N10 (Suid-Afrika)
| ||||
|---|---|---|---|---|
.svg) | ||||
| Roete-inligting | ||||
| Onderhou deur SANRAL | ||||
| Lengte | 622 mi (1 001 km) | |||
| Belangrike aansluitings | ||||
| Noordwespunt | B3 aan die Namibiese grens by Nakop. | |||
 N14 in Upington N8 by Groblershoop N12 by Britstown N1 by Hanover N9 naby Middelburg | ||||
| Suidoospunt |  N2 naby Coega | |||
| Ligging | ||||
| Stede | Upington Prieska De Aar Middelburg Cradock | |||
| Snelwegstelsel | ||||
Genommerde roetes in Suid-Afrika
| ||||
Die N10 is een van die nasionale paaie in Suid-Afrika. Die pad verbind Port Elizabeth met die grenspos Nakop. [1]
Oos-Kaap
Die N10 begin waar dit noordwaarts afdraai vanaf die N2 ongeveer 50 km oos vanaf Port Elizabeth. Die pad hou noord en gaan deur Paterson. Hier kruis dit die hoofspoorlyn tussen Johannesburg en Port Elizabeth. Ongeveer 16 km na Paterson gaan dit oor die Olifantskoppas. Die N10 kruis dan die Klein-Visrivier voor Cookhouse bereik word. Na Cookhouse kronkel die pad oor die Oos-Londen spoorlyn en gaan dan oor Daggaboersnek. Die N10 bly dan parallel met die Groot-Visrivier, kruis dan die rivier drie keer voor Cradock bereik word. Vanaf Cradock loop die N10 noordwes, is redelik plat en reguit voor dit met die N9 aansluit net voor Middelburg en verby die dorp gaan. Agtien kilometers na Middelburg skei die paaie; die N9 hou noordwaarts en die N10 gaan noordwes en verlaat die Oos-Kaap vir die Noord-Kaap.
Noord-Kaap
Die pad vanaf die Noord-Kaap grens is plat en reguit tot by Hanover waar dit die N1 kruis. Van Hanover na De Aar is die N10 steeds plat en reguit in ’n noordwes rigting. By De Aar word die spoorlyn tussen Kaapstad en Johannesburg gekruis. Vanaf De Aar is die pad lank en reguit na Britstown waar die N12 nasionale pad in ’n verspringende kruising gekruis word. Vanaf Britstown hou die N10 noordwes en bly vir die volgende 130 km tussen die spoorlyn en Doringberge tot by Prieska. Prieska is geleë op die suidelike oewer van die Oranjerivier.
Benede-Oranjeriviervallei
Die Benede-Oranjeriviervallei begin by Prieska. Vanaf Prieska is die N10 weereens lank en reguit vir 73 km tot by ’n klein dorpie Marydale. Dan swaai die N10, noord-noordwes vir 59 km, reguit, tot by Groblershoop. Die N10 volg dan die suidelike oewer van die Oranjerivier vir 114 km tot Upington. So ongeveer 20 km na Groblershoop kruis die N10 die Sishen-Saldanha Spoorlyn. In Upington word die N14 gekruis. Upington is ’n bekende oornag sentrum vir die reisiger. Vanaf Upington golf die N10 oor die sanduine, feitlik oos, vir 134 km, tot by Nakop, die grenspos met Namibië. Halfpad word die Moloporivier gekruis. By Nakop eindig die N10, in Namibië word die pad die B3 genoem.
Verwysings
- ↑ (en) Falkner, John (Mei 2012). Suid-Afrikaanse genommerde roetebeskrywing en bestemmingsontleding (Report). Nasionale Departement van Vervoer. Archived from the original on 6 Junie 2014. https://web.archive.org/web/20140606100245/http://www.transport.gov.za/LinkClick.aspx?fileticket=5qOHvOI4KuY%3d. Besoek op 1 September 2014.
Sien ook
Eksterne skakels
Wikimedia Commons het meer media in die kategorie N10 (Suid-Afrika).- Suid-Afrikaanse Nasionale Padagentskap
- Shell Inligtingsblad
