Pananaliksik

Ang pananaliksik ay isang proseso ng paghahanap ng totoo at malinaw na mga ideya at impormasyong mayroon
sa ating kapaligiran na humanatong sa kaalaman at mga katanungang nakabinbin sa ating isipan na hahanapan ng
mga tiyak na kasagutan.

A. Kahulagan ng Pananaliksik
Ayon kay Good (1963) ang pananaliksik ay isang maingat, kritikal at disiplinadaong pagtatanong sa pamamagitan
ng iba’t ibang teknik at paraan batay sa kalikasan at kalagayan ng naukoy na suliranin tungo sa klarifikasyon at
resolusyon.
Ayon kay Aquino (1974) bilang isang sistematikong paghahanap ng mga mahahalagang impormasyon hinggil sa
isang tiyk na paksa o suliranin.
Ayon kay Parel (1966) ito ay isang sistematikong pag – aaral, imbestigasyon ng isang bagay sa layuning masagot
ang mga katanungan ng isang mananaliksik.
Ang pananaliksik ay isang pagtatangka upang makakuha ng mga solusyon sa mga suliranin ng prediksyon at
paliwanag (Trece, J.W. Trece 1973)
B. Layunin ng Pananaliksik
 Pangunahing layunin ng pananaliksik ay ang presentasyon at pagpapabuti ng kalidad ng pamumuhay ng
tao.
 Upang makadiskubre ng mga bagong kaalaman hinggil sa mga batid nang phenomena.
 Upang makakita ng mga sagot sa mga suliraning hindi pa ganap na nalulutas ng mga umiiral na metodo at
impormasyon.
 Mapagbuti ang mga umiiral na teknik at makadevelop ng mga bagong instrumento o produkto.
 Makatuklas ng hindi pa nakikilalang subtances at elements.
 Makalikha ng mga batayan sa pagpapasya sa kalakalan, industriya, edukasyon, pamahalaan at iba pang
larangan.
 Masatisfay ang kuryusidad ng mananaliksik
 Mapalawak o maverify ang mga umiiral na kaalaman.
 Makalikha ng mga batayan ng pagpapasya sa kalakalan, industriya, edukasyon, at iba pang larangan.

C. Katangian ng mabuting pananaliksik

1. Ang pananaliksik ay sistematik
2. Ang pananaliksik ay kontrolado
3. Ang pananaliksik ay empirical
4. Ang pananaliksik ay mapanuri
5. Ang pananaliksik ay obhitibo
6. Ang pananaliksik ay isang orihinal na akda
7. Ang pananaliksik ay gumagamit ng kwantiteytib o istatistikal na metodo
8. Ang pananaliksik ay matiyaga at hindi minamadali
9. Ang pananaliksik ay nangangailangan ng tapang
10. Ang pananaliksik ay isang akyureyt na imbestigasyon, obserbasyon at deskripsyon

