Regionalverkehr Bern–Solothurn

Regionalverkehr Bern-Solothurn AG
Basisinformatione
Webpräsenz	www.rbs.ch
Bezugsjohr	2019
Vorstand	Kurt Fluri (VR-Präsident) Andreas Flury (Vizepräsident) Christian Albrecht Beat Giauque Marius Grossrieder Ursula Meichle Severin Rangosch Hans Schatzmann
Gschäftsfüehrig	Fabian Schmid
Beschäftigti	443
Linie
Spurwiiti	1000 mm (Meterspur)
Iisebahn	4
Bus	19
Zahl vo de Fahrzüüg
Lokomotive	50
Omnibus	45
Statistik
Fahrgest	26,2 Mio. pro Jahr
Fahrleistig	5,98 Mio. km pro Jahr
Haltstelle	Bahn: 30 Bus: 220
Lengi vom Linienetz
Iisebahnlinie	53,9 km
Buslinie	149 km
Sustigi Bedriibsiirichtige
Lengi vo de Gleisaalage	53,9 km

Der Regionalverkehr Bern–Solothurn, abgchürzt RBS, isch es Regionalverchersunernähme iner Schwiz. Är betribt vier meterspurigi und mit 1250 Volt Glichspannig elektrifizierti Bahnstrecke ine Kantön Bärn und Soledurn. Alli vier sind in d S-Bahn Bern integriert.

Bahnvercher

Linie	Strecki	Längi
S7	Bern–Worb Dorf	15,1 km
S8	Bern–Jegenstorf	13,6 km
S9	Bern–Unterzollikofen	05,4 km
RE	Bern–Solothurn	33,6 km

Zum RBS ghört o eini vo vier iner Schwiz existierende Streckealage, wo uber es Dreischienengleis verfüege. Einigi Strecketeil und Bahnhöf sind mit der ZSL 90 usgrüschtet.

Druberus ghört em RBS o d äbefalls meterspurig, 9,68 Kilometer lang Bahnstrecke Bern–Worb Dorf. Si isch eng mit der Strassenbahn Bern verchnüpft, isch bis 2010 als Linie G bezeichnet worde und isch mit 600 Volt Glichspannig elektrifiziert; sit Dezember 2010 isch für de Zugvercher nüme d RBS, sondern Bernmobil verantwortlich. Ds Schwesterunernähme vom RBS isch der Busbetrieb Solothurn und Umgebung (BSU), wo der Stadt- und Regionalbusvercher in der Region Solothurn betribt. RBS und BSU teile sich d Direktion. Aktionäre sind der Bund (31 %), d Kantön Bärn (35 %) und Solodurn (8 %), Bärner Gemeinde (3 %), d Stadt Solodurn und Solodurner Gemeinde (je 1 %), Bernmobil (15 %) und Privati (6 %).

2014 isch der RBS nach de ISO-Normen 9001 (Qualitätsmanagementnorm), ISO 14001 (Umwelt) und 18001 (Occupational Health and Safety Assessment Series) zertifiziert worde.

• 
  RBS-Vorortszug ds Unterzollikofe
• 
  Triebzug vom Typ ABe 4/8 in Fraubrunnen.
• 
  D mitti 2018 abglifert Worbla bi Vechinge.

Gschicht

Der RBS entsteit zum 1. Januar 1984 us der Fusion vo de Vereinigte Bern-Worb-Bahne (VBW) und der Solothurn–Zollikofen–Bern-Bahn (SZB) und befindt sich zu 94 Prozent im Eigetum vom Bund, der Kantön und de aligende Gemeinde.

1999 isch der Güetervercher zwüsche Zollikofe und Deisswil sowie 2000 derjenige zwüsche Solodurn und Fraubrunne der Verantwortig vo SBB Cargo übertrage worde. Die stelle d Bedienig mit Rollböck schliesslich Endi 2003 ii. Einzig d Bedienig vom Betonwerch ds Worblaufe sowie vo der Karton Deisswil AG mit ere SBB Bm 4/4 über ds Dreischienegleis Zollikofen–Worblaufen–Bolligen–Deisswil isch erhalte blibe. D Kartonfabrik Deisswil stellt ihre Betrieb nah de Osterferie 2010 ii, wo sich d Güeterbedienig uf Fahrte zum Betonwerch Worblaufe beschränke. Da dise Ufwand nüme z rächtfertige gsi isch, stricht d SBB Cargo de Bedienpunkt und so isch der Güetervercher im Worbletal im Dezember 2012 ganz igstellt worde. D Dreischienegleisalag blibt bis zum Betonwerk Worblaufe für dienstlichi Zwäck (vor allem Schottertransport) erhalte.

