Sierra de Penya Redonda

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sierra de Penya Redonda Sierra de Peña Redonda
Cheografía
Cordelera	Sistema Iberico
Sector
'
Maxima altaria	1513 m, Penya Redonda
Cimas importants	Penya Redonda, Penya Gotera, Cerrito Cuatreño
Largaria
Amplaria
Superficie
Vértiz cheodesico
Subsistemas
Administración
Estau	Espanya
País	Aragón
Comarca	Sierra d'Albarracín Comunidat de Teruel
Cheolochía
Edat	Paleozoico (Ordovicico, Siluriano, Permico), Mesozoico (Triasico).
Materials	Losetas, ortocuarcitas, rodeno.
Tipo
Mapa

La sierra de Penya Redonda ye una aliniación montanyosa de dirección N-S adintro de la Serranía d'Albarracín y de la branca castellana de lo Sistema Iberico. Destaca por los suyos releus de rodeno que rodeyan lo macizo paleozoico de Collau de la Plata.

Se situa a lo sud de sierra Carbonera, a l'este de la fuesa de Teruel y a l'ueste de lo río Ebrón.

Toponimia

En cheolochía se fa servir la denominación especifica de Macizo de Collau de la Plata pa referir-se a los materials paleozoicos d'edat ordoviciana y siluriana que afloran en lo suyo nuclio y constituitos por las ortocuarcitas y losetas plegadas en la orochenia herzinica

Orografía

La principal altaria ye Penya Redonda con 1.513 m. Atras altarias importants son Penya Gotera (1.491 m), Tres Castillos, los altos del Pajararejo y Cerrito Cuatreño, a on que mugan los termins de cuatro localidaz. La sierra de Penya Redonda no destaca en altaria respecto a los atros releus de la sierra d'Albarracín pero si que lo fa respecto a los de la Comunidat de Teruel por estar en contacto con la fuesa de Teruel.

Bi ha cuellos como lo collau de los Burros entre Penya Gotera y Tres Castillos y por a on que pasa la carretera de Tormón a Rubials. Atros cuellos son collau de las Tabernillas, collau de la Plata y collau Corbín.

Superficie por municipios

La superficie de la sierra de Penya Redonda se distribuye por los termins municipals de Rubials, Tormón, Tramacastiel y la "manga" de lo termin municipal d'Albarracín que bi ha entre Las Casiellas de Bezas y Ligros. La muga entre los cuatro termins municipals se troba en Cerrito Cuatreño.

Cheolochía

La mes gran part de los materials de la Sierra de Penya Redonda son mesozoicos (destacando los de lo Buntsandstein), manimenos bi ha estensos afloramientos de materials paleozoicos que han puyau a favor de fallas y forman macizos montanyosos con releu apalachense.

Los principals materials cheolochicos representaus en lo macizo paleozoico de Collau de la Plata son las cuarcitas armoricanas, las losetas y grauwacas de lo Llandeilo y las cuarcitas de lo Valentiniense inferior.

Estos materials paleozoicos constituyen un nuclio rodeyau por lo rodeno d'edat permiana y triasica que puede presentar altarias mes grans.

Bibliografía

• (es) Emilio Escudero, María José Franchès: El Rodeno. Colección RUTASCAI por Aragón, nº 25. CAI, 2005.
• (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
• (es) Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007.
• (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983.
• (es) Liñán, Eladio, Villas, Enrique, Gozalo, R: El Paleozoico de Teruel, articlo publicau en Introducción a la geología de la provincia de Teruel, Instituto de Estudios Turolenses, 1991.
• (es) Instituto Geológico y Minero de España: Mapa Geológico de España E 1:50.000. Cella. Servicio de publicaciones de Ministerio de Industria y Energía.
• (es) Instituto Geológico y Minero de España: Mapa Geológico de España E 1:50.000. Terriente. Servicio de publicaciones de Ministerio de Industria y Energía.

• Datos: Q25619953