Lexus

Lexus
	marca de automóviles (es) , división (es) y productor d'automóviles
Llocalización
Sede	Nagoya
Direición	Xapón
Forma xurídica	división (es)
Historia
Fundación	1989
Fundador	Eiji Toyoda
Sector
Industria	industria del automóvil; construcción naval (es)
Productos destacaos	Segmento F (es) ; performance car (en)
Participación empresarial
Organización matriz	Toyota
Propietariu de	ver Lexus F;
	Web oficial

Lexus ye una marca d'automóviles d'alta gama creada por Toyota en 1989 pa competir, primeramente n'Estaos Xuníos y depués a nivel mundial, contra Mercedes-Benz, BMW y Audi. Nos primeros años, Lexus vendía modelos d'alta gama que se comercializaben como modelos Toyota nel mercáu xaponés; más tarde la marca empezó a desenvolver modelos propios. Esta idea de Toyota ye similar a la qu'aplicaron Honda al crear Acura y Nissan cuando fundó Infiniti. Lexus ye l'acrónimu de Luxury EXport Onited States.

La marca unificóse tamién nel mercáu xaponés, renombrando los modelos d'alta gama que se vendíen so la marca Toyota. Los Toyota Celsior, Altezza y Aristo recibieron les designaciones Lexus LS, IS y GS, respeutivamente. Los modelos de Lexus fueron llanzaos tamién n'otros países desenvueltos.

El primer modelu de Lexus foi'l LS400, apaecíu en 1989, con un diseñu que compartía poques coses colos modelos de Toyota. Depués foi comercializáu anque con poco ésitu en Xapón, col nome de Toyota Celsior. Esta máquina nació d'un proyeutu qu'empezó en 1983 pa crear una berlina insinia que pudiera desafiar a los meyores coches del mundu, estableciéndose como unu de los trés grandes fabricantes de coches de luxu n'EE.XX. El so creador foi Eiji Toyoda, sobrín del fundador de Toyota.

Coles mesmes, Lexus comercializa masivamente varios de los sos modelos con propulsión híbrida, el CTh, el HS, la RX 400h, el GS 450h y el LS 600h.

Nel añu 2011 la Casa Principesca de Monaco escoyó a la marca Lexus pal desenvolvimientu del coche oficial que llevaría a Alberto II y Charlène Wittstock el día de la so boda'l 2 de xunetu de 2011.^[1] Esti vehículu foi desenvueltu sobre la base d'un Lexus LS600h L del 2011 cortando'l techu de la parte posterior del habítaculo que foi sustituyíu por un techu tresparente realizáu nuna única pieza de policarbonato. Esta versión especial foi bautizada col nome de Lexus LS60h L Landaulet.