Ermita de Santa Helena de Biescas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ermita de Santa Helena
Ermita de Santa Helena
Situación cheografica
Estau
País
'
Situación	Biescas, Aragón
Adreza
Coordenatas
Archidiocesi
Diocesi	Chaca
Arcipestrau	Biescas
Información cheneral
Advocación	Santa Helena
Culto	Cristianismo
Orden
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Ermita
Estilo
Función
Catalogación
Materials
Construcción
Construcción	Sieglo XVI
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Ermita de Santa Helena Ermita de Santa Helena en Aragón

A ermita de Santa Helena de Biescas ye una ermita situata chunto a la gorga de Santa Helena, en a mesma dentrata d'a val de Tena, en o municipio de Biescas. Adedicata a la patrona de Biescas y d'a val, santa Helena.

Dicen que la Santa veniba de Francia t'acubillar-se d'os franceses (u moros que veniban d'o sud en atras versions) que la encorreban. Cuan heba plegato ta Biescas dimpués de trescruzar a muga, un labrador la levó ta lo puesto a on hue ye la fuent, en a espelunga baixo a ermita. y astí una araina teixió sobre la dentrata una gran tiraraina dezaga d'a que s'amagó la Santa. En o mesmo puesto se construyó en o sieglo XVI y posteriors^[1] a ermita, mientres o reinato de Chaime I y continó baixo la protección de Ferrando II y Carlos I.

Toz os 18 d'agosto se fa la tradicional romería en a que vecins de Biescas y de tota la val puyan ta la ermita.

A fuent Gloriosa

A fuent Gloriosa se troba baixo la ermita de Santa Helena. Ye una fuent intermitent en a que l'augua sale a vegatas mientres bels 15 menutos y dimpués se seca mientres un largo periodo de tiempo. A tradición popular diz que l'augua d'esta fuent viene dreita d'o río Churdán en Palestina, o mesmo río en que fue baptizato Chesucristo.

L'orichen d'esta creyencia ye en a Edat Meya. Un pelegrín que veniba de Tierra Santa y que iba por a val de Tena ta Santiago de Compostela yera en la ermita ascuitando misa con atros pelegrins. En ixe mesmo inte prencipió a salir augua d'a fuent, que ya yera conoixita por os habitants d'a val. Cuan veyió l'augua salir con una gayata flotando dencima d'ella lo pelegrín prencipió a chilar -Miraglo! Miraglo!- y contó a la chent d'o lugar que ixa mesma gayata le s'eba cayito a lo cauz d'o Churdán cuan yera en Palestina y que agora la Santa le'n heba tornata.

Puesto de culto

O puesto a on hue ye la ermita de Santa Helena ye un puesto de culto dende antes d'a cristizanización d'estas tierras.^[1] A principal muestra d'este feito ye la presencia d'un dolmen a los piez d'a ermita, en a dentrata d'a val de l'Asieso.

Dimpués este puesto se cristizanizó construindo la ermita sobre la fuent Gloriosa. Alavez ye platero que lo puesto no estió trigato d'una traza aleatoria, sino que os antigos habitants d'estas tierras i troboron una gran fuerza telurica. S'han feito medicions y as fuerzas teluricas en Santielena^[2] son pro amanatas a las que se pueden trobar en atros puestos importants de presencia megalitica como Stonehenge u ermitas cristianas d'o Pireneu como Santa Orosia. Ye pro común a cristianización de puestos de culto pagano en tot o Pireneu.

Importancia estratechica

D'atra mán antimás d'a suya importancia relichiosa lo puesto tamién ha tenito una gran importancia estratechica. Situato en o cobalto d'un congosto que fa de dentrata ta la val de Tena, a 1080 m. d'altaria, o fuerte de Santa Helena prencipió a construyir-se en 1887 anque nunca se remató por falta de diners.

Se trestalla en tres partes, o fuerte alto que tien una superficie 8.765 m², a batería exterior con 1.845 m² y la parte d'esfensa baixa con 2.755 m², antimás d'un almadacen de 592,64 m² ta alzar materials y atro de 31 m² ta alimentos, pro ta que los hombres podesen minchar por bels 4 meses. Podeban acubillar-se en o fuerte 200 hombres con os suyos oficials y cuatro caballos.

Manimenos en o mesmo puesto ya existiban edificacions militars en sieglos anteriors que s'emplegoron en as invasions d'os hugonotz, a Guerra contra la Convención u en a Guerra d'o Francés entre atros autos belicos. Ya en 1592 mientres las Alteracions d'Aragón l'antigo castiello estió escenario de bels escaicimientos^[3] cuan os biarneses calvinistas invadioron a val.

Leyenda sobre a propiedat d'a ermita

Ya d'antigo existiban conflitos sobre si a ermita yera propiedat d'a villa de Biescas u d'o quinyón de Pandicosa. Estió lo 25 de chulio de 1545 cuan se fixó la muga entre las dos entidaz territorials en o barranco d'o Espumoso y Santa Helena quedó en a parte biesquense.

Manimenos a leyenda popular mos recenta encara mas d'esta división territorial. Diz que o bispe d'ixas tierras clamó a los mosens d'as villas que yeran en pleito por a ermita y les mandó puyar ta o puesto d'a ermita ta churar que astí yeran pisando a tierra d'a suya respectiva villa.

Os dos mosens dandaliaban, por que en verdat denguno sapeba prou bien de quí yera ixa tierra a on yera a ermita, pero lo mosén de Biescas que yera a-saber-lo d'estuto s'heba plenato los suyos zapatos con tierra d'a villa de Biescas ixe mesmo maitín antes d'ir-ie.

Asinas, cuan plegoron o bispe dició -Quí de vusatros puet churar que ye pisando agora tierra d'a suya villa?- y allora lo mosén de Biescas dició con tanta seguridat que degún d'os presents dandalió -Yo churo debant d'a Biblia y de Dios Nuestro Sinyor que agora mesmo soi pisando tierra d'a villa de Biescas!-. O bispe decretó que a ermita perteneixeba a la villa de Biescas.

Se veiga tamién

Referencias

Vinclos externos

(es) Tradición Oral en Tierra de Biescas, Ana Cristina Blasco Arguedas, Ed. Yalliq.
(es) Datos d'o Fuerte
(es) El agua del Jordán llega hasta Biescas

Datos: Q5814813

[CAI-1] 1,0 ^1,1 http://www.caiaragon.com/es/municipios/index.asp?tipo=0&idloc=12

[2] ttp://www.serrablo.org/boletin/s114/s114-2.html

[3] ttps://web.archive.org/web/20080827184753/http://www.serrablo.org/guia/el_devenir_historico

[1]

[2]

[3]