Cape Town
Cape Town (開普敦)
[mikawit | o yin-se-ma no pisinanot]Cape Town (Inkiris: Cape Town, South Africa sowal: Kaapstad [ˈkɑːpstat], Xhosa sowal: IKapa), manga’ay sowalen o Cape Point maci[6], Corner maci[7]ano eca Cape niyaro’, saka tosa ’alomanay tamdaw a maci i South Africa, o niyah pikowan a sakapot ta’akay tokay a Cape Town maci, no kaetipay Cape kanatal a tada ta’akay a maci. Cape Town o ta’akay niyaro’ a pitelekan to rikec no South Africa, orasaka kalomaocan ato adihayay kasasiromaroma no sifo citodongay ira itini. Oni a niyaro’ oci makapahay a tataparan a nengnengen ato cinganganay a minato, katengilan a ngangan a sowal to lalekoan “o pitahekaan no Kawas” a parar a lotok, no Inyoyang ato Tasiyang a a kacacofelisan no riyar a Cape point. O Cape Town tona makapah ko tataparan ato liyok no palapala a kasasowalen o samakapahay a paniyaro’an i hekal, o cecay a pirarakatan i South Africa.
Sa’ayaw noni a maci o mitaliyokay to minato ko sakacomahad, nawhani nai Netherland pasayra i Kawaliay Afroa, Into ato Asia a kalali’acaan no tamina o mamita’elif itini a miceroh to dafong, hala:fin ito mala o pipacararan no Europe tamdaw kona katimolay no Sahara Afria faniyot a niyaro itini. Ikor Europe a tamdaw patireng to cangra to saka cecay parana’an no sofitay a Castle of Good Hope (Nga’ayay pikecoran a niyaro’), ’ayaw no kaitira i Johannesburg patireng ato Transva manengneng ko adihayay tada^ekim ato mali^emiay fokeloh tiraan i, katimolay no Africa faniyot o Cape town ko sata’akay a maci.
I South Africa ko saka tosa a katayalan a hikokiciw i o Capa town - Capa town kasakitakit hikokiciw, o pakayraan no icowacowaay mirarakatay a tayni i South Africa.
Midotoc i 2007 mihecaan i polong no kitakit no South Africa micalap to tamdaw a tilid, i Cape Town ira ko 350 ’ofad ko tamdaw. O dadahal no pala a sera ira ko 2,499 pinfang kongli[8], patinako to roma a maci no South Africa a ikaka ko dadahal, matakal ko kasacekcek no tamdaw (1,158/pinfang kongli) [8].
Likisi (歷史)
[mikawit | o yin-se-ma no pisinanot]I ’ayaw no kacitilidan a ta’asan (史前)
[mikawit | o yin-se-ma no pisinanot]I 1486 mihecaan, o Portugal a pakataminaay a tamdaw ci Bartholomew Diaz sa’ayaway a rakat a tilid nira to Cape Town a niyaro’ [9]. Nikawrira i ’ayaw noni, awaay ho ko nitiliday to likisi no Cape Town. Nikawrira, karkar i han ko malafokeloh a ma’oripay a losid ato nipikingkiwan a mapahapinang i ’ayaw itini iraay to ko ma’oripay tamdaw itini tina sera[10].
Sa’ayaway maro’ay itini tina sera a tamdaw salongan manengneng i ’ayaw ni Yis to 10 ’ofad mihecaan o fokeloh ko sakadademak a to’asan. Milakec cangra to kaki^etecan a to’as romi’ad, nikawrira itiya i kacinanom i sararem no aniniay to 120cm ko po^ener, nawhani matongal ko kaso^emet, ikor o dafdaf no Capa rara: sato maledef to ko kilakilng, sakangedaw sato ko rengorengos. Roma i, i nano ka’ayaw ni Tis to 8000 mihecaan kaciseraan i malafokeloh a ma’oripay a losidan, pahapinang to itiniay finawlan itiya to mafana’ misanga’ to pana’ ato ’idoc sapi’adop. Ikor no 6000 mihecaan, pinapina maro’ay i laloma’ay niyaro’ a tamdaw malinah a tayni maro’, saka mapacomod ko sakamaomah a fana’, patoror to itiniay tamdaw miteka maomahay ito ko saka’orip[11].
Patireng to niyaro’ (建城)
[mikawit | o yin-se-ma no pisinanot]Sarakatay tahini a Europe tamdaw i 1486 mihecaan ci Dias ko mikeriday a tangasa. Ikor, o Portugal pakataminaay ci Vasco da Gama i 1497 miheca micowat to nai Europe tangasa i Asia a rakat calay fatad micafer pacarcar itini. Roma, o parar a lotok o cecay a Portugal pakataminaay ci António de Saldanha ko mipanganganay, o sasowalen “Masangoso’ay a parar (Taboa da caba)”. I ’ayaw noni, o nia lotok a nano ngangan o itiniay a Khoi finacadam tamdaw panganganay o lotok no riyar (Sea Mountain，Hoeri 'kwaggo) [12].
O Cape Town ato Europe masasiketay i 1652 mihecaan. O sinciw (kakeridan no tamina) no Netherland ci Jan van Riebeeck ato roma niocoran no Netherland kawaliay Into a kosi (East India company) matayalay a tayni, patireng to maraayay rakat i Asia a picaferan picerohan no tamina. Toloay tamina nangra i 1652 miheca 4 folad 6 romi’ad tangasa itini[13], ranikay patireng to kamaro’an, pisadatengan ato pisalosayan, onini a pisadatengan a liyok ira ho taha matini anini a kosi pahanaan (Company Gardens).
Roma i, o nai parar a lotok malikelonay a tingalaway ’alo a nanom (Fresh River) mapalalan a lokiyolan to nanom malo sapipananom to nipalomaan, o nipalomaan a kinaira saka fafalifalic to no itiniay a Khoi finacadam tamdaw to siri ato kolong, itira haca i kawali katimol no parar a lotok ato Hout a kasangoso’ a kilakilangan ko pipatireng to loma’ ato tamina padamso to ma’edengay sapatorod a kilang.
Matiniay, kawaliay Into a kosi (East India company) misadefak to polong no kalali’acaan a demak, milalang to kalali’aca no tekedan. O Netherland a tamdaw mipangangan to no finacadan cangra, tinako itiniay a milafelay pakaen to ’a’adopen a finacadan o Hottentots a tamdaw a han, oya maro’ay i lilis no riyar ’etal mitokoay ko saka’orip finacadan o Strandlopers tamdaw ihan, ato mi’a’adopay ko saka’orip a finacadan i o Bushmen tamdaw (o sasowalen to maro’ay i mademetay pala a tamdaw.)