Der stetig Usbau und d Verdichtig vom Fahrplan het zu ere starche Fahrgastzuenahm gefüehrt. Uf der Schiene wärde jährlich rund 18 Millione Passagier befördret.

RBS-Bahnhof Bärn

Charte zur Lag vom neue RBS-Bahnhof Bärn und Zuegangstunnel

Der RBS-Bahnhof Bärn isch 1965 eröffnet worde und isch ursprünglich für 16'000 Persone usgleit worde. Hüt passiere ihn bis zu 60'000 Persone täglich. Mitem Usbau vom Fahrplan 2014 het der hütig RBS-Bahnhof sini Kapazitätsgränze erreicht. Das heisst, der RBS chan när wäder de Fahrplan witer verdichte no mit längere Züg fahre. Gmeinsam mit der SBB und BLS verfolgt der RBS ds Projekt «Zukunft Bahnhof Bern», um en Entlaschtig für de Bahnhof Bärn z erreiche.

3D-Übersicht Neue RBS-Bahnhof Bärn

Geplanti Massnahme

Im Rahme vom Projekt «Zukunft Bahnhof Bern» sind uber zwänzg Um- und Usbau-Variante für de RBS-Bahnhof erarbeitet und untersucht worde. D Variante vome neue RBS-Bahnhof underem bestehende SBB-Bahnhof isch schliesslich gwählt worde. Plant isch en viergleisige RBS-Bahnhof, wo unterhalb vo de Gleis 2 bis 7 vom hütige SBB-Bahnhof z lige cho soll. Der neu Bahnhof soll us zwei grosse unerirdische Rum mit je zwei Gleis und eme 12 Meter breite Mittelperron bestah. D Perron-Ebeni soll mit de RBS-Gleis rund 17 Meter unere SBB-Passage (Houpt- und Westpassage) lige. D RBS-Verteil-Ebeni soll de Zuegang zum Fern- und S-Bahnvercher und zur Stadt gwährleiste.

D Äbene sölle mitenander durch Rollträppe und Lift verbunde wärde. Als Zuegang isch en neue, 700 Meter länge, zweigleisige Tunnel plant, wo usem bestehende RBS-Schanzetunnel abzweigt. Diese neu Tunnel soll witgehend unerem Strasse- und Bahnareal verloufe. Der unerem Länggassquartier verloufend RBS-Tunnel wird ufgä. Mit der Realisierig vom neue Bahnhof wird der Bahnbetrib im hütige RBS-Bahnhof ufgä. Der Rum wird somit frei für en anderswitigi Nützig.

Der Baubeginn für de neu RBS-Bahnhof isch 2017 gsi, d Eröffnig isch für ds Jahr 2025 plant.

Tramlinie 6

Ds blaue Bähnli vo der Tramlinie G ader ehemalig Endhaltestell Bern Zytglogge, 2009

D neu Endstation Fischermätteli vo der Linie 6

D ehemalig Linie G isch zum Fahrplanwächsel im Dezember 2010 Bernmobil übertrage worde, wo si mit ihrer ehemalig Linie 5 zur neu Linie 6 verchnüpft het. Dermit isch en Tram-Durchmesserlinie vo Bärn Fischermätteli über de Bahnhof Bern uf Worb entstande. Wil d bestehende nün Tramzüg vo der RBS (Be 4/10) ned länge, müesse einigi Combinos (Be 6/8) vo Bärnmobil an d Aforderige vom Isebahnbetrib apasst wärde. Defür sinds under anderem mit Zugsicherig, Zugfunk und Signalpfeife usgrüschtet worde. Der RBS fahrt mit sine Tramzüg und Tramfüehrer im Uftrag vo Bärnmobil, Bärnmobil-Personal fahrt d Combinos sowie paar Leischtige uf de RBS-Be 4/10. Bim Betrib vo der Infrastruktur giz es kei Änderige.

Buslinien

MAN-Bus vom RBS im Jahr 2007 ds Bolligen

Mercedes-Benz Citaro im orange Astrich ds Burgdorf

Der RBS betribt näbe de Bahnstrecke elf Buslinie ds Bern und Umgebig und acht witeri Buslinie im Grossrum Lyss–Bucheggberg–Jegenstorf. D Nummerierig isch abgestimmt uf de Tarifverbund Bern-Solothurn.

