犀鳥

How to read a taxobox 犀鳥科
雙角犀鳥（Buceros bicornis）
物種分類
界 動物界 Animalia 門 脊索動物門 Chordata 綱 鳥綱 Aves 目 佛法僧目 Coraciiformes 科 犀鳥科 Bucerotidae Rafinesque, 1815
屬
皺盔犀鳥屬 Aceros 鳳頭犀鳥屬 Anorrhinus 斑犀鳥屬 Anthracoceros 角犀鳥屬 Buceros 地犀鳥屬 Bucorvus 噪犀鳥屬 Ceratogymna 灰犀鳥屬 Ocyceros Penelopides 彎嘴犀鳥屬 Tockus

犀鳥（Bucerotidae）係一種既珍貴外型又靚嘅大雀，嘴嘅長度佔咗身長嘅 1/3 到一半，響犀鳥嘅頭上生有一個銅盔狀嘅突起，叫做盔突，形狀就好似犀牛角咁，因而得名犀鳥。分類上同戴勝，啄木鳥有親緣關係。

分佈

一般分布於非洲（撒哈拉沙漠以南）經東南亞去到菲律賓同索羅門群島。全世界有 57 種，當非洲有 9 種。中國的犀鳥有 4 種，大多集中生活響雲南西南部如勐臘縣，金平縣，以及廣西南部，分別係白喉犀鳥，棕頸犀鳥，冠斑犀鳥，雙角犀鳥，4 種均為中國國家二級受保護動物。

生活習性

佢哋身型雖然大份，但可以棲息在密林深處的參天巨樹（例如熱帶雨林茂密嘅樹上面）。拍翼聲好大，而且仲會不斷發出喇叭咁嘅共鳴聲。

犀鳥係實行一夫一妻制，響繁殖季節多成對活動，而在非繁殖季節則大群活動。每年夏天，成對嘅犀鳥，會選擇高大樹幹裏面嘅窿築巢產卵。產完卵之後佢哋就用雀屎室住洞口，只留低一個可以畀雀公伸嘴尖入去嘅細窿，保護雀蛋之餘，雌雀可以安心孵化犀鳥仔。而犀鳥公就負責為老婆同鳥仔不斷咁提供充足嘅食物，保證雌鳥得到足夠嘅營養，同滿足犀鳥仔生長發育嘅需要。

食啲乜

犀鳥係雜食性動物，一啲體型較細隻嘅非洲犀鳥會以昆蟲為食，而亞洲犀鳥就以果實（特別係無花果為主）。當啲樹木結果嗰時，佢哋就會聯群結隊，同其他雀、馬騮、松鼠呢啲動物一齊響樹頂上面食餐飽。

此外，犀鳥亦會捕獵各類小動物為副食，同時亦會食細小雀鳥嘅幼鳥同鳥蛋。例如飛行能力較弱金絲雀同蝙蝠，都可以喺飛行時被犀鳥捕食。犀鳥嘅食物仲包括一啲響樹上活動嘅蜥蜴，蛇，青蛙，老鼠同大型昆蟲。有啲品種犀鳥會突然飛落森林地下，捕捉蝸牛同無脊椎動物。

響食嘢時，犀鳥會將食物含響咀邊，然後拋高送入張開嘅喉嚨，把食物成個吞落肚。

繁殖動向

幾千年前嘅香港，曾經係熱帶雨林，可能亦係犀鳥嘅分佈地。

現時響香港公園、九龍公園、海洋公園、香港動植物公園都有養犀鳥。分別養緊長冠犀鳥、雙角犀鳥、馬來犀鳥、冠斑犀鳥、紅喙犀鳥、黃盔犀鳥等。

睇埋

• 國家二級受保護動物