Sa’ayaway manengneng ko Asia tamdaw malinah tayni i pasatimol i 1654 mihecaan, oni mafolaway saheto o mapalafacay itini Africa kasafaniyot no Neherland Dutch Batavian High Court (hoying) [14]. O nia Asia tamdaw malekapot to macengelay tamdaw no Cape (Cape Coloured) sanay a finacadan, pataynien naira ko Islam itini. O sa’ayaway misadadahal to ’a’ecocen a sera nai 1657 miheca, itiyaay a kawaliay Into a kosi (East India company) pakayra toya Liesbeeck ’alo mililisay iriyar a omah palalikelen ko satofangan a maomah, mipatongal paloma to sakaira no omah, nikawrira oyaan to miterek to kinaira a payso ko kacitodong mikowan.
Oya mihecaan, sa’ayaway nai Java ato Madagascar a mapacomod a mafadesay miteka pakatayal i cngraan. I 1658 miheca, o Europe tamdaw miteka ato itiniay yincumin masasiwtoc to saki’a’ecoen a sera, macefis nangra ko sera no Xhosa finacadan tamdaw. Ikor, i 1666 mihecaan o Europe tamdaw miteka i Van Riebeeck patireng to no kilang miliyaw patireng to kamaro’an no sofitay a Castle of Good Hope (Nga’ayay pikecoran a niyaro’), oni pikecoran i 1679 miheca mipasarayan, o samatelangay a nipatirengan i South Africa a loma’[15].
I 1679 miheca, o sa’ayaway niocoran no Netherland a congto ci Simon van der Stel tangasa i Cae Town, mikotay ci Van Riebeeck mala kakeridan no itiniay[16]. Misa’icel cingra mipaloma to pisafadiso’so’an ato pisa’epahan, onian a kinaira mapatireng ko tadamaanay tatenaan. Oroma i, misa’icel cingra misadadahal to nicingcingan sera no kalangangan ato ’a’ecocen. I 1688 miheca, sa’ayaway caayay ko no Netherland a mafolaway tayni i Cape Town, cangra i o nai France miliyangay to fa^elohay Kristokiw a mitooray (Protestant) a onto makari’angay a Huguenots mitooray. Kawaliay Into a kosi (East India company) padamso i cangraan t kamaro’an atokamaomahan a sera, cangraay ko misatadamaanay to kacowat no piso’epahan i ikor[17].
Nanoya kadadoedo no mafolaway nai papotal, tangasa i 1754 mihecaan nai papotalay tamdaw i Cape Town ira ko 5,510 tamdaw a Europe tamdaw ato 6,729 tamdaw no malafadesay[18]. Nikawrira i 1780 miheca, o Inkiris ato France miteka cangra malalood, o mikapiay a France to Netherland mikapot tina lalood, saka mipaocor ko France to cecay a sofitay tayni i Cape Town mipadang to mamisimaw[18].
Nikawrira ikor a sofitay i 1784 miheca mapapihawat, o France i 1795 miheca micalap to Netherland, mala sakatalawan no Netherland kawaliay Into kosi (East India company) to paysoan. Itiya, patireng to no Netherland Batavia nipatatekoan kitakit a wawa no hongti no Netherland ci Prins van Oranje (William 5) milaliw tayra i Inkiris mikilim to sadipot. Onini a demak malo sakaira no pakayraan no Inkiris a sakanga’ay. Itiya i, caay kakimeto no sapiparatoh a sinpon, o sinpon no Europe kakaya’ay ko romi’ad ta mayakyak tangasa i Africa a faniyot. Onini sai, kakeridan no Cape Town caay kafana’ to saki Europe a demakan, o kafana’an dengan o picefis no France to sera no Netherland, orasaka alatek i kalaloodan mafalic mocirid ko no Netherland. Itiyaan, o sofitay no Inkiris mihawikid to nano nitilidan no wawa no hongti no Netherland ci Prins van Oranje (William saka 5) patorodan tilid salongoc to i Cape Town a sofitay to sapidipot. Itiya macacolicoli ko malatapangan no Cape Town o papaso’elinen cangra hakiya saan, o Inkiris talifahal sa milood to “Battle of Muizenberg” a malaheci ko picalap to Cape Town, nanoyaan mihapiw to Cape Town a mala o pakoniraan to ko minato[19].
I ngataay to’asan (近代)
[mikawit | o yin-se-ma no pisinanot]Midotoc to France ato Inkiris a kasasinga’ay katatelekan, o Cape Town i 1802 miheca patatikolen i kamay no Netherland. Nikawrira, ikor no 3 miheca o nia tosaay kitakit miliyaw malalood, o sofitay no Inkiris maocor a patayra i Cape Town. Nikawrira, toni a romi’adan malo sakacowat malamaci ko Cape Town itiya (o ngangan no Cape Town to Inkiris “Cape Town” a “Town” niyaro’ sanay), ta’akay mamangay lalan miteka maselen ko cicir no nanom, miteka macowat mapatureng ko maci.
Roma, mitelek cangra to sakimalafelay a rikec, mapatangic ko itiniay a yincumin niyaro’ mido’edo to telek sapaliyas to sera a pakamaro’an, i caay ka pihaydaan tatiih milonok milinah. O Inkiris ato France a kalalood i 1814 miheca o Inkiris ko pakalowiday a paherek. mitelek ko Inkiris to cecay a tatonekan saka’ga'ay naira papayso mi’aca to romaroma a kitakit sakacisera. O nihaenan no Inkiris ta’akay payso mida’oc ma’aca ko Cape Town.
Itiya, o nengneng no Inkiris to Cape Town sakidemak a mikowan o sapi’emetay nangra to Into a parana’an. Itiyaay a Netherland a sifo pakayni i kalalood a macara, tadanca to ko sakipayso, samaanen sa hayda sato to tatonekan, nikawrira mahayda cangra to kanga’ay i Cape Town mipacarcar mipasanga’ to tamina ato miceroh to dafong.
Roma i, I 1809 miheca a mitelekan nangra to sapakamaro’ to malafelay a rikec miliyaw tina rikec i 1829 mihecaan mapalasawad. Naniya, nanoya malafelay kopakaenay finacadan a Huttudo finacadan amdaw itiya malecaday to o Europe tamdaw ko todong. I 1834 miheca, pipakonira to nisafadesan, salongan ira ko 39,000 tamdaw to nia mapalasawad ko lafades a ngangan. pipakonira to mafadesay mapalowad to ko itiniay nano Malay muslim a niyaro i maci kaysing i Cape Towm (City Bowl) mapatireng ko Malay Bo-Kaap. Oya miheca, mapatireng ko pirikecan kalomaocan i Cape Town[20].
