Descusión usuario:Iggy1975

Ola. Como ya sabrás los articlos van en categorías. A vegadas no sabemos en quala posar-los quan encomenzamos con un tema. Te proposo que poses una categoría chenerica, (como astronautica), y dimpués simpre seremos a tiempo de cambiar-la.--EBRO (descusión) 20:07 15 chi 2019 (UTC)

Ola! grazias!

Nuevos articlos

Ola. He visto una serie d'articlos nuevos curtos que hemos de revisar los administradors. Querría preguntar-te si fas servir un traductor automatico, porque en bell caso me da esta impresión, pero en atros casos veigo como cosas d'elaboración propia que no pareixen d'esta clase de traductors. Lo digo porque los temas tecnolochicos y informaticos son dificils en aragonés, a vegadas puedes estar la primera persona en escribir sobre un tema concreto en esta luenga, y si bi ha cosas dificils d'evaluar y me confirmas que emplegas un traductor automatico podremos evaluar l'orichen d'una construcción en un texto sobre un tema que talment desconoixcamos.--EBRO (descusión) 17:53 18 chi 2019 (UTC)

Ola. Si, lamentablement o mio ran de aragonés no ye muito bueno y amás l'he aprendiu con a grafia de 1987. Por ixo emplego un traductor automatico (apertium) ta aduyar-me. Iste traductor no puede traducir bellas parolas (por eixemplo as tecnolochicas). Por ixas parolas emplego o diccionario y tamién miro atras dentradas en a Biquipedia con a mesma tematica ta emplegar as mesmas parolas y tractar de mantener un luengache uniforme. Iggy1975 (descusión) 18:34 19 chi 2019 (UTC)

Bueno, muita chent ha encomenzau asinas. Los de la nuestra cheneración hemos conoixiu antes la grafía de 1987 y lo neoaragonés acompanyant d'esta grafía. Lo tiempo que levamos escribindo mos ha feito cambiar lo punto de vista sobre muitos errors d'este neoaragonés. En las correccions que te faigamos igual que sorprende bella cosa. Pa que actualices las conoixencias d'ortografía y d'aragonés en cheneral leye este pdf [1], y si quiers puedes deixar preguntas en Wikipedia:Uso d'a luenga. --EBRO (descusión) 22:00 19 chi 2019 (UTC)

Ola. Muitas grazias por o vinclo. China chana aspero ir amillorando la mía luenga - Iggy1975 (descusión) 18:01 20 chi 2019 (UTC)

Tematica magallonera

Hola. He feito una revisión de l'articlo. Tiengo en casa lo libro de toponimia de lo Campo de Borcha de Juan Antonio Frago Gracia y puedo fer bella consulta. Te quiero explicar que los microtoponimos tradicionals como Furuchón de los Moros no se traducen. Si no se documenta la forma orichinal en aragonés quan se charraba aragonés los microtoponimos se deixan en la luenga orichinal. Por eixemplo si en un texto medieval trobásenos Moliella pondríanos lo titol en aragonés, pero por l'inte se queda como Molilla porque no sabemos como la clamaban los habitadors de Magallón fa 3 u 4 sieglos. Lo caso de Furuchón de los Moros ye un toponimo pre-castellán, ya ye en aragonés, por ixo que encara que faigas servir l'articlo definiu o, os, a, as en lo tuyo articlo, este microtoponimo ha de ir en versión orichinal, que precisament ye una versión orichinal aragonesa sin este paradigma d'articlo (por lo menos no dezaga de la preposición de), igual que en la Val d'Echo, la Val de Chistau u la Val de Benás (a on que fan servir articlos tipo lo, el, la, los, las), no cambiaríanos los articlos en los nombres de los puestos. Gracias por lo tuyo intrés y dedicación.--EBRO (descusión) 21:07 27 chi 2019 (UTC)

Ola. Muitas gracias a tu. Prengo nota d'as tuyas indicacions Iggy1975 (descusión) 21:17 27 chi 2019 (UTC)

Ola. Quan yo feba esbozos d'articlos de lugars poblaus y despoblaus mencionaus en los textos medievals veyeba un Mazalcoraz que en cada puesto s'escribiba d'una traza diferent y a la fin no lo fice. Veigo que has escrito Grancha de Muzalcoraz ¿este toponimo se pronuncia siempre asinas en Magallón o alternan las dos formas Mazalcoraz y Muzalcoraz ?.--EBRO (descusión) 15:00 28 chi 2019 (UTC)

Ola. Yo siempre l'he escuitau Muzalcoraz pero no sé si ye o correcto. Tamién he leito muitas begadas Mazalcoraz asinas que no soi seguro del tot. Iggy1975 (descusión) 15:18 28 chi 2019 (UTC)

