比喻

比喻（粵拼：bei2 jyu6），又叫譬喻、打比方，係一種修辭手法，用兩樣嘢之間相似嘅地方，用一樣嘢去代表另一樣嘢。呢種手法可以將熟悉嘅嘢取代生疏嘅嘢；具體嘅嘢取代抽象嘅嘢；顯淺嘅嘢取代深奧嘅嘢，而幫助理解。比喻仲可以用嚟搞笑。

分類

睇埋：修辭手法

比喻嘅手法可以分做三種：明喻、暗喻、借喻。

• 明喻：句子用喻詞「好似、猶如...」，有提個主體；例句—
  1. 「白雪公主嘅肌膚好似雪咁白，朱唇好似玫瑰咁紅，而秀髮就好似炭咁黑。」
  2. 「離遠嘅一盞盞街燈，就好似夜空上嘅星星噉。」
  3. 「成座山佈滿咗紅葉，好似著咗火噉。」
• 暗喻：句子用喻詞「係...」，有提個主體；
  • 例如係好出名嘅北宋古文《愛蓮說》就用咗暗喻噉嘅手法，將蓮花喻為「花當中嘅君子」。

    原文文言：「蓮，花之君子者也。」

    現代粵語：「蓮花，就係花當中嘅君子。」

• 借喻：句子唔用喻詞，唔提個主體，直頭用喻體取代咗個主體；例句：

  「阿蓮佢又後生又靚，但係嫁畀個咁猥瑣嘅男人。」

  「一朵鮮花插咗喺牛屎上邊。」

  主體同喻體一：阿蓮 → 鮮花

  主體同喻體二：猥瑣男人 → 牛屎

睇埋

• 聯想意思
• 語義距離