I likisi no South Africa ira ko cecay a tadamaanay a demak i 1836 mihecaan a kalafelan (Great Trek), itiya salongan ira ko 10,000 a laloma’an no Netherland kasasiroma no harateng pasa’amis mikilim to fa^elohay kamaro’an a sera, nanoya macowat to ko i kasa’etalay no kitakit. Ikor i 1840 miheca mapatireng ko niyah pikowan no Cape Town, itiya polong no maci ira ko 20,016 a tamdaw, ira ko 10,560 fohecalay tamdaw[21].
Misiiked to ko South Africa itiya, o Cape Town malakaolahan a pirarakatan, nikawrira itiya to a ira ko sakalatiih no syakay. I polong no hekal o sakasaay ko sasipatayay a demak i Cape Town, oroma sato o AIDS adada, miladesay adada ato ciraraway to sawarak a iyo demak kararimaan no Cape Town.
Palapala (地理)
[mikawit | o yin-se-ma no pisinanot]Kasakowan to sera ato kasasiroma no romi’ad (地形與氣候)
[mikawit | o yin-se-ma no pisinanot]O kasa’etal no Cape Town i paka’amis a latosa a kasangoso’. O lotok no pala ’akawang po^ener, maliyok no tomirengay a tono’, matiya o kaysing, o reping ira ko Kawasan look (Devil's Peak) ato tangal no laon lotok (Lion's Head). I latosa a kasangoso’ ira pasayra to Tasiyang a tokos, o nga’ayay sakecor (Cape Point) ko patolasan.
Latosa a kasangoso’ ira ko masatenokay riyar (the mediterranean) a kasasiroma no romi’ad, masapinang ko lasepat. Kasi^enawan i saka 5 folad tangasa 8 folad no miheca, o’ol a fali ato nai took ’adiyoc nai Tasiyang a kadefahay a nanom, salongan a hemhem dengan 7°C. kaciherangan nai 11 folad tangasa roma miheca 2 folad, mahemhem ko romi’ad a fo’edas, salongan a falawfaw i 26°C. roma o kasasiroma no lotok, kasasi’etal masasiroma ko ka’orad[22].
Itini latosa a kasangoso’ nano kaetipay no Cape Town o katimolay Tasiyang o nai faleday a nipi’enecan, masapinang kokaetip katimolay a kiemelay fali, o makaditay a fali maiyof to, o itiniay a tamdaw to na kiemelay fali o “ising no sangoso’” (Cape Doctor).
| Cape Town（1961–1990） | |||||||||||||
| Folad | 1 | 2 | 3 | 4 | 5 | 6 | 7 | 8 | 9 | 10 | 11 | 12 | miheca |
| Likisi safa’edet
°C (°F) |
39.3
(102.7) |
38.3
(100.9) |
42.4
(108.3) |
38.6
(101.5) |
33.5
(92.3) |
29.8
(85.6) |
29.02
(84.24) |
32.0
(89.6) |
33.1
(91.6) |
37.2
(99.0) |
39.9
(103.8) |
41.4
(106.5) |
42.4
(108.3) |
| Salongan fa’edet
°C (°F) |
26.1
(79.0) |
26.5
(79.7) |
25.4
(77.7) |
23.0
(73.4) |
20.3
(68.5) |
18.1
(64.6) |
17.5
(63.5) |
17.8
(64.0) |
19.2
(66.6) |
21.3
(70.3) |
23.5
(74.3) |
24.9
(76.8) |
22.0
(71.6) |
| Romi’ad fa’edet
°C（°F） |
20.4
(68.7) |
20.4
(68.7) |
19.2
(66.6) |
16.9
(62.4) |
14.4
(57.9) |
12.5
(54.5) |
11.9
(53.4) |
12.4
(54.3) |
13.7
(56.7) |
15.6
(60.1) |
17.9
(64.2) |
19.5
(67.1) |
16.2
(61.2) |
| Salongan ki’etec
°C（°F） |
15.7
(60.3) |
15.6
(60.1) |
14.2
(57.6) |
11.9
(53.4) |
9.4
(48.9) |
7.8
(46.0) |
7.0
(44.6) |
7.5
(45.5) |
8.7
(47.7) |
10.6
(51.1) |
13.2
(55.8) |
14.9
(58.8) |
11.4
(52.5) |
| Likesi
ki’etec °C (°F) |
7.4
(45.3) |
6.4
(43.5) |
4.6
(40.3) |
2.4
(36.3) |
0.9
(33.6) |
−1.2
(29.8) |
−4.3
(24.3) |
−0.4
(31.3) |
0.2
(32.4) |
1.0
(33.8) |
3.9
(39.0) |
6.2
(43.2) |
−4.3
(24.3) |
| Salingan
’orad mm |
15
(0.6) |
17
(0.7) |
20
(0.8) |
41
(1.6) |
69
(2.7) |
93
(3.7) |
82
(3.2) |
77
(3.0) |
40
(1.6) |
30
(1.2) |
14
(0.6) |
17
(0.7) |
515
(20.3) |
| Salongan
’orad romi’ad (≥ 0.1 mm) |
5.5 | 4.6 | 4.8 | 8.3 | 11.4 | 13.3 | 11.8 | 13.7 | 10.4 | 8.7 | 4.9 | 6.3 | 103.7 |
| Salongan sa’emet (%) | 71 | 72 | 74 | 78 | 81 | 81 | 81 | 80 | 77 | 74 | 71 | 71 | 76 |
| Folad/ romi’ad pitedi a toki | 337.9 | 297.4 | 292.9 | 233.5 | 205.3 | 175.4 | 193.1 | 212.1 | 224.7 | 277.7 | 309.8 | 334.2 | 3.094 |
| Pakayraan sa’osi: World Meteorological Organization,[23] NOAA,[24] South African weather service,[25] eNCA[26] | |||||||||||||
Kinaira no paraparatan (自然資源)
[mikawit | o yin-se-ma no pisinanot]Masowal no hekal ko south Africa o citada^ekim ato cimali^emiay fokeloh, nikawrira o kasadakan no kinaira i ka’amisay a sa’etal i Noord-Kaap kanatal. O nililisay to riyar i kaetip Wes-Kaap kanatal no Cape Town awaay kinaira. Nikawrira, o kaliomah, pifotingan ato pisasimalan a misang’ay to lalosidan ko sakacowat no Cape Town. Sa’ayaw, nawhani o co’eco’ed no lotok no Cape Town malakaliomahan a kadofah kolosalosayan, tinako o lingko, fadiso’so, mami’, tada kacinganganan ko fadiso’so itini. O nai Netherland tamdaw misitapang maro’ itini miteka micowat to pisaepahan ko Cape Town, sakitini to fadiso’so a pipaloma mikantok ma’imeray ko kicic tadamaanay. Nanoya, itini o kahiceraan no ’a’adopen ko Cape Town, ira ko macekelay ’ayam, mawatawatay howak, riyar a waco, riyar a lokedaw, ’iso ato fafoy no riyar, mapatireng ko pidipotan to mawatawatay howak ato i Duiker Island a riyar a lokedaw.