Consultando lo libro de José Antonio Frago Gracia dicen que en los textos medievals (en aragonés) ye Mazalcoraz y da una etimolochía de Mazil Quraix como en Catalunya Massalcoreig. Bi ha una razón etimolochica y una razón historica pa escribir Mazalcoraz en cuenta de Muzalcoraz, producto d'etimolochías populars con lo nombre Muza, lochicament recients y que no se remontan a l'aragonés que se charraba antes de lo castellán. Manyana en unatro mensache te comentaré unatra cosa sobre la conveniencia d'escribir barrio de Quez y no vico de XXX d'acuerdo con un pasau historico d'influencia arabe en Magallón (barrio ye un arabismo en aragonés y vico una palabra que s'emplegó en la zona de las vals de Broto y Tena y que cayó en desuso fa por lo menos 5 sieglos).--EBRO (descusión) 16:00 28 chi 2019 (UTC)

ok Iggy1975 (descusión) 17:00 28 chi 2019 (UTC)

Hola. He feito una categoría con titol Magallón pa que i vaigas posando los articlos de tematica magallonera. Quiero recomendar-te que si yes aprendendo ye millor que te centres unas semanas con una tematica concreta y que vaigas repasando los cambios que te soi fendo y vaigas plenando las lacunas d'aragonés que tiens. Ye tant important que aprendas a escribir bien como que escribas. Si continas con los temas d'astronautica yo no podré aduyar-te més que atros administradors. Si continas con temas locals si que puedo aduyar-te porque precisament yo encomencé asinas, fendo dos articlos de lugars d'Aragón por día sin ir-me-ne t'atros temas dica que rematé con este quefer. Si yo primero escribiba vico, porque de feito lo heba visto en textos medievals de Panticosa, quan conoixeba millor l'aragonés de verdat (dialectal actual y medieval), veyé que en los articlos de la zona de Broto y Tena si que ye coderent fer servir vico de, porque bi ha microtoponimos con esta palabra que lis desapareixió en lo sieglo XV. Tampoco no pasa res si escribes vico de XXX fendo articlos de lugars d'Australia a on nunca no s'ha charrau aragonés y ni s'ha dito barrio, ni quartón, ni parroquia, ni vico. La cosa cambia en la val d'Ebro porque siempre s'ha dito barrio, tanto en arabe (barrio ye un arabismo), como en aragonés pre-castellán y en castellán post-aragonés. Y una cosa ye que escribindo emplegues sinonimos y escribas en Magallón bi ha tres vicos (que tiene cierta naturalidat, lo emplego de los cheosinonimos amuestra riqueza), y unatra que escribas lo vico de Quez, porque denguna de las tres culturas lo ha dito asinas, ni las dos luengas de los cristians magalloners lo deciban asinas. En Zaragoza y Tarazona oficialment los districtos arredol d'una ilesia se clamaban parroquias, y si primero parroquia yera barrio oficial, un macrobarrio, un districto, dimpués con una ciudat mes gran en bella parroquia bi heba barrios, y los vecindaus fuera d'estas parroquias tamién se deciban barrios (como Barrio Nuevo en la Zaragoza de lo sieglo XV). Imachina que se fese oficial l'aragonés en Echo y rotulasen en aragonés: no se podría posar vico de XXX porque los chesos no charran asinas. Tampoco no se podría fer lo mesmo en Graus, que tienen un Barridichós ("Barrio d'Abaixo"). Si queremos amostrar l'aragonés como patrimonio cultural en Zaragoza y Magallón y si se querese rotular en aragonés debant d'una oposición que ye en contra, ellos podrían decir-nos que Vico de Quez u Vico de Sant Pavlo nunca no ha existiu y tendrían razón. Lis estaríanos dando un argumento de que este luengache nunca no s'ha charrau ni en Zaragoza ni en Magallón. Si por eixemplo en lo tuyo articlo quereses posar una cita medieval en aragonés medieval con este vecindau y salise en lo texto medieval barrio de Quez contrastaría muito con vico de de lo tuyo texto. Lo mesmo pasa con los participios en -ato, -ata, que ye un tema paralelo, quan se charraba aragonés en Magallón no s'emplegaban estos participios son -ado/-ada y dimpués -au/-ada y por ixo dices rosada. Si primero escribiba como tú en -ato, -ata, agora reviso los míos articlos y lo cambio. A estas conclusions plegué dimpués d'uns quantos anyos d'estar escribindo aquí sobre tematica local y comparando con las pervivencias d'aragonés y la documentación medieval.--EBRO (descusión) 17:28 29 chi 2019 (UTC)

Ola, muitas gracias. T'agradeixco as tuyas explicacions. Tiens muita razón. Voi leyendo as tuyas correccions ta amillorar a mía luenga. De todas trazas voi a baixar o ritmo d'escribir. Desgraciadament no puedo dedicar tanto tiempo como que yo querese. Voi a seguir con temas locals de Magallón (y en un futuro tamién d'o campo de Borcha y de Zaragoza). Tamién me fan muito goyo l'astronautica y l'espacio. Cambeo a escape "lo vico de Quez" por "lo barrio de Quez". Iggy1975 (descusión) 20:47 29 chi 2019 (UTC)

