Gennadi Tarxanov

Vikipediya, azad ensiklopediya
Naviqasiyaya keç Axtarışa keç
Gennadi Nikolayeviç Tarxanov
rus. Геннадий Николаевич Тарханов
Şəxsi məlumatlar
Doğum tarixi
Doğum yeri Rusiya İmperiyası Rusiya imperiyası
Vəfat tarixi bilinmir
Vətəndaşlığı Rusiya imperiyası
Azərbaycan Xalq Cümhuriyyəti
Milliyyəti rus
Hərbi fəaliyyəti
Mənsubiyyəti Rusiya İmperator Ordusu
Azərbaycan Xalq Cümhuriyyətinin Milli Ordusu
Xidmət illəri 1871-1920
Rütbəsi General-leytenant
Döyüşlər Birinci Dünya müharibəsi
Təltifləri 3rd Class Order of Saint Vladimir2nd Class Order of Saint Vladimir1st Class Ode of Saint Stanislaus2nd Class Order of Saint Anne3rd Class Ode of Saint Stanislaus1st Class Order of Saint Anne

Gennadi Nikolayeviç Tarxanov (d. 8 sentyabr 1854 — ?) — rus kökənli Azərbaycan hərbi xadimi və general-leytenantı.

Həyatı

[redaktə | mənbəni redaktə et]

8 sentyabr 1854-cü ildə dünyaya gəlmişdir. Provoslav olmuşdur.[1]

Rusiya İmperator Ordusunda xidməti

[redaktə | mənbəni redaktə et]

6 sentyabr 1871-ci ildə sıravi yunker kimi Nikolevskoye Mühəndis Məktəbinə daxil olmuş və 7 avqust 1874-cü ildə II mühəndis taborunda podpuruçik rütbəsi ilə hərbi xidmətə başlamışdır. 1877–1878-ci illərdə olmuş Rus-Türk müharibəsində bu taborun tərkibində iştirak etmişdir. 13 iyul 1877-ci ildə isə, poruçik rütbəsinə yüksəlmişdir.[1]

Nikolevskoye Mühəndis Məktəbini fərqlənmə ilə bitirən Tarxanov Tiflis mühəndislik dairəsində işləmiş və 6 dekabr 1895-ci ildə polkovnik-leytenant rütbəsinə yüksəlmişdir. 26 avqust 1897-ci ildən 27 mart 1900-cü ilə qədər Tiflis mühəndislik dairəsində rəis müavini vəzifəsində xidmət etmişdir. 27 mart 1900-cü ildən etibarən Baş Mühəndislik İdarəsinin sərəncamında olan dövlət tərəfindən təyin edilmiş ştat zabitləri sırasına daxil edilmişdir. 9 aprel 1900-cü ildə polkovnik rütbəsinə yüksəldilmişdir.[1]

16 fevral 1904-cü ildən Tiflis mühəndislik dairəsinin rəisi olmuş, 24 iyun 1910-cu ildə Qafqaz Hərbi Dairəsinin rəisinin müavini təyin edilmişdir. 1910-cu ildə general-mayor olmuşdur. 22 oktyabr 1912-ci ildə Qafqaz Hərbi Dairəsinin Qoşunlarının Mənzil Müavinətləri İdarəsinin rəisi təyin edilən Tarxanov 1916-cı ildə general-leytenant rütbəsinə yüksəldilmişdir.[2]

AXC Milli Ordusunda xidməti

[redaktə | mənbəni redaktə et]

1919–1920-ci illərdə Azərbaycan Xalq Cümhuriyyəti ordusunda xidmət etməyə başlamışdır. Bu xidməti boyunca mühəndislik şöbəsinin müdiri vəzifəsində çalışmış, eyni zamanda da Hərbi Şuranın üzvü olmuşdur.[3] Bolşeviklər tərəfindən həyata keçirilən Aprel işğalından sonrakı taleyi bilinmir.

Həmçinin, oğlu Yevgeni Tarxanov da Azərbaycan Xalq Cümhuriyyəti ordusunda xidmət etmişdir. 18 fevral 1919-cu ildən xidmətinə başlayan polkovnik-leytenant Yevgeni Tarxanov I haubitsa diviziyonunun komandiri olmuş və 24 mart 1920-ci ildə polkovnik rütbəsinə yüksəlmişdir.

Mükafatları

[redaktə | mənbəni redaktə et]
  • III dərəcəli "Müqəddəs Stanislav" ordeni (1878)
  • II dərəcəli "Müqəddəs Anna" ordeni (1893)
  • III dərəcəli "Müqəddəs Vladimir" ordeni (1 may 1906)
  • I dərəcəli "Müqəddəs Stanislav" ordeni (1913)
  • I dərəcəli "Müqəddəs Anna" ordeni (28 fevral 1916)
  • II dərəcli "Müqəddəs Vladimir" ordeni (2 iyun 1916)

Həmçinin bax

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ 1 2 3 "Проект «Русская армия в Великой войне»". www.grwar.ru. 2 January 2022 tarixində arxivləşdirilib. İstifadə tarixi: 2 January 2021.
  2. ↑ Şəmistan Nəzirli. "Gennadi Tarxanov". genderi.org. 2 January 2022 tarixində arxivləşdirilib. İstifadə tarixi: 2 January 2021.
  3. ↑ Азербайджанская Демократическая Республика (1918—1920). Армия. (Документы и материалы). — Баку, 1998, с. 147. Baku. 1998. səh. 147.
Mənbə — "https://az.wikipedia.org/w/index.php?title=Gennadi_Tarxanov&oldid=7747493"