Saltar al conteníu

Bandera de Chequia

De Wikipedia
Ficha d'escuduBandera de Chequia
Datos
Entidá Chequia
Fecha d'adopción 1 de xineru de 1993 (31 años)
Proporción 3:2
Usu
Colores blancu, bermeyu y azul
Elementos representaos campo (es) Traducir (blancu, bermeyu)
triángulu equilláteru (azul)
Cambiar los datos en Wikidata

La bandera de Chequia (checu: vlajka Česka) o bandera de la República Checa (státní vlajka České republiky) o simplemente, bandera checa (česká vlajka) ye la mesma bandera que l'antigua Checoslovaquia. Tres la disolución de Checoslovaquia en 1993, Chequia mantuvo la bandera checoslovaca mientres qu'Eslovaquia tomó una bandera diferente. La primer bandera de Checoslovaquia taba basada na bandera de Bohemia y yera una franxa blanca sobro una bermeya. Yera igual que la bandera de Polonia, polo que s'añadío el triángulu azul en 1920. La bandera foi prohibida polos nazis en 1939 y una bandera tricolor blanca, bermeya y azul va a ser usada nela guerra. La bandera actual restorose en 1945.

Historia

[editar | editar la fonte]
Escudu d'armes de Bohemia, nel que tán inspiraos los colores de la bandera.
Bandera de Bohemia. Foi tamién la bandera de Checoslovaquia (1918–1920)

Tres la creación del estáu de Checoslovaquia en 1918 adoptóse la bandera de Bohemia cómo símbolu, idéntica a la bandera polaca. Los colores d'esta bandera taben basaos nos del escudu d'armes del Reinu de Bohemia, que consistía nun lleón platiáu sobro un fondu coloráu.

Por cuenta de l'asemeyanza de la bandera cola de Polonia, adoptóse una nueva bandera diseñada por Jaroslav Kursa, un funcionariu del Ministeriu del Interior checoslovacu.[1] Sicasí, l'antigua bandera sigue siendo usada cómo bandera de la rexón de Bohemia (Chequia). La nueva bandera foi aprobada'l 30 de marzu de 1920 pola Asamblea Nacional de Checoslovaquia.

Bandera del Protectoráu de Bohemia y Moravia (1939-1945), baxo ocupación d'Alemaña.

Esta bandera usóse de forma siguida de magar, cola esceición de la ocupación alemana de Checoslovaquia mientres la Segunda Guerra Mundial, cuando foi sustituyida por una bandera tricolor.[2] Amás, mientres la Revolución de Terciopelu, la parte checa de Checoslovaquia adoptó l'antigua bandera colorada y blanca.[3]

A pesar de roblar un alcuerdu con Eslovaquia mientres el procesu de división de Checoslovaquia, que prohibía a los estaos sucesores a usar nengunu de los símbolos de l'antigua federación, Chequia sigió usando la bandera.[4] Eslovaquia, sicasí, adoptó una nueva.[5]

Dimensiones

[editar | editar la fonte]

Los colores de la bandera son: blancu, azul y bermeyu. La bandera ta formada por un triángulu isósceles azul que s'estiende hasta la metá a lo llargo del rectángulu (un error común ye faelo más curtiu) y dos grupos: unu blancu y unu coloráu.

Referencies

[editar | editar la fonte]
  1. ↑ "Czech society of vexicologists on the origin of the Czechoslovak state flag" (MS Word) (en checu). 10 d'avientu de 2007.
  2. ↑ Government of the Czech Republic The Czech Republic's national flag.
  3. ↑ Law defining state symbols of the Czech Republic 67/1990 Sb, from 13 March 1990
  4. ↑ Ústavný zákon č. 542/1992 Zb. o zániku Českej a Slovenskej Federatívnej Republiky, Čl. 3 ods. 2(Constitutional act. No. 542/1992 Col. on the dissolution of the Czech and Slovak Federative Republic, art. 3 sect. 2)
  5. ↑ Whitney Smith, "Flag of the Czech Republic", Encyclopedia Britannica.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Bandera_de_Chequia&oldid=4208014»