Schwoarzbrod

De Rindn vo an Boarischn Hausbrod

A Schwoarzbrod, aa Bauanloab oda Boarisches Hausbrod (dt. Schwarzbrot, Bayerisches Hausbrot) is a dungls Mischbrod aus Koan und Woazn mid weit mehra wia 50% Koan (bis 90%). Es wead mid Sauadoag bocha und hod a knusprige, teiweis afgrissane Rindn. Desweng weads mangmoi a Krustnbrod gnennt.

As traditioneje Bauanbrod bstähd nua aus Koanmej, Woaznmej, Wossa, Sauadoag, Soiz und Brodgwiaz noch Woi, wia Kimme, Anis, Fenchl und Korianda. Gfoamt is ois Loab oda ois Weckn. Heit hod as Schwoarzbrod fost imma an Voikoanootei oda is ganz ois Voikoanmeh gmocht.

Aussahoib vo Estreich, Bayern und Sidtiroi vastäht ma unta Schwoarzbrod wos andas. As Rheinische Schwoarzbrod wead beispuisweis mid Zuckaruamsirup gmocht und wead af spezieje Weis bocha, desweng schmeckts aa komplett andas.