Kadofahay ko fotifoting i Cape Town, o lilis no sa’etal masowal no hekal o kadofahay ko fotifoting saan. Katimol Tasiyang a Benguela a ki’etecay a fali mita’elif itini, o sakaadihay kaeso’ay fotifotingan. Imatini, itiniay i Tasiyang a pifotingan mapadamso ko polong no South Africa salongan 75% a nifotingan, malosakaira no itiniay Wes-Kaap kanatal 28 ’ofad ko katayalan. Itiniay adihay ko kinaira a fotingan, ira ko ’afar, setek ato dadesi.
Roma i, itini i Cape Town a tatodong lalinik no Tasiyang manengneng ko sasimalen, parapatan a lahod to nano kinairaira no pala, orasaka misanga’ay to sasimalen o kacowatan, o kacitodongan micowat to sakacikinaira no South Africa ko Cape Town.
O roma sato, latosa a kasangoso’ no sangoso’an a pinalengaw pidipotan nai 2004 miheca o rocek no hekalan saan ko Linhoko kiwiko ponka sakapot.
Sici (政治)
[mikawit | o yin-se-ma no pisinanot]O Cape Town o nano ta’akay tokay a niyah kowan a sa’wtal. O ci kalomaocan ira ko 210 ko lomaocay sakapot, ira ko 28 a tamdaw masakopot to cacitodong a wuyyinhuy. O sasowalen, o Cape Town o cecayay kapolongan a citongay ato cecay a kakeridan no mikowanay. Polong no niyaro’ masaliyad to 105 a ’etal, kasa’etal manga’ay misingkiw to cecay a mikapot to lomaocan. o rama no 105 tamdaw o patodong to faco no pisingkiw. Kakeridan a todong o nai lomaocay a singkiwan.
Aniniay a kakeridan o no pakoniraay a lekatep ci Helen Belle. I ngataay i 2006 mihecaan no niyroan sifo a singkiw, o pakoniraay a lekatep ko sata’akay no Sician a kasarekad a lomaocay[27].
No maci a nanengnengan (城市景觀)
[mikawit | o yin-se-ma no pisinanot]O kasasikiked a sakowan (行政區劃)
[mikawit | o yin-se-ma no pisinanot]I Cape Town maci sifo i ’ayaw a caay ho kakomod malacecay ko pidemakan (Unicity) i, oni a maci misiikeday to 6 a sa’etal no pidemakan, talacowa malacecayay ko sakowan, nikawrira roma a sa’etal midotocay ho to telangay a siiked. 6 sa’etal a kadademakan:
| Sa’etal | kadademakan |
| 1. Cape Town | 1.City Bowl |
| 2.Tasiyang lilisan no riyar | |
| 3.katimalay niyaro | |
| 4.Pinelands | |
| 5.Langa | |
| 6.Mitchell's Plain | |
| 2. South Peninsula | 1. Hout Bay |
| 2. Wynberg | |
| 3. Constantia | |
| 4. Fish Hoek | |
| 5. Kommetjie | |
| 6. Noordhoek | |
| 7. Simon's Town | |
| 3. Blaauwberg | 1. Milnerton |
| 2. Tableview | |
| 3. Bloubergstrand | |
| 4. Tygerberg | |
| 4. Tygerberg | 1. Durbanville |
| 2. Bellville | |
| 3. Khayelitsha | |
| 5. Oostenberg | 1. Kraaifontein |
| 2. Brackenfell | |
| 3. Kuilsrivier | |
| 4. Blue Downs | |
| 5. Eerste Rivier | |
| 6. Helderberg | 1. Somerset |
| 2. Strand | |
| 3. Gordon's Bay |
Polong no nisa’osian a tamdaw (人口統計)
[mikawit | o yin-se-ma no pisinanot]Midotoc to i 2001 mihecaan South Africa polong no kitakit misaopoan to tamdaw[28] a tilid, no Cape Town polong no tamdaw 2,893,251 tamdaw, milesap i 759,767 a laloma’an, ira ko 87.4% loma cirocekay to taino’an, ira ko 94.4% loma’ cecay lipay ira ko cecay papisorot to pinafalah. Roma, ira ko 80.1% loma’ o cidingkiay, ira ko 16.1% nai saka^efo ano eca cimapatayay, o ina a cecay ko tatoka’an no loma’.
Ta’akaay Cape Towa a finawlan ira ko 48.13% ko macengelay tamdaw, Africa fohetingay ira ko 31% ko tamdaw, fohecalay ira ko 18.75% ko tamdaw, roma o Asia faniyot ira ko 1.43% tamdaw, o itiniay i laloma’ay no Cape Town maci nawhani ’akawangay ko ’aca no loma’ orasaka o fohecalay tamdaw ato cicengelay tamdaw macakatay micalap to 80%, o kohetingay tamdaw itiraay lawacay a sapakoyocay ko aro’. O 46.6% a finawlan sasafaay no 24 ko mihecaan a kapah, o 5% a finawlan kakaay no 65 mihecaan mato’asay. Tenokay 26 ko mihecaan, malikelonay o kaira no kohetingay tamdaw, o fainayan fafahiyan ko palahecad, o 100 fafahiya to 92.4 ko fainayan. 19.4% ko finawlan ko awaayay ko katayalan, o 58.3% ko awaayay ko katayalan o kohetingay tamdaw, 38.1% o camel tamdaw, 3.1% o fohecalay tamdaw, roma 0.5% o Asia tamdaw.
Sakisowalan, 41.4% a finawlan o no South Africa Netherland a sowal to romi’ami’ad, 27.9% o Inkiris sowal, 28.7% Xhosa sowal, ira o 0.3% a tamdaw o Zulu sowal, 0.7% o Sesoto a sowal, 0.1% o Setswana sowal, 0.7% caay ko todong a kasasowalan to romi’ad. Pakayraan, 76.6% a finawlan o Kristokiw, 10.7% awaayay ko pakayraan, 9.7% o Muslim, 0.5% o Yotayakiw, ira ko 0.2% Intokiw, 2.3% o roma pakayraan.
Sakikiwiko, fafaeday a 20 mihecaan 4.2% finawlan caay pitilid, 11.8% ko caayay pakalaheci to mimingay a pitilid, 7.1% ko misawaday to mimingay pitilidan, 38.9% ko caayay pakalaheci to kakay a pitilid, 25.4% ko milaheciay to kakaay pitilid ato 12.6% misawaday to daykako. 15 miheca tangasa 65 mihecaan a matayalay a tamdaw mihecaan a nicomoday 25.774 South Africa Rand. (1 rand falic to 0.164179 Amilaka payso).
