এই পৃষ্ঠাটোৰ বৈধকৰণ হৈছে
৮০
আদি চৰিত
এক এৰি গৈলা তুমি এথাতে ৰহিলা।
কহিয়োক অনিৰুদ্ধ জীলা কি মৰিলা।
এহি দুই কথা আমি সুধিলোঁ দুইজনে।
হেন শুনি অনিৰদ্ধ কহে কোপ মনে।
অনিৰূদ্ধে বোলে দুইজনে শুনিয়োক।
জল মধ্যে শঙ্কৰে এৰিয়া গৈলা মোক॥৭৮৪
নমৰিয়া জীয়াই আছো জলৰ মধ্যত।
কি কাৰণে মৰিবোঁ শঙ্কৰে এৰিলাত।
শঙ্কৰে নৌকাত চৰি গৈলেক উজাই।
জলে উটি অনিৰূদ্ধ আছোঁ এহি ঠাই।
সম্পূৰ্ণ বৈঠাৰে নৌকা বাহিৰে শঙ্কৰ।
নাল বৈঠা বাই মই তৰিবোঁ সাগৰ।
এহিমতে আনে নানা বুলি গৰ্ব্ববাক।
নযাইবোঁ শঙ্কৰ কাষে কহিলা আমাক।
হেন শুনি আমি তৈৰ হন্তে চলি গৈলোঁ।
ইসব কথাক গৈ গুৰুত কহিলোঁ॥ ৭১০
অনিৰূদ্ধে কথা যত কৈলা আমাসাত।
সমস্তে কহিলোঁ আমি গুৰুৰ আগত।
হেন শুনি গুৰু পাচে বুলিলন্ত বাণী।
অনিৰুদ্ধে চুৰি কৰি নিলে শাস্ত্ৰখানি।
কল্পতৰু নামে শাস্ত্ৰ ধাতু তামাক্ষৰ।
সেহি শাস্ত্ৰ পায়া লগ এৰিলে আমাৰ।
