八卦
(由卦跳轉過嚟)
想搵通俗用語嘅話，請睇八卦嘢。
八卦係《易經》入面記載嘅符號，由三個代表陰或者陽嘅爻組成，一共有八組，即乾卦、兌卦、離卦、震卦、巽卦、坎卦、艮卦及坤卦。
八卦擺位叫八卦圖，分做兩種，分別係先天八卦同後天八卦。之不過先天同後天，都係宋時加上嘅名，並不表示出現先後，只係占算構想同方法唔同。近代出土唔少帛書、竹簡，卦名、排列以及畫法，都有唔同。初為籌算，原本爻為數字。八卦同五行出自唔同思想，後人將二者又夾埋一齊。
後天八卦用於風水方向為多，二十四方位就基於後天八卦。而先天八卦亦有佢自己一套占算。
史上講易有三種，周易、綿山、歸藏，而後兩者流傳不全，或者失傳。
八卦再同八卦組合，六爻就化成六十四卦。
記法
[編輯]古人寫咗一首《八卦取象歌》方便自己記住每一卦嘅卦爻排列：
- 「乾三連，坤六斷，震仰盂，艮覆碗，離中虛，坎中滿，兌上缺，巽下斷。」
睇埋
[編輯]