এই পৃষ্ঠাটোৰ বৈধকৰণ হৈছে
৯৫
আদি চৰিত
ধ্বজ আদি পদশিলা মধ্যে নামঘৰ।
মুক্তে মণিকূট কৈলা শ্ৰীমন্ত শঙ্কৰ॥৯৪৫
চাৰি দিশে চাৰি হাটি মহা ভক্তগণ।
চাৰিও প্ৰসঙ্গে কৰে কৃষ্ণৰ কীৰ্ত্তন॥
উত্তৰে আকাশী গঙ্গা ভক্তি সৰোবৰ।
থান পূব দিশে থাকে ৰাম দামোদৰ।
দক্ষিণত বাসুদেৱ লক্ষ্মী সৰস্বতী।
বাঢ ভক্ত চাৰি ধাম পশ্চিমত থিতি।
অনন্ত অচ্যুত প্ৰভু মধ্যে নিৰাকাৰ।
জীৱক তাৰিবে লাগি ধৰিলা আকাৰ।
পঞ্চ ক্ষেত্ৰ আদি ব্ৰহ্মপুত্ৰ তীৰ্থৰাজ॥
ভক্তি পাই ইসবেও তৰিল সামৰাজ॥৯৫০
ব্ৰহ্ম গাতা শাস্ত্ৰ দিয়া জলৰ মধ্যত
ব্ৰহ্মপুত্ৰে শৰণ লৈলেক শঙ্কৰত।
কি কহিবোঁ সিটো মই মহিমা থানৰ।
বৈকুণ্ঠৰ সম সেহি থান মনোহৰ।
হেন বৈকুণ্ঠক পৃথিবীত নিৰ্ম্মিলন্ত।
সেহি বৈকুণ্ঠত প্ৰভু শঙ্কৰ ৰৈলন্ত।
মাধৱ বদতি কথা শুনা সৰ্ব্বজন।
পাচে যি কৰিলা প্ৰভু কুসুম নন্দন।
ৰামৰাইক চাই গুৰু বুলিলন্ত বাণী।
উজনিক ৰামৰাই চলিয়ো আপুনি॥৯৫৫