D. Mga hakbang na dapat sundin sa pagbuo ng pananaliksik

1. Pagpili ng paksa – ito ang pinakamahirap sa paggawa ng isang pamanahong papel sapagkat ditto
magsisimula at magtatapos ang isang pananaliksik.
Dapat isaalang alang sa pagpili ng paksa
a. Interes ng mananaliksik
b. Haba ng panahong mailalaan
c. Napapanahon subalit huwag lubhang bago
2. Pangangalap ng Bibliograpi – ang pangangalap ng datos ay palaging may kaakibat na responsibilidad.
Kinakailangan na ang mananaliksik ay kinikilala ang mga pinagsanggunian o nakatulong sa kaniyang
pananaliksik na nakuha.
3. Paghahanda ng tentatibong balangkas – Malaki ang maitutlong nito sa mga mananaliksik upang mabigyan
silia ng limitado at kontroladong sasaliksikin o babasahing may kinalaman sa paksang nais pag aralan.
4. Pangangalap ng mga datos – pinakamakabuluhang Gawain sa panahon ng pananaliksik ang pangangalap
ng datos, sapagkat mas lumalawak ang kaalaman ng mga mananaliksik patungkol sa paksa. (1)lagom –
 sariling pananalita patungkol sa ideyang nakalap na hindi mababawasan o madaragdagan ang orihinal na
diwa (2) Hawig – ditto naman ay malayang naipapahayag ng mananaliksik ang kaniyang pagpapakahulugan
mula sa nabasa (3) tuwirang sipi – kinopya ang buong pahayag mula sa mga babasahin.
5. Pagpapahalaga sa mga nakalap na impormasyon
a. Pangunahing mapagkukunan – binubuo ito ng mga manuskripto na ginamit bilang pangunahing ebidensya
o susuporta sap ag – aaral higit lalo yaong mga nakasulat kamay na mga dokumento
b. Sekondaryang mapagkukunan – ito naman ang mga nakalimbag na bunga ng mga pangunahing
mapagkukunan.
6. Ang Proseso at Metodo ng Pananaliksik – nakapaloob ditto ang instrumenting gagamitin sa pananaliksik
tulad sa sarbey, panayam, case study, talatanungan, obserbasyon atbp. Sa pagsusuri naman, maaring
gumamit ng emprikal, kumparatibo, interpretasyon, pagsusuri sa kahulugan atbp.
7. Ang Pagsulat ng Pamanahong Papel – sa puntong ito, ang mananaliksik ay magagawa na niyang
pahalagahan ang mga nakalap na datos, pagsama – samahin at suriin ang nilalaman kung ito ay ba ay
dapat maging bahagi ng pananaliksik.
8. Pinakahuli o pangwakas na balangkas ng sulatin ito ay naglalaman ng apat na bahagi
a. Pahina ng pamagat
b. Talaan ng nilalaman
c. Katawan
d. Talasanggiunian

E. Mga Bahagi ng Pananaliksik

I.
1. Fly Leaf – isang blangkong papel na walang nakasulat
2. Pamagating pahina – ito ang pahina kung saan matatagpuan ang pamagat ng pamanahong papel, sino
ang gumawa, ang propesor na nag – utos upang gawin ito at petsa ng pagsasagawa nito.
3. Dahon ng pasasalamat – ang pahinang ito sa pamanahong papel ay matatagpuan sa ikalawang pahina.
Naglalaman ito ng mga taong nais pasalamatan ng mananaliksik upang ang pag – aaral sa napiling
paksa ay maisasakatuparan.
4. Dahon ng pagpapatibay- ito ang ikatlong pahina sa preliminary pages ng pamanahong papel. Dito
matatagpuan ang mga lupong tagasulit. Sila ang sumusuri sa pamanahong papel kung ito ay katanggap
– tanggap at maituturing na isang tagumpay.( Good 1963)

Kabanata I
Ang Suliranin at Kaligirang Pangkasaysayan
Panimula/ Introduksyon – mababasa sa panimula ang presentasyon o paglalahad ng suliranin. Nililinaw
rin ang sanhi ng pagpili ng paksa at ang kahalagahan nito. Sa bahaging ito rin tinatalakay ang
mahahalagamng detalye na may kinalaman sa paksa na sasagot sa tanong na: ano sino at bakit
Sanligang Pangkasaysayan –isinasaalang – alang sa bahaging ito ang pinagmulan ng paksang pananaliksik.
Layunin ng pag - aaral – tatalakayin sa bahaging ito ang layunin ng mga mananaliksik na naging dahilan
para pag – aaralan ang napiling paksa.
Paglalahad ng Suliranin – makikita sa bahaging ito ang pangkalahatang suliranin ng paksang pag – aaralan
na nagsasaad ngmga tiyak na katanungan na kailanagang masagot sa sulating pananaliksik na nasa anyong
patanong.
Batayang Teoretikal – sa teoryang ito iaangkla ng mananaliksik ang sariling pagtingin sa paksang pinag –
aralan gayundin angmga ideyang dapat palitawin sa ginawang pananaliksik

sa tulong ng mga teoryang may kinalaman sa paksa.

