Burgerbibliothek Bärn

Burgerbibliothek Bärn
D Burgerbibliothek a der Bärner Münschdergass
Koordinate	46° 56′ 50,3″ N, 7° 26′ 53,9″ O46.94737.44831
Ort	Bern, Kanton Bern
Bsuecheradrässe	Münstergasse 63, Poschdfach, 3000 Bärn (bis 2016: Hallwylstrasse 15, 3005 Bärn)
Gründig	1951
Alter vom Archivguet	ca. 1000 Johr
ISIL	CH-000031-4
Website	www.burgerbib.ch

D Burgerbibliothek Bärn a der Münschdergass 63 z Bärn isch d Bibliothek und s Archiv vo der Burgergmeind Bärn.

Gschichd und Uftrag

D Burgerbibliothek Bärn sammled und bewahrt wärtvolli und international bedütendi Beschdänd a Manuskript, Archivalie und Bilddokumänte n uf. S gits si sit 1951 und verdankt ihri Gründig der Umwandlig vo der damalige Schdat- und Hochschuelbibliothek (hüt Zentralbibliothek Bärn) in e Schdiftig. Drbi hed me iri Handschriftenabteilig versälbschdändigt, indäm me ne unabhängigi Burgerbibliothek Bärn gschaffe hed. Hüt isch d Burgerbibliothek Bärn en öffentlechs wüsseschaftlechs Archiv.

D Burgerbibliothek Bärn git verschidnigi Schriftereihe use.

Beschdand

Privati, Firmen und Gsellschaftsarchiv

D Burgerbibliothek Bärn umfasst vier Berich. Zu de Privatarchiv ghöre Bärnischi und schwizerischi Nachläss, Familienarchiv, Gsellschaftsarchiv und Firmenarchiv. I dene Beschdänd si d Bärner Chronike, ou die Amtleche Chronike und d Schpiezer Chronik vom Diebold Schilling em Eltere, und Nachläss vo berüemte Lüt wie em Albrecht von Haller, em Karl Ludwig von Haller, em Jeremias Gotthelf, em Albert Anker, em Rudolf von Tavel, em Philipp Emanuel von Fellenberg, em Johann Rudolf Gruner, em Karl Howald, em Ernst Kreidolf, em Rudolf Abraham von Schiferli und em Gottlieb Samuel Studer. Drnäbe hets no Firmenarchiv und Gsellschaftsarchiv.

Bongarsiana/Codices

Und schliesslech hets ir Burgerbibliothek Bärn no d Bongarsiana/Codices. Dä letschti Beschtand a mittelalterleche und früeneuzitleche Codices umfasst öpe 1000 Handschrifte, derzue ghöre öpe 200 Codices us der karolingische Zeit. Der gröschdi Teil vo der Handschriftesammlig got zrüg uf e französische Glehrte und Diplomat Jacques Bongars (1554–1612); däm sini Sammlig isch 1632 nach Bärn cho. Zu de Zimelie vo der Sammlig ghöre u. a. di einzigi erhalteni Handschrift vom Liber ad honorem Augusti vom Petrus von Ebulo (12. Jh.), e rich illuschdrierte Prudentius-Codex (9. Jh.) und verschidnigi Kommentär zum Vergil und em Lukan (9./10. Jh.), wo as Scholia Bernensia bekannt si.

Gmäld, Grafik und Fotografie

D Sammlig umfasst houptsächlech die historischi Topographie vo der Schdadt Bärn, ihrer Umgäbig (bsunders vo de bärner Schlösser und Landsitze), Sujets vo kulturhistorischem Inträsse, e Porträtsammlig, d Dokumentation vo bärnische Porträts und au Nachläss vo Künschdler wie em Friedrich Walthard (1818–1870), em Rudolf Münger (1862–1929), em Rudolf Mumprecht (* 1918) oder em Daniel de Quervain (* 1937).

S Burgergmeindarchiv

In ihrer Funktion as Gmeindsarchiv vo der Burgergmeind verwahrt d Burgerbibliothek Bärn sowohl d Verwaltigsarchiv vo de burgerliche n Irichtige as ou d Archiv vo de burgerleche Gsellschafte n und Zünft.

Literatur

• Die Burgerbibliothek Bern. Archiv, Bibliothek, Dokumentationsstelle. Stämpfli, Bärn 2002, ISBN 3-7272-1220-9 (Feschdschrift zum 50-jährige Jubiläum).
• Schätze der Burgerbibliothek Bern, usegä im Uftrag vo de burgerleche Behörde vo der Schdadt Bärn wäg der 600-Jahr-Fiir vom Bund vo der Schdadt Bärn mit de Waldschdette von der Burgerbibliothek Bärn, Bärn 1953.

Weblink

 Commons: Burgerbibliothek Bern – Sammlig vo Multimediadateie

• Literatur vu un iber Burgerbibliothek Bern in dr bibliografische Datebank WorldCat
• D Website vo der Burgerbibliothek Bärn
• Dr Online-Archivkatalog vo der Burgerbibliothek Bärn

Amerkige

Dä Artikel basiert uff ere fräie Übersetzig vu dere Version vum Artikel „Burgerbibliothek_Bern“ vu de dütsche Wikipedia. E Liste vu de Autore un Versione isch do z finde.