Баһауетдинов Мансур Баһауетдин улы

Баһауетдинов Мансур Баһауетдин улы
Зат	ир-ат
Гражданлыҡ	СССР
Тыуған көнө	1905
Тыуған урыны	Искәндәр, Бик-Ҡарамалы ауыл Cоветы (Дәүләкән районы), Дәүләкән районы
Хәрби звание	Капитан
Ғәскәр төрө	кавалерия[d]
Маҡтаулы исемдәре һәм башҡа бүләктәре

Баһауетдинов Мансур Баһауетдин улы (1905 йыл — ?) — Бөйөк Ватан һуғышы яугиры, гвардия капитаны. 112-се Башҡорт кавалерия дивизияһы кавалерия полкының ветеринар хеҙмәте начальнигы, 2-се ранг ветврачы. Ҡыҙыл Йондоҙ ордены кавалеры (1943).

Биографияһы

Мансур Баһауетдин улы Баһауетдинов 1905 йылда хәҙерге Башҡортостан Республикаһы Дәүләкән районының Искәндәр ауылында тыуған. Бөйөк Ватан һуғышы башланғас, Ҡыҙыл Армия сафына алына. Хеҙмәткә Дәүләкән районының хәрби комиссиариаты тарафынан саҡырыла. 8-се кавалерия корпусы 112-се Башҡорт кавалерия дивизияһының 275-се кавалерия полкының ветеринар хеҙмәте начальнигы вазифаһында хеҙмәт итә.

Батырлығы

Мансур Баһауетдинов, полктың ветхеҙмәт начальнигы булараҡ, аттарға ветеринария ярҙамы күрһәтеү эшендә фиҙаҡәрлеге һәм һуғыш яланында яраланған аттарҙы эвакуациялағанда күрһәткән батырлығы өсөн 1943 йылдың 6 февралендә Ҡыҙыл Йондоҙ ордены менән бүләкләнә .

Маҡтаулы исемдәре һәм башҡа бүләктәре

• Ҡыҙыл Йондоҙ ордены (1943)
• «Ленинградты обороналаған өсөн» миҙалы
• «1941—1945 йылдарҙағы Бөйөк Ватан һуғышында Германияны еңгән өсөн» миҙалы

Әҙәбиәттә

Әхтәм Ихсан шәхси күҙәтеүҙәре һәм тарихи документтар нигеҙендә ижад иткән «Саҡма тояҡ аттарҙа» китабында Мансур Баһауетдиновты ла телгә ала. Унда яҙыусы ветеринария хеҙмәте начальнигы Мансур Баһауетдиновтың аттарҙы ауыр хәлдән ҡотҡарыу өсөн бөтә ветеринария врачтарын, фельдшерҙарҙы эшкә ылыҡтырыуы һәм сирле хайуандарҙы лазаретҡа оҙатыуы тураһында яҙа.

Һылтанмалар

• Электронный ресурс «Шаймуратовцы — воины 112-й кавалерийской дивизии». Личный состав. Багаутдинов Мансур Багаутдинович
• Наградной лист Багаутдинова Мансура Багаутдиновича (рус.) (Тикшерелеү көнө: 19 февраль 2021)