Balangkas konseptwal – ito ay tumatalakay sa mga ideya o konsepto ng mananaliksik ayon sa
isinasagawang pag – aaral. Ditto ay bumubuo ng paradima na naaayon sa kabuuang konsepto ng
mananaliksik patungkol sap ag – aaral.
Saklaw at Limitasyon ng Pag- aaral – ilalahad sa bahaging ito ang lawak na sangkop ng ginagawang pag –
aaral. Ipinaaalam din ditto ang mismong paksa ng pag – aaral gayundin ang katatagapuan ng mga datos na
kakailanganin sampu ng populasyon o bilang ng mga respondent na sasagot sa inihandang mga tanong.
Kahulugan ng mga Terminolohiya – ditto bibigyang kahulugan ang mga salitang teknikal, mahahalaga o
pili na ginamit sa pananaliksik. Bibigyang – linaw ang mga salitang ito sa paraan kung paano ito ginamit sa
loob ng pangungusap, upang mas lubusang maunawaan ng mga mambabasa.

Kabanata II
Mga Kaugnayan na Pag – aaral at Literatura

Dayuhang Pag – aaral – makikita sa bahaging ito ang mga ideya na nakaalap mula sa mga tesis o
disertasyong isinagawa ng isang dayuhan.
Lokal na Pag – aaral – makikita sa bahaging ito ang mga ideya na nakalap mula sa mga tesis o disertasyong
isinagawa ng taong mula sa bansa.
Dayuhang Literatura – makikita sa bahaging ito ang mga ideya na nakalap mula sa mga aklat, dokumento,
artikulo at iba pang sanggunian gawa ng taong ,ula sa ibang bansa.
Lokol na Literatura – makikita sa bahaging ito ang mga ideya na nanakalap mula sa mga aklat, dokumento,
artikulo at iba pang sangguniang gawa ng taong mula sa bansa.

Kabanata III
Metodo ng Pananaliksik

Disenyo ng Pananaliksik – nililinaw sa bahaging ito ang ginamit na disenyo ng pananaliksik.

Respondent – dito inilalahad ang eksaktong bilang ng mga sumagot sa inihandang talatanungan.
Inihahayag dito ang maikling profile ngmga respondent gayundin kung bakit sila pinili na sumagot sa mga
katanungang makakatulong sa pananaliksik.
Instrumento ng Pananaliksik – dito makikita ang ginamit na mga talatanungan sa pagkalap ng mga
informasyon o datos na gagamitin ang diskriptiv – analitik. Ang instrumentop sa pananaliksik ay maaaring
sarvey – kwestyuner, intervyu o panayam.
Tritment ng mga Datos – inilalahad dito ang simpleng istatistik na magagamit matapos maitala angmga
naging sagot sa sarvey – kwestyuneyr sa bawat respondente.

Kabanata IV
Presentasyon at Interpretasyon ng mga Datos

Kwaliteytiv man o kwantiteytiv ang ginawang pananaliksik may pagsusuri at interpretasyon na nagaganap
sa resulta ng pag – aaral. Higit naming kailangan ang interpretasyon sa resulta ng istatistiks bilang
pagpapatunay sa hipotesis na ginawa sa pag – aaral.

Pagsusuri - ang pagsusuri ay magaganap sa tulong ng malalim na pagpapahayag/pagpapaliwanag ng

kinalabasan ng pag – aaral. Lubos na nasusuri ang pinag – aaralan kung iuugnay ito sa teorya o pagdulog
ng mapag – aangklahan. Maaari pa ring iugnay ang pagsusuri sa kalagayan ng kapaligiran dahil sa maaaring
makasagot ito sa resulta ng pag – aaral.

