Перейти к содержанию

Плантагенетцәа

Аматериал Авикипедиа аҟынтә - зхы иақәиҭу аенциклопедиа
Плантагенетцәа
афр. Plantagenêt, англ. Plantagenets

Плантагенетцәа (афр. Plantagenêt, англ. Plantagenets) — Франциа хылҵшьҭра змоу аҳцәа рдинастиа ауп, Гатине-Анжу аҩны аҟәшақәа иреиуоуп, урҭ рмазара хадақәа (Анжу аграфра) раԥхьаӡа Франциа иҟан, аха анаҩс акырӡа рҽырҭбааит.

Уи иахҟьаны, Плантагенетцәа Англиа (1154–1399), Нормандиеи (1144–1204, 1346–1360, 1415–1450), иара убас Гаскониеи Гиени (1153–1453) рнапхгаҩцәаҩны иҟалеит. Аха 1206 шықәсазы, Франциатәи аҳцәеи дареи реибашьрақәа раан, Плантагенетцәа мчыла Анжутәи аграфра Франциа иарҭарц акәхеит.

Ахылҵшьҭра

[аредакциазура | акод аредакциазура]

Плантагенетцәа Гатине-Анжу афранцыз ҭауадцәа рҭаацәара иаҵанакуеит. Анаҩстәи ашьҭрақәа рыла, уи рхыбаҩ Бушар, Гатине аграф, дызҭынхаз аԥа Жоффруа II Ферреол (д. 1043/1045). Аха раԥхьатәи ахыҵхырҭақәа рҿы Бушар ихьӡала Гатине аграф иаҳасабла иӡбахә ҳәаӡам, иахьатәи аҵарауаа Бушар абжьаратәи аамҭақәа рзы иҟаз ашьҭраҭҵааҩцәа иҟарҵаз алакә ҳәа ирыԥхьаӡоит. Ииашаҵәҟьаны, Жоффруа II иаб Гуго џьу Перш иакәын, уи аграф Фулкуа џьу Перш иԥеиҵбы иакәын. Гуго ԥҳәысс дигеит Обри II де Макон иԥҳа Беатрис, Жоффруа I, Гатинтәи аграф иԥҳәысеиба, уи абзоурала иԥа Жоффруа Гатин ҭынхас иоуит, граф Обри Абӷаџьыҟә данԥсы ашьҭахь. Ари аҭаацәалазаара шьақәдыргылеит 1028 шықәсазы лаҵарамза 26 азы иҟаҵаз акт ала, уи инапы аҵарҩит Обри имаҳә, Гатинаи Гуго, иара убасгьы Парижтәи аԥсқәабаз Франкон. Гуго ҩыџьа иԥацәа Жоффруеи Летои ашаҳаҭцәа реиԥш рыӡбахә ҳәоуп. Гуго, аграф ихьыԥшыз аҭаацәа Блуа, рҭаацәараҿы диит, Гатинаи аграфцәа Капетингаа рхьыԥшцәа ракәын. Блуа аҩни Анжу аҩни еиӷацәан 10-тәи - 12-тәи ашәышықәсақәа рзы, убри аҟнытә Плантагенетцәа (Гуго ихылҵшьҭрақәа) рхылҵшьҭраа аҵәахра рҽазыркон.

Жеффруа II Ферреол (д. 1043/1045) еижьыку иашьа Обри данԥсы ашьҭахь 1028/1030 ш-азы, Гатинаис аграфс дҟалеит. Анжутәи аграф Жоффруа II Мартел иаҳәшьа Ирменгард дицынхара иабзоураны, Жеффруа Ферреол Анжутәи аграфцәа дырҩызахеит, иара ихылҵшьҭрақәа, Ингелгерингтәи адинастиа анҵәамҭазы, Анжутәи аграфцәаны иҟалеит.

Жеффруа Ферреол иԥеиԥа-иԥа, Жоффруа V, иемблема ҳәа иман адрок ашәҭ, убри аҟнытә ахьӡҵас "Плантагенет" иоуит - алатин ажәақәа planta ("аҵиаа") рҟынтәи, насгьы алатин бызшәала адрок - genista. Англиа акрал Генрих I иԥҳа Матилдеи иареи рҭаацәалазаара бзиа иабзоураны, Жоффруа англыз акралра ҭынхас дҟалеит. Жоффруеи Матилдеи рыҷкәын, Генрих II, 1153 шықәсазы Матилдеи Стефан Блуастәии ирыбжьарҵаз аиқәшаҳаҭра инақәыршәаны, Плантагенетцәа рҟынтә актәи Англиа акралс дҟалеит (1154-1189), уи иақәшәоз адинастиа ахыбаҩ.

