السلم والتعبان
السلم والتعبان هى لعبة اطفال كلاسيكية بتتلعب بين اتنين او اكتر على كرتونة او لوحة متقسمة مربعات مترقمة. فيه مربعات منهم بيبقى مرسوم فيها سلم بيوصل بمربع تاني بيبقى فى صف اعلى من الصف اللى موجود فيه المربع الاولاني. ومربعات تانية بيبقى مرسوم فيها تعبان بيوصل لمربع تاني موجود فى صف اوطى. اللعبة اصلها هندي وكان اسمها السلم للخلاص. ووصلت اللعبة لانجلترا واللي ف نفس الوقت كانت وصلت لامريكا ومن ساعتها انتشرت ف العالم والكلام دة كان ف النص الاول م القرن العشرين.
