Alpes Australianos
| Alpes Australianos | |
|---|---|
| cordal | |
 | |
| Situación | |
| País |  Australia |
| Estáu federáu |  Victoria (Australia) |
| Cordal | Gran Cordal Divisoriu |
| Coordenaes | 37°S 148°E / 37°S 148°E |
  Alpes Australianos Alpes Australianos (Australia) | |
| Datos | |
| Altitú | 1372 m |
 | |
Los Alpes Australianos ye la cadena montascosa más alta d'Australia continental. El cordal asítiase nel sureste del país y estiéndese a lo llargo de los estaos de Nueva Gales del Sur y Victoria. Los Alpes contienen los únicos montes del territoriu continental que devasen los 2000 metros sobre'l nivel del mar, y xunto a la islla de Tasmania son l'únicu llugar del país onde puede atopase nieve natural. El picu más altu del cordal ye'l Monte Kosciuszko, con 2228 metros d'altor sobre'l nivel del mar.
El cordal ye de la mesma parte de la Gran Cordal Divisoriu, una serie de montes y altiplanos estendíos a lo llargo de más de 3000 quilómetros dende'l norte de Queensland hasta'l corazón de Victoria. Estos cordales estremen los ríos y regueros que desagüen na cuenca oriental del océanu Pacíficu, d'aquellos que formen parte de cuenques interiores, como la del ríu Murray.
Ecoloxía
[editar | editar la fonte]Los Alpes tienen una gran importancia na hidrografía d'Australia, siendo unu de los actores principales de la mayor cuenca hidrográfica del país, formada polos múltiples afluentes que nacen nos sos montes y desagüen nel ríu Murray, y nel mayor de los sos afluentes, el ríu Murrumbidgee.
Nesta zona atópense estensos parques nacionales, xestionaos en cooperación como Parques Nacionales de los Alpes Australianos, poles alministraciones centrales australianes, de Nueva Gales del Sur, de Victoria y del Territoriu de la Capital Australiana.
Tamién inclúin los únicos enclaves d'esquí del territoriu continental, qu'al pie de la población de Cabramurra representen práuticamente les úniques árees habitaes de la zona. Nos valles darréu debaxo de los montes sí qu'esisten poblaciones relativamente poblaes, como Jindabyne, Corryong o Mount Beauty.
Los Alpes Australianos son muncho menos serrapatosos que los sos homólogos europeos, y la mayoría de los visos pueden algamar ensin necesidá d'equipamientu de monte especializáu, anque sí hai dellos ribayos apropiaos pa prauticar esguilada en roca.
Ver tamién
[editar | editar la fonte]Referencies
[editar | editar la fonte]Enllaces esternos
[editar | editar la fonte]
| Control d'autoridaes |
|
|---|
Datos: Q390226
Multimedia: Australian Alps