Tamavafa gadakiewega koe Gambia

Bat teliz va kot debak bendeyen dene Tamavafa Gadakiewega ke UNESCO koe Gambia otular.

Bak 2018, toloy debak ke Gambia tid ke winugafa vexala ke Tamavafa Gadakiewega : 2 arayaf.

Winugafa vexala

Bat debak bevular iyelaf

Raporeyxo ke Senegambia	Welmot : 0.9 km²
Arayaf debak bendeyen bak 2006	Ludeem : (i) (iii)	UNESCO otuk : 1226
Debala : Central River Utca	Maneka : 13° 41' 28" L-, 15° 31' 23" T-
Raporeyxo ke Senegambia. Bata belcapa dem raporeyafu ivamu va burkafa avplekura ( loon 1000 cugexa ) tadled, moe nok mantaf gu 100 km- kene Gambia bost vas 350 km-. Balemoya belca ( Sine Ngayène is Wanar is Wassu is Kerbatch ) va 93 ivamu is jontika tcarma ( caxafo juro ) lospad. Konaku al zo joxad nume va rawopafa tadlexa evlon gu -III^-eafa decemda ik XVI^-eafa decemda al razdad. Ivamu dem mudjaf raporey trumon ilbodeyen is dositafa tcarma va glupaf tumtaf patectoy tadleyen remi loon 1500 tanda divnedid ise va trigaf is jijasaf is grustapayan selt munested. ^[1]

James ewala	Welmot : 0.7 km²
Arayaf debak bendeyen bak 2003	Ludeem : (iii) (vi)	UNESCO otuk : 761
Debala : Banjul Utca, Lower Niumi Utca, Upper Niumi Utca	Maneka : 13° 18' 58" L-, 16° 21' 25" T-
James Ewala ( Kunta Kinteh ewala ) is gesian debakeem va yone sarepe isu kerdela ke kakevera wal Afrika is Europa kene Gambia bost vrutad, i va trenaca mali abdiboniarafa is abdilevetirafa rekola kali volruptesuca. Bat debak belcon tir zolonackaf gu gesiara gu toza ke levetirikafa kazara is tunera va ina. Va taneafa kuksakelda fenkuyuna van idja ke Afrika dere vrutar. ^[2]