Serpentinita

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una muestra de serpentinita con crisotilo bien visible.

A serpentinita ye una roca metamorfica de color verde escura que presenta como mineral principal a serpentina y que resulta por un regular d'o metamorfismo de rocas ignias ultrabasicas como a peridotita, d'astí que se troben a sobén en os complexos ofioliticos; tamién se pueden formar por metamorfismo de salagons con dolomita.

Composición

O mineral principal ye a serpentina, pero tamién pueden mantener-sen os minerals principals d'a roca orichinal como l'olivín, piroxén y o granat piropo.

Os minerals accesorios son o talco, magnetita y clorita. Os minerals accidentals son os anfíbols, y carbonatos, por un regular dolomita, pero tamién magnesita u calcita.

Textura

A textura ye variable, a mida de gran ye fina, de color amariella verdenca dica verde. Bi ha serpentinitas con textura catablastica (as oficalcitas). As serpentinitas pueden estar masivas u con estructura scistosa.

Aplicacions

Incrustacions en márbol blanco y verde di Prato en Badia fiesolana.

L'asbesto de crisotilo (serpentina fibrosa) se puet fer servir como teixito incombustible y como aislant termico en os edificios. Manimenos se ye deixando de fer servir este asbesto por estar cancericheno.

As oficalcitas se fan servir muito como roca polita pa cubrir as fronteras d'os locals comercials u como recholas.

Bibliografía

• Walter Maresh, Olaf Mendenbach: Las Rocas Guías de Naturaleza Blume. 1990.

• Datos: Q737339
• Multimedia: Serpentinite / Q737339