Livio Berruti

Medayes
	; Livio Berruti
Atletismu Homes
Xuegos Olímpicos ;

Livio Berruti
Vida
Nacimientu	Turín, 19 de mayu de 1939 (85 años)
Nacionalidá	Reinu d'Italia 18 xunu 1946); Italia (19 xunu 1946 -
Estudios
Llingües falaes	italianu
Oficiu
Oficiu	atleta, velocista
Trayeutoria
	Participante Xuegos Olímpicos de Méxicu 1968 ; Xuegos Olímpicos de Tokiu 1964 ; Xuegos Olímpicos de Roma 1960 ;
Pesu	66 kg
Altor	180 cm
Emplegadores	Zegna (es) ; Fiat (es)
Premios	ver Gold Collar for Sports Merit ;

Livio Berruti - (19 de mayu de 1939 en Turín, Italia). Atleta italianu especialista en pruebes de velocidá y campeón olímpicu de los 200 metros nos Xuegos de Roma 1960.

Berruti tenía 21 años y yera estudiante de química na Universidá de Padua cuando participó nos Xuegos Olímpicos de Roma, celebraos nel so propiu país. La so imaxe yera bastante llamativa, yá que siempres corría con gafes negres y calcetos blancos. Nun taba consideráu como unu de los favoritos nos 200 metros, y amás nesta prueba los atletes estauxunidenses apoderaren de forma ininterrumpida dende los Xuegos de Los Angeles 1932.

Sicasí, nes semifinales celebraes el 3 de setiembre, Berruti llogró igualar el récor mundial d'esta prueba con 20,5. Esi mesmu día tuvo llugar la final, y Berruti nuevemente consiguió la victoria, repitiendo la so marca de 20,5 y superando al estauxunidense Lester Carney (plata con 20,6) y al francés Abdoulaye Seye (bronce con 20,7).

Participó tamién na prueba de los relevos 4 x 100 metros, onde los italianos raspiaron la medaya, anque finalmente acabaron en cuarta posición.

La so victoria convirtió-y nuna de les grandes estrelles de los Xuegos de Roma, yá que foi l'únicu trunfu italianu nel atletismu, y amás llegó de forma inesperada. La prensa italiana de la dómina fixo ecu d'un posible romance mientres los Xuegos ente Berruti y la velocista americana ganadora de tres medayes d'oru Wilma Rudolph, anque nun ye daqué que tea confirmáu.

A pesar de la so mocedá, Berruti nunca volvería llograr un ésitu similar nel futuru. Participó n'en dos ediciones más de los Xuegos Olímpicos. Nos de Tokiu 1964 foi 5º clasificáu nos 200 metros y 7º nos relevos 4 x 100 metros, ente qu'en Méxicu 1968 foi esaniciáu en cuartos de final de los 200 metros y de nuevu 7º na prueba de relevos.

A parte d'esto tamién llogró catorce títulos de campeón d'Italia: seis nos 100 metros (1957-62) y ocho nos 200 metros (1957-62, 65 y 68).

Ver tamién

Progresión de la plusmarca mundial de los 200 m llisos masculín.

Referencies

↑ Afirmao en: World Athletics database. Identificador World Athletics: 250552. Apaez como: Livio Berruti.

Enllaces esternos

Predecesor:
Bobby Joe Morrow

Campeón Olímpicu de 200 metros
Roma 1960

Socesor:
Henry Carr

[7996defdc5da2880a5e2c4f9c566ffc5859e8d99-1] Afirmao en: World Athletics database. Identificador World Athletics: 250552. Apaez como: Livio Berruti.

[1]