Kicay (經濟)
[mikawit | o yin-se-ma no pisinanot]Kicay no Wes-Kaap kanatal nai Cape Town tenokan, orasaka o polong no pisanga’ay to kalodafong a niyaro’, mala no kanatal kasadakan no laloma’ay dafong a minato. Nawhani to mihecaan ira ko ’alomanay masa’ofaday mirarakatay a tayni, orasaka o sakaira no kicay o nano pirarakatananay. O no Wes-Kaap kanatal a kalomaocan itiniay to nano South Africa kalomaocan kaitiraan, Cape Town mitamorongay to no kitakit a sakaira no kitakit. Cape Town to mihecaan midemak to adihayay kalomaocan, todong no lomaocan i 2003 mihecaan patireng i Cape Town to fa^elohay kasakitakit kalomaocan pinengnengan. No maci a kinaira ato nipipatireng a karanikayan a macowatan. Kasasilecad to roma a maci no South Africa, o Cape Town macakat ko picomod no mitiliday to kaucong ato sakacidafoh no pikiwiko, o sakacakat i kasakitakit ko kalalifetan ko Cape Town[29].
I Wes-Kaap kanatal a liomahan a kinaira malisepatay a cecay (4/1), o sakipapotal a masadakay micalap to malitosaay no kitakit. O yaan to i Wes-Kaap kanatal pirarakatan o samacowatay niyaro’ i South Africa, mirarakatay calap polong no Wes-Kaap kanatal a o finawlan ko pi’arawan a sa’osi 9.8%, no laloma’an no kanatal 9.6% a finawlan padamso to katayalan. I 2002 miheca, ira ko 100 ’ofad nai roma kitakit mirarakatay tayni i Cape Town. Oni kanatal o kacitodongan no kitakit to kacowatan a tatenokan, nawhani i lilis no riyar lalinikay no Tasiyang kadofah ko simal ato parapatan a rahod[30].
O misanga’ay totamina a kosi ira i Cape Town ko kadademakan kosi ato pisanga’an to tamina,misanga’ to sapatayra roma kitakit. Sakiseraan ato patirengay to loma’ macowatay, nawhaniira ko alomanay tamdaw itini ma’aca to sakipa’aliwacan a lalosidan[31].
Pirarakatan (旅遊)
[mikawit | o yin-se-ma no pisinanot]O Cape Town o falawfaway ko romi’ad, makapahay ko talapalaen, kasasiromaroma no i papotal sapikihatiya ato manga’ayay ponka malo no South Africa a pihamhaman no pirarakatan, mangalef i saka 10 folad tangasa 3 folad o kaciherangan (kasi^enawan no ka’amisay cikiw) o ka’alomanan no pirarakatan no Europe Amilika a mirarakatay tamdaw[32]. Laeno o pirarakatan a katayraan i Cape town[33][34][35]:
1.Parar a lotok.
2.Cape Point, teloc litosaan no ngoso’an. 3.O Victoria & Alfred Waterfront, ira ko tadamaanay a hotilo, ira ko kasahirahira no patiyamay, pisanga’an to tamina atopinengnengan to foting a kali’acaan.
4.Robben Island (pala), kaitiraan no Mandela marofo to 27 mihecaan a pirofoan.
5.O Kirstenbosch Botanical Gardens (pinalengaw).
6.Chapman's Peak Drive a lalan.
7.Signal Hill (mikarong ngiha), pinengnengan to kasinian.
8.Tafotafokan no Cape town
9.Pacacekeroh to “the Cape Town Pass” (sapipasonol i Cape Town) sapirarakat a paya, sakacaay pa’aca mikalic to karomakatan, pirarakatan a faso ato pasamo to kakomaenan mi’aca to dafong.
Talapapotalay sapikihatiya (戶外活動)
[mikawit | o yin-se-ma no pisinanot]Litosaan no ngoso’an o adihayay lotolotokan a parapatan matodong tomakapahay fohecalay tafok no Cape Town, i Blouberg a taftafokan a pisisiran totapelik ato fayang a tamina a piontoan, to mihecaan saka 9 folad tangas aroma miheca saka 2 foladan ira ko mirarakatay tamdaw tayni misisir to tapelic. I Boulders Beach o katadamaanan no howak no South Africa. I Victoria & Alfred Waterfront a riyar, Hout hefong ato Simon niyaro’ o pirarakatan mikalic to tamina. Roma i Robben Island (pala) o pita’elifan no mirarakatay, roma a tamina tayra i Seal Island (pala) miki’araw to adihayan Waco no riyar i South Africa.
Litosaan no ngoso’an ’aloman ko romakatay atomikalicay to lotok a lalan, tinako i parad a lotok, laion tokos ato kawas tokos. O Cape Town, pakananomay ato papotalay pikihatiyaan halo misisiray to tapelic, micelemay, mi’eseray to tapelike a fali kopang, patikeday, parakat to faso, mi’eseray maefer, minengnengay to ’ayam ato minengnengay to ’iso.
Minengnengay to ’iso o kaolahan a kamok konian, to mihecaan saka 8 folad tangasa 11 folad opinengnengan to Southern Right Whale (patokosay ’iso) a kasafalic, oya Brinell ’iso to mihecaan manengnengay to. Hymarius a lilis no riyar to 100m ato False Bay (lilis no riyar) manengneng ko ’iso. Saki ka’amisay hekal no riyar no Cape Town manengneng ko Hector’s dolphin (fafoy noriyar) ato cifolisay a dolphin (fafoy noriyar) [36].
Saka 8 folad tangsa 9 foladan tayra i kaetipay hekal noriyar no South Africa a Namaqualand i, nawhani i kasi’enawan a ’oradan mapaloso’, ya tafotafokan masafa^elohay, molengaw macelak ko kalohanahanaan.
Tadamaanay ponka (文化特色)
[mikawit | o yin-se-ma no pisinanot]Jazz, pitanam mi’owak to fadisoso a ’epah, o nano Netherland likisi patirengan loma’ no Cape Town, saheto o saka ci ponkaay no maci pirakatan no mirarakatay[37][38][39][40]. Nawhani masiikeday no Nitherland ato Inkiris a pikowang, o lomaloma’ no Cape Town masiday ko nai Europe a losid. Dengan pinapina a loma’ no Nitherland nai 1685 mihecaan nipatirengan a fadisoso ’epah a pinengnengan, ato no Baroque a losid patirengan a kadademakan no cisifo a loma’, itira i Long Street (karaya’ay lalan) a mapatirengay a Victoria loma’. Ira ho i Malay a saniyaro’ Pokap a Mosque (cin-cen-se), malo kacacoelielis no ponka ko Cape Town.
Roma i, i St.Georges Street a Green Market Square (kangdaway a potal) o tadamaanay no ’atimela a cifa, mipa’aca to no niyaro’ay ato nai romaroma Africa faniyot kitakit tinako Zimbabwe, Kenya a pinasanga’ a lalosidan.
