نوماینده‌لی دموکراسی و یا تمثیلی دموکراسی - دولایی دموکراسی و یا نوماینده‌لی حؤکومت اولاراق دا بیلینن، بیرباشا دموکراسی‌دن فرقلی اولاراق بیر قروپ اینسانی تمثیل ائدن سئچیلمیش شخص‌لرین پرینسیپی اساسیندا قورولموش بیر دموکراسی نؤوعودور.دئمک اولار کی، بوتون موعاصیر غرب طرزی دموکراسی‌لری بیر نؤوع تمثیلچی دموکراسی کیمی فعالیت گؤستریر؛ مثلا، اینگیس (پارلمانلی مونارشی)، فرانسه (واحید یاریم پرزیدنت جومهوریتی) و آمریکا بیرلشمیش دؤولت‌لری (نوماینده‌لی دموکراسی).
نوماینده‌لی دموکراسی هم پارلمان، هم ده پرزیدنت ایداره‌ائتمه سیستم‌لری‌نین بیر المنتی کیمی فعالیت گؤستره بیلر. تیپیک اولاراق بیرلشمیش کرال‌لیغین عوام مجلیسی و یا هیندیستانین ساب سابها کیمی بیر آلت مجلیس اؤزونو گؤستریر، آنجاق یوخاری مجلیس کیمی آنایاسا محدودیت‌لری ایله محدودلاشدیریلا بیلر. بعضی سیاسی نظریه‌چی‌لر (Robert A. Dahl, Gregory Houston و Ian Liebenberg داخیل اولماقلا) تمثیلچی دموکراسی‌نی پولی‌آرشی کیمی کاراکتریزه ائتدیلر. نوماینده دموکراسی حاکیمیتی خالق طرفیندن سئچیلن نوماینده‌لرین الینه وئریر. سئچکی سیستم‌لری سئچیجی‌لرین سیاسی پارتیالارا و یا سیاسی پارتیالارلا علاقه‌لی آدای‌لارا سس وئرمه‌سینی طلب ائدرسه و یا تشویق ائدرسه (فردی نوماینده‌لره سس وئرمگین عکسینه) سیاسی پارتیالار بو دموکراسی‌نین اساس فورماسی اولور.[۱]
