Türkmənistan Sovet Sosialist Respublikası bayrağı

Türkmənistan Sovet Sosialist Respublikası bayrağı
Təfərrüatlar
Qəbul edilib	1 avqust 1953
Proporsiya	1:2
Dizayn	Düz qırmızı fon, yuxarı sol küncdə sarı çəkic və oraq üzərində sarı çərçivəli qırmızı ulduz. Bayrağın ortasında iki mavi paralel zolaq.
Vikianbarda əlaqəli mediafayllar

Türkmənistan Sovet Sosialist Respublikası bayrağı — 1 avqust 1953-cü ildə Türkmənistan Sovet Sosialist Respublikası tərəfindən istifadə olunmağa başlanıb.

Sovet Sosialist Respublikaları İttifaqının bayrağından ilhamlanaraq yaradılan bayraq, Qırğızıstan Sovet Sosialist Respublikası bayrağı ilə demək olar ki, eynidir. İki mavi zolaq (1/3 ölçüdə) Amudərya və Sırdərya çaylarını, aralarındakı qırmızı zolaq (¹⁄₂₀ ölçü) isə "işçi sinfinin" mübarizəsini ifadə edir. Oraq və çəkic fəhlə və kəndli siniflərinin birliyini, qırmızı ulduz isə kommunist partiyasını simvolizə edir.

Tarixi

1927-ci il mayın 13–20-də keçirilən Türkmənistan SSR Sovetlərinin II qurultayı Türkmənistan SSR Konstitusiyasını qüvvəyə mindirdi. Bayraq 83-cü bənddə təsvir edilmişdir;

Türkmənistan Sovet Sosialist Respublikasının dövlət bayrağı yuxarı sol küncdə 1:2 nisbətində qırmızı bayraqdan və sarı oraq, çəkic və tapança ilə birlikdə aşağıdakı şəkildə yerləşdirilmiş beşguşəli ulduzdan ibarətdir.

1930-cu ildən 1992-ci ilə qədər bayraq bir neçə dəfə dəyişdirilmişdir. 1973-cü il sentyabrın 26-da Türkmənistan Ali Sovetinin Rəyasət Heyəti bayrağa son şəklini verib. Bu versiyada oraq, çəkic və ulduzun mövqeyi bayraq dirəyinə yaxınlaşdırılıb.

1930-cu illərdə bayraq qırmızı bayrağın yuxarı sol küncündə Sovet Sosialist Respublikaları İttifaqının bayrağına bənzər böyük qızılı oraq və çəkic təsvir edirdi. 1937-ci ildən başlayaraq bayrağın yuxarı sol küncündə qızılı sarı rəngli çıxıntısız şriftlə kiril əlifbası ilə yazılmış "ТССР" hərfləri var idi. 1940-cı illərdən başlayaraq bayraq eyni olsa da, latın əlifbası hərfləri ilə "TSSR" yazılıb.

Türkmənistan 1991-ci ildə müstəqilliyini elan etdikdən sonra Türkmənistan Sovet Sosialist Respublikasının bayrağı yeni bayraq qəbul edilən 1992-ci ilin fevralına qədər dövlət bayrağı kimi istifadə olunmağa davam edib.

• 
  Türkmənistan SSR bayrağı (1925–1926)
• 
  Türkmənistan SSR bayrağı (1926–1937)
• 
  Türkmənistan SSR bayrağı (1937–1940)
• 
  Türkmənistan SSR bayrağı (1940–1953)
• 
  Türkmənistan SSR bayrağı (1953–1973)
• 
  Türkmənistan SSR bayrağı (1973–1991)