Trobada

Ola Iggy1975! S'ha proposau fer una trobada de Biquipedia en Semana Santa, probablement o cabo de semana d'o 20-21 d'abril. Si quiers, fe-le una gollada a Wikipedia:Trobadas/Propuesta de VII Trobada oficial de Biquipedia y comenta si tiens disponibilidat --Willtron (descusión) 08:11 1 mar 2019 (UTC)

Ola Willtron, muitas gracias per la invitación. Pero vivo luen d'a mía tierra y no puedo ir ixas calendatas a Zaragoza :( Iggy1975 (descusión) 16:42 12 mar 2019 (UTC)

En Múnich?? Yo tamién vivo en l'Alta Bavera! :-D --Willtron (descusión) 08:14 13 mar 2019 (UTC)

de verdat? talment podemos fer una trobada asti tamién :D Iggy1975 (descusión) 08:27 14 mar 2019 (UTC)

Sí, en Traunstein, amán d'o Chiemsee y de Salzburgo :-) Prou que sí, "Trobada oficial de Biquipedia en Múnich" :-D --Willtron (descusión) 08:02 20 mar 2019 (UTC)

sí, fagamos ixo! :D Iggy1975 (descusión) 15:04 20 mar 2019 (UTC)

Luengache relacionau con sciencia

Hola. Veigo que has millorau muito en aragonés, y por ixo en este nuevo grau quiero explicar-te una corrección que t'he feito agora. Se relaciona con los quantificadors, que como ya sabes son importants en lo luengache scientifico. Por lo menos en Ribagorza ye documentau l'emplego de l'adchectivo indefiniu bell, bella como un de los pocos emplegos suyos en plural pa expresar quantidatz aproximadas. Como los adverbios acabaus en -ment son escasos en aragonés charrau (malament, zaguerament, tasament), ye millor escribir bells 25 metros (que se dice en aragonés dialectal) que aproximadament 25 metros (que no se dice en aragonés dialectal). Lo de arredol de pa decir aproximadament no lo he visto en las descripcions de los dialectos de l'aragonés, pero lo pdf de gramatica de l'aragonés lo considera correcto, asinas que te lo torno a posar.--EBRO (descusión) 19:50 20 mar 2019 (UTC)

ola. Muitas gracias per l'aclaración! Iggy1975 (descusión) 17:31 21 mar 2019 (UTC)

Cuentos, leyendas y falordias

Hola, revisaré estos días los tuyos articlos de tematica local, que en part coinciden con lo que yo escribo. Quiero informar-te que encara que veigas falordia muito en aragonés escrito en la mes gran part de los casos ye un emplego que no responde a los emplegos tradicionals. Si te miras los vocabularios locals sale siempre con los significaus de patraña, cuento chino, leyenda urbana, habladuría, rumor falso, creencia falsa, falso mito, ecetra. Chusé Raul Usón me dició que no puede emplegar-se pa traducir cosas como recontamiento, cuento literario u leyenda (por cierto, que tu conoixes la variant lienda). Se suposa que falordia ye un catalanismo y puedes veyer que en catalán no emplegan falòria u falórnia [2] con lo significau que li dan en neoaragonés urbán de zaguers de lo sieglo XX, y que lo significau que emplegan ye lo mesmo que se replega en los vocabularios altoaragoneses. L'investigador Fernando Romanos Hernando escribe esto sobre Pui Faloria [3] (el vocablo faloria, en Sobrarbe significa, “cuento, habladuría, historia poco creible”), y encara que en lo suyo diccionario chistabín diga historia, cuento generalmente ficticio, no ye un cuento literario u leyenda, ye lo que te trobas en este atro PDF [4] (para hacer bálsamo mi madre cogía sabuco el día de San Juan antes de que saliera el sol, pero, bueno, eso son falorias), provinient de la Sierra d'Albarrazín, porque la palabra se conserva tamién en lo sud de Teruel, en lo Rincón d'Ademuz y en Murcia. Una falordia ye una leyenda u cuento pero solo en lo sentiu leyenda urbana, cuento chino u falso mito, que amuestra la falsedat evident de la historia, y por ixo no ye una palabra apta pa nombrar un cuento literario u una leyenda mitolochica a la que no queramos dar un tono peyorativo d'evident falsedat, como si que se da en las conversacions sobre creyencias populars y falsos mitos. Piensa que en un texto escrito en anglés, francés u castellán sobre mitolochía no dicen *la patraña del caballo de Troya, u *la leyenda urbana del Rey Arturo.--EBRO (descusión) 17:48 8 abr 2019 (UTC)

buenas. Muitas gracias per la explicación tant detallada. L'aplicaré a partir d'agora Iggy1975 (descusión) 18:37 8 abr 2019 (UTC)