Linie	Strecki	Bemerkig
8	Solothurn – Büren an der Aare
33	Ittigen Talgut – Altikofen – Worblaufen – Reichenbach – Bremgarten	Nur Mo–Sa
34	Unterzollikofen – Hirzenfeld	Abends bis Bern Bahnhof, anstelle S9
36	Breitenrain – Worblaufen – Zollikofen – Münchenbuchsee	Mo–Fr Abends, sowie Sa–So nur Zollikofen – Münchenbuchsee
38	Schönbühl – Bäriswil – Mattstetten
40	Kappelisacker – Papiermühle – Schosshalde – Egghölzli – Muri – Allmendingen / Sonnenfeld
41	Zollikofen – Kappelisacker – Papiermühle – Breitenrain	Nur Hauptverkehrszeiten sowie mittags (Mo–Fr)
43	Ittigen Bahnhof – Kappelisacker – Ittigen Bahnhof	Orts-Ringbuslinie, Mo–Sa
44	Bolligen – Ostermundigen – Gümligen
46	Bolligen – Habstetten
47	Bolligen – Mannenberg
48	Papiermühle – Kappelisacker – Lutertal – Habstetten – Bolligen Bahnhof	Abendkurse anstelle der Linien 40/43/46/47
362	Lyss – Schnottwil
363	Lyss – Grossaffoltern – Bätterkinden
367	Ortsbus Lyss	Nur Mo–Sa
368	Ortsbus Lyss	Nur Mo–Sa
871	Wengi b. Büren – Jegenstorf
884	Bätterkinden – Utzenstorf – Koppigen	Nur Mo–Sa zu den Hauptverkehrszeiten
898	Büren an der Aare – Zollikofen

Fahrzüg

Be 4/10 Worbla uf der InnoTrans 2018 ds Berlin

RABe 4/12 NExT ds Worblaufe

Dreiteilige ABe 4/12 Seconda im unerirdisch Bahnhof Bärn RBS

Dreiteilige Be 4/12 Mandarinli ds Worblaufe

Muritram Be 4/10 bi Worb

Linievercher

Triebwage/Triebzüg

• 14 Be 4/10 01–14 (2018–2019) worbla

Isatz: S7, S9, S7 Zuesatzzug Bolligependel und morgentliche Zuesatzzug Fraubrunnenexpress FBEx (gefüehrt mit worbla oder Seconda)

• 14 RABe 4/12 21–26 (2009/2012–13) NExT,

  RABe 4/12 27–34: Nahbauserie

  Isatz: RE Bern–Solothurn

• 11 ABe 4/12 62–72 (1991–1993), La Prima, Primeli; Isatz früecher: RE Bern–Solothurn

  Be 4/8 62–64 (1993), 2002 durch Zwüschewage zu ABe 4/12 verlängert

  ABe 4/8 65–72 (1992), 1994/1995 durch Zwüschewage zu ABe 4/12 verlängert, ab 2010 Modernisiert

  Modernisierig/Umbau zu Be 4/12 Seconda; 70 und 72 (2010), 66 (2012), 62–65, 67–69 und 71 (2013)

  Isatz: Linie S8, S9, Zuesatzzug Fraubrunnenexpress (FBEx) sowie vo August 2021 - ~April 2022 als Mischtraktion mit RABe 4/12 (wege ZSL-Ersatz in de 'NExT)

• 2 (vo 21) Be 4/8 56 und 57 (1974/1977–1978); Mandarinli; früecher Isatz: S7

  durch Niderfluer-Zwüschewage B 41–56 (2001–2002) zu Be 4/12 verlängert; Be 4/8 44 2011/12 abbroche, Be 4/8 41, 42, 45, 46, 48 2013 abbroche, Be 4/8 49 2016/17 abbroche, Be 4/12 47, 50-55, 58 2019 abbroche, Be 4/12 59-61 2019 usrangiert und abgstellt. 41 42 44 45 46 48 49 47 50 51 52 53 54 55 58 59 60 61

• 9 Be 4/8 81–89 (1987–1988); Muritram

  2010 Umbau zu Be 4/10 (Ibau vome Niderfluermittelteil vo Stadler

  Isatz: Bernmobil-Linie 6

Traktore

• Xm 1/2 152 (1990/2002); Stopfmaschine; Worblaufe
• Xaf 2/2 153 (2006); Worblaufe Depot 4
• Tm 2/2 162 (1932/1967, Umbau 1972/76); ex. SBB Tm 492 (Brünigbahn); Werkstatt Solothurn
• XTmf 3/4 163 (2018) Plasser&Theurer, Elektrodienst
• Tmf 2/2 165–166 (1996); Bahndienst
• Tmf 2/2 167-168 (2010) Schöma ("Max" und "Moritz"); Bahndienst
• Tmf 2/2 169 (2017) Schöma ("Emma"); Bahndienst

