Rächeschieber

E Rächeschieber

E Rächeschieber isch en analogs Rächehilfsmiddel zur mechanisch-optische Usfüehrig vo de Grundrächenarte Multiplikation und Division. Je noch dr Usfüehrig chönne au kompläxeri Rächenoperatione gmacht wärde, under anderem Wurzlezieh, Quadratierig, Logarithmus und trigonometrischi Funktione oder parametrisierti Umrächnige.

Rächeschieber bestöhn us eme feste und eme beweglige Deil. Si si im Allgemeine eme Lineal ähnlig, es git se aber au in dr Form von Schiibe. S Prinzip vom ene Rächeschieber bestoht in dr Addition oder Subtraktion vo physische Streckene, wo sich as Skale uf em feste und em beweglige Deil vom Rächeschieber befinde.

Bis zur Erfindig vom Kalkulator und dr wiite Verbreitig vo PCs si Rächeschieber für vili Berächnige in dr Wüsseschaft und dr Technik unentbehrlig gsi und ihre Gebruuch isch uf Schuele, wo uf Brüef in dene Beriich vorbereitet hai, glehrt worde.

Dä Artikel basiert uff ere fräie Übersetzig vu dere Version vum Artikel „Rechenschieber“ vu de dütsche Wikipedia. E Liste vu de Autore un Versione isch do z finde.