Autorrevisions u automilloramiento

Ye bueno fer autorrevisions como tu has feito, ye una traza de millorar. Nomás quiero decirte que en una d'ellas sobre las Casas d'el Reino bi heba cosas que ya yeran bien u yeran millor antes. Leye la discusión Descusión:Seu (edificio) pa conoixer la problematica de siede (ye una reintroducción dende l'aragonés medieval pa no escribir sede que ye como en realidat se dice en la mes gran part de l'Alto Aragón), y seu (se dice en aragonés oriental y existiba en aragonés medieval tamién). Antiparte, lo neoaragonés urbán que s'amuestra tiene tamién como contradicción que en aragonés medieval siede no teneba lo significau de "seu social" (no existiba en la Edat Meya), y en realidat teneba lo significau de catedral que ye lo que conserva seu en La Seo de Zaragoza. Sobre lo d'alabastro y alibastro, l'academia proposa en los cultismos respectar la forma que reflecta la etimolochía orichinal y no escribir las formas vulgarizadas con cambios vocalicos (s'escribe clasificación y municipio y no claseficación y monecipio). Ya sabes que los diccionarios d'aragonés de decadas pasadas no reflectan los emplegos regulars de l'aragonés tradicional y reflectan lo deseyo d'escribir diferent de lo castellán allá a on que las palabras coinciden (no se fa lo mesmo en un diccionario d'italián-castellán). Te recomiendo que trigues una variant d'aragonés de referencia con descripcions y textos publicaus (como l'ansotano u lo chistabín) y que a traviés de la conoixencia d'ixa variedat que realment existe, millores l'aragonés que yes aprendendo u recuperando. Saludos.--EBRO (descusión) 08:54 27 abr 2019 (UTC)

ola, puetz recomendar-me bell texto u dizionario Iggy1975 (descusión) 20:25 28 abr 2019 (UTC)

Te recomiendo lo Diccionario Aragonés: Chistabín-Castellano de Fernando Romanos Hernando por eixemplo pa que conoixcas un dialecto, y lo suyo diccionario d'aragonés en cheneral publicau por Edicions Transiberiano, pero sobre tot te recomiendo que sigas critico con las palabras rarizas que trobas en textos escritos en neoaragonés u en bell diccionario anterior a los que te digo, particularment l'Andolz. La mes gran part d'estas palabras significan atras cosas y las descontextualizan pa substituir a las palabras que son igual en aragonés que en castellán y en qualsiquier luenga romance dende Lisbona dica Constancia. A vegadas se las han inventadas descaradament, como chambreta pa no escribir camiseta. No tiene credibilidat que l'aragonés tienga mes palabras con radices diferents de lo castellán que luengas como lo francés u l'italián, que han apareixiu luent d'aquí, sobre tot quan los emplegos rarizos que te digo tampoco no se troban ni en aragonés dialectal ni en aragonés medieval, consulta los textos en aragonés de la redolada de Magallón, y escribe con los pdfs d'ortografía y gramatica a man. [5] [6].--EBRO (descusión) 15:59 29 abr 2019 (UTC)

muitas gracias :) Iggy1975 (descusión) 17:29 29 abr 2019 (UTC)

Ola Iggy! Si quiers un buen diccionario actual y d'aragonés estándar, en cuentas d'un dialecto concreto, tiens en "Edicions Transiberiano" o "Diccionario Aragonés – Castellano", tamién de Fernando Romanos(Aquí lo puetz mercar en Internet y veyer una muestra en PDF u en la seu Nogará en Zaragoza). Salut! --Willtron (descusión) 07:18 30 abr 2019 (UTC)

Ola! muitas gracias! me fa muito goyo! Iggy1975 (descusión) 15:26 30 abr 2019 (UTC)

Bibliografía recomendada

Ola. Este libro puede resultar-te interesant [7]. Tamién este articlo [8], siempre con reservas como ye natural. Gracias por las tuyas contribucions.--EBRO (descusión) 13:59 22 may 2019 (UTC)

Ola. Muitas gracias! Iggy1975 (descusión) 08:54 27 may 2019 (UTC)

Articlos de Magallón

Ola Iggy! Como ya prencipiamos a tener a-saber-los articlos sobre Magallón sería bueno categorizar-los correctament, ya que a Categoría:Magallón ye prou ampla y no ye concreta. Asinas d'una man amenistamos categorías ta clasificar os articlos de Magallón (en he creyau "naixitos", "edificios", "molimentos", "barrios" y "ilesias"). Y d'atra man os articlos han d'estar categorizaus tamién a vegadas en categorías mas globals (mas que mas en o caso de personaches), por eixemplo Juan Antonio Frago Gracia, a más d'estar naixiu de Magallón, tamién ye un filologo d'Aragón (no caldría la categoría "filologos de Magallón" encara, ya que no bi'n ha tantismos, pero sí en Aragón) u as categorías d'os anyos de naixencia y muerte. En atros casos como "Lienda d'a Fila la Mora de Ganyarul" u "Entibo de la Loteta" talment no cal fer (encara) categorías propias sobre "leyendas de Magallón" u "entibos de Magallón", a o menos si no tenesemos muitas leyendas u entibos de Magallón ta clasificar :-)... en iste caso encara son bien en a categoría principal de Magallón. En resumen si creyes que cal, puetz creyar subcategorías de Magallón u Campo de Borcha por eixemplo (u cualsiquier atra localidat u comarca), talment fendo una goyada a como son creyadas en atras localidatz u comarcas (Zaragoza por eixemplo) y enlazando con as subcategorías correspondients. Salut! ... y buen treballo con os articlos de tematica magallonera! ;-) --Willtron (descusión) 08:22 9 set 2019 (UTC)