Атерминологиа

[аредакциазура | акод аредакциазура]

Плантагенетцәа

[аредакциазура | акод аредакциазура]

Раԥхьаӡа Плантагенет ҳәа зхы зыхьӡызҵаз 15-тәи ашәышықәсазы, Иорктәи 3-тәи агерцог, Ричард Иорктәи иоуп. Плантегенест (мамзаргьы Plante Genest) 12-тәи ашәышықәсазы Анжутәи аграф Жоффруа V ихьӡҵас акәын. Еилкаам Ричард ари ахьӡ зиалихыз, иҟалап, Агәилқәа реибашьраан Жеффруа V иаб иҟынтәи иҭынхара азгәеиҭарц ахьиҭахыз азы акәзар.

Жоффруа ихылҵшьҭрақәа зегьы рзы ахьӡ "Плантагенет" ахархәара иҟалеит, еицырдыруа анаҩстәи Тиудорцәа рдинастиа аан, иҟалап Ричард иԥеиԥа-иԥа Генрих VIII изакәантәра ахьиҭаз азы акәзаргьы[1]. XVII-тәи ашәышықәса аҵыхәтәаны, ари ахьӡ аҭоурыхҭҵааҩцәа рыбжьара ахархәара иалагеит[2].

Анжуицәа

[аредакциазура | акод аредакциазура]

Анжуицәа (англыз бызшәала: Angevins /ˈændʒɪvɪnz/; “Анжу аҟынтә”) — акралтәи аҭаацәара, францызтә хылҵшьҭраа змаз, 12-13 ашә. Англиа анапхгара азыруаз. Англиаҿ Анжуитәи акралцәа ракәын Генрихи II, Ричарди I, Иоанни. 10 шықәса ирылагӡаны, 1144 ашықәс инаркны, ҩыџьа аграфцәа Анжуицәа, Франциантә, Жоффруа иԥа, ԥхьаҟатәи Генрих II, Мраҭашәаратәи Европаҿы Анжуитәи аимпериа ҳәа изышьҭаз адгьыл дуӡӡа рнапы ианырҵеит, уи аамҭа кьаҿк иалагӡаны иҟан, 80 шықәса раҟара. Ари аполитикатә еилазаара структурала еиԥшымызт уаанӡатәи Нормантәи аҳәынҭқаррақәеи, анаҩстәи Плантагенетцәеи рҳәынҭқарреи рҟны.

Аҟазшьарба "Анжутәи" англыз ҭоурыхҭҵаараҿы ахархәара амоуп акралцәа рзы, урҭгьы Анжуитәи аграфцәа ракәын - Генрих II инаиркны - Жоффруеи Матилдеи рышьҭрақәа; абри ахьӡ рыҭоуп рышьҭрақәеи урҭ напхгара ахьрымаз аамҭеи: 12-тәи ашәышықәса агәҭантәи 13-тәи ашәышықәса алагамҭанӡа. Уи адагьы, ари ахьӡ ахархәара амоуп Анжу аграфра аҭыԥантәи иааз ахьыԥшымцәа зегьы рзы. Аҟазшьарба "Анжуитәы" егьырҭ Анжуитәи аграфцәеи агерцегцәеи рзыгьы ахархәара амоуп, урҭ рҟны иҟоуп хҩык кралцәа изхылҵыз, Иерусалим аҳра зуаз рабиашьеиԥацәа, насгьы адинастиақәа рышьақәыргыларазы атитулқәа рыҭаз Франциатәи аҳҭынратә ҭаацәара иаҵанакуаз, урҭ Капетингцәа рыҩни Анжуаҿ, насгьы рыҩни Валуаҿ ракәын[3].

Аҭоурыхҭҵааҩцәа рыбжьара еиқәымшәара ҟалеит: раԥхьатәи акрал-плантагенет Генрих III (1216–1272 рзы аҳра иуан) ҳәа зыԥхьаӡои Плантагенети Ангевинцәеи рыбжьара еиԥшымзаарак зымбои, убри аҟнытә Генрих II (1133–1189) раԥхьатәи акрал-плантагенет изыԥхьаӡои[4][5][6][7].