Interpretasyon
Sa pagbibigay interpretasyon ng kinalabasan ng pag – aaral, ipinapahayag nito ang pansariling implikasyon
ng resulta ng pananaliksik. Gumaganda ang interpretasyon kung makatotohanan ang mga figyur na
lumabas sa pag – aaral. Sa pagbibigay interpretasyon inihahayag muna ang paglalarawan ng mga datos at
binabanggit din ang kaukulang tambilang bilang suporta sa gagawing interpretasyon. Ang ginagawan ng
interpretasyon ay maaaring naka – anyong tabular o graf na ang parameter ay nasa gawaing itaas o kaya’y
sag awing kaliwa, pababa. Ang kaukulang tambilang naman ay nasa kabilang direksyon ng parameter na
maaaring pababa o pahalang ang posisyon.

Paliwanag/Pagsusuri
Sa pagpapaliwanag, upang lubos na maunawaan ang kinalabasan ng mga graph au isinasaad ang mga
bahagdan nito.
Maaaring gamitan ito ng iba’t ibang graph
Bar graph – ito ay ginagamitan ng mga patayo at pahigang linya. Komon ito sa mga paghahambing o
comparative studies. Ang pamagat nito ay nagsasabi kung tungkol saan ang graph. Matatagpuan naman
gawing ilalim ang pinagkunan ng datos.
Pie Chart – katulad ng bar graph, mayroon itong pamagat, legends at source. Dito ay hinahati sa bawat
bahagi ng kabuuan.
Line graph – ito ay madalas gamitin upang ipakita ang pagbaba o pagtaas ng halaga ng mga
pangangailangan sa pagdaan ng panahon. Bawat valyu ay kinakatawan ng mga tuldok na nagpapakita ng
scale kapag naikonekta.
Pictograph – ito ay ginagamitan ng mga larawan na nagrerepresenta sa isang produkto, dito ay madaling
makita ang pagkakaiba.
Flow chart – nagpapakita ito ng proseso o mga hakbang na kailanagang isagawa mula sa umpisa hanggang
huli. Layunin nito na makatipid sa oras o maging maayos o epesyente ang paggawa ng mga bagay – bagay.
Istruktura ng organisyon. Ipinapakita nito ang istruktura o ang pagkakasunod – sunod ng katungkulan
mula sa pinakamataas hanggang sa pinakamababa. Madalas natin itong makita sa lobby ng mga tanggapan
upang Madali nating Madali nating matukoy ang mga taong dapat puntahan sakaling mayroon tayong
sadya sa isang tanggapan.
Talahanayan – ito ang pinakagamitin sa lahat ng laranggan o disiplina dahil ito ang pinakamadaling
unawain. Makikita dito ang mga tiyak at aktuwal na impormasyon hinggil sa isinasagawang pananaliksik na
maayos na nakahanay sa mga kolum.

Kabanata V
Natuklasan, Kongklusyon at Rekomendasyon

Natuklasan – ilalahad sa bahaging ito ang lahat ng detalyeng naging kasagutan ng mga respondete na may
kinalaman sa paksa ng pananaliksik.
Kongklusyon – hinuha naman ang nilalaman nito na may kaugnayan sa natuklasan.
Rekomendasyon – simula sa natuklasan at kongklusyon ay makakabuo ang mananaliksik ng maaaring
maging solusyon kinalabasang suliranin.

Mga Panghuling Pahina

1. Listahan ng Sanggunian – dito itinatala ang mga pinagkuhanan ng mga detalye at impormasyon
naisama sa pananaliksik. Maaaring ito ay mula sa libro, pahayagan, tesis, disertasyon o internet.
2. Apendiks o Dahong Pagpapatibay – sa huling pahina ng pamanahong papel ay inilalagay ang mga
kurikulum bita at mga kasulatang naisagawa sa panahon ng pananaliksik. Dito rin inilalagay ang
mga karagdagang ebidensya, maaaring mga katanungan sa panayam na makatutulong upang
masuportahan ang pag – aaral.