Rahina Ibu
| Rahina Ibu | |
|---|---|
 Kartu pos sané kamedalang olih Northern Pacific Railway anggén mikélingin Rahina Ibu ring Amérika Serikat warsa 1915 | |
| Kaodalin olih | Ring sajebag wewidangan ring guminé |
| Makna | Ngajiang yasa saking Ibu |
| Tanggal | Mabinayan; manut ring negarannyané |
| Terkait dengan | Rahina Ayah, Rahina Orangtua, Rahina Anak |
Rahina Ibu inggih punika rahina mikélingin yasa saking ibu ri sajeroning kulawarga, minakadi ring rabi, oka, wiadin ring wewidangan ipun maurip. Ketahnyané ring rahinané puniki, ibu nénten kaicénin magarapan sakadi pakaryan sané kalaksanayang ngarahina sakadi, nyakan, ngupapira oka, taler unduk ring kulawarga sané lianan. Ring Indonésia, pikéling rahina Ibu kalaksanayang nyabran tanggal 22 Désémber miwah kaadegang pinaka rahina pikéling nasional.
Ring Amérika, saha ring 75 negara lianan minakadi Australia, Kanada, Jerman, Italia, Jepang, Belanda, Malaysia, Singapura, Taiwan, dan Hong Kong, pikéling Rahina Ibu utawi Mother's Day (ring basa Inggris) kalaksanayang ring rahina Redité wuku kaping kalih ring sasih Méi. Ring sakancan panagara Éropa miwah TImur Tengah, Rahina Anak Istri Internasional utawi International Women's Day kalaksanayang nyabran tanggal 8 Maret.[1]
Rahina Ibu ring Indonésia kalaksanayang nyabran tanggal 22 Désémber. Tanggal puniki karesmiang olih Presidén Soekarno manut Keputusan Présidén Républik Indonésia No. 316 Tahun 1959 tanggal 16 Désémber 1959, daweg wanti warsa kaping 25 Kongrés Perempuan Indonésia 1928. Tanggal punika kapilih satmaka mikélingin semangat istri-istriné ring Indonésia saha nincapang rasa nasionalitas I ragané. Sané mangkin, Rahina Ibu sampun akéh pabinannyané, mangkin rahina puniki kalaksanayang anggén nyurahang rasa tresna kampining ibu. Para janané saling matukar adiah miwah nglaksanayang sakancan pacentokan, sakadi pacentokan masak tur nganggén kebaya.[2]
Rahina Ibu ring Indonésia kalaksanayang daweg wanti warsa kapertama pamungkah Kongrés Perempuan Indonésia, sané kalaksanayang tanggal 22 kantos 25 Désémber 1928[3][4]. Kongrés puniki kalaksanayang ring genah mawasta Dalem Jayadipuran[5], sané mangkin pinaka kantor Balai Pelestarian Sejarah dan Nilai Tradisional di Jl. Brigjen Katamso, Yogyakarta. Kongrés puniki karauhin kirang langkung 20 organisasi para istri daking 12 kota ring Jawa miwah Sumatra. RIng Indonésia, organisasi Meutia, Maria Walanda Maramis, Dewi Sartika, Nyai Ahmad Dahlan, Rasuna Said, miwah sané lianan[3]. Kongrés punika matetujon mangda swadikara sakancan istri ring widang pendidikan miwah pawiwahan nincap[6].
Indonésia taler nglaksanayang Rahina Kartini nyabran 21 April, anggén mikélingin aktivis istri Radén Ajeng Kartini. Rahina puniki taler satmaka rahina anggén mikélingin emansipasi istriné[4]. Pikéling rahina puniki karesmiang daweg Kongrés Perempuan Indonésia 1938. Daweg Presidén Soekarno ngadegang Kartini pinaka pahlawan nasional émansipasi wanita miwah rahina embasnyané Kartini kadadosang rahina émansipasi wanita nasional. Sakéwanten akehan warga Indonésiané nentén cumpu antuk makudang-kudang panampén, minakadi Kartini wantah berjuang ring Jepara miwah Rembang, Kartini pro-Belanda yéning kasandingin tekén Cut Nyak Dien, msl. Santukan Soekarno sampun kadung ngadegang Rahina Karini punika mawinan Soekarno mamanah punapi antuk mikélingin pahlawan istri sané lianan sakadi Martha Christina Tiahahu, Cut Nyak Meutia, Maria Walanda Maramis, Dewi Sartika, Nyai Ahmad Dahlan, Rasuna Said, msl. Pamuputnyané Soekarno makarya Rahina Ibu Nasional pinaka rahina anggén mikélingin pahlawan istri wiadin para pahlawan saking para ibu miwah sajebag warga Indonésia cumpu antuk punika.
- ↑ Beda dengan Hari Ibu di Indonésia, Ini Sejarah Mother's Day, Tempo, kaaksés 13 Juni 2021
- ↑ Wardhani, Lynda K (22 December 2010). "In observance of Mother's Day". The Jakarta Post. Kaarsipin saking versi asli tanggal 4 March 2016.
- ↑ 3,0 3,1 seenthing (21 December 2010), Sejarah Perayaan Nasional Hari Ibu 22 Desembe, kaarsipin saking versi asli tanggal 22 December 2015, kaaksés 21 December 2020
- ↑ 4,0 4,1 Chilla Bulbeck (2009), Sex, Love and Feminism in the Asia Pacific: A Cross-cultural Study of Young People's Attitudes, ASAA women in Asia, Routledge, ISBN 9781134104697
- ↑ Dalem Jayadipuran Archived 2011-07-21 at the Wayback Machine, Balai Pelestarian Sejarah dan Nilai Tradisional Yogyakarta
- ↑ Kathryn Robinson (2009), Gender, Islam and Democracy in Indonésia, ASAA women in Asia, Routledge, pp. 3, 36, 44, 72, ISBN 9781134118830