Cecay miheca kina cecay ko ilisin no Cape Town (Cape Town Minstrel Carnival, South Africa Netherland sowal: Kaapse Klopse) to mihecaan saka 1 folad 2 romi’ad mipa’oric ko mi’oricay. Mikihatiyaay a kasaselal ciriko’ to kasasiromaan a sanengsengay, mitatoy to saong ano ca o misoni kasadatok, mirakat to lalan.
Mirocokan ponka no hekal (世界文化遺產)
[mikawit | o yin-se-ma no pisinanot]O nano pirofoan a Robben kanatal i 1999 miheca 12 folad pala no hekalan ponka a mirocokan itilid i kiwiko kakak ponka sakapot no Linhoko. O nian o nano pirofoan to ’ayaway congtong ci Mandelaan a kanatal sata’akay mililisay to South Africa, nai 1615 miheca miteka o pirofoan ato pipalafacan to ciraraway tamdaw a pala, ’ayaw o nano pipalacidekan to midengay a fidas adada ato misakosemetay tamdaw, ato kaitiraan no riyar sofiyay. Oni pirofoan nai 1996 miheca mapaterep, i 1997 miheca 1 folad 1 romi’ad itiya mala pinengnengan no tamdamdaw[41].
Calay no karong pitiya (通訊媒體)
[mikawit | o yin-se-ma no pisinanot]Nawhani o Cape Town o satadamaanay a karomakatan no kaetip katimol no South Africa, saka ira ko pinapina a pasinponay ato cassisya itini ko katayalan. Tinako mirina’ to Inkiris sinpon a Cape Argus ato Cape Times a Independent News and Media. Ira ho ko mirina’ay to no South Africa sowal a Die Burger sata’akay mitiya a kakerikeridan Naspers i South Africa[42]. Roma, o Cape Town daykako mirina’ to nangra mitiliday a daykako sinpon (Varsity).
I Cape Town ira ko masatisilan niyaro’ a sinpon, i kasaniyaro’ ira ko no niyah a demak sinpon no niyaro’. Ta’akay a niyaro’ a sinpon:
Inkiris mimingay sinpon
Athlone a Athlone Sinpon (News)
Atlantic Sun (Tasiyang cidal sinpon)
Constantiaberg a Constantiaberg Bulletin (macikayay sinpon)
False Bay a False Bay Echo (wadihang sinpon)
Helderberg a Helderberg Sun (cidal)
Plainsman
Bellville a City Vision (ngiha no niyaro’)
Sentinel News
Southern Suburbs Tatler
Table Talk
Tygertalk
South Africa Netherland sowal a sinpon
Landbou-Burger
Tygerburger
Xhosa sowal sinpon
Cape Flats a Vukani[43]
O tatenokan no paratohay mitiya ko Cape Town, ira ko pinapina itini a paratohay a laciw. Roma, o kadademakan no paratohay kakerikeridan no South Africa itini.
Liciw a calay halo[44]:
Good Hope FM
KFM 94.5 fm
Voice of the Cape 95.8 fm
Cape Talk 567 mw
UCT Radio 104.5 fm, o calay saki daykako no Cape Town
Onto (體育)
[mikawit | o yin-se-ma no pisinanot]O satadamaanay a onto no Cape Town i o katop mali, soedaay mali ato wa’ay mali[45].
I Cape Town ira ko tatosaay nano South Africa a kalalifetan a sakapot, siiked o Santos ato i 1999 miheca nai Seven Star (pitoay fo’is) ato Cape Town Spurs (ceka) makakomoday a Ajax Cape Town kapot.
Nai Cape Town a saniyaro’ Newlands o katop mali lekatep katop mali kapot i Wes-Kaap (Western Province) sa’etal a pidotocan, aniniay a kakeridan ci Schalk Burger. O Newlands o katimolay cikiw satadamaanay 14 katop mali a lekatep (Super 14) a kapot Stormers a pidotocan, onini a kalalifelifetan iini i South Africa, New Zealand ato Australia a sakapot malalifet.
Roma, i Newlands ira ko cecay a soedaay mali a Cape Cobras i Cape Town, kapot mimali nai Wes-Kaap a soedaay mali ato Paulante soedaay mali makakomoday.
O nga’ayay a kafafalifalic a romi’ad saka nga’ay no miontoay awaayay hanhan. Dengan no sakapot a onto, no paitemekan a onto to kalofo ato Tennis o kakerihan to, manga’ay ko pipatireng to kaitiraan.
Ira mapatireng ko 50,900 ko tamdaw i Newlands katop mali kalalifetan (onofa) ato 25,000 kamaro’an Newlands soedaay mali a kalalifetan (ontofa), no Santos a Avalon kalalifetan (ontofa) misatatasay misanga’ to saki 2010 mihecaan no hekalan pinanaman (ontofa). Roma, mipatireng ho maedengay to 70,000 tamdaw ko miki’araway mafohatay ko fadahong a Greenpoint Stadium a kalalifetan.
Karomakatan lalan (交通)
[mikawit | o yin-se-ma no pisinanot]Kasasiiked marar lalan (鐵路系統)
[mikawit | o yin-se-ma no pisinanot]I Cape Town ira ko tosaay halafinay ko rakat tayra i romaroma a niyaro’, nai Shosholoza Meyl a citodongay mikowan. Capa Town syataw no cinamalay to romi’ami’ad ira ko rakat tayra i Pretoria, Kimberly ato Johannesburg. Roma mapatodong ko cecay lipay cecay a rakat tayra i Durban, Bloemfontein ato Pieter Maritzburg. Oroma, o Cape Town o kasatikotikan to Pretoria a Blue Train (langdaway paliding) a syataw.
Roma, ta’akay a calay to i maciay no marar lalan (Metrorail) sakalakiting to kasaniyaro’ ato Cape Town, halo lawacay niyaro’ ira ko 96 a syataw.
Hikokiciw (機場)
[mikawit | o yin-se-ma no pisinanot]O kasakitakit hikokiciw no Cape Town sapipadamso to sakifinawlan ato mirarakatay i kasaniyaro’ ato kasakitakit a hikoki, o matamoray ko tayal to sakihikoki i South Africa, midoedoay to Oliver Tambo kasakitakit hikokiciw no Johannesburg[46].
Kapolongan faso (公共汽車)
[mikawit | o yin-se-ma no pisinanot]Golden Arrow Bus Services ko citodongay romakat to kasamaci a Kapolongan faso kasapadang, roma ira ko pinapina a tayraay i Cape Town ano eca maraayay ko raka tayra roma a niyaro’.