Алитература

[аредакциазура | акод аредакциазура]
  • Агамов А. М. Плантагенеты. // Династии Европы 400-2016: Полная генеалогия владетельных домов.. — М.: URSS, 2017. — С. 82—88. — 1120 с. — ISBN 978-5-9710-3935-8.
  • Семёнов И. С. Европейские династии: Полный генеалогический справочник / Научный редактор Е. И. Карева, О. Н. Наумов. Вступительная статья О. Н. Наумов. — М.: ООО «Издательство Энциклопедия», ООО «Издательский дом ИНФРА-М», 2006. — 1104 с. — 1000 экз. — ISBN 5-94802-014-2.
  • Дэн Джонс. Плантагенеты. Короли и королевы, создавшие Англию / Пер. с англ. Г. *Бородиной. — М.: Альпина нон-фикшн, 2021. — 686 p. — ISBN 978-5-00139-079-4.
  • Settipani C.. Les vicomtes de Châteaudun et leurs alliés // Settipani C.; Keats-Rohan, Katharine S. B. Onomastique et Parenté dans l’Occident médiéval. — Oxford: Linacre College, Unit for Prosopographical Research, 2000. — ISBN 1-900934-01-9.
  • Blockmans, Wim. Introduction to Medieval Europe, 300–1500 / Wim Blockmans, Mark Hoppenbrouwers. — 2nd. — Routledge, 2014. — ISBN 978-1317934257.
  • Gillingham, John. Doing Homage to the King of France // Henry II: New Interpretations. — Boydell Press, 2007a. — P. 63–84. — ISBN 978-1-84383-340-6.
  • Gillingham, John. Historians without Hindsight: Coggshall, Diceto and Howden on the Early Years of John's Reign // King John: New Interpretations. — Boydell & Brewer, 2007. — P. 1–26. — ISBN 978-0851157368.
  • Gillingham, John. Richard Coeur de Lion: Kingship, Chivalry, and War in the Twelfth Century. — Hambledon Press, 1994. — ISBN 978-1-85285-084-5.
  • Gillingham, John. The Angevin Empire. — Arnold, 2001. — ISBN 0-340-74115-5.
  • Keefe, Thomas K (2008). "Henry II (1133–1189)". Oxford Dictionary of National Biography (online ed.). Oxford University Press.
  • Plant, John S (2007). "The Tardy Adoption of the Plantagenet Surname". Nomina. 30: 57—84. ISSN 0141-6340.
  • Power, Daniel. Henry, Duke of the Normans (1149/50-1189) // Henry II: New Interpretations. — Boydell Press, 2007. — P. 85–128. — ISBN 978-1-84383-340-6.
  • Wagner, John. Encyclopedia of the Wars of the Roses. — ABC-CLIO, 2001. — ISBN 1-85109-358-3.
  • Warren, W. L. King John. — Methuen, 1991. — ISBN 0-413-45520-3.
  • Warren, W. L. Henry II. — Yale. — Yale University Press, 2000. — ISBN 978-0-300-08474-0.
  • Warren, Wilfred Lewis. King John, Revised Edition. — University of California Press, 1978. — ISBN 0-520-03643-3.
  • Saint Phalle, Édouard de. Les comtes de Gâtinais aux Xe et XIe siècle // Settipani C.; Keats-Rohan, Katharine S. B. Onomastique et Parenté dans l’Occident *médiéval. — Oxford: Linacre College, Unit for Prosopographical Research, 2000. — P. 230—246. — ISBN 1-900934-01-9.

Азгәаҭақәа

[аредакциазура | акод аредакциазура]
  1. ↑ https://ru.wikipedia.org/wiki/Плантагенеты#CITEREFWagner2001
  2. ↑ https://ru.wikipedia.org/wiki/Плантагенеты#CITEREFKeefe2008
  3. ↑ https://ru.wikipedia.org/wiki/Плантагенеты#cite_note-автоссылка254-5
  4. ↑ https://ru.wikipedia.org/wiki/Плантагенеты#CITEREFBlockmans,_Hoppenbrouwers2014
  5. ↑ https://ru.wikipedia.org/wiki/Плантагенеты#cite_note-7
  6. ↑ https://ru.wikipedia.org/wiki/Плантагенеты#cite_note-8
  7. ↑ https://ru.wikipedia.org/wiki/Плантагенеты#cite_note-9
Ахыҵхырҭа – https://ab.wikipedia.org/w/index.php?title=Плантагенетцәа&oldid=145590