René Goscinny
René Goscinny | |||
|---|---|---|---|
 | |||
1963 - 1974 | |||
| Vida | |||
| Nacimientu | V Distritu de París[1] y París[2], 14 d'agostu de 1926[3] | ||
| Nacionalidá |
 Francia [4] | ||
| Muerte | XVII Distritu de París[5] y París[2], 5 de payares de 1977[3] (51 años) | ||
| Sepultura |
Cimetière du Château (en)  | ||
| Causa de la muerte | infartu de miocardiu[6] | ||
| Familia | |||
| Padre | Ladislas Goscinny | ||
| Madre | Anna Goscinny | ||
| Fíos/es | Anne Goscinny | ||
| Estudios | |||
| Llingües falaes | francés[7] | ||
| Oficiu |
editor, direutor de cine, dibujante (es) , productor de cine, guionista, escritor de lliteratura infantil, humorista, redautor en xefe | ||
| Llugares de trabayu | Buenos Aires, Nueva York y París | ||
| Emplegadores |
Sud Ouest (es) Le Journal de Spirou Pilote | ||
| Trabayos destacaos |
Astérix el Galu Lucky Luke El pequeño Nicolás (es) | ||
| Premios |
ver
| ||
| IMDb | nm0331453 | ||
 | |||
René Goscinny (14 d'agostu de 1926, V Distritu de París y París – 5 de payares de 1977, XVII Distritu de París y París), escritor, humorista y guionista de cómic. Ye conocíu mundialmente polos álbumes d'Astérix y Lucky Luke (personaxe creáu por Morris, pero al que Goscinny dará un nuevu aliendu).
Mocedá
[editar | editar la fonte]René Goscinny nació en París en 1926, fíu de Stanislaw « Simkha » Goscinny, inxenieru químicu de Varsovia, y d'Anna Beresniak Goscinna de Khodorkov, un pueblín ucraín. Stanislaw y Anna conócense en París y cásense en 1919. Los Goscinny marchen a Buenos Aires, dos años depués del nacimientu de René, a ocupar un nuevu puestu d'inxenieru que Stanislas atopa allí. René tien una neñez feliz, estudiando nes escueles franceses de la ciudá. Tien el vezu de facer reir a los sos compañeros de clase, probablemente pa compensar una timidez natural. Entama a dibuxar bien ceo, inspiráu poles histories ilustraes que-y presta lleer.
N'avientu de 1943, depués de la obtención del so diploma a los 17 años, un mozu René pierde a so padre por mor d'una hemorraxa cerebral, lo que lu obliga a buscar trabayu. L'añu siguiente, obtién el so primer emplegu como contable adxuntu nuna empresa de neumáticos. Poco depués dexa esi trabayu pa convertixe en dibuxante nuna axencia de publicidá.
René, acompañáu de so madre dexa Arxentina por Nueva York en 1945, col propósitu d'atopase col so tíu Boris. Pa llibrar del serviciu militar americanu, René marcha pa Francia, alistándose nel so exércitu en 1946. Sirve n'Aubagne, nel 141ᵘ batallón d'infantería alpina. Ascendíu a cabu, René conviértese n'ilustrador oficial del reximientu.
Primeros trabayos
[editar | editar la fonte]Iluistra'l llibru La fille aux yeux d'or y regresa a Nueva York. René atraviesa entós la dómina más difícil de so vida. Queda ensin trabayu, solu y deprimíu dafechu.
En 1948, atopa un trabayu nun pequeñu estudiu, collaborando con Harvey Kurtzman nel equipu de Mad magazine.
René conviértese darréu en direutor artístitu en Kunen Publishers onde escribe cuatro llibros pa rapacinos. Alcuéntrase con Maurice de Bévère, alias Morris, el dibuxante y primer autor de la serie d'álbumes «Lucky Luke».
Regresu a París
[editar | editar la fonte]Depués alcuéntrase con Georges Troisfontaines, direutor de World Press agency, que lu convence pa regresar a París y trabayar como direutor de la sucursal llocal en 1951. Ellí conoz a Albert Uderzo, col qu'entama una llarga cooperación. Trabayen xuntos en Bonnes Soirées, una revista femenina pa la que Goscinny escribe Sylvie. En 1955, Goscinny acompañáu de Jean-Michel Charlier, Albert Uderzo y Jean Hébrad, funden el sindicatu d'edición Edipress/Edifrance. Goscinny y Uderzo collaboren igualmente en 'Bill Blanchart' en Jeannot, 'Pistolet' en Pistolin y 'Benjamin et Benjamine' na publicación del mesmu nome.
Baxo'l nomatu d'Agostini, Goscinny escribe Colasín (la versión n'asturianu foi editada pola Academia de la Llingua Asturiana en 1990) pa Jean-Jacques Sempé en Le Moustique y más tarde en Sud-Ouest y Pilote.