Kasasiiked no narikayay kapolongan sakaromakat (快速公交系統)
[mikawit | o yin-se-ma no pisinanot]I Cape Town ira ko MyCiTi hananay a narikayay a kapolongan sakaromakat a calay (BRT), i 2010 miheca, o saki 2010 miheca hekalan waay mali a kalalifetan mapatireng misitapan dademak, padamso to i tenokay, i ontofa micada ato hikokiciw a faso. Itiya MyCiTi kapolongan sakaromakat a calay masakakahaday i polong i maci no Cape Town.
Takosi (計程車)
[mikawit | o yin-se-ma no pisinanot]Tasaay ko takosi i Cape Town, siiked to pakatokiay takosi ato mimingay faso (kohetingay) takosi. Masasiromaay to no roma a niyaro’, pakatokiay takosi o caayay ka nga’ay mirakarak mikilim to mihololay, mitala to patingwa ta manga’ay militemoh mamicada. Orasaka, pakatokiay takosi caay ka adihay. Oya mimingay faso takosi polong no finawlan a nipili’an sakaromakat[47].
Talacowa maedefay, nikawrira o kikay no faso ato parakatay a losid caay ka fangcal, o parakatay caay pidotoc to sakaromakat to lalan rikec. Nawhani o matayalay no South Africa to sakikapolongan a picolo’ a salongoc, matiniay a takosi maparafas ko pakalic, o sakacikatalawan ko parakat i lalan[48][49].
Hacikayay lalan (高速公路)
[mikawit | o yin-se-ma no pisinanot]
Ira ko toloay lalowadan hacikayay lalan no Cape Town, malacalay to Cape Town ato Bloemfontein, Johannesburg, Pretoria ato Zimbabwe a N1 lalan, malacalay to Port Elizabeth, East London ato Durban N2 lalan, ato malacalay to Noord-Kaap ato Namibia N7 lalan. N1 ato N2 lalan saheto nai ka’amisay no Buitengracht Street malingad, tangasa i Central Business District sakawali malitosa ko lalan, N1 pasayra i maci a pakawali tala’amis, o N2 mitaelif to kasakitakit hikokiciw no Cape Town pasayra kawali talitimol romakat. N7 lalan pakayra i Michelle dafdaf miteka, tedac pasi’amis ko rakat, miliyas to Cape Town malalitemoh to N1, N2 lalan macacoaliw.
O Cape Town o malacalayay to kasasiromaroma a maci ko dotoc no lalan, kasacecay hacikayay lalan ira ko kasacapa’ M-lalan (M-roads) mitedac tayra i maci a tayra roma a lalan. Tinako N2 a lalan masacapa’ tayra M3 capa’ pasayra kawali no parar lotok ato Fort Mason, o N1 lalan masacapa’ to M5 lalan micalay to Cape dafdaf, ira ho R300 lalan mitongod to Michelle dafdaf ato Belleville.
Riyaran a lalan (海路交通)
[mikawit | o yin-se-ma no pisinanot]Nai parar hefong ira ko ta’akay minato, o picaferan no romakatay tamina no katimolay cikiw. I 2004 miheca oni a minato ira ko 3,161 micolo’ay to dafong tamina ato 920 ’ofad ton no dafong[50].
Roma, i katimolay no mici Simon's Town a minato, o kaitiraan no riyar sofitay no South Africa.
Sakakaay kiwiko no Cape Town (開普敦的高等教育)
[mikawit | o yin-se-ma no pisinanot]I Cape Town ira ko sepatay daykako ato pinapina takaraway yin pitilidan.
I satenokan maci no Cape Town sakaira no katadamaan no Cape Tpwn daykako, Wes-Kaap daykako ato Cape Peninsula University of Technology, ona daykako pakompay to kasahakasi to hakasi(degree, master, PhD). Ira ko 9 pitilidan milesap i kasasiroma a Wiysin maci no Cape Town[51]. Ira ho mingataay to maci 50 kongli ko ray a Stellenbosch daykako.
O Cape Town daykako i South Africa o satadamaana a daykako, i ’ayaw oya miliyangay to pala’eday to finacadan a tenokan. Oni pitilidan nai 1829 mihecaan mapatireng, i South Africa nikapolongan kitakit a sakacecay daykako. I pipatirengan itiya i, o ngangan no daykako o South Africa kakoyin (South African College), o sakipatenakay (palosiyangay) padamso to pikiwiko a sadama. Ato ikor to mihecaan a kacowat i, o Cape Town a daykako malasatadamaanay i hekal a akawangay pitilidan.
I hekal sa’ayaway no tamdaw milinah to faloco’ a tokad itiniay i Cape Town daykako patirengan a ising ci Chris Bennett hakasi (Prof. Chris Barnard) milahecian. Roma, i Cape Town daykako ira ko tatosaay naitini miliyasay misawad pakaala to Nobel Prize (kompay), siiked nai 1979 miheca Nobel Prize senli ato isingan kompay ci Allan Cormack, ato 1982 miheca Nobel Prize tayhi kompay ci Aron Klug.
Tadamaanay tamdaw (著名人物)
[mikawit | o yin-se-ma no pisinanot]Allan Cormack, 1979 miheca Nobel Prize senli ato isingan kompay.
Aron Klug, 1982 miheca Nobel Prize tayhi kompay.
John Maxwell Coetze, 2003 miheca Nobel Prize nanolitengan kompay.
Mark Shuttleworth, nai South Africa IT o walwalan cidafongay laloma’an i Cape Town, midakaw to TM-33 kakarayan tamina a mirarakat i kakarayan.
Nelson Mandela, nai o marofoay i Robben kanatal to 27 mihecaan ko halafin a South Africa congtong.
Malikakaay maci (姊妹城市)
[mikawit | o yin-se-ma no pisinanot]Laloma’ay no kitakit
South Africa Durban[52]
Papotalay no kitakit
France Nice
Amilika Texas sa’etal Galveston[53]
Belgium Antwerp
Mifalicay to tilid (文字翻譯)
[mikawit | o yin-se-ma no pisinanot]Ci Masao Nikar - 'Amis/Pangcah
Pihapinangan (參見)
[mikawit | o yin-se-ma no pisinanot]Pretoria
Bloemfontein
Cape Town niyaro’ masatisil
Pacefaday tilid (注釋)
[mikawit | o yin-se-ma no pisinanot]Pinengnengan tilid. (參考文獻)
[mikawit | o yin-se-ma no pisinanot]1. Pollack, Martin. Achmat Ebrahim is the new city manager of Cape Town. City of Cape Town Metropolitan Municipality. 2006-05-31 [2007-03-25]. （nano nina’angan tilid i 2007-04-16）.
2. City of Cape Town. Municipal Demarcation Board. [2008-03-23].
3. Community Survey, 2007: Basic Results Municipalities (PDF). Statistics South Africa. [2008-03-23]. （nano tilid (PDF) nana’angan i 2013-08-25）.
