agtdis

g tnzggit tuklidt, agtdis (yulɣn s tguri "agt" d tguri "idis") d unuɣ anzggan ugniw ittwaskarn s yan uzririg yaḍun iqqnen, zɛma s yan usrraru innḍn n tgzmin imsḍfarn.

tigzmin-a ttusmmant idisn nɣ tamiwin, iɣfawn n yidisn ttusmman tiqacucin n ugtdis.

igtdisn

amawal asilan

yulɣ ugtdis s:

• yat tmyaḍfart imdn n tqifa mi nttini tiqacucin;
• tigzzumin izddin gr tyugiwin n tqacucin imyaḍfarn d awd tagzzumt izdin tiqifit tamzwarut d tmggarut, da asnt nttini idisn.

agnses n yan ugtdis ABCD

nttwatas agtdis, s wudm amatay, s usmyiḍfir n iskkiln iwatsn tiqacucin, g unmala n tmyaḍfart.

ku sin idisn imyaḍfarn da skarn yat tɣmrt tagnsant.

azzikit n ugtdis d tamrniwt n taɣziwin n yidisn n ugtdis a.

anmala n yan ugtdis

iga t wuṭṭun n yidisn nns, n tɣmrin nns nɣ n tqacucin nns.

ifrdisn imnalan

• mk iga umnala n ugtdis ayugan:
  • tiqacucin bḍan ${\frac {n}{2}}$ n yidisn, da nttini « mnalant » grasnt;
  • mkann awd tiɣmrin sisnt iqqnen;
  • awd idisn bḍant ${\frac {n}{2}}$ n tqacucin, da nttini « mnalan » grasn.
• mk iga umnala n ugtdis aryugan, da ttilin yidisn mnalan d tqacucin d tɣmrin (d mgal); s tnɣda, ku taqacuct nɣ (ku tiɣmrt) « tmnala » d yidis yaggugn s ${\frac {n-1}{2}}$ n tqacucin.

idisn ittusɣzifn d udubdis

taɣdiwin yusin idisn n yan ugtdis da asn nttini idisn ittusɣzif n ugtdis a.

adubdis n yan ugtdis tga t yat tgzzumt izddin gr snat tqacucin nns ur imyaḍfarn, s tnfalit yaḍn, d tagzzumt izddin gr snat tqacucin maca ur tgi idis i ugtdis a.

s mka, agtdis bu ${n}$ n yidisn ad yili ${n \choose 2}-n={\frac {n(n-3)}{2}}$ n idubdisn.

tasnanawt n igtdisn

llant mnnaw n tɣarasin s nssurtuy igtdisn : s uḍffuṛ n tiffnsut nnsn, n tujjuṛt nnsn, n tɣmrin nnsn... maca da tn nssurtuy zwar s uḍffuṛ n uṭṭun n yidisn nnsn.

assurty s uḍffur n wuṭṭun n yidisn

nɣy ad nssurty igtdisn s uḍffuṛ n unmala nns.

igtdisn ayt unmala 1 d 2 ur nfi ad tn nssunɣ : qqnn s twala ɣr tqifit d tgzzumt, tili ɣursn tjumma tanbrart.

agtdis akkʷ imẓẓiyn issnn i usunɣ iga t umkṛaḍ.

iḍfṛ t id ukuẓdis nna ilan anmala 4.

igtdisn ilan anmala 4 nɣ uggar da asn nakka yan yism uddis inin s wuṭṭun n unmala nns d wuḍfiṛ -dis (asimdis, asḍdis, asadis, atamdis...).

ig ikka unmala n ugtdis nnig 10 (11 nɣ uggar), da nttini : agtdis bu n n yidisn.

tamrniwt n tɣmrin

tamrniwt n tɣmrin tizɣranin tgda 360° tg tɣmrt tazɣrant d tɣmrt tagnsant qqnnint s yiwt tqacuct timsitiyin.

yan usadis afrar ittubḍan xf smmus n yikrdisn

yan usmusdid affnsu ibḍan xf kṛaḍ ikrdisn ilan mi tssar tssar tqacuct

tamrniwt n tɣmrin tignsanin n yan ugtdis afrar bu umnala $n$ ur ɣrs assaɣ s talɣa nns, igda (s uradyan d tskflt):

$S=(n-2)\times \pi ~\mathrm {rad} =(n-2)\times 180^{\circ }=n\times 180^{\circ }-360^{\circ }.$

g umnid a, tanfalit a, ittwassnen wala g waddad n n = 3 da tuttusmatu s tbḍit n ugtdis xf $n-2$ n yikrdirn islɣn sin sin s yan yidis issarn, idis a iga yan sg idubdisn n ugtdis (g waddad iẓlin n ugtdis affnsu, igum ad ttwasaynt tgzmin izddin gr yat sg tqacucin d tqacucin yaḍn mdnt).