Wage

• diversi Dienstwage und Rollböck

Museumswage

Zrug zur Restaurierig ds Solothurn: MOB-Tribwage BDe 4/4 36, ehemals VBW BDe 4/4 36, ehemals WT CFe 4/4 101, hie 2003 in Blonay

Tribwage

• Bre 4/4 1001 (1916, Umbau 1959 und 1987); ex. Bre 4/4 1, ex. SZB CFe 4/4 11; Pendler Pintli; Letzte Planisatz bis Dezember 2009 Linie S7 (Bolligependel)
• CFe 4/4 1011 (1916)

  Umbau 1956 zu BDe 4/4 24; Restauration 1991 zu CFe 4/4 11; „Hoschtet Schnägg“

• BDe 4/4 36 (1913; Umbau 1951); ex. WT CFe 4/4 101; 1988: Verchauf an Montreux-Berner Oberland-Bahn; 21. November 2007: Rückcher ufs Netz vom RBS. Der Verein Ds Blaue Bähnli und der RBS het de Tribwage innert sechsehalb Jahr wider in de VBW-Zuestand zrug versetzt und im August 2013 zum 100 Jahr-Jubiläum vo der Worblentalbahn wider in Betrib gno.

Stür- und Personewage

• C4 61 (1916); passend zu CFe 4/4 11 „Hoschtet Schnägg“

Ususrangiertes Rollmaterial

Der vo de Berner Oberland-Bahn kouft ABt 204, bim Bahnhof Zweilütschine abgstellt.

Tribwage

• Be 4/8 44 ex VBW (1974): 2011 usrangiert und abbroche
• Be 4/8 41, 42, 45, 46 ex VBW; 48 ex SZB (1974): 2013 usrangiert und abbroche
• Be 4/8 49 ex SZB (1974): 2016/17 abbroche
• Be 4/12 47 ex VBW (1974), 50-52 ex SZB (1974), 53-55, 58 ex SZB (1977) 2019 abbroche (inklusive Mittelwage vo 2001/02)
• Be 4/4 3 ex SZB BCFe 4/4 3 (1929, Umbau 1955 und 1989): 2005 usrangiert und abbroche
• BDre 4/4 4 ex SZB ABFe 4/4 4 (1950, Umbau 1981): 2005 usrangiert und abbroche
• BDe 4/4 5 ex SZB BCFe 4/4 5 (1950): 1995 usrangiert und abbroche
• BDe 4/4 6 ex SZB BCFe 4/4 6 (1950, Umbau 1981): 2009 usrangiert und Abgab an de Tramverein Bern (TVB) wo de in Aarberg ilagert
• BDre 4/4 21 bis 23 ex SZB CFe 4/4 21 bis 23 (1955, Umbau 1983–1986): 2005 usrangiert und abbroche
• Be 4/4 74 ex VBW Be 4/4 43 (1961): 1997 Verchouf an d Meiringen-Innertkirchen-Bahn; 2007 Abbruch (Rückcher zum RBS als historische Tribwage wege z hohe Choschte für d Asbestsanierig gscheitret)

Gepäcktribwage

• De 4/4 101 ex SZB Fe 4/4 35 (1961): 2011 usrangiert und abbroche
• De 4/4 102 ex SZB Fe 4/4 36 (1965): 2006 usrangiert und abbroche
• De 4/4 103 (1975): 2007 usrangiert und abbroche
• De 4/4 105 ex VBW Fe 4/4 60 ex Ge 4/4 (1924, Umbau 1959): 1999 usrangiert und abbroche

Lokomotive

• Ge 4/4 111 ex VBW Ge 4/4 61 (1927) AEG, für Schneerumig (Linie 6) stationiert ds Worb, sit April 2019 ds Worb Dorf bzw. ab November 2019 ds Solothurn remisiert. Occasion 1957 vo de Hagener Straßenbahn (Deutschland) übernoh. Si isch da als Lokomotiv Nummer 1 uf der Kleinbahn Haspe–Voerde–Breckerfeld unerwegs gsi, 2022 an Bergisches Straßenbahnmuseum abgä.
• Ge 4/4 112 ex VBW Ge 4/4 62 (1927) AEG, für Schneerumig, sit 2018 ds Solothurn remisiert, 2021 an d Elektrische Tatrabahn, Tatranská elektrická železnica (TEŽ), abgä. Occasion 1967 vo der Hagener Straßenbahn (Deutschland) überno. Si isch da als Lokomotive Nummer 3 uf der Kleinbahn Haspe–Voerde–Breckerfeld unerwegs gsi.
• G(e)m 4/4 121 (1912); für Fahrleitigsprüffahrte (zum Frostschutz), sit 2016 ds Solothurn remisiert
• Gem 4/4 122 ex SZB Fe 4/4 33 ex 21 (1916): 1996 usrangiert und Verchouf an La Traction