Ola Willtron! Muitas gracias. Si, lo feré asinas. Aspero de totas formas aclarir-me como creyar subcategorías. Iggy1975 (descusión) 17:06 9 set 2019 (UTC)

Astronautica

Ola Iggy! He creyau bellas categorías ta distribuyir os articlos de temas d'astronautica, ya que a Categoría:Astronautica ye muit cheneral. Si se fan articlos de cosas muit concretas como naus espacials, codetes, etc... ye millor clasificar-las en categorías propias (y mesmo si prencipiamos a tener muitismos caldría tamién fer subcategorías como codetes d'Estatos Unitos, codetes d'a Unión Sovietica...etc). Mira como referencia as categorías que bi ha en articlos d'atras Wikipedias (a vegadas no caldrá creyar todas as categorías aquí, pero sí belunas,... si tenemos 10 articlos de codetes no cal fer más subcategorías, pero si bi ha 200 talment sí) u piensa a on trobarías millor por un articlo por a suya definición. Por eixemplo Voyager 1 se trobaría millor en una categoría:Sondas espacials, ya que se define como una sonda espacial... manimenos no s'incluyiría en a categoría:Astronautica, ya que ye prou gran (si no tendríamos milenta d'articlos de codetes, sondas, astronautas,... totz en ista categoría). D'atra man l'articlo sonda espacial que ye más chenerico podría estar a la vegada articlo prencipal d'ista categoría y, en estar un tema cheneral d'astronautica, tamién cabría en a categoría:Astronautica. Salut! --Willtron (descusión) 12:54 23 oct 2019 (UTC)

Ola Willtron! muitas gracias per as nuevas categorías! Iggy1975 (descusión) 13:11 23 oct 2019 (UTC)

Thank you

Thank you for your work on Among Us.

You may wish to consult my research on the developer, InnerSloth, you can see that research on English Wikipedia at en:InnerSloth.

Hope you find my research helpful, Right cite (descusión) 15:36 7 oct 2020 (UTC)

Autos

Ola Iggy! He feito hue una Plantilla:Ficha d'auto pa os articlos d'autos. Puetz trobar un eixemplo con totz os campos posibles aquí y un articlo con a plantilla funcionando aquí. Si fas nuevos articlos d'autos puetz fer-la servir. Salut! --Willtron (descusión) 20:17 2 chi 2021 (UTC)

Ola Willtron! muitas gracias! Iggy1975 (descusión) 09:24 4 chi 2021 (UTC)

Ola Iggy! Ya tenemos tamién plantilla especial pa articlos d'avions Plantilla:Ficha d'aeronau. Se puet emplegar en avions comercials (eixemplo) u militars (eixemplo) y atros (totz os d'a Categoría:Avions en cheneral). Feré un atra diferent pa naus espacials, que en tenemos muitas tamién. A tabla con totz os campos ye emplegada aquí. Di-me-ne si creyes que manca qualcosa. Salut! --Willtron (descusión) 10:04 12 chi 2021 (UTC)

Ola Willtron! muitas gracias! china chana iré actualizando os articlos d'os avions. Creigo que as plantillas son muit completas. No se m'ocurre garra que falte de momento.Salut! Iggy1975 (descusión) 13:30 13 chi 2021 (UTC)

Naus espacials

Ola Iggy! Más plantillas disponibles, pa codetes -> Plantilla:Ficha de codete y vehíclos espacials -> Plantilla:Ficha de vehíclo espacial. Eixemplos d'uso con totz os parametros posibles una vegada más aquí y en un articlo concreto de codete y vehíclo espacial. Salut!

Ola Willtron! muitas gracias!Iggy1975 (descusión) 14:57 19 chi 2021 (UTC)

Descusión y votación sobre participios en categorías/títols

Ola Iggy! Pasa-te por ista pachina Wikipedia:Uso d'a luenga/Participios y vota y/u deixa as tuyas opinions si quiers. Salut! --Willtron (descusión) 12:11 26 mar 2021 (UTC)

Pronombre adverbial

Ola Iggy. En la frase-modelo S'han construyíu xxx unidatz has de posar lo pronombre adverbial en/ne porque son "unidatz (de bellacosa ya nombrada enantes)".--EBRO (descusión) 08:15 13 abr 2021 (UTC)

Ola Ebro. "Se'n han construyíu xxx unidatz" ye correcta u "Se n'han construyíu xxx unidatz"? Iggy1975 (descusión) 08:27 13 abr 2021 (UTC)

Ye la primera se'n han. En la pachina 58 de las normas ortograficas dicen:

