الكنيسه المعلقه

الكنيسة المعلقة
الكنيسة المعلقة
البلد	مصر
التقسيم الادارى	حى مصر القديمة، على شارع مارى جرجس، محطة مترو الأنفاق(مارى جرجس).
الابرشيه	محافظة القاهره
التأسيس	القرن 7
التاريخ
اتسمت لـ	العدرا مريم
تاريخ التقديس	اتخذت مكانا للعبادةو ده قبل القرن الخامس الميلادي
المعلومات المعمارية
النوع المعماري	كنيسة أثرية
إحداثيات	30°00′20″N 31°13′48″E / 30.005416666667°N 31.230083333333°E
	تعديل

الكنيسه المعلقه كنيسه قبطيه أرثوذكسيه فى حى مصر القديمه ، فى منطقة القاهرة القبطية الاثرية المهمة ، قريبة من جامع عمرو بن العاص ، و معبد بن عزرا اليهودى ، و كنيسة مارمينا جنب حصن بابليون ، و كنيسة الشهيد مرقوريوس (ابو سيفين) ، و كنايس تانيه كتيره . و اتسمّت المعلقة لانها اتبـَنـِت على بـُرجێن من الابراج القديمة للحصن الرومانى (حصن بابليون) ، اللى بناه الامبراطور تراجان فى القرن التانى الميلادى ، و بتُعتبر المعلقة هى اقدم الكنايس فى مصر من أهم المزارات الدينية اللى بتمثل التراث القبطى فى العاصمة المصرية القاهرة^[1] و اتبنت ٱول مره فى القرن التالت.^[2]

تاريخ

فى بعض الروايات بتقول ان الكنيسة دى اتبنت على انقاض مكان استخبت فيه العيلة المقدسة(العدرا مريم ، المسيح،القديس يوسف النجار ف التلت سنين اللى قضوها ف مصر على حسب اللى مذكور ف الكتاب المقدس عشان يهربوا من حكم هيرودس حاكم فلسطين اللى كان امر بقتل الاطفال بسبب نبوئة جاتله و فى ناس تانية بتقول انها كانت مكان قلاية كان عايش فيها واحد من الرهبان ف واحد من السراديب الصخرية اللى محفورة ف المكان ده. الكنيسة دى اتجددت كذا مرة ف العصر الاسلامى مرة ف عهد هارون الرشيد لما طلب البطريرك الانبا مرقس من الوالى انه يديله الاذن بتجديدها،و مرة تانية ف عهد العزيز بالله الفاطمى اللى سمح للبطريرك افرام السريانى انه يجدد كل كنايس مصر و مرة تالتة ف عهد الظاهر لأعزاز دين الله. كانت مقر للكتير من البطاركة من اول القرن الحداشر و كان البطريك خرستوذولس اول واحد عمل الكنيسة المعلقة مقر للبابا و اتدفن فيها عدد من البطاركة ف القرنين الحداشر و الاتناشر و لسة لحد دلوقتى ليهم صور و ايقونات بيتولعلها شموع و كانت بتتعمل فيها محاكم الكهنة و الاساقفة و المهرطقين كمان،و بتعتبر مزار هام جدا للمسيحيين و ده بسبب انها قديمة تاريخيا و لأنها مرتبطة بالعيلة المقدسة.