Magazine Tintin
[editar | editar la fonte]En 1956, Goscinny entama una bayurosa collaboración cola revista Tintin. Trabaya con un importante númberu d'autores :
- histories curties pa Jo Angenot y Albert Weinberg ;
- Signor Spaghetti con Dino Attanasio ;
- Monsieur Tric con Bob De Moor ;
- Prudence Petitpas con Maurice Maréchal ;
- Globul le Martien et 'Alphonse' con Tibet (Gilbert Gascard) ;
- Modeste et Pompon con André Franquin ;
- Strapontin con Berck (Arthur Berckmans) ;
- Oumpah-Pah con Albert Uderzo de 1958 à 1962.
A too esto améstense delles apariciones nes revistes Paris-Flirt y la so collaboración con Morris en (Lucky Luke, 1955-1977).
Revista Pilote y Astérix
[editar | editar la fonte]En 1959, les editoriales Édifrance/Édipresse llancen la revista Pilote. Goscinny conviértese nun de los escritores más productivos pal magazine. Na primera edición asoleya la so más famosa creación, Astérix, con Uderzo. Fai de Pilote un magazine p'adolescentes, publicando unes historietes más creatives y lliberaes que les de la prensa pa neños. Goscinny retoma la escritura de nueves histories de Colasín y Jehan Pistolet, agora llamáu Jehan Soupolet. El magazine ye compráu por Georges Dargaud en 1960 depués Goscinny conviértese en redactor xefe ente 1963 en 1974. Entama nueves series:
- Les Divagations de Monsieur Sait-Tout (con Martial) ;
- La Potachologie Illustrée y Le Potache est servi (con Cabu) ;
- Les Dingodossiers con Gotlib de 1965 a 1967 ;
- La Forêt de Chênebeau (con Mic Delinx);
- Iznogoud (con Jean Tabary de 1962 a 1977. Esta serie entamó na revista Record (Bayard presse) baxó'l títulu de les Aventures du calife Haroun-el-Poussah.
Cásase con Gilberte Pollaro-Millo en 1967. En 1968 naz la so fía Anne. Goscinny muerre d'una parada cardiaca'l 5 de payares de 1977 a la edá de 51 años durante una prueba d'esfuerzu rutinaria na clínica de la rue de Chazelles en París.
Anécdotes
[editar | editar la fonte]Goscinny foi guionista y dibuxante (!) del Capitaine Bibobu, serie apaecida en 1955 nel selmanariu en color con formatu de periódicu «Risque-tout ».
Goscinny yera un personaxe recurrente nos gags d'Achille Talon, nel qu'encarna al malhumoráu redactor xefe del periódicu Polite.
Una respuestanun cuestionariu « a la Proust » de Pilote carauterística del humor y de la modestia de René Goscinny :
- ¿Qué compraría usté si se convirtiera nuna persona mui rica?
- Compré un apartamentu.
Viendo nun aeropuertu un neñu riendo mientres lleía un cómic, dixo-y a un amigu que lu acompañaba: « Ves, esto ye la nuestra lexón d'honor»
El pueblu de Saint-André-sur-Orne, en Calvados (14), cuenta con una "escuela primaria René Goscinny".
Obres traducíes al asturianu
[editar | editar la fonte]- Colasín: Traducción de Felicidad Fernández González. Academia de la Llingua Asturiana (1990) ISBN 84-86936-19-5
- Xuacu tien problemes: Traducción de Felicidad Fernández González. Ediciones Azucel (1991) ISBN 84-86546-34-6
- Astérix en Britania: Traducción de Xosé Antón González Riaño. Alborá Llibros (1992) ISBN 84-7510-584-X
- Les vacaciones de Colasín: Traducción d'Inaciu Iglesias Fernández. Publicaciones Ámbitu (2000) ISBN 84-95640-04-X
Referencies
[editar | editar la fonte]- ↑ Afirmao en: Q3423660.
- ↑ 2,0 2,1 Afirmao en: Biblioteca Digital de Literatura Neerlandesa. Data de consulta: 17 setiembre 2024. Identificador DBNL: gosc001. Llingua de la obra o nome: neerlandés. Autor: Digital Library for Dutch Literature.
- ↑ 3,0 3,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ RKDartists: 232345. Afirmao en: RKDartists. Data de consulta: 19 xunu 2020. Llingua de la obra o nome: neerlandés.
- ↑ Afirmao en: Fichier des personnes décédées mirror. Fichier des personnes décédées ID (matchID): 4BUAUkzqGO49. Data de consulta: 9 xunu 2022.
- ↑ Direición web d'archivu: http://web.archive.org/web/20121110063012/http://sciencesetavenir.nouvelobs.com/sante/20121108.OBS8681/le-gag-rate-de-goscinny-mourir-d-un-arret-du-c-ur-chez-son-cardiologue.html. Data de consulta: 14 agostu 2019. Títulu: Le gag raté de Goscinny : mourir d’un arrêt du cœur chez son cardiologue.
- ↑ Afirmao en: autoridaes BNF. Identificador BnF: 11905455f. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ «René Goscinny». Consultáu'l 13 marzu 2024.
Enllaces esternos
[editar | editar la fonte]| Control d'autoridaes |
|
|---|
Datos: Q192214
Multimedia: René Goscinny
Cites famoses: René Goscinny