Quan s'achuntan dos incrementos atonos y un d'ells ye l'adverbial en/ne, será este o que s’apostrofe prioritariament: se'n iba, le'n heba a decir, to'n marcharetz, ya lo'n son, li'n darán, bi'n heba, etc.

muitas gracias! Iggy1975 (descusión) 08:56 13 abr 2021 (UTC)

Coexistencia de sinonimos

Ola Iggy. He visto que has autorrechiu articlos tuyos con la palabra chino por chines. Si leyes l'articlo Republica Popular de China, (sección chentilicio) podrás veyer que se puede escribir de las dos formas, que la sola que s'emplega en l'Alto Aragón ye chino. Fernando Romanos Hernando me dició que no la incluyó en lo suyo diccionario chistabín, pero que si en fa una segunda edición si que la incluirá porque en chistabín existe l'adchectivo achinatau, de la suya familia lingüistica (con sufixo -au). En principio lo deseyable ye que en biquipedia coexistan las dos formas: la popular chino, y lo neolochismo chinés (que obtenemos adaptando dende lo latín SINENSIS). Puedes imachinar que si un usuario chistabín u cheso escribe chino y le'n cambiamos por chinés no seríamos respectando la diversidat lingüistica intrinseca de l'aragonés dialectal actual, y l'adchectivo achinatau quedaría aislau de tot de la suya familia lingüistica.--EBRO (descusión) 11:12 30 abr 2021 (UTC)

Ola Ebro, muitas grazias por a tuya explicación. Creigo que en os articlos nuevos que yo escriba procuraré de fer servir chinés por que me fa mas goyo, manimenos no cambiaré garra chino por chinés si ya ha estau escrito asinas.Iggy1975 (descusión) 11:30 3 may 2021 (UTC)

Gracias por la tuya comprensión. A yo tamién me fa mes goyo chinés por ixo de "¿dónde vas con mantón de Manila? / ¿dónde vas con vestido chinés?" pero la realidat de l'aragonés ye la que ye. Quan tienga inspiración faré la traducción de l'articlo fr:Yeux bridés como "uellos achinataus".--EBRO (descusión) 11:52 3 may 2021 (UTC)

Orden en as categorías

Ola Iggy! Veigo que yes fendo articlos de castiellos d'Aragón. Para cuenta en as categorías que se dicen igual que o títol de l'articlo, en iste caso cal ordenar l'articlo en a categoría, si no toz apareixerán ordenaus por "C" de castiello en iste caso. Pa fer-lo nomás has de meter a barreta vertical y dimpués o nombre por o que quiers que siga ordenau l'articlo. Por eixemplo en o caso d'o Castiello d'Exorcas, si i hai una categoría que se diz Categoría:Castiellos d'a provincia de Teruel meteríanos [[:Categoría:Castiellos d'a provincia de Teruel|Exorcas]] y asinas apareixerá en a categoría ordenau en a "E". O mesmo si ye una ilesia y ye dentro d'una Categoría:Ilesias u un puent en a Categoría:Puents ... nomás en as categorías que se dicen igual que l'articlo. En iste caso de molimentos d'Aragón tamién ye buena idea, ya que tenemos articlos de totz os municipios incluyir a categoría d'ixe municipio, aqui Categoría:Exorcas (en iste caso como veyes no cal ordenar en a categoría, ya que queremos que apareixca en a letra "C" de castiello). Salut! --Willtron (descusión) 12:52 4 may 2021 (UTC)

Ola Willtron! muitas grazias! -- Iggy1975 (descusión) 13:13 4 may 2021 (UTC)

Edificios

Los esquemas d'encomienzo d'articlos que fas son importants pa posar dimpués textos medievals a on se'n faiga mención. Ye millor que antes d'escribir sobre edificios menors u modernos remates lo quefer primero con los castiellos (que salen en las cronicas medievals), y dimpués con las ilesias de las grans ciudatz como Calatayú, Daroca, Teruel, ecetra, que salen en textos notarials y economicos. Con la consulta de textos medievals en aragonés a on salgan estos edificios podemos aportar intresants informacions a ixos articlos que agora son curtos. Yo deixaría atras clases d'edificios pa dimpués d'haber rematau la fayena con castiellos y ilesias.--EBRO (descusión) 11:07 7 may 2021 (UTC)

Ola Ebro, tiens razón que caldría fer primero las fichas d'as grans ciudatz (Calatayú, Daroca, Teruel, ecetra). Manimenos creigo que tamién son importants os edificios modernos. Aspero que haigan usuarios d'a wikipedia que la usen no nomás por a luenga sino tamién por o suyo conteniu. Saludos Iggy1975 (descusión) 07:07 10 may 2021 (UTC)

Posición etiqueta

Ola Iggy, en os mapas de localización con o nombre si a posición ye muit a l'Este (dreita d'o mapa) y se'n sale d'o mapa (aquí por eixemplo), existe a posibilidat de decir que a etiqueta apareixca a la ezquierda d'o punto que sinyala a posición (y queda asinas), nomás cal meter en a tabla "| pos_etiqueta_loc = left" (por defecto ye "right" si no dices garra cosa). Salut! --Willtron (descusión) 07:40 10 may 2021 (UTC)

