Philippe Gilbert

Philippe Gilbert
	Dr Philippe Gilbert, 2011
Personedate
Geburtsdatum	5. Juli 1982 z Verviers
Nation
Disziplin	Strooss
Fahrertyp	Klassiker-Spezialist
Team
Aktuells Team	OLO
Funktion	Fahrer
Internationali Team
2003–2008; 2009–2011; 2012–	FDJ; OLO; BMC
Wichtigsti Erfolg
	Grands Tours Tour de France 1 Etappe Giro d'Italia 1 Etappe Vuelta a España 2 Etappe Etapperenne Paris–Corrèze (2004) Ster ZLM Toer (2009, 2011) Belgie-Rundfahrt 2011 Klassiker Stroossemäisterschaft vo Belgie 2011 Belgischi Mäisterschaft im Äinzelzitfahre 2011 Amstel Gold Race 2010, 2011 Pfiil vo Brabant 2011 Clásica de San Sebastián 2011 Liège–Bastogne–Liège 2011 Giro del Piemonte 2009, 2010 Giro di Lombardia 2009, 2010 Grand Prix Cycliste de Québec 2011 La Flèche Wallonne 2011 Omloop Het Nieuwsblad 2006, 2008 Paris–Tours 2008, 2009
	Infobox zletzt aktualisiert: 15. Septämber 2011

Dr Philippe Gilbert (* 5. Juli 1982 z Verviers) isch e belgische Velorennfahrer.

Karriere

Dr Philippe Gilbert het si Brofikarriere 2003 bim Team La Française des Jeux aagfange. Scho in sim erste Johr as Brofi het er e Siig gha, won er die nüünti Etappe vo dr Tour de l’Avenir gwunne het. 2004 isch er Siiger bi dr dritten Etappe vo dr Tour Down Under gsi und het Paris-Corrèze gwunne. Im Johr 2005 het er die zwäiti Etappe vo dr Middelmeer-Rundfahrt gwunne, und denn isch er Erste im Gsamtklassemänt bi dr Tour du Haut Var worde. En witere Erfolg isch si Siig bi dr zwäite Etappe vo de Vier Dääg vo Dünkirche gsi. Usserdäm het er d Trophée des Grimpeurs überchoo.

2005 het dr Gilbert zum erste Mol bi dr Tour de France mitgmacht und het dr fümft Blatz bi dr nüünte Etappe ghoolt, won er im Sprint vom Peloton Zweite hinder em Stuart O'Grady worde isch. 2009 het er innerhalb vo nume zäh Dääg (8. Oktober bis 17. Oktober) mit dr Coppa Sabatini, Paris-Tours, em Giro del Piemonte und dr Lombardei-Rundfahrt vier aagsehni Eidgag-Radrenne gwunne, drunder zwäi Klassiker.

In dr Saison 2010 het dr Gilbert dr erst Siig für sini Mannschaft bim Amstel Gold Race gholt. Witeri Erfolg in dere Säson si d Etappesiig bi dr Vuelta a España und bi dr Belgie-Rundfahrt gsi. Er het au no dr Giro del Piemonte gwunne und no einisch d Lombardei-Rundfahrt.

2011 isch dr Philippe Gilbert bim Pfiil vo Brabant Erste worde und wie im Johr vorh'r au bim Amstel Gold Race. 2011 het er, as zwäite Fahrer überhaupt, äins noch em andere die drei Ardenne-Früehligsklassiker Amstel Gold Race, La Flèche Wallonne und Lüttich–Bastogne–Lüttich gwunne und Etappesiig bi dr Algarve-Rundfahrt, em Tirreno-Adriatico und bi dr Monte Paschi Eroica gholt. Er isch au no belgische Mäister im Stroosserenne worde und bi dr Tour de France het er die ersti Etappe gwunne.