一屋老友記
《一屋老友記》（英文：House Of Spirits），係香港無綫電視製作嘅時裝電視劇，總共三十一集，由歐陽震華、胡定欣、羅蘭同胡楓領銜主演，監製方駿釗。呢套劇用有鬼嘅唐樓單位做主題，同舊劇《執到寶》似。
劇情
[編輯]老人家寶祿有四個仔女，但係好少見面。寶祿離奇死咗，留低咗份遺囑，要求四個仔女喺舊樓單位一齊住九個月，先可以賣層樓。於是大哥寶歡、二妹寶欣、三弟寶愉同四弟寶怡先後搬入去舊樓，重新一齊生活。
四兄妹雖然同一個阿媽生，但係因為種種意外同心結感情好淡漠，而家朝夕相見難免有摩擦，一時之間矛盾激化，情況都好尷尬。更大劑嘅係，一場意外令寶歡發現，住喺舊樓嘅唔只佢哋四兄妹，竟然重有一對鬼魂夫妻。
