Satyrium ilicis

Satyrium ilicis;
Clasificación científica
Reinu:	Animalia
Filu:	Arthropoda
Subfilu:	Hexapoda
Clas:	Insecta
Orde:	Lepidoptera
Suborde:	Glossata
Infraorde:	Heteroneura
(ensin clasif.):	Ditrysia
Superfamilia:	Papilionoidees
Familia:	Lycaenidae
Subfamilia:	Theclinae
Tribu:	Eumaeini
Xéneru:	Satyrium
Especie:	S. ilicis; Esper, 1779
Consultes
	[editar datos en Wikidata]

La Satyrium ilicis ye una pequeña caparina marrón de la familia Lycaenidae que vive nes carbayeres y encinales del occidente euroasiáticu. Foi descrita por Eugenius Johann Christoph Esper en 1779 como Papilio ilicis.^[1]^[2]^[3]

Descripción

Son pequeñes, de casi 3 a 3,5 cm de valumbu, ales anteriores ente 14 y 16 mm, más grandes les femes que los machos. L'anversu de les ales de los machos presenten un color marrón escuru, con una pequeña mancha androconial escura casi inapreciable nes ales anteriores y nes posteriores una mancha naranxa nel vértiz añal y un apéndiz caudal blancuciu en V2. Les anteriores de les femes suel tener una gran mancha postdiscal naranxa o ocre. L'aviesu en dambos sexos ye tamién de color marrón, anque más claru, con una llinia discontinua bicolor —blancu y marrón— na zona postdiscal de les ales anteriores. Nes posteriores, amás d'esa mesma llinia na zona postdiscal, tien cinco lúnules anaranxaes submarxinales bordiaes de negru.

Como'l restu d'especies de la so familia les gates son daqué esplanaes, con finos pelos, cabeza retráctil y aspeutu de llimiagu.

Les imagos presenten nes sos cabeces palpos llargos y blancos, güeyos grandes y escuros y antenes anillaes en blancu. Dambos sexos tienen trés pares de pates funcionales pa caminar o garrase, con ales fuertes y bien proporcionaes que-yos dexen volar rápido, posándose en bebezones o llamargues nos calorosos díes de branu.

Ciclu biolóxicu

Ye una especie univoltina, superando la diapausa n'estáu de güevu. Les canesbes eclosionen de primeres de la primavera y empiecen a alimentase de les fueyes de encina o carbayu, dende la nervadura central escontra la periferia. Tamién pueden alimentase d'espín cerval o de zrezal de recímanos. Ye mirmecófila cola especie Camponotus aethiops. A finales de la primavera tresformase en pupa. Los imagos vuelen de primeres del branu, nos meses de xunu y xunetu, cuando se reproducen y depositen los güevos.

Distribución y hábitat

Pueden ser vistes en poblaciones esvalixaes pero abondosos en encinales, carbayeres y monte baxu, según n'araxales secos cubiertos de maleza y en fasteres pindies ente carbayeres, dende baxa altitú hasta los 1500 m.

Tien una distribución eurasiática occidental. Ocupa toa Europa, dende los países bálticos y sur de Suecia hasta la península ibérica, Asia Menor y El Líbanu; faltando de les islles, tanto mediterránees como atlántiques; na península ibérica ye más abondosa nos encinales y carbayeres de los Pirineos y cordelera Cantábrica, norte del Sistema Ibéricu, norte y suroeste de Portugal y norte del Sistema Penibéticu, anque pue ser atopada tamién en zones entemedies.

Sinonimia

Papilio ilicis Esper, 1779;
Papilio lynceus Fabricius, 1787
Thecla caudatula Zeller, 1847
Thecla bischoffii Gerhard, 1850
Thecla bischoffii cilicica (Holtz, 1897)
Thecla syra Pfeiffer, 1932
Thecla syra pinoptas (Zerny, 1932)

Referencies

↑ (n'inglés) [1] Saturium ilicis
↑ (castellán) [2] Satyrium ilicis
↑ (n'inglés) [3] Styrium ilicis Lepidoptera and their ecology

Enllaces esternos

[1] (n'inglés) [1] Saturium ilicis

[2] (castellán) [2] Satyrium ilicis

[3] (n'inglés) [3] Styrium ilicis Lepidoptera and their ecology

[1]

[2]

[3]