1719

1719
Dr Roman Robinson Crusoe vum Daniel Defoe wird vereffetligt.

Was isch bassiert?

12. Jänner: Di schwedisch Armee unter em General Carl Gustaf Armfeldt bricht d Belagerig vu Trondheim im Große Nordische Chrieg ab un fangt mit em Ruggzug in Richtig Schweden aa. Wu d Armee s Öyfjell iberquert, chunnt e hetfige Schneesturm uf, 3700 vu dr 5800 Mann starken Armee verfriere («Dodesmarsch vu dr Karoliner»).
23. Jänner: Dr Chaiser Karl VI. hebt di boode Grofschafte Vaduz un Schelleberg vum Grof Anton Florian vu Liechtestaa zue me Firschtetum unter em Name Liechtestaa.
25. April: Dr Roman Robinson Crusoe vum Daniel Defoe wird vereffetligt. Dr „erscht änglisch Roman“ isch eso erfolgrych, ass innerhalb vu aim Johr drei Neiuflage, vier dytschsprochigi Ibersetzige um am 20. Augschte ne Furtsetzig vum Wärch erschyne. Au anderi Autore vereffetlige bal sognännti «Robinsonade».
Juni: Z Ängland fangt d Sidseeblotere aa, aini vu dr erschte Spekulationsblotere.
20. Novämber: Im Große Nordische Chrieg schließt Schwede dr Fride vu Stockholm mit em Kurfischtetum Hannover. Schwede dritt gege ne Zahlig vu 1 Million Rychsdaler s Herzogtum Breme un Verden an Hannover ab.
Unter dr Schirmherrschaft vum Chenig George I. wird z London d Royal Academy of Music grindet. Derwylscht dr Johann Jacob Heidegger di chaufmännisch Laitig ibernimmt, wird dr Georg Friedrich Händel musikalische Laiter.

3. September: Johann Heinrich May dr Elter, dytsche lutherische Theolog, Philolog un Historiker

Commons: 1719 – Sammlig vo Multimediadateie