Cubla

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cubla
Municipio d'Aragón
Ilesia de l'Asumpción de Cubla.
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Teruel
Superficie	48,6 km²
Población  • Total  • Densidat	71 hab. (2013) 1,46 hab/km²
Altaria  • Meyana	1.088 m.
Distancia  • 17 km	enta Teruel
Alcalde	Ángeles Gómez Navarro
Codigo postal	44191
Parroquial  • Diocesi  • Arcipestrau  • Parroquia	Teruel y Albarracín Teruel Asumpción de Ntra. Sra.
Coordenadas	40°12’38’’N 1° 4’43’’U
Cubla Cubla en Aragón

Cubla ye un municipio aragonés de la provincia de Teruel, situau en la comarca de la Comunidat de Teruel.

La suya población yera de 71 habitants, en una superficie de 48,6 km², con una densidat de población de 1,46 hab/km².

Toponimia

Lo toponimo Cubla se remonta a lo latín CUPULA, como Alcublas en Valencia. Tampoco se puet descartar una relación con l'arabe Alquibla porque atros autors relacionan Alcublas con l'"alquibla".

Cheografía

La localidat de Cubla ye situada a 1.088 metros d'altaria dencima de lo livel d'a mar a piet de la Sierra de Camarena (que fa parte de lo Chabalambre). Se situa a una distancia de 17 km de Teruel, la capital de la suya comarca y provincia, y queda a lo sud de lo barranco del Horcajo u arroyo de La Canyada, afluent de Guadalaviar que baixa enta lo nord-este dende un sector de la sierra de Camarena cerca de Fuentecilla (1586 m).

Cheodesia

Bi ha un vértiz cheodesico dito Fuentecilla a una altaria de 1.586 metros sobre lo livel d'a mar, en la sierra de Camarena.

Mugas

Lo suyo termin municipal muga con los termins municipals de La Puebla de Valverde, Camarena de la Sierra, Valacroch, Cascant, un cantón de lo termin de Villel, con Bellestar y con Teruel.

Villel, Bellestar	Teruel (Aldeyuela)	La Puebla de Valverde
Cascant		La Puebla de Valverde
Cascant	Valacroch, Camarena de la Sierra	La Puebla de Valverde

Demografía

Evolución demografica

1992 1994 1996 1997 1998 1999 2000 2001 2002 - - - - 56 53 50 48 51

2003 2004 2005 2006 2007 2008 2009 2010 2011 45 47 45 54 56 58 55 61 68

2012 2013 2014 2015 2016 2017 2018 2019 2020 62 61 55 54 52 55 54 58 55

2021 2022 2023 2024 2025 2026 2027 2028 - 52 60 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Historia

Adintro de la comunidat d'aldeyas de Teruel, Cubla feba part de la Sexma d'el Campo de Cella por lo menos dende 1309. Manimenos, no presenta continuidat territorial con lo nuclio d'esta sexma y se suposa que perteneixió enantes a la Sexma d'el Campo de Sarrión como atras aldeyas sudorientals dica que la creyación de la Sexma d'el Campo de Visiedo con aldeyas de la Sexma d'el Campo de Cella obligó a reorganizar las sexmas fendo pasar por compensación cuatro aldeyas de la comarca de la sierra de Camarena (Aldeyuela, Camarena, Castralbo y Cubla), dende la Sexma de Sarrión a la de Cella.

En 1488 y 1495 feguraba en la sobrecullida de Mont Albán. En 1646 yera una localidat de la vereda de Mont Albán. Entre 1711 y 1833 yera en lo correchimiento de Teruel. Teneba la categoría d'aldeya por lo menos dica 1711, pero en 1785 ya teneba la categoría de lugar, tenendo concello en 1834. Yera en lo partiu chudicial de Teruel.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									2
Partido Aragonés									1
Total									3

Alcaldes

Lista d'alcaldes

Lechislatura	Nombre	Partiu politico
1979–1983	Demetrio Ballestero Blasco	UCD
1983–1987
1987–1991
1991–1995
1995–1999
1999–2003	Santiago Esteban Esteban	Partido Aragonés
2003–2007
2007–2011
2011–2015	Ángeles Gómez Navarro	Partido Popular
2015–2019
2019–2023	Santiago Esteban Esteban	Partido Aragonés
2023–2027	Jesús Milla Güemez	PP

Bibliografía

• (es) Agustín Ventura Conejero: Toponimia de la Provincia de Teruel. Revista Teruel, 48, 1972.

Vinclos externos

• Se veigan as imáchens de Commons sobre Cubla.
• Vocabulario de Cubla.

• Datos: Q1644054
• Multimedia: Cubla / Q1644054