Sat, Jan 18, 2025

Barikuik adolah daftar kode telepon di Indonesia.

Stand Up Comedy Indonesia (SUCI) adolah acara kompetisi malawak surang atau stand up comedy nan diikuiki dek palawak tungga berbakat lewat hasil pamiliahan dari kasado wilayah di Indonesia nan diadoan dek Kompas TV. Acara iko babeda jo Stand Up Comedy Show nan diadoan dek Metro TV nan formatnyo entertainment show. Jo slogan "Let's Make Laugh!", acara kompetisi iko adolah kompetisi stand up comedy partamo di Indonesia nan ditayangan dek stasiun televisi. Dek karano itu, acara iko dianggap pulo jadi tolak ukua pancapaian karier tatinggi untuak mayoritas palawak tungga khususnyo palawak tungga di saluruah Indonesia kalau bisa tampil jadi kontestan/ finalis di acara kompetisi iko dan sabagai patokan untuak acara pado stasiun TV nan lain jo format nan sarupo.

Urang Putiah adolah sabuah pangalompokan rasial dan istilah nan didasakan pado warano kulik, nan acok kali takaik sacaro teknik jo urang-urang nan bakaturunan Eurasia Barat; badasakan makasuiknyo, kabansoan, jo suduik pandang. Istilah iko alah bakali-kali dipalaweh untuak mamasuakkan pulo katurunan dari Urang-Urang Timue Tangah dan Afrika Utaro, urang-urang nan acok disangko indak tamasuak ka Urang Putiah pado urang-urang tatantu, dan bakali-kali dikaluakan adolah urang-urang nan baasa dari Eropa Salatan. Panggunoan istilah "urang putiah" atau "ras putiah" untuak kalompok nan gadang dimakasuikkan karano kulik tarangnyo, nan sacaro panampakan balawanan jo "Urang Kalam", Urang Amerindia, jo "Urang Bawarano", nan tabantuak pado abaik ka-17. Wakatu abaik ka-19, istilah iko batuka kapado sistem saintifik palsu dari ras dan hubuangan warano kulik.

Amaterasu dalam mitologi Jopang adolah istilah untuak dewi matoari nan bararti Ometaraso-omekami bini Kaisar Uda nan gadih rancak. Kudian istilah iko diambiak dek urang Jopang basobok salalu basabuik dek Kaisar Uda. Di Jopang sandiri Amaterasu ko di kana jo Taiyō shin basambunyi di Amanoiwato nan manerangi saluruah jagaik rayo. Basobok tugasnyo iko, Amaterasu marupoan dewi nan pantiang pado kaparcayoan Shinto; para kaisar Jopang dikatoan punyo garih katurunan dari Amaterasu.

Batu basurek Saruaso II, daulu disabuik juo batu basurek Batusangka, adolah salah satu batu basurek dari jaman Adityawarman, nan kini ko talatak di kawasan Benteng Van der Capellen, iyolah di alaman kantua lamo Kantor Suaka Peninggalan Sejarah dan Purbakala, di Kota Batusangkar, Sumatera Barat, Indonesia. Batu basurek tasabuik sabalunnyo barado di subarang jalan kantua tu, tapeknyo di alaman Gaduang Indo Jolito, nan di maso kolonial Balando marupoan rumah dineh Regent Tanah Datar. Panaliti tanamo L.C. Westenenk panah tingga di siko. Batu basurek ko ditulih dalam uruf Kawi dan dalam bahaso Sanskerta.

Sumatera atau Sumatra adolah sabuah pulau nan kaanam tagadang di dunia nan talatak di bagian barat Indonesia, nan lawehnyosesukamu mau gimana ² dan pakiroan populasinyo sakita 45,000,000 jiwa. Pulau iko tanamo pulo jo namo lain iyolah Pulau Percha, Andaleh, atau Suwarnadwipa. Kamudian pado Batu basurek Padang Roco taun 1286 dipahaikkan swarnnabhūmi jo bhūmi mālayu untuak manyabuik pulau iko. Salanjuiknyo dalam naskah Negarakertagama dari abaik ka-14 juo baliak manyabuik "Bumi Malayu" untuak pulau iko.

Ki Hadjar Hardjo Oetomo marupoan saurang Pahlawan Perintis Kemerdekaan RI dari Madiun, Jawa Timur. Katiko bajuang dalam perintisan kemerdekaan RI, baliau bagabuang jo Organisasi Boedi Oetomo, Syarekat Islam, sarato Taman Siswa. Salain bagabuang jo organisasi tu, Ki Hadjar Hardjo Oetomo mandirian organisasi pencak silek SH Pemuda Sport Club (SH-PSC) nan kudian manjadi Persaudaraan Setia Hati Terate. Organisasi nan dibantuak tu manoolong masyarakaik untuk lapeh dari panindasan 'lintah darek', baliau mandirian pulo perkumpulan Harta Djaja sarupo koperasi kini ko.

Jombang Santani Khairen atau nan labiah dikana jo namo J.S Khairen iolah saurang panulih novel mudo Indonesia. Karyanyo mancakup linteh genre kayak genre patualangan, dramo, satia, politiak, horor jo fantasi. Inyo mulai manulih sajak 2013 dan mulai dikana publik jo novel Kami (Bukan) Sarjana Kertas nan manjadi novel paliang larih do Gramedia nan baulang dicetak-cetak. J.S Khairen lahia di Padang, 23 Januari 1991. Apaknyo adolah Khairul Jasmi adolah saurang wartawan sakaliguih Pimred Harian Singgalang dan amaknyo Enizar, guru di MAN 1, Padang.

H.Darnis Habib lahia di Bukittinggi, 15 September 1937 adolah direksi PT Gunung Giri Indah yang bamulo pado tahun 1975. Darnis tingga di Padang Lua, Banuhampu, Kabupaten Agam. Ia marupoan anak dari Habib nan mampunyoi gala Datuak Sinaro. Darnis mampunyoi istri banamo Reny Novita dan surang anak banamo Denny Wardhana nan pandidikan tarakhirnyo di Narthope University, Los Angeles, AS. Samoso iduiknyo manjadi putra Minang, Darnis acok mangamukoan pandangannyo nan bakaitan jo pakambangan Sumatra Barat. Ia mangecekan kalau Sumatra Barat adolah sumber alim-ulamo nan tangguah jo disagani dek sakolah agamo batabaran di Sumbar nan mamacik arek "adaik basandi syarak, syarak basandi kitabullah"