4. Community Survey 2007 interactive data. Statistics South Africa. [2009-10-19]. （nano nina’angan tilid i 2012-08-05）.
5. Census 2001 interactive data. Statistics South Africa. [2009-10-19]. （nano nina’angan tilid i 2007-08-14）.
6.Cen kong ce. Hongkong patoroan. Kalali’aca mirina. 1983 [2020-03-29]. （nano nina’angan tilid i 2021-05-16） （holam-hongkong）.
7.Tingyiho. Congko roma kitakit kalongangan no niyaro’ citing. Conghua liohongan. 1924 [2020-04-23]. （nano nina’angan tilid i 2021-05-16） （holam-hongkong）.
8. Cape Town palapalaan (Inkiris). Cape Town sifo citodongay. 2003-8-19 [2007-3-16].[malasawad ko calay]
9. Cape Point kalocalay pina’angan, pina’angan romi’ad 2007-09-30. Conghua pirarakatan kaitiraan sapatoro’.
10. Review Essay: From Cape Town to Cairo: Africans Making Cities in British Colonial Africa，Journal of Urban History
11. Guns, Germs, and Steel: The Fates of Human Societies kalocalay nina’angan, pina’angan romi’ad
2007-06-11.，Jared Diamond.
12. Cape Town region of South Africa: An Overview kalocalay nina’angan, pina’angan romi’ad
2007-05-25.，CapeInfo.Com
13. pakayni Cape Town（felih nina’angan, mana’angan i kalocalay），World Newspaper Congress / Cape
Town 2007
14. Cape Town History mana’angan i kalocalay, pina’angan romi’ad 2007-06-14.，Book Cape Town
15. “mirarakat to hekal patoroan 10:South Africa”, Senminhe, Liawnin kiwiko mirinaay,1998-1, ISBN
7-5382-4995-8
16. European Settlement （felih nina’angan, mana’angan i kalocalay），Cape Connected
17.「Encounter at the Cape: French Huguenots, the Khoi and Other People of Color」，《Journal of
Colonialism and Colonial History》，2004, saka lima rekad.
18. Cape Town's history mana’angan i kalocalay, pina’angan romi’ad 2007-02-03.，CapeInfo.Com
19. The History of Cape Town （felih nina’angan, mana’angan i kalocalay），Cape Town South Africa
Information
20. Cape Coloureds - Cape Malays - Coon Carnival （felih nina’angan, mana’angan i kalocalay），About
South Africa
21. History of SOUTH AFRICA （felih nina’angan, mana’angan i kalocalay），HistoryWorld.net
22. Cape Town kafafalic no romi’ad, mana’angan i kalocalay, pina’angan romi’ad 2007-05-31. South Africa
romi’ad citodongay.
23. World Weather Information Service- Cape Town. [2010-05-04]. （nano nina’angan tilid i 2010-04-26）.
24. Cape Town/DF Malan Climate Normals 1961–1990. National Oceanic and Atmospheric
Administration. [8 April 2013].
25. Climate data: Cape Town. Old.weathersa.co.za. 28 October 2003 [17 March 2011]. （nano nina’angan
tilid i 2011-03-14）.
26. Hottest temperature. enca.com. [6 March 2015]. （nano nina’angan tilid i 2015-07-20）.
27. Cape Town kalomaocan (PDF). Misiiked singkiw wuyyimhuy(South Africa). 2006. （nano nitilidan
(PDF)mana’ang i 2006-03-18）.
28.Nina’angan kapi. [2005-06-09]. （nano nina’angan tilid i 2005-04-11）.
29. City of Cape Town: Economic Statistics mana’angan i kalocalay, pina’angan romi’ad 2007-05-20.
30. South African Department of Minerals and Energy mana’angan i kalocalay, pina’angan romi’ad
2009-01-03.
31. South African Boatbuilders Business Council mana’angan i kalocalay, pina’angan romi’ad 2017-01-06.
32. Official Western Cape and Cape Town tourism guide mana’angan i kalocalay, pina’angan romi’ad
2007-11-26.
33. Table Mountain Aerial Cableway. [2007-05-24]. （nano nina’angan tilid i 2006-12-21）.
34. Cape Point, South Africa. [2007-05-24]. （nano nina’angan tilid i 2011-09-28）.
35. Kirstenbosch National Botanical Garden mana’angan i kalocalay, pina’angan romi’ad 2006-08-11.
36. Cape Town Whale Watching mana’angan i kalocalay, pina’angan romi’ad 2006-04-22.，Afton Grove
37. Cape Winelands. [2007-05-24]. （nano nina’angan tilid i 2004-09-24）.
38. The Western Cape wine lands. [2016-03-31]. （nano nina’angan tilid i 2014-02-14）.
39. Cape Dutch Architecture （felih nina’angan, mana’angan i kalocalay），Encounter South Africa
40.《A Comparative Evaluation of Urbanism in Cape Town》，University of Cape Town Press，1977, saka 20-98 felih, ISBN 0-620-02535-2
41. UNESCO World Heritage Centre （felih nina’angan, mana’angan i kalocalay）, Linhoko hekal ponka nirocokan
42. South Africa Newspapers （felih nina’angan, mana’angan i kalocalay），ABYZ News Links
43. South Africa Newspapers （felih nina’angan, mana’angan i kalocalay），Daily Earth
44. Radio companies （felih nina’angan, mana’angan i kalocalay），BizCommunity.Com
45. 《Time Out: Cape Town》，Time Out Publishing, 2006, saka 127–130 felih：onto, ISBN 1-904978-12-6
46. Cape Town International Airport mana’angan i kalocalay, pina’angan romi’ad 2006-06-25. SouthAfrica.info
47. Transport mana’angan i kalocalay, pina’angan romi’ad 2011-11-28. CapeTown.org
48. South Africa's minibus wars: uncontrollable law-defying minibuses oust buses and trains from transit （felih nina’angan, mana’angan i kalocalay）, LookSmart
49. Transportation in Developing Countries: Greenhouse Gas Scenarios for South Africa mana’angan i kalocalay, pina’angan romi’ad 2007-06-21. Pew Centre
50. Introducing SAPO mana’angan i kalocalay, pina’angan romi’ad 2011-08-01.，South African Port Operations
51. History mana’angan i kalocalay, pina’angan romi’ad 2007-06-09. Cape Peninsula University of Technology
52. Media Release: Street Renaming mana’angan i kalocalay, pina’angan romi’ad 2007-09-27. City of Cape Town
53. Online Directory: Texas, USA mana’angan i kalocalay, pina’angan romi’ad 2008-02-10. Sister Cities International
Papotalay calay (外部連結)
[mikawit | o yin-se-ma no pisinanot]Cape Town no sifo calay (mana’angan i kalocalay, pina’angan romi’ad)
OpenStreetMap ira i 32675806 Cape Town palapalaan kacipinangan