grade 12 New Textbook

Uploaded by

Copyright:

Available Formats

BARNOOTA SAFUU

Qindeessummaa Ministeera Barnootaa Federaalaa Itoophiyaatiin kan

Beekam Fiqaaduu (MA)

Gabayyoo Baqqalaa (BA)

Naa’ol Baqqalaa (MA)

Taammiraat Tasammaa (MA)

GULAALAAFI MADAALAAN: Mallasaa Zallaqaa Fufaa (MA)

OGEESSA SAXAXAA: Kolleejjii Pooliiteeknikaa Inxooxxoo

) Kitaaba kana haala gaariin qabuu qabda.

) Kana gochuuf qabxilee armaan gaditti tarreeffaman qalbeeffadhu.

1. Kitaaba kana wantoota akka pilaastikii, gaazexaafi k.k.f uwwisuu qabda.

2. Yeroo hunda kitaaba kana bakka qooraa kaa’uu qabda.

3. Kitaaba kanatti yeroo fayyadamtu harkikee qulqulluu ta’uu qaba.

4. Qola kitaaba kanaafi fuula isaa irratti barreessuun dhorkaadha.

Kitaabni kun qindeessummaa Ministeera Barnootaa Mootummaa Federaalawaa

BOQONNAA TOKKO: AMANAMUMMAA SAFUU 1

3.1 Maalummaa Amala Gaarii

6.1.3 Mul’istoota Nageenyaa 70

Seensa Waliigalaa Kitaabichaa

Walumaagalatti, sirni imaammata haaraa barnoota safuu kun, barattootni dandeettii,

Fakkii 1.1: Amanamummaa safuu barattoota irraa eegamu

Kitaaba Barataa Kutaa 6FFAA 1

1.1 Maalummaa Amanamummaa Safuu

Gocha 1.1: Gaaffilee armaan gadii irratti hiriyootakee waliin mari’adhu

3. Gochaalee amanamummaa safuu dhuunfaa calaqqisiisan ibsi.

2 Kitaaba Barataa Kutaa 6FFAA

1.2 Mul’istoota Amanamummaa Safuu

Gocha 1.2: Gaaffilee armaan gadii hiriyootakee waliin mari’achuun deebisi.

Namni amanamummaa safuu qabu gochaalee armaan gadii calaqqisiisa. Isaanis:

# Amanamummaan Tolaa bu’aa maalii qaba?

Kitaaba Barataa Kutaa 6FFAA 3

# Garaagarummaa amala Seenaafi Kennaa gidduu jiru ibsuu nidandeessaa?

Kutannoon amala bu’uuraa nama amanamummaa safuu qabuuti. Ejjennoo gaarii

4 Kitaaba Barataa Kutaa 6FFAA

 dandeettii gaddaafi gammachuu namoota biroo waliin qooddachuu qaba;

Kitaaba Barataa Kutaa 6FFAA 5

# Akka dursituu gareetti itti gaafatamummaan Faaxumaa maal ture?

F. Walsimsiisuu: walsimsiisuun amala namoota waliin qabnuufi amala dhuunfaatti qabnu

6 Kitaaba Barataa Kutaa 6FFAA

# Aadde Daraartuun akkaataa amanamummaa safuutiin hojjataa jirtii?

1.3 Barbaachisummaa Amanamummaa

Fakkii 1.2: Barsiisaa barataa isaa dinqisiifachaa jiru

Kitaaba Barataa Kutaa 6FFAA 7

3. Faayidaa amanamummaan safuu daree barnootaa keessatti qabu muraasa ibsaa.

Hawaasni amanamummaa safuu qaburraa ijaarame:

1.4 Amaloota Nama Amanamummaa Safuu Qabuu

Gocha 1.5: Gaaffilee armaan gadii deebisi.

Namni amanamummaa qabu tokko:

8 Kitaaba Barataa Kutaa 6FFAA

1.5 Miidhaa Dhabamuu Amanamummaa Safuu

Namoonni battalumatti amala badaa hinhoratan. Amanamummaan namaa adeemsa keessa

Kitaaba Barataa Kutaa 6FFAA 9

10 Kitaaba Barataa Kutaa 6FFAA

Kitaaba Barataa Kutaa 6FFAA 11

Gaaffilee Keessa Deebii Xumura Boqonnaa

12 Kitaaba Barataa Kutaa 6FFAA

III: Gaaffiilee armaan gadii irratti gareen mari’achuun deebisaa

Kitaaba Barataa Kutaa 6FFAA 13

2.1 Maalummaa Seera Kabajuu

Gocha 2.1: Gaaffilee armaan gadii hiriyaakee waliin mari’achuun deebisi

Gocha 1.2: Gaaffilee armaan gadii hiriyootakee waliin mari’achuun deebisi.

dandeettii gaddaafi gammachuu namoota biroo waliin qooddachuu qaba;