Ola Willtron! muitas gracias por o tuyo consello tecnico! Iggy1975 (descusión) 07:56 11 may 2021 (UTC)

Nombres scientificos, en cursiva

Ola Iggy1975. He visto que t'has dedicau a escribir articlos sobre fauna. Recuerda que a convención ye que os nombres scientificos d'as especies de sers vivos s'han d'escribir en cursiva, a inicial d'o chenero en mayuscula y l'epiteto especifico en minuscula. Os taxons superiors a chenero siempre con inicial en mayuscula pero no cal meter-le cursiva. Lo trobarás esplicau aquí. Gracias. --Lascorz (descusión) 16:43 23 avi 2021 (UTC)

ola Lascorz, muitas gracias por a tuya aduya! Iggy1975 (descusión) 09:33 26 avi 2021 (UTC)

Mescluces de grafías

Ola Iggy. Seguindo con o tema d'a fauna que yes treballando, alcuerda-te que en Biquipedia se dicidió que s'emplegaría as normas graficas que se conoixe como Propuesta ortografica de l'Academia de l'Aragonés. En ixa grafía no esiste o grafema "Ñ" sino que ye "ny", pero por igual s'escribe C- debant de -e y de -i por razons etimolochicas. Por tanto, no son posibles formas mezcladas como "zigüenya". A Z- debant de -e y de -i la veyerás en os textos escritos en Grafía "de Uesca", como por eixemplo ye la obra de Rafel Vidaller d'an he visto que sale os nombres populars que yes escribindo. Alavetz lo que cal fer ye transcribir a palabra, de cómo la trobas en os textos de Vidaller, en grafía ACAR pa meter-la en Biquipedia. Gracias por l'esfuerzo que fas por seguir amillorando. --Lascorz (descusión) 17:26 4 chi 2022 (UTC)

ola Lascorz, seré mas cudiadoso con a grafía. Muitas gracias Iggy1975 (descusión) 09:11 5 chi 2022 (UTC)

Ola Iggy. O nombre popular de Myotis daubentonii no s'escribe murziacalo por a mesma razón. --Lascorz (descusión) 16:53 23 chi 2022 (UTC)

ups, tiens razón. Lo cambio ascape! Iggy1975 (descusión) 17:05 23 chi 2022 (UTC)

Gracias! :) --Lascorz (descusión) 17:14 23 chi 2022 (UTC)

Grafía AAL

Ola Iggy! Si quiers puetz pasar-te por ista pachina Wikipedia:Cambeo grafia AAL y deixar as tuyas opinions sobre o tema d'a nueva grafía, más que más con os temas que se planteyan pa poder escribir una propuesta y más tardi votar-la. Salut! --Willtron (descusión) 12:12 24 abr 2023 (UTC)

Ola Iggy! si quiers ya puetz votar aquí dica o viernes sobre o cambeo oficial de grafía. Salut! --Willtron (descusión) 07:32 22 may 2023 (UTC)

Translation request

Hello.

Can you create the article es:Laacher See/ast:Laacher See, which is the third most powerful volcano in Europe after Campi Flegrei and Santorini, in Aragonese Wikipedia?

Yours sincerely, Multituberculata (descusión) 08:46 24 chun 2023 (UTC)

hi Multituberculata, I've just created a stub article regarding the Laacher See. Iggy1975 (descusión) 13:55 26 chun 2023 (UTC)

Thank you very much for the new article! Multituberculata (descusión) 17:57 26 chun 2023 (UTC)

Administrador

Ola Iggy! Quereba comentar-te que yera pensando en enamplar a colla d'administradors y ya que levas tiempo en o prochecto y conoixes como funciona si te pareixe bien querría proposar-te a tú chunto con Lazaro y EduardoGG, que somos os que más treballamos en l'actualidat. Ye una mica más de responsabilidat, pero tamién ye una aduya, ya que asinas repartimos entre toz a faina de borrar y bloqueyar vandalismos, puyar imachens como logos si ye menester... Ya me dirás que te pareixe. Salut! --Willtron (descusión) 05:30 27 chun 2023 (UTC)

ola Willtron! muitas gracias per contar con yo. Si, me pareixe bien y me foi contento de poder aduyar encara mas en este prochecto. Manimenos, no tiengo garra ideya de que fer u per an empecipiar. Amenesto bel tipo d'aduya como documentos u tutorials. Iggy1975 (descusión) 07:18 27 chun 2023 (UTC)