Traktore

• Xm 1/2 151 (1910, Umbau 1925/66); Tramremise Worb, 2018 uf Tschechie abgä
• Tm 2/2 161 (1966/2002); ex. SBB Tm II 596 (Brünigbahn); Werkstatt Worbbode, 2017 an d Balleberg-Dampfbahn abgä

Stürwage

• ABt 201–202, passend zu de Tribwage 1 bis 6 und 21 bis 23; verchouft an de LSE, hüt Zentralbahn ABt 931–932
• ABt 203-207, passend zu de Tribwage 1 bis 6 und 21 bis 23; verchouft an d Berner Oberland-Bahn (BOB) als ABt 411–415
• Bt 211 bis 216 und 223, passend zu de Tribwage 1 bis 6 und 21 bis 23: 211 und 213 verchouft an Bayerische Zugspitzbahn, igrichtet zur Fernstürig vom Beh 4/4 309 ex BOB ABeh 4/4 309
• Bt 221 bis 222 (1954); passend zu 1–6/21–23, nach Ibau ZSL-90 nur no zum Bre 4/4 1; bis Dezember 2009 Linie S7 (Morgespitze)
• Bt 232; Wagenkasten ds Münsinge no vorhande

Wärbefahrzüg

• Be 4/8 56

  1997–2001: Swisscom (Farbe: blau-wiss)

• Be 4/12 56

  2001–2005: Valiant Bank (Farbe: violett-wiss)

• Be 4/8 81

  2001–2004: 1to1 (Variante 1; Farbe: wiss)

  2004–2007: 1to1 (Variante 2; Farbe: wiss-blau-gelb)

• Be 4/8 89

  2006–2008: Gerber AG, Münsingen (Farbe: gelb-braun)

Literatur

• Claude Jeanmaire: Die Überlandbahnen von Bern nach Worb. Geschichte und Rollmaterial zweier Berner Vorortsstrecken. Verlag für Eisenbahn- und Strassenbahnliteratur, Basel 1971, ISBN 3-85649-011-6.
• Peter Willen: Lokomotiven der Schweiz 2. Schmalspur Triebfahrzeuge. Orell Füssli Verlag, Zürich 1972, OCLC 313719414.
• Theo Stolz, Paul Bucher: Solothurn-Zollikofen-Bern-Bahn. Geschichte und Rollmaterial. Solothurn-Zollikofen-Bern-Bahn, Worblaufen 1979, DNB 890311986.
• Fritz Bandi: Die Schweizer Privatbahnen. Band II, Avanti Verlag, Neuenburg 1979.
• Peter Scheidegger, Hans Wägli: Bahn und Bus verbinden Stadt und Land. Der Regionalverkehr Bern–Solothurn stellt sich vor. RBS Regionalverkehr Bern–Solothurn, Worblaufen 2007.
• Jürg Aeschlimann: Regionalverkehr Bern–Solothurn; Teil 1: Linien G und W. Prellbock Druck & Verlag, Leissigen 1998, ISBN 3-907579-07-0.
• Christian Siposs: Transparent Anschriften. ohne Verlag, Jegenstorf 2007.
• Regionalverkehr Bern-Solothurn (Hrsg.): Rollmaterial, Fahrzeugbeschreibungen und Typenskizzen. Ohne Verlag, Worblaufen 2009.
• Hans G. Wägli: Bahnprofil Schweiz '05. Diplory Verlag, Grafenried 2004, DNB 972778233.
• Hans G. Wägli: Schienennetz Schweiz/Réseau ferré suisse – Bahnprofil Schweiz CH+/Le rail suisse en profil CH+. AS Verlag, Zürich 2010, ISBN 978-3-909111-74-9, DNB 1007410620

Links

 Commons: Regionalverkehr Bern–Solothurn – Sammlig vo Multimediadateie

• Offizielle Website vom RBS
• Gschicht vo der Bahnstrecki Solothurn-Bern