Perfecto, hehe, no te'n faigas, no ye guaire dificil, encara que sí ye una responsabilidat mayor. Basicament podrás borrar (veyerás una pestanyeta de "borrar" chunto a la d'"historial" por eixemplo) y restaurar pachinas y edicions, bloqueyar usuarios (lo mesmo, en a sección de "ferramientas" u en os "zaguers cambeos" tendras a opción de "bloqueyar" a un usuario u IP), puyar imachens (en "pachinas especials" te apareixerán nuevas opcions) y atros dreitos (ya lo descubrirás poquet a poquet), puez leyer a pachina d'a wiki en espanyol (astí se dicen "bibliotecarios") pa más información. He ubierto ya as candidaturas Wikipedia:Candidaturas a administradors, puez votar a os atros si quiers, las deixaremos una semaneta ubiertas. --Willtron (descusión) 06:15 29 chun 2023 (UTC)

Ola Iggy! Dende hue ya tiens os dreitos d'administrador. Salut! --Willtron (descusión) 05:28 6 chul 2023 (UTC)

Cheneros

Hola, Iggy. Dixa siempre la plantilla de cheneros en articlos de fauna y flora, de mica en mica los faré yo toz seguius, una ronda mas de treballos ta fer... Lazaro d'Aragón (descusión) 14:38 30 nov 2023 (UTC)

hola! ok Iggy1975 (descusión) 14:50 30 nov 2023 (UTC)

Organización politico-administrativa)

Hola, Iggy. Muit buen treballo con ixo, que bien que s'amenista de tener en cada país a lo menos un puesto a on veyer a suya estructura administrativa, que ye bien útil por exemplo ta fer categorías, que bien que lo trobo a faltar... —Lazaro d'Aragón (descusión) 09:16 15 chi 2024 (UTC)

Thank you for being a medical contributors!

The 2023 Cure Award

In 2023 you were one of the top medical editors in your language. Thank you from Wiki Project Med for helping bring free, complete, accurate, up-to-date health information to the public. We really appreciate you and the vital work you do! Wiki Project Med Foundation is a thematic organization whose mission is to improve our health content. Consider joining for 2024, there are no associated costs. Additionally one of our primary efforts revolves around translation of health content. We invite you to try our new workflow if you have not already. Our dashboard automatically collects statistics of your efforts and we are working on tools to automatically improve formating.

Thanks again :-) -- Doc James along with the rest of the team at Wiki Project Med Foundation 22:25 3 feb 2024 (UTC)

Articlo 45.000

Hoa, Iggy, para de fer articlos antes de fer o 45.000, que millor que sía un articlo de tematica aragonesa. Si no en tiens garra, puyaré un articlo d'una cinta de Paco Martínez Soria. Lazaro d'Aragón (descusión) 14:05 7 feb 2024 (UTC)

oh, ok. Wow, hemos plegau a los 45.000 articlos antes d'o que pensaba. M'aturo :) Iggy1975 (descusión) 14:09 7 feb 2024 (UTC)

Tenemos 996, encara puez fer tres mas, ya controlo ta puyar l'articlo d'a cinta nomás que plegues en 999.... Lazaro d'Aragón (descusión) 14:12 7 feb 2024 (UTC)

ok, foi tres mas ;) Iggy1975 (descusión) 14:18 7 feb 2024 (UTC)

Feito, ya tenemos 45.000, fas un gran treballo!!!! Lazaro d'Aragón (descusión) 14:27 7 feb 2024 (UTC)

gracias a tú! Iggy1975 (descusión) 14:43 7 feb 2024 (UTC)

Ficha unificada ta personas

Hola, Iggy. Soy preparando una ficha unificada ta todas as personas, sía cuala sía la suya profesión. No remeraba que tu tamiém hebas feito bellos articlos de biografías, remero que d'astronautas. Si tiens bella idea de campos que caldría adhibir, comenta-lo y prebaré d'adhibir u adaptar. Encara soy treballando, agora escomencipio con l'apartau d'os esportes, l'estau actual d'un exemplo d'uso d'a ficha ye aquí: Usuario:Lazaro d'Aragón/Chuan Bailo Bailo.

hola Lazaro, muitas gracias per o tuyo treballo. Si, en as wikipedias en atros idiomas i hai campos pa los astronautas como "tiempo en l'espacio" u "misions". Talment se podría incluyir tamién. Iggy1975 (descusión) 12:20 15 may 2024 (UTC)

Plantilla nueva

Hola, Iggy. Istos días charrabamos con Will de creyar una plantilla ta agrupar os vinclos externos, mesmo que bi ha en todas as wikis. Istos días con bot s'ha adhbiu a la mayor parte d'os articlos, puet estar que manque fer-lo en bel articlo. Pero dende agora cal adhibir la plantilla a toz os articlos nuevos, ye la plantilla {{Control d'autoridaz}}, en baixo de l'articlo, antis d'as categorías, asinas. Mira cómo queda en un articlo con muitos vinclos: Louis Pasteur. —Lazaro d'Aragón (descusión) 17:03 9 chul 2024 (UTC)

hola Larazo, ok, lo foi ascape. Iggy1975 (descusión) 13:39 10 chul 2024 (UTC)

Politica imáchens

Ola Iggy! pasa-te por aquí, fe-le una gollada a ista propuesta y vota si te pareixe bien. Salut! --Willtron (descusión) 12:53